MACIU 8
8
Sa vakabula na vukavuka ko Jisu, kei na nona tamata na turaga ni valu, kei na tina ni wati i Pita, 117. Sa qai tukuna vei ira na nona tisaipeli nai valavala ni tamata sa muri koya, 1822. Sa qai vunauca na wai, 2327; a sa vakasevi ira na tevoro mai na tamata e le rua, 2834.
1Ia ni sa lako sobu mai na ulu-ni-vanua ko koya, era sa lewe vuqa sara sa muri koya.
2Ka raica, sa dua na tamata vukavuka sa lako mai ka cuva vua, ka kaya, Na Turaga, kevaka ko ni sa vinakata, ko ni sa vakasavasavataki au rawa. 3A sa dodoka na ligana ko Jisu, ka tarai koya, ka kaya, Au sa vinakata; mo savasava mai. A sa savasava vakasauri na nona vukavuka. 4A sa kaya vua ko Jisu, Raica, mo kakua mada ni tukuna vua e dua; ia mo laki vakaraitaki iko ga vua na bete, ka vakacabora nai madrali sa vakarota ko Mosese, me kenai vakadinadina vei ira.
5Ia ni sa curu ko koya ki Kapenaumi, sa lako mai vua e dua na turaga ni valu, ka masuta, 6ka kaya, Noqu Turaga, sa davo koto mai neitou na noqu tamata sa tauvi-paralasi, a sa yaluma vakalevu sara. 7A sa kaya vua ko Jisu, Au na laki vakabulai koya. 8Sa qai vosa na turaga ni valu, ka kaya, Na Turaga, au sa sega ni yaga mo ni curu ki na noqu vale: mo ni cavuta walega na vosa, ena bula kina na noqu tamata: 9niu sa turaga lailai ga koi au, kau sa lewa na sotia eso: ia kau sa kaya vua e dua, Mo lakani, a sa lakani; ka vei koya e dua tani, Mo lako mai, a sa lako mai; ka vei koya na noqu tamata, Mo kitaka oqo, a sa kitaka. 10Ia ni sa rogoca ko Jisu, sa kurabui, a sa kaya vei ira era sa muri tiko, Au sa kaya vakaidina vei kemudou, Au sa sega ni kunea vei ira na Isireli e dua na vakabauta levu vakaoqo: 11au sa kaya talega vei kemudou ni ra na lewe vuqa ena lako mai na tu i cake, mai ra talega; ka tiko sobu kei Eparaama, kei Aisake, kei Jekope, e na matanitu vakalomalagi: 12ia ko ira na gone ni matanitu era na biu ki na butobuto e tautuba; era na dautagi kina, ka vakasequruquru bati. 13Sa qai kaya vua na turaga ni valu ko Jisu, Mo lako ga; ia me vaka ko sa vakabauta, me yaco vei iko. A sa bula na nona tamata e na tiki-ni-siga ko ya.
14A sa lako ki na vale i Pita ko Jisu, a sa raica na tina ni watina, sa davo koto, ka tauvi-katakata. 15A sa tara na ligana ko koya, a sa takali vua na katakata: a sa tu cake ko koya, ka qaravi iratou.
16Ia ni sa qai yakavi, sa kau mai vei koya e lewe vuqa sa curumi ira na tevoro eso: a sa vakasevi ira na tevoro ko koya e na vosa, a sa vakabulai ira kecega sa tauvi-mate: 17o koya sa vakayacori kina na vosa sa tukuna ko Aisea na parofita, ka kaya, O koya ga sa kauta vua na noda malumalumu, ka colata na noda mate.
18Ia ni sa raica ko Jisu era sa lewe vuqa sara sa vakavolivoliti koya, sa kaya me ia na lako ki tai kadua.
19A sa lako mai e dua na vunivola, ka kaya vua, Vakavuvuli, au na muri iko ki na veiyasana ko na lako kina. 20Sa qai kaya vua ko Jisu, Sa vaqara na fokise, a sa vakairoro na manumanu vuka; ia na Luve ni tamata, sa sega vua na tikina me kotora kina na uluna. 21A sa dua tale na nona tisaipeli sa kaya vua, Kemuni na Turaga, laivi au meu lako mada meu buluti tamaqu. 22A sa kaya vua ko Jisu, Mo muri au; ka biuta na mate me ra buluta na nodra mate.
