NA SAME 10
10
Na tamata yalododonu ni sa vakararawataki, sa masu vei Jiova, ka sa vakararavi vua.
1I Jiova, ko ni sa tu vakayawa e na vuku ni cava?
Ko ni sa vunitaki kemuni e na veisiga ni rarawa e na vuku ni cava?
2Ni sa viavialevu na tamata ca sa vakacacani koya sa dravudravua;
Mo ni lewa me ra vauci e na vere era sa bukia.
3Sa dokai koya na tamata ca e na vuku ni gagadre ni yalona,
Ka sa doka na daukocokoco, ia sa beci Jiova.
4Ni sa viavialevu na matana na tamata ca, sa sega ni via vakasaqara na Kalou:
Sa takali na Kalou e na ka kecega sa nanuma.
5A ka ni dauveivakararawataki na nonai valavala e na veisiga kecega
Na nomuni lewa sa yawasivita cake na ka sa raica na matana:
Ia na nona meca kece sa vakasiusiutaka ko koya.
6Sa kaya e lomana, Ka'u na sega sara ni vakayavalati;
Ka'u na sega ni kunea na rarawa mai nai tabatamata e dua ka yacova nai tabatamata kadua.
7Sa sinai na gusuna e na ruru kei na dauveivakaisini kei na lasu;
Sa tu e ruku ni yamena na ca kei na veivakacacani.
8Sa lawa koto e na veikoro lalai;
E na yasana vuni sa labati ira era sa sega ni cala;
Sa vakaraici ira lo na matana me vakacacana na malumalumu.
9Sa tiko vakailawaki e na yasana vuni me vaka na laioni e na nona qara;
Sa lawakitaki ira na malumalumu me vauci ira;
Sa vauca dina na malumalumu ni sa coriti koya e na nona lawa.
10Sa qai vakanovonovo ko koya ka sa cuva,
Me bale e na nona kaukauwa na tamata malumalumu.
11Sa kaya e lomana, Sa guilecava ko koya na Kalou;
Sa vunia na matana, ena sega sara ni raica.
12I Jiova, mo ni tu cake; ni dodoka yani na ligamuni, na Kalou;
Ni kakua ni guilecavi ira era sa vakararawataki.
13E na cava sa beci koya kina na Kalou na tamata ca?
Sa kaya e lomana, Ko ni na sega ni taroga.
14O ni a kunea ga; ko ni sa vakaraica na vakacaca kei na lomaca, me tara kenai sau:
Sa laivi koya vei kemuni na malumalumu;
Ko ni sa dauvukei koya na luveniyali.
15Musuka na tabana na tamata lomaca kai valavala ca:
Mo ni vakasaqara na nona ca me sa sega tale ni kune rawa.
16A Tui ko Jiova ka sega ni mudu;
Sa kawaboko mai na nona vanua na lewe ni veimatanitu.
17I Jiova, ko ni a rogoca na nodra gagadre na malumalumu:
Kemuni na vakataudeitaka na yalodra, ko ni na vakatu daliga me rogoca:
18Me lewa na luveniyali kei koya sa vakararawataki;
Me ra kakua tale ni ia na veivakasaurarataki ko ira na turaga kei vuravura.
Currently Selected:
NA SAME 10: FOV
Highlight
Copy
Compare
Share
Want to have your highlights saved across all your devices? Sign up or sign in
Vakavakadewa Makawa (Fijian Old Version) © Bible Society of the South Pacific
