NA SAME 126
126
Era vakavinavinaka ko ira nai soqosoqo lewe ni lotu ni sa qai ia na Kalou me vakabulai ira mai na vanua ni meca; ka ra sa masuti koya me tinia vakavinaka sara.
A Same ni cabecabe.
1Ni sa vakalesuya tale ko Jiova na bobula ni Saioni,
Eda a vakataki ira era sa tadra.
2Sa qai ka levu na dredre e na gusuda.
Ka levu na sere e na yameda:
Era sa qai kaya ko ira e na veimatanitu,
Sa cakava na ka levu ko Jiova e na vukudra.
3Sa cakava na ka levu ko Jiova e na vukuda;
Eda sa marau kina.
4Mo ni lesu tale mai, Jiova, vei keimami sa vakabobulataki,
Me vaka na uciwai mai na mata ni ceva.
5O ira era sa tagi lako ni ra sa kabukaburaki voli, era na sere ga ni ra sa tatamusuka.
6O koya sa lako yani ka tagi voli, ni sa kauta na sore ni sila;
Ena lesu tale mai e na marau,
Ni sa kauta vata kaya mai na nona veivau sila.
Currently Selected:
NA SAME 126: FOV
Highlight
Share
Compare
Copy
Want to have your highlights saved across all your devices? Sign up or sign in
Vakavakadewa Makawa (Fijian Old Version) © Bible Society of the South Pacific