23Ia ni sa laki vodoka na waqa ko koya, era sa muri koya na nona tisaipeli. 24Ka raica, sa tubu na cava levu e na wasawasa, a sa luvu na waqa e na biau: a sa moce ko koya. 25Sa qai lako mai ko ira na nona tisaipeli, ka vakayadrati koya, ka kaya, Kemuni na Turaga, vakabulai keda: eda sa mate. 26A sa kaya vei ira ko koya, Dou sa rere e na vuku ni cava, koi kemudou sa lailai na nomudou vakabauta? Sa qai tu cake ko koya, ka vunauca na cagi kei na wasawasa; a sa maravu sara mai. 27A sa kidacala ko ira na tamata, ka kaya, E vakabeka evei nai tovo ni tamata oqo, ni sa talairawarawa vua na cagi kei na wasawasa!
28Ia ni sa udu ko koya ki tai kadua, ki na nodra vanua na kai Kerikesa, sa sota kaya e lewe rua sa curumi rau eso na tevoro, erau sa lako mai nai bulubulu, a rau sa yalocudrucudru sara, a sa sega kina na tamata sa lako rawa e na sala ko ya. 29Ka raica, era sa qoqolou, ka kaya, E vakaevei koi kedatou, kemuni Jisu na luve ni Kalou? ko ni sa lako beka mai ki ke me vakararawataki keimami ni sa sega ni yaco na kena gauna? 30A sa dua na qele ni vuaka levu sa vakani, sa vakayawa vei ira. 31A ra sa masuti koya ko ira na tevoro, ka kaya, Kevaka ko sa vakasevi keimami, laiva me keimami curuma na qele ni vuaka. 32A sa kaya vei ira ko koya, Dou lako ga. A ra sa lako tani, ka ra sa curuma na qele ni vuaka; ka raica, sa cici sara na qele ni vuaka taucoko e na baba ki na wai, ka ra sa mate e wai. 33Ia ko ira sa vakania, era sa dro, ka lako ki na koro, ka tukuna na ka kecega, kei na ka sa yaco vei rau ka curumi rau ko ira na tevoro. 34Ka raica, era sa lako kece yani na lewe ni koro me ra tavaki Jisu: ia ni ra sa raici koya, era sa masuta me lako tani yani e na nodra vanua.
Currently Selected:
MACIU 8: FOV
Highlight
Share
Compare
Copy
Want to have your highlights saved across all your devices? Sign up or sign in
Vakavakadewa Makawa (Fijian Old Version) © Bible Society of the South Pacific
MACIU 8
8
Sa vakabula na vukavuka ko Jisu, kei na nona tamata na turaga ni valu, kei na tina ni wati i Pita, 117. Sa qai tukuna vei ira na nona tisaipeli nai valavala ni tamata sa muri koya, 1822. Sa qai vunauca na wai, 2327; a sa vakasevi ira na tevoro mai na tamata e le rua, 2834.
1Ia ni sa lako sobu mai na ulu-ni-vanua ko koya, era sa lewe vuqa sara sa muri koya.
2Ka raica, sa dua na tamata vukavuka sa lako mai ka cuva vua, ka kaya, Na Turaga, kevaka ko ni sa vinakata, ko ni sa vakasavasavataki au rawa. 3A sa dodoka na ligana ko Jisu, ka tarai koya, ka kaya, Au sa vinakata; mo savasava mai. A sa savasava vakasauri na nona vukavuka. 4A sa kaya vua ko Jisu, Raica, mo kakua mada ni tukuna vua e dua; ia mo laki vakaraitaki iko ga vua na bete, ka vakacabora nai madrali sa vakarota ko Mosese, me kenai vakadinadina vei ira.
5Ia ni sa curu ko koya ki Kapenaumi, sa lako mai vua e dua na turaga ni valu, ka masuta, 6ka kaya, Noqu Turaga, sa davo koto mai neitou na noqu tamata sa tauvi-paralasi, a sa yaluma vakalevu sara. 7A sa kaya vua ko Jisu, Au na laki vakabulai koya. 8Sa qai vosa na turaga ni valu, ka kaya, Na Turaga, au sa sega ni yaga mo ni curu ki na noqu vale: mo ni cavuta walega na vosa, ena bula kina na noqu tamata: 9niu sa turaga lailai ga koi au, kau sa lewa na sotia eso: ia kau sa kaya vua e dua, Mo lakani, a sa lakani; ka vei koya e dua tani, Mo lako mai, a sa lako mai; ka vei koya na noqu tamata, Mo kitaka oqo, a sa kitaka. 10Ia ni sa rogoca ko Jisu, sa kurabui, a sa kaya vei ira era sa muri tiko, Au sa kaya vakaidina vei kemudou, Au sa sega ni kunea vei ira na Isireli e dua na vakabauta levu vakaoqo: 11au sa kaya talega vei kemudou ni ra na lewe vuqa ena lako mai na tu i cake, mai ra talega; ka tiko sobu kei Eparaama, kei Aisake, kei Jekope, e na matanitu vakalomalagi: 12ia ko ira na gone ni matanitu era na biu ki na butobuto e tautuba; era na dautagi kina, ka vakasequruquru bati. 13Sa qai kaya vua na turaga ni valu ko Jisu, Mo lako ga; ia me vaka ko sa vakabauta, me yaco vei iko. A sa bula na nona tamata e na tiki-ni-siga ko ya.
