LUKE 3
3
Sa vunau ko Joni na dauveipapitaiso, 1—18. Sa biuti koya emuri ko Eroti ki na vale ni veivesu, 19,20. Sa papitaisotaki Jisu ko Joni, 21,22. Ai tubutubu i Jisu, 23—38.
1Ia e nai katinikalima ni yabaki sa tui kina ko Tiperiu Sisa, ka sa kovana mai Jutia ko Ponitio Pailato, a sa turaga mai Kalili ko Eroti, a sa turaga mai Ituria kei na vanua ko Tirakoniti ko Filipi na tacina, a sa turaga mai Apilini ko Lisania; 2ni sa bete levu ko Anasa kei Kaiafa, sa qai yaco na vosa ni Kalou vei Joni na luve i Sakaraia e loma ni vanua.
3A sa lako mai ko koya ki na veiyasana kecega sa voleka ki na Joritani, a sa vunautaka na nodra papitaiso era veivutuni me bokoci nai valavala ca; 4me vaka sa volai e nai vola ni vosa i Aisea na parofita, ni sa kaya, A domo ni dua sa kacikaci e loma ni vanua, Dou caramaka na sala i Jiova, Cakava me dodonu na nona salatu: 5Ena vakaceceretaki na buca kecega, ka na vakalolovirataki na ulu-ni-vanua kei na vanua-cecere kecega; Ka na vakadodonutaki na ka sa veve, Ka na vakalogalogavinakataki na sala sa sukusukura; 6Ena raica talega na vu ni bula mai vua na Kalou na tamata kecega.
7Sa qai kaya ko koya vei ira na lewe vuqa era sa lako mai me papitaisotaki ira ko koya, Oi kemudou na kawa ni gata, ko cei sa vakasalataki kemudou mo dou dro tani mai na cudru sa bera mai? 8o koya mo dou qai vuataka na vua e kilikili kei na veivutuni; ia dou kakua ni kaya e na lomamudou, A tama i keimami ko Eparaama; ni’u sa kaya vei kemudou, sa rawarawa vua na Kalou me vakatubura na veivatu oqo me ra luve i Eparaama. 9Ia na matau sa no edaidai e na vu ni kau, ka sa ta laivi kina na kau kecega sa sega ni vuataka na vua vinaka, a sa biu ki na bukawaqa.
10A ra sa tarogi koya ko ira na lewe vuqa, ka kaya, A cava me keimami cakava? 11A sa vosa ko koya, ka kaya vei ira, Ko koya sa rua na nonai curucuru, me solia vua sa sega na nona: me kitaka vaka talega kina ko koya sa tu vua na kakana.
12Sa qai lako talega mai ko ira eso na daukumuna nai vakacavacava me ra papitaisotaki, a ra sa taroga, Vakavuvuli, a cava me keimami cakava? 13A sa kaya vei ira ko koya, Dou kakua ni taura me levu cake e na ka sa lesi vei kemudou.
14O ira talega na sotia, era sa mai tarogi koya, ka kaya, A cava me keimami cakava? A sa kaya vei ira ko koya, Dou kakua ni vakacacana e dua, se beitaka vakailasu; dou lomavinaka talega e na kemudoui voli.
15Ia ni sa wawa ko ira na tamata, a sa vakananumi Joni e na lomadra ko ira kecega na tamata, se na Karisito ko koya, se segai; 16sa vosa ko Joni, ka kaya vei ira kecega, E dina ka’u sa papitaisotaki kemudou e na wai: a sa lako mai ko koya sa levu cake vei keirau, ia na wa ni nonai vava ka’u sa sega ni yaga me’u sereka: ena papitaisotaki kemudou ko koya e na Yalo Tabu kei na bukawaqa: 17ia sa taura e ligana na nonai sivi ni sila, ka na vakasavasavataka sara ko koya na sila ni nona rara, ka binia vata na sila ki na nona lololo: ka na vakama ko koya na qana e na bukawaqa e sega ni bokoci rawa. 18A sa vuqa tale na ka sa vunautaka ko koya vei ira na tamata e na nona vunau.
19Ia ko Eroti na turaga, ni sa vunauci koya ko koya e na vuku i Erotiasa na wati i Filipi na tacina, kei na vuku ni ka ca kecega sa kitaka ko Eroti, 20sa qai vakaikuritaka me levu cake, ni sa sogolati Joni e na vale ni veivesu.
21Ia ni ra sa papitaisotaki tiko na tamata kece, sa papitaisotaki talega ko Jisu; ka ni sa masu tiko, sa wase rua ko lomalagi, 22a sa lako sobu mai vua vakayago na Yalo Tabu, me vaka na ruve; a sa rogo e dua na domo mai lomalagi, sa vaka, O iko na noqu Gone ni toko; au sa dauvinakati iko vakalevu.
