MACIU 9
9
Sa vakabula ko Jisu e dua sa tauvi-paralasi, 18. Sa kacivi Maciu, 9. Sa kana vata kei ira sa tamata ca, 1013. Sa vakatakila na ka era sa sega ni lolo kina na nona tisaipeli e na gauna ko ya, 1417. Sa qai vakabula na turidrabalavu, kei na goneyalewa sa ciba, kei na mataboko e le rua, kei na galu, 1834. A sa vakavulici ira na nona tisaipeli me ra daumasu me lewe vuqa nai talatala, 3538.
1A sa vodo ko koya ki waqa, ka lako ki tai kadua, ka yaco ki na nona koro.
2Ka raica, sa kau mai vua e dua na tamata sa tauvi-paralasi, a sa davo koto e na dua nai mocemoce: ia ni sa raica ko Jisu na nodra vakabauta, sa kaya vua sa tauvi-paralasi, Na luvequ, mo vakacegu; sa bokoci na nomu i valavala ca. 3Ka raica, eso na vunivola sa kaya e lomadra, O koya oqo sa vosavakacacataka na Kalou. 4A sa kila na nodra nanuma ko Jisu, ka kaya, A cava dou sa nanuma vakaca kina e na lomamudou? 5a cava vei rau e rawarawa cake, me kaya, Sa bokoci, na nomu i valavala ca; se me kaya, Mo tu cake, ka lako voli? 6ia mo dou kila kina ni sa rawata na Luve ni tamata e vuravura me bokoca nai valavala ca, (sa qai kaya ko koya vua sa tauvi-paralasi) Mo tu cake, ka kauta na nomu i mocemoce, ka lako ki na nomu vale. 7A sa tu cake ko koya, ka lako ki na nona vale. 8Ia ni ra sa raica ko ira na le vuqa, era sa kurabui, ka vakarokorokotaka na Kalou, ni sa solia ko koya na kaukauwa vakaoqo vei ira na tamata.
9A sa lako tani maikea ko Jisu, a sa raica e dua na tamata na yacana ko Maciu, sa tiko e na vale ni soli vakacavacava; a sa kaya vua, Muri au. A sa tu cake ko koya, ka muri koya.
10Ia ni sa kana tiko mai vale ko koya, raica, sa lewe vuqa na kumuna nai vakacavacava kei na tamatai valavala ca era sa lako mai, ka tiko me kana vata kei Jisu kei ira na nona tisaipeli. 11Ia ni ra sa raica ko ira na Farisi, era sa kaya vei ira na nona tisaipeli, A cava sa kana vata kina na nomudou i Vakavuvuli kei ira sa kumuna nai vakacavacava kei ira na tamatai valavala ca? 12Ia ni sa rogoca ko Jisu, sa kaya vei ira, Sa sega ni yaga na vuniwai vei ira sa bula vinaka, vei ira ga sa tauvi-mate: 13ia dou laki vulica nai balebale ni vosa oqo, Au sa vinakata na yalololoma, ka segai nai soro; ni kau sa sega ni lako mai meu kacivi ira na yalododonu, ko ira ga nai valavala ca, me ra veivutuni.
14Sa qai lako mai vua ko ira na tisaipeli i Joni, ka kaya, A cava sa lolo vakavuqa kina koi keimami kei ira na Farisi, ia na nomu tisaipeli era sa sega ni lolo? 15A sa kaya vei ira ko Jisu, Era sa tagi rawa li na weka ni tagane sa qai vakawati, ni sa tiko vata kei ira na tagane sa qai vakawati? ena yaco mai na siga, ena kau tani kina vei ira na tagane sa qai vakawati, ka ra na qai lolo. 16Ia sa sega na tamata sa cula vata na tiki ni sulu vou kei nai sulu madra, ni sa dresuka nai sulu na tikina sa botani kina, a sa qai kadresu vakalevu kina. 17Sa sega talega e dua sa vakataloca na waini vou ki na tavaya kuli-ni-manumanu madra: de kacabote na tavaya, ka sa dave yani na waini, ka sa ca na tavaya: ia era sa vakataloca na waini vou ki na tavaya vou, a sa maroroi ruarua kina.