14A sa lako ki na vale i Pita ko Jisu, a sa raica na tina ni watina, sa davo koto, ka tauvi-katakata. 15A sa tara na ligana ko koya, a sa takali vua na katakata: a sa tu cake ko koya, ka qaravi iratou.
16Ia ni sa qai yakavi, sa kau mai vei koya e lewe vuqa sa curumi ira na tevoro eso: a sa vakasevi ira na tevoro ko koya e na vosa, a sa vakabulai ira kecega sa tauvi-mate: 17o koya sa vakayacori kina na vosa sa tukuna ko Aisea na parofita, ka kaya, O koya ga sa kauta vua na noda malumalumu, ka colata na noda mate.
18Ia ni sa raica ko Jisu era sa lewe vuqa sara sa vakavolivoliti koya, sa kaya me ia na lako ki tai kadua.
19A sa lako mai e dua na vunivola, ka kaya vua, Vakavuvuli, au na muri iko ki na veiyasana ko na lako kina. 20Sa qai kaya vua ko Jisu, Sa vaqara na fokise, a sa vakairoro na manumanu vuka; ia na Luve ni tamata, sa sega vua na tikina me kotora kina na uluna. 21A sa dua tale na nona tisaipeli sa kaya vua, Kemuni na Turaga, laivi au meu lako mada meu buluti tamaqu. 22A sa kaya vua ko Jisu, Mo muri au; ka biuta na mate me ra buluta na nodra mate.
23Ia ni sa laki vodoka na waqa ko koya, era sa muri koya na nona tisaipeli. 24Ka raica, sa tubu na cava levu e na wasawasa, a sa luvu na waqa e na biau: a sa moce ko koya. 25Sa qai lako mai ko ira na nona tisaipeli, ka vakayadrati koya, ka kaya, Kemuni na Turaga, vakabulai keda: eda sa mate. 26A sa kaya vei ira ko koya, Dou sa rere e na vuku ni cava, koi kemudou sa lailai na nomudou vakabauta? Sa qai tu cake ko koya, ka vunauca na cagi kei na wasawasa; a sa maravu sara mai. 27A sa kidacala ko ira na tamata, ka kaya, E vakabeka evei nai tovo ni tamata oqo, ni sa talairawarawa vua na cagi kei na wasawasa!
28Ia ni sa udu ko koya ki tai kadua, ki na nodra vanua na kai Kerikesa, sa sota kaya e lewe rua sa curumi rau eso na tevoro, erau sa lako mai nai bulubulu, a rau sa yalocudrucudru sara, a sa sega kina na tamata sa lako rawa e na sala ko ya. 29Ka raica, era sa qoqolou, ka kaya, E vakaevei koi kedatou, kemuni Jisu na luve ni Kalou? ko ni sa lako beka mai ki ke me vakararawataki keimami ni sa sega ni yaco na kena gauna? 30A sa dua na qele ni vuaka levu sa vakani, sa vakayawa vei ira. 31A ra sa masuti koya ko ira na tevoro, ka kaya, Kevaka ko sa vakasevi keimami, laiva me keimami curuma na qele ni vuaka. 32A sa kaya vei ira ko koya, Dou lako ga. A ra sa lako tani, ka ra sa curuma na qele ni vuaka; ka raica, sa cici sara na qele ni vuaka taucoko e na baba ki na wai, ka ra sa mate e wai. 33Ia ko ira sa vakania, era sa dro, ka lako ki na koro, ka tukuna na ka kecega, kei na ka sa yaco vei rau ka curumi rau ko ira na tevoro. 34Ka raica, era sa lako kece yani na lewe ni koro me ra tavaki Jisu: ia ni ra sa raici koya, era sa masuta me lako tani yani e na nodra vanua.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Vakavakadewa Makawa (Fijian Old Version) © Bible Society of the South Pacific