23A sa tolusagavulu na yabaki i Jisu, ko koya sa kainaki sa luve i Josefa, ni sa vakatekivu me vakavuvuli voli ko koya na luve i Ili, 24ko koya na luve i Macati, ko koya na luve i Livai, ko koya na luve i Meliki, ko koya na luve i Janai, ko koya na luve i Josefa, 25ko koya na luve i Mataceia, ko koya na luve i Emosi, ko koya na luve i Neumi, ko koya na luve i Esili, ko koya na luve i Nake, 26ko koya na luve i Maaci, ko koya na luve i Mataceia, ko koya na luve i Semei, ko koya na luve i Josefa, ko koya na luve i Juta, 27ko koya na luve i Joana, ko koya na luve i Risa, ko koya na luve i Serupapeli, ko koya na luve i Salacieli, ko koya na luve i Niri, 28ko koya na luve i Meliki, ko koya na luve i Ati, ko koya na luve i Kosami, ko koya na luve i Elimotami, ko koya na luve i Eri, 29ko koya na luve i Jose, ko koya na luve i Eliesa, ko koya na luve i Jorima, ko koya na luve i Macati, ko koya na luve i Livai, 30ko koya na luve i Simioni, ko koya na luve i Jutasa, ko koya na luve i Josefa, ko koya na luve i Jonani, ko koya na luve i Elaiakimi, 31ko koya na luve i Melea, ko koya na luve i Menani, ko koya na luve i Mataca, ko koya na luve i Necani, ko koya na luve i Tevita, 32ko koya na luve i Jese, ko koya na luve i Opeti, ko koya na luve i Poasi, ko koya na luve i Salimoni, ko koya na luve i Nasoni, 33ko koya na luve i Aminatapi, ko koya na luve i Erami, ko koya na luve i Esiromi, ko koya na luve i Feresi, ko koya na luve i Juta, 34ko koya na luve i Jekope, ko koya na luve i Aisake, ko koya na luve i Eparaama, ko koya na luve i Tira, ko koya na luve i Neori, 35ko koya na luve i Seruke, ko koya na luve i Rekau, ko koya na luve i Peleki, ko koya na luve i Eperi, ko koya na luve i Sela, 36ko koya na luve i Keinana, ko koya na luve i Afakisati, ko koya na luve i Semi, ko koya na luve i Noa, ko koya na luve i Lemeki, 37ko koya na luve i Mecusela, ko koya na luve i Inoki, ko koya na luve i Jereti, ko koya na luve i Malelili, ko koya na luve i Keinana, 38ko koya na luve i Inosi, ko koya na luve i Seci, ko koya na luve i Atama, ko koya na luve ni Kalou.
Currently Selected:
LUKE 3: FOV
Highlight
Share
Copy
Want to have your highlights saved across all your devices? Sign up or sign in
Vakavakadewa Makawa (Fijian Old Version) © Bible Society of the South Pacific
LUKE 3
3
Sa vunau ko Joni na dauveipapitaiso, 1—18. Sa biuti koya emuri ko Eroti ki na vale ni veivesu, 19,20. Sa papitaisotaki Jisu ko Joni, 21,22. Ai tubutubu i Jisu, 23—38.
1Ia e nai katinikalima ni yabaki sa tui kina ko Tiperiu Sisa, ka sa kovana mai Jutia ko Ponitio Pailato, a sa turaga mai Kalili ko Eroti, a sa turaga mai Ituria kei na vanua ko Tirakoniti ko Filipi na tacina, a sa turaga mai Apilini ko Lisania; 2ni sa bete levu ko Anasa kei Kaiafa, sa qai yaco na vosa ni Kalou vei Joni na luve i Sakaraia e loma ni vanua.
3A sa lako mai ko koya ki na veiyasana kecega sa voleka ki na Joritani, a sa vunautaka na nodra papitaiso era veivutuni me bokoci nai valavala ca; 4me vaka sa volai e nai vola ni vosa i Aisea na parofita, ni sa kaya, A domo ni dua sa kacikaci e loma ni vanua, Dou caramaka na sala i Jiova, Cakava me dodonu na nona salatu: 5Ena vakaceceretaki na buca kecega, ka na vakalolovirataki na ulu-ni-vanua kei na vanua-cecere kecega; Ka na vakadodonutaki na ka sa veve, Ka na vakalogalogavinakataki na sala sa sukusukura; 6Ena raica talega na vu ni bula mai vua na Kalou na tamata kecega.
7Sa qai kaya ko koya vei ira na lewe vuqa era sa lako mai me papitaisotaki ira ko koya, Oi kemudou na kawa ni gata, ko cei sa vakasalataki kemudou mo dou dro tani mai na cudru sa bera mai? 8o koya mo dou qai vuataka na vua e kilikili kei na veivutuni; ia dou kakua ni kaya e na lomamudou, A tama i keimami ko Eparaama; ni’u sa kaya vei kemudou, sa rawarawa vua na Kalou me vakatubura na veivatu oqo me ra luve i Eparaama. 9Ia na matau sa no edaidai e na vu ni kau, ka sa ta laivi kina na kau kecega sa sega ni vuataka na vua vinaka, a sa biu ki na bukawaqa.
10A ra sa tarogi koya ko ira na lewe vuqa, ka kaya, A cava me keimami cakava? 11A sa vosa ko koya, ka kaya vei ira, Ko koya sa rua na nonai curucuru, me solia vua sa sega na nona: me kitaka vaka talega kina ko koya sa tu vua na kakana.