18Ni sa tukuna tiko vei ira ko koya na veika oqo, raica, sa dua na turaga sa lako mai, ka cuva vua, ka kaya, Sa qai ciba na luvequ-yalewa: mo ni lako ga mai mo ni tabaki koya e na ligamuni ena bula kina. 19Sa qai cavu tu ko Jisu, ka muri koya, kei ira talega na nona tisaipeli.
20Ka raica, sa dua na yalewa sa turidrabalavu ka yabaki tinikarua, sa lako mai ki dakuna, ka tara na tutu ni nonai sulu: 21ni sa kaya e lomana, Kevaka kau tara walega na nonai sulu, au na vakabulai. 22A sa rai vuki ko Jisu, ka kunei koya, ka kaya, Na luvequ-yalewa, mo vakacegu; sa vakabulai iko na nomu vakabauta. A sa bula na yalewa mai na tiki-ni-siga ko ya.
23Ia ni sa tadu ko Jisu ki na vale ni turaga, a sa raici ira era sa dauuvu bitu, kei ira na lewe vuqa era sa tagiyaso, 24sa kaya vei ira ko koya, Dou lako mada yani; ni sa sega ni ciba na goneyalewa, sa moce walega. A ra sa dredrevaki koya. 25Ia ni ra sa vakatalai na lewe vuqa, sa curu ko koya, a sa taura na ligana, a sa tu cake na goneyalewa. 26A sa kuruvaki ki na vanua taucoko ko ya na kenai rogorogo.
27Ia ni sa lako tani maikea ko Jisu, sa muri koya e lewe rua na tamata mataboko, a rau sa kaci, ka kaya, Na luve i Tevita, lomani keirau mai. 28Ia ni sa curu ki vale ko koya, sa lako mai vua koi rau na tamata mataboko; a sa kaya vei rau ko Jisu, Drau sa vakadinata niu sa cakava rawa na ka oqo, se segai? Erau sa kaya vua, Io, na Turaga. 29Sa qai tara na matadrau ko koya, ka kaya, Me yaco vei kemudrau me vaka na nomudrau vakabauta. 30A sa rai na matadrau; a sa vakarota matua vei rau ko Jisu, ka kaya, Raica, me kakua ni kila e dua. 31Ia koi rau ni rau sa lako yani, erau sa vakarogoya na kenai rogorogo ki na vanua taucoko ko ya.
32Ia ni ra sa lako ki tautuba, raica, sa kau mai vua e dua na tamata galu sa curuma e dua na tevoro. 33Ia ni sa vakasevi tani na tevoro, sa vosa na galu: a ra sa kurabui sara na lewe vuqa, ka kaya, Sa sega na ka vakaoqo sa rairai e na dua na gauna e Isireli. 34A ra sa kaya na Farisi, Sa vakasevi ira na tevoro ko koya e na kaukauwa ni nodra turaga na tevoro.
35A sa lako voli ko Jisu e na veikoro kecega kei na veikoro lalai, ka vakatavuvuli e na nodra veivale ni lotu, ka vunautaka nai tukutuku-vinaka ni matanitu, ka vakabula kecega na mate kei na malumalumu kecega. 36Ia ni sa raici ira na lewe vuqa ko koya, sa lomani ira, ni ra sa malumalumu, ka biu wale tu, me vaka na sipi sa sega na nodra i vakatawa. 37Sa qai kaya vei ira na nona tisaipeli, E dina sa vakalewe na yabaki, a ra sa lewe lailai ga nai vakatau-ni-were; 38o koya mo dou masuti koya nai Taukei ni were, me tala yani eso nai vakatau-ni-were ki na nona were.
