LUKE 2
2
Sa vakarota ko Akusito me volai ko ira na tamata, 1—5. Sa sucu ko Jisu, 6,7. Sa tukuna e dua na agilose vei ira eso nai vakatawa ni sipi ni sa sucu nai vakabula, 8—20. Sa cilivi ko Jisu, 21—24. Sa tukuni koya ko Simioni kei Ana, 25—38. Sa tubu ko Jisu e na kaukauwa kei na vuku, 40—52.
1Sa veitarogi kei ira na tamata vuku mai Jerusalemi ni sa gone ga, 41—50. Sa talairawarawa vei rau ko Meri kei Josefa, 51. Ena gauna ko ya, sa tukuni yani na lewa i Sisa Akusito, me volai na lewe ni vanua taucoko. 2Sa vakaoti mada nai vola oqo ni sa Kovana mai Siria ko Kirinio. 3A ra sa dui lako kecega na tamata me ra volai, ko ira yadua ki na nona koro. 4Sa lako cake talega ko Josefa e Kalili, mai na koro ko Nasareci, ki Jutia, ki na koro i Tevita, a yacana ko Pecileema: ni sa mataqali vata kei Tevita, ka sa tubu mai vua: 5me volai kei Meri, ko koya sa musu vua me watina, a sa bukete tiko.
6Ia ni rau sa tiko maikea, sa yaco na nona siga me vakasucu kina. 7A sa vakasucuma na nona ulumatua na gonetagane, a sa viviraka vua nai sulu ni gone, ka vakadavora e na nodra tikina na manumanu; ni sa sega na tiki ni bure me nodratou.
8A sa so nai vakatawa ni sipi e na vanua ko ya, era sa tiko mai na vanua veico, a ra veivuke me vakatawa na sipi e na bogi.
9Ka raica, sa dua na agilose ni Turaga, sa rairai vei ira, a sa cila vakavolivoliti ira nai ukuuku ni Turaga, a ra sa rere vakalevu. 10A sa kaya vei ira na agilose, Dou kakua ni rere; raica, au sa kauta mai vei kemudou e dua nai tukutuku vinaka mo dou reki vakalevu kina, kei ira kecega na tamata. 11Ni sa sucu vei kemudou e na siga oqo, e na koro i Tevita, nai Vakabula, ko koya na Karisito na Turaga. 12Ia oqo na kenai vakatakilakila vei kemudou: Dou na kunea na gone sa viviraki vua nai sulu ni gone, a sa davo e na nodra tikina na manumanu.
13A ra sa lewe vuqa na kai lomalagi, era sa tiko vakasauri vata kaya na agilose, a ra sa vakavinavinaka vua na Kalou, ka kaya, 14Sa nona na Kalou na vakarokoroko e na veiyasana ecake sara! A sa veivinakati rawa ko ira e vuravura: sa lomani ko ira na tamata.
15Ia ni sa lako tani vei ira ko ira na agilose ki lomalagi, era sa kaya vakai ira nai vakatawa ni sipi, Me datou mai lako ki Pecileema, me raica na ka oqo sa qai yaco, o koya sa vakatakila mai vei kedatou na Turaga. 16A ra sa lako vakatotolo yani, a ra sa kunei Meri, kei Josefa, kei na gone sa davo e na nodra tikina na manumanu. 17Ia ni ra sa raica, era sa tukuna yani na vosa sa tukuni vei ira e na vuku ni gone oqo.
18A ra sa kurabui kecega era sa rogoca na veika sa tukuna vei ira ko ira nai vakatawa ni sipi. 19A sa taura na vosa kecega oqo ko Meri, ka sa vakananuma kina e lomana. 20Ia ko ira nai vakatawa ni sipi era sa lesu tale, a ra sa vakavinavinakataka ka doka na Kalou e na vuku ni ka kecega era sa rogoca ka raica, me vaka sa tukuni oti vei ira.
21Ni sa oti na bogi walu, me qai cilivi kina na gone, sa vakatokai na yacana ko Jisu, me vaka ka vakatoka na agilose ni sa bera ni kunekunetaki.
22Ia ni sa oti na veisiga ni vakasavasavataki i tinana me vaka na vunau i Mosese, erau sa kauti koya ki Jerusalemi, me vakacabora ki na Turaga; 23(me vaka sa volai e na vunau ni Turaga, A gonetagane kecega sa ulumatua ena vakatokai me tabu me nei Jiova;) 24me rau vakacabora talega nai soro me vaka na ka sa kaya na vunau ni Turaga, Me rua na soqe, se rua na luve ni ruve.
