MALAKAI 4
4
Ena cudruvi ira na tamata ca na Kalou, 1, ka vakalougatataki ira era rerevaki koya, 2,3. Sa vakaroti ira me ra vakabauta na vunau, 4, ka sa tukuna ni na lako mai ko Ilaija, kei na nona cakacaka, 5,6.
1Ia raica, sa lako mai na siga ko ya, ena waqa me vaka na lovo; ia ko ira kece era viavialevu, kei ira kece sa caka ca, era na vaka na vu-ni-sila: ia ena vakamai ira na siga ko ya sa lako mai, sa kaya ko Jiova ni lewe vuqa, me kakua kina ni vo vei ira na wakana se na tabana.
2Ia ena cadra mai vei kemudou sa rerevaka na yacaqu na Mata-ni-Siga ni yalo dodonu, ia na veivakabulai ena kauta lako e na tabana; ka dou na lako yani ka tubu cake me vaka na luve ni pulumokau e na loma ni bai. 3Ia dou na butuqaqi ira na tamata ca; ni ra na dravusa e ruku ni qeteqete ni yavamudou e na siga ka'u na cakava kina na ka oqo, sa kaya ko Jiova ni lewe vuqa.
4Dou nanuma na vunau i Mosese na noqu tamata, ko ya ka'u a vakarota vua mai Orepi me nodra kecega na Isireli, io, nai lesilesi kei na lewa.
5Raica, au na talai Ilaija na parofita vei kemudou eliu, ena qai lako mai emuri na siga i Jiova e levu ka rerevaki: 6ia ena vagolea ko koya na lomadra na qase vei ira na gone, kei na lomadra na gone vei ira na nodra qase, de'u lako mai ka cudruva na vanua e na veivakarusai.
AI TINITINI NI VOLA NI VEIYALAYALATI MAKAWA.
Currently Selected:
MALAKAI 4: FOV
Highlight
Share
Copy
Want to have your highlights saved across all your devices? Sign up or sign in
Vakavakadewa Makawa (Fijian Old Version) © Bible Society of the South Pacific