Currently Selected:
MACIU 9: FOV
Highlight
Share
Compare
Copy
Want to have your highlights saved across all your devices? Sign up or sign in
Vakavakadewa Makawa (Fijian Old Version) © Bible Society of the South Pacific
MACIU 9
9
Sa vakabula ko Jisu e dua sa tauvi-paralasi, 18. Sa kacivi Maciu, 9. Sa kana vata kei ira sa tamata ca, 1013. Sa vakatakila na ka era sa sega ni lolo kina na nona tisaipeli e na gauna ko ya, 1417. Sa qai vakabula na turidrabalavu, kei na goneyalewa sa ciba, kei na mataboko e le rua, kei na galu, 1834. A sa vakavulici ira na nona tisaipeli me ra daumasu me lewe vuqa nai talatala, 3538.
1A sa vodo ko koya ki waqa, ka lako ki tai kadua, ka yaco ki na nona koro.
2Ka raica, sa kau mai vua e dua na tamata sa tauvi-paralasi, a sa davo koto e na dua nai mocemoce: ia ni sa raica ko Jisu na nodra vakabauta, sa kaya vua sa tauvi-paralasi, Na luvequ, mo vakacegu; sa bokoci na nomu i valavala ca. 3Ka raica, eso na vunivola sa kaya e lomadra, O koya oqo sa vosavakacacataka na Kalou. 4A sa kila na nodra nanuma ko Jisu, ka kaya, A cava dou sa nanuma vakaca kina e na lomamudou? 5a cava vei rau e rawarawa cake, me kaya, Sa bokoci, na nomu i valavala ca; se me kaya, Mo tu cake, ka lako voli? 6ia mo dou kila kina ni sa rawata na Luve ni tamata e vuravura me bokoca nai valavala ca, (sa qai kaya ko koya vua sa tauvi-paralasi) Mo tu cake, ka kauta na nomu i mocemoce, ka lako ki na nomu vale. 7A sa tu cake ko koya, ka lako ki na nona vale. 8Ia ni ra sa raica ko ira na le vuqa, era sa kurabui, ka vakarokorokotaka na Kalou, ni sa solia ko koya na kaukauwa vakaoqo vei ira na tamata.
9A sa lako tani maikea ko Jisu, a sa raica e dua na tamata na yacana ko Maciu, sa tiko e na vale ni soli vakacavacava; a sa kaya vua, Muri au. A sa tu cake ko koya, ka muri koya.
10Ia ni sa kana tiko mai vale ko koya, raica, sa lewe vuqa na kumuna nai vakacavacava kei na tamatai valavala ca era sa lako mai, ka tiko me kana vata kei Jisu kei ira na nona tisaipeli. 11Ia ni ra sa raica ko ira na Farisi, era sa kaya vei ira na nona tisaipeli, A cava sa kana vata kina na nomudou i Vakavuvuli kei ira sa kumuna nai vakacavacava kei ira na tamatai valavala ca? 12Ia ni sa rogoca ko Jisu, sa kaya vei ira, Sa sega ni yaga na vuniwai vei ira sa bula vinaka, vei ira ga sa tauvi-mate: 13ia dou laki vulica nai balebale ni vosa oqo, Au sa vinakata na yalololoma, ka segai nai soro; ni kau sa sega ni lako mai meu kacivi ira na yalododonu, ko ira ga nai valavala ca, me ra veivutuni.
14Sa qai lako mai vua ko ira na tisaipeli i Joni, ka kaya, A cava sa lolo vakavuqa kina koi keimami kei ira na Farisi, ia na nomu tisaipeli era sa sega ni lolo? 15A sa kaya vei ira ko Jisu, Era sa tagi rawa li na weka ni tagane sa qai vakawati, ni sa tiko vata kei ira na tagane sa qai vakawati? ena yaco mai na siga, ena kau tani kina vei ira na tagane sa qai vakawati, ka ra na qai lolo. 16Ia sa sega na tamata sa cula vata na tiki ni sulu vou kei nai sulu madra, ni sa dresuka nai sulu na tikina sa botani kina, a sa qai kadresu vakalevu kina. 17Sa sega talega e dua sa vakataloca na waini vou ki na tavaya kuli-ni-manumanu madra: de kacabote na tavaya, ka sa dave yani na waini, ka sa ca na tavaya: ia era sa vakataloca na waini vou ki na tavaya vou, a sa maroroi ruarua kina.