25Ka raica, sa dua na tamata mai Jerusalemi, ko Simioni na yacana; a sa yalododonu ka daulotu na tamata oqo, a sa waraka na nodra vakacegui na Isireli; a sa tiko vei koya na Yalo Tabu. 26A sa vakatakila oti vua na Yalo Tabu, ni na sega mada ni mate, ena kunea eliu na Karisito ni Turaga. 27A sa vakavuna na Yalo Tabu na nona lako ki na vale ni soro; ia ni rau sa kauta mai na gone ko Jisu koi rau na nona qase, me caka vua me vaka nai valavala ni vunau, 28sa qai keveta cake ko koya, ka vakavinavinakataka na Kalou, ka kaya, 29Kemuni na Turaga, ko ni qai laiva na nomuni tamata me lako E na vakacegu, me vaka na nomuni vosa: 30Ni sa qai raica na mataqu na vu ni bula maivei kemuni, 31Io, ko koya ko ni sa vakarautaka e na matadra na tamata kecega; 32A rarama me vakararamataki ira na veimatanitu tani, Me nodrai ukuuku talega na nomuni tamata na Isireli.
33A rau sa kurabui ko Josefa kei na tinana e na vuku ni veika sa tukuni e na vukuna. 34A sa vosavakalougatataki rau ko Simioni, a sa kaya vei Meri na tinana, Raica, ko koya oqo sa viritoka me bale sobu kina, se tu cake kina e lewe vuqa vei ira na Isireli; ka mei vakatakilakila ena vosavakacacataki; 35me vakarairaitaki kina na nanuma ni yalodra era lewe vuqa: ia ena laubasikataka na yalomu talega nai seleiwau.
36A sa dua na parofita yalewa, ko Ana, a luve i Fanueli, e na mataqali i Aseri: (sa vuqa sara na nona yabaki, sa goneyalewa ni sa vakawati, a rau sa bula vata kei na watina ka yabaki vitu: 37sa qai yada, ka walusagavulu ka va na kena yabaki,) a sa sega ni lako tani e vale ni soro, a sa daulotu ka lolo ka masu e na siga kei na bogi. 38A sa lako mai ko koya e na tiki-ni-siga ko ya, a sa vakavinavinakataka talega na Turaga, a sa vosataki koya vei ira kecega era tiko mai Jerusalemi era waraka nai Vakabula.
39Ia ni rau sa cakava oti na ka kecega me vaka na vunau ni Turaga, eratou sa lesu tale ki Kalili, ki na nodratou koro ko Nasareci.
40A sa tubu cake na gone, a sa yalomatua mai, sa sinai e na vuku; a sa tu vei koya na loloma ni Kalou.
41A rau sa lako na nona qase e na veiyabaki ki Jerusalemi ki na kana vata ni lako-sivia. 42Ia ni sa qai tinikarua na nona yabaki, eratou sa lako ki Jerusalemi, me vaka na kenai valavala ni kana vata; 43ia ni ratou sa vakaotia na veisiga, ka rau sa lesu tale, sa tiko ga na gone ko Jisu mai Jerusalemi; a rau sa sega ni kila ko Josefa kei tinana. 44A rau sa nanuma sa tiko ko koya kei ira sa lako tu, a rau sa lako ga e na dua na siga ka bogi; a rau sa qai vakasaqarai koya vei ira na kai nodra, kei ira era veikilai kei rau. 45Ia ni rau sa sega ni kunea, erau sa lesu tale ki Jerusalemi, ka vakasaqarai koya tiko.
46Sa oti e tolu na bogi, erau sa qai kunei koya e na vale ni soro, ni sa tiko e na kedra maliwa nai vakavuvuli, ka rogoci ira tiko, ka taro talega vei ira. 47A ra sa kurabui ko ira kece era sa rogoca, e na nona vuku kei na nona vosa. 48Ia ni rau sa raica, erau sa kurabui; a sa kaya vua ko tinana, Na luvequ, ko sai valavala vakaoqo vei keirau ena vuku ni cava? raica, keirau kei tamamu keirau sa vakasaqarai iko ka sa rarawa tiko. 49A sa kaya vei rau ko koya, E na cava drau sa vakasaqarai au? drau sa sega beka ni kila ni sa kilikili kei au me’u tiko e na vale nei Tamaqu? 50A rau sa sega ni kila nai balebale ni vosa sa kaya vei rau ko koya.