12Sa qai lako talega mai ko ira eso na daukumuna nai vakacavacava me ra papitaisotaki, a ra sa taroga, Vakavuvuli, a cava me keimami cakava? 13A sa kaya vei ira ko koya, Dou kakua ni taura me levu cake e na ka sa lesi vei kemudou.
14O ira talega na sotia, era sa mai tarogi koya, ka kaya, A cava me keimami cakava? A sa kaya vei ira ko koya, Dou kakua ni vakacacana e dua, se beitaka vakailasu; dou lomavinaka talega e na kemudoui voli.
15Ia ni sa wawa ko ira na tamata, a sa vakananumi Joni e na lomadra ko ira kecega na tamata, se na Karisito ko koya, se segai; 16sa vosa ko Joni, ka kaya vei ira kecega, E dina ka’u sa papitaisotaki kemudou e na wai: a sa lako mai ko koya sa levu cake vei keirau, ia na wa ni nonai vava ka’u sa sega ni yaga me’u sereka: ena papitaisotaki kemudou ko koya e na Yalo Tabu kei na bukawaqa: 17ia sa taura e ligana na nonai sivi ni sila, ka na vakasavasavataka sara ko koya na sila ni nona rara, ka binia vata na sila ki na nona lololo: ka na vakama ko koya na qana e na bukawaqa e sega ni bokoci rawa. 18A sa vuqa tale na ka sa vunautaka ko koya vei ira na tamata e na nona vunau.
19Ia ko Eroti na turaga, ni sa vunauci koya ko koya e na vuku i Erotiasa na wati i Filipi na tacina, kei na vuku ni ka ca kecega sa kitaka ko Eroti, 20sa qai vakaikuritaka me levu cake, ni sa sogolati Joni e na vale ni veivesu.
21Ia ni ra sa papitaisotaki tiko na tamata kece, sa papitaisotaki talega ko Jisu; ka ni sa masu tiko, sa wase rua ko lomalagi, 22a sa lako sobu mai vua vakayago na Yalo Tabu, me vaka na ruve; a sa rogo e dua na domo mai lomalagi, sa vaka, O iko na noqu Gone ni toko; au sa dauvinakati iko vakalevu.
23A sa tolusagavulu na yabaki i Jisu, ko koya sa kainaki sa luve i Josefa, ni sa vakatekivu me vakavuvuli voli ko koya na luve i Ili, 24ko koya na luve i Macati, ko koya na luve i Livai, ko koya na luve i Meliki, ko koya na luve i Janai, ko koya na luve i Josefa, 25ko koya na luve i Mataceia, ko koya na luve i Emosi, ko koya na luve i Neumi, ko koya na luve i Esili, ko koya na luve i Nake, 26ko koya na luve i Maaci, ko koya na luve i Mataceia, ko koya na luve i Semei, ko koya na luve i Josefa, ko koya na luve i Juta, 27ko koya na luve i Joana, ko koya na luve i Risa, ko koya na luve i Serupapeli, ko koya na luve i Salacieli, ko koya na luve i Niri, 28ko koya na luve i Meliki, ko koya na luve i Ati, ko koya na luve i Kosami, ko koya na luve i Elimotami, ko koya na luve i Eri, 29ko koya na luve i Jose, ko koya na luve i Eliesa, ko koya na luve i Jorima, ko koya na luve i Macati, ko koya na luve i Livai, 30ko koya na luve i Simioni, ko koya na luve i Jutasa, ko koya na luve i Josefa, ko koya na luve i Jonani, ko koya na luve i Elaiakimi, 31ko koya na luve i Melea, ko koya na luve i Menani, ko koya na luve i Mataca, ko koya na luve i Necani, ko koya na luve i Tevita, 32ko koya na luve i Jese, ko koya na luve i Opeti, ko koya na luve i Poasi, ko koya na luve i Salimoni, ko koya na luve i Nasoni, 33ko koya na luve i Aminatapi, ko koya na luve i Erami, ko koya na luve i Esiromi, ko koya na luve i Feresi, ko koya na luve i Juta, 34ko koya na luve i Jekope, ko koya na luve i Aisake, ko koya na luve i Eparaama, ko koya na luve i Tira, ko koya na luve i Neori, 35ko koya na luve i Seruke, ko koya na luve i Rekau, ko koya na luve i Peleki, ko koya na luve i Eperi, ko koya na luve i Sela, 36ko koya na luve i Keinana, ko koya na luve i Afakisati, ko koya na luve i Semi, ko koya na luve i Noa, ko koya na luve i Lemeki, 37ko koya na luve i Mecusela, ko koya na luve i Inoki, ko koya na luve i Jereti, ko koya na luve i Malelili, ko koya na luve i Keinana, 38ko koya na luve i Inosi, ko koya na luve i Seci, ko koya na luve i Atama, ko koya na luve ni Kalou.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Vakavakadewa Makawa (Fijian Old Version) © Bible Society of the South Pacific