18Ni sa tukuna tiko vei ira ko koya na veika oqo, raica, sa dua na turaga sa lako mai, ka cuva vua, ka kaya, Sa qai ciba na luvequ-yalewa: mo ni lako ga mai mo ni tabaki koya e na ligamuni ena bula kina. 19Sa qai cavu tu ko Jisu, ka muri koya, kei ira talega na nona tisaipeli.
20Ka raica, sa dua na yalewa sa turidrabalavu ka yabaki tinikarua, sa lako mai ki dakuna, ka tara na tutu ni nonai sulu: 21ni sa kaya e lomana, Kevaka kau tara walega na nonai sulu, au na vakabulai. 22A sa rai vuki ko Jisu, ka kunei koya, ka kaya, Na luvequ-yalewa, mo vakacegu; sa vakabulai iko na nomu vakabauta. A sa bula na yalewa mai na tiki-ni-siga ko ya.
23Ia ni sa tadu ko Jisu ki na vale ni turaga, a sa raici ira era sa dauuvu bitu, kei ira na lewe vuqa era sa tagiyaso, 24sa kaya vei ira ko koya, Dou lako mada yani; ni sa sega ni ciba na goneyalewa, sa moce walega. A ra sa dredrevaki koya. 25Ia ni ra sa vakatalai na lewe vuqa, sa curu ko koya, a sa taura na ligana, a sa tu cake na goneyalewa. 26A sa kuruvaki ki na vanua taucoko ko ya na kenai rogorogo.
27Ia ni sa lako tani maikea ko Jisu, sa muri koya e lewe rua na tamata mataboko, a rau sa kaci, ka kaya, Na luve i Tevita, lomani keirau mai. 28Ia ni sa curu ki vale ko koya, sa lako mai vua koi rau na tamata mataboko; a sa kaya vei rau ko Jisu, Drau sa vakadinata niu sa cakava rawa na ka oqo, se segai? Erau sa kaya vua, Io, na Turaga. 29Sa qai tara na matadrau ko koya, ka kaya, Me yaco vei kemudrau me vaka na nomudrau vakabauta. 30A sa rai na matadrau; a sa vakarota matua vei rau ko Jisu, ka kaya, Raica, me kakua ni kila e dua. 31Ia koi rau ni rau sa lako yani, erau sa vakarogoya na kenai rogorogo ki na vanua taucoko ko ya.
32Ia ni ra sa lako ki tautuba, raica, sa kau mai vua e dua na tamata galu sa curuma e dua na tevoro. 33Ia ni sa vakasevi tani na tevoro, sa vosa na galu: a ra sa kurabui sara na lewe vuqa, ka kaya, Sa sega na ka vakaoqo sa rairai e na dua na gauna e Isireli. 34A ra sa kaya na Farisi, Sa vakasevi ira na tevoro ko koya e na kaukauwa ni nodra turaga na tevoro.
35A sa lako voli ko Jisu e na veikoro kecega kei na veikoro lalai, ka vakatavuvuli e na nodra veivale ni lotu, ka vunautaka nai tukutuku-vinaka ni matanitu, ka vakabula kecega na mate kei na malumalumu kecega. 36Ia ni sa raici ira na lewe vuqa ko koya, sa lomani ira, ni ra sa malumalumu, ka biu wale tu, me vaka na sipi sa sega na nodra i vakatawa. 37Sa qai kaya vei ira na nona tisaipeli, E dina sa vakalewe na yabaki, a ra sa lewe lailai ga nai vakatau-ni-were; 38o koya mo dou masuti koya nai Taukei ni were, me tala yani eso nai vakatau-ni-were ki na nona were.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Vakavakadewa Makawa (Fijian Old Version) © Bible Society of the South Pacific