NA SAME 130
130
Sa tagi vei Jiova, ka sa waraki koya.
A Same ni cabecabe.
1Mai na wai titobu ka'u sa tagi vei kemuni, Jiova.
2I Jiova, mo ni rogoca na domoqu;
Me vakarorogo na daligamuni
Ki na domo ni noqu masu.
3Kevaka ko ni sa nanuma, Jiova, nai valavala ca
O cei kemuni na Turaga, me na bula rawa?
4Ia sa tiko vei kemuni na loloma,
Mo ni vakarokorokotaki kina.
5Au sa waraki Jiova, sa wawa tiko na yaloqu,
Ka'u sa nuitaka me na yaco na nona vosa.
6Sa yadrava vakalevu na Turaga na yaloqu
Ka vakalailai na nodra yadrava na mataka nai vakatawa:
Io, na nodra yadrava na mataka nai vakatawa.
7Me ra nuitaki Jiova ko ira na Isireli:
Ni sa tiko vua na yalololoma,
Ka sa tiko talega vua na bula levu.
8Ena vakabulai ira na Isireli ko koya
Mai na nodra i valavala ca kecega.
Currently Selected:
NA SAME 130: FOV
Highlight
Copy
Compare
Share
Want to have your highlights saved across all your devices? Sign up or sign in
Vakavakadewa Makawa (Fijian Old Version) © Bible Society of the South Pacific