51A sa lako sobu vata kei rau ko koya, a sa yaco ki Nasareci, a sa talairawarawa vei rau: a sa maroroya ko tinana na vosa kecega oqo e lomana.
52A sa tubu cake ko Jisu e na vuku kei na yagona talega, a sa vinakati koya vakalevu cake tikoga na Kalou kei ira talega na tamata.
Currently Selected:
LUKE 2: FOV
Highlight
Share
Copy
Want to have your highlights saved across all your devices? Sign up or sign in
Vakavakadewa Makawa (Fijian Old Version) © Bible Society of the South Pacific
LUKE 2
2
Sa vakarota ko Akusito me volai ko ira na tamata, 1—5. Sa sucu ko Jisu, 6,7. Sa tukuna e dua na agilose vei ira eso nai vakatawa ni sipi ni sa sucu nai vakabula, 8—20. Sa cilivi ko Jisu, 21—24. Sa tukuni koya ko Simioni kei Ana, 25—38. Sa tubu ko Jisu e na kaukauwa kei na vuku, 40—52.
1Sa veitarogi kei ira na tamata vuku mai Jerusalemi ni sa gone ga, 41—50. Sa talairawarawa vei rau ko Meri kei Josefa, 51. Ena gauna ko ya, sa tukuni yani na lewa i Sisa Akusito, me volai na lewe ni vanua taucoko. 2Sa vakaoti mada nai vola oqo ni sa Kovana mai Siria ko Kirinio. 3A ra sa dui lako kecega na tamata me ra volai, ko ira yadua ki na nona koro. 4Sa lako cake talega ko Josefa e Kalili, mai na koro ko Nasareci, ki Jutia, ki na koro i Tevita, a yacana ko Pecileema: ni sa mataqali vata kei Tevita, ka sa tubu mai vua: 5me volai kei Meri, ko koya sa musu vua me watina, a sa bukete tiko.
6Ia ni rau sa tiko maikea, sa yaco na nona siga me vakasucu kina. 7A sa vakasucuma na nona ulumatua na gonetagane, a sa viviraka vua nai sulu ni gone, ka vakadavora e na nodra tikina na manumanu; ni sa sega na tiki ni bure me nodratou.
8A sa so nai vakatawa ni sipi e na vanua ko ya, era sa tiko mai na vanua veico, a ra veivuke me vakatawa na sipi e na bogi.
9Ka raica, sa dua na agilose ni Turaga, sa rairai vei ira, a sa cila vakavolivoliti ira nai ukuuku ni Turaga, a ra sa rere vakalevu. 10A sa kaya vei ira na agilose, Dou kakua ni rere; raica, au sa kauta mai vei kemudou e dua nai tukutuku vinaka mo dou reki vakalevu kina, kei ira kecega na tamata. 11Ni sa sucu vei kemudou e na siga oqo, e na koro i Tevita, nai Vakabula, ko koya na Karisito na Turaga. 12Ia oqo na kenai vakatakilakila vei kemudou: Dou na kunea na gone sa viviraki vua nai sulu ni gone, a sa davo e na nodra tikina na manumanu.
13A ra sa lewe vuqa na kai lomalagi, era sa tiko vakasauri vata kaya na agilose, a ra sa vakavinavinaka vua na Kalou, ka kaya, 14Sa nona na Kalou na vakarokoroko e na veiyasana ecake sara! A sa veivinakati rawa ko ira e vuravura: sa lomani ko ira na tamata.
15Ia ni sa lako tani vei ira ko ira na agilose ki lomalagi, era sa kaya vakai ira nai vakatawa ni sipi, Me datou mai lako ki Pecileema, me raica na ka oqo sa qai yaco, o koya sa vakatakila mai vei kedatou na Turaga. 16A ra sa lako vakatotolo yani, a ra sa kunei Meri, kei Josefa, kei na gone sa davo e na nodra tikina na manumanu. 17Ia ni ra sa raica, era sa tukuna yani na vosa sa tukuni vei ira e na vuku ni gone oqo.
18A ra sa kurabui kecega era sa rogoca na veika sa tukuna vei ira ko ira nai vakatawa ni sipi. 19A sa taura na vosa kecega oqo ko Meri, ka sa vakananuma kina e lomana. 20Ia ko ira nai vakatawa ni sipi era sa lesu tale, a ra sa vakavinavinakataka ka doka na Kalou e na vuku ni ka kecega era sa rogoca ka raica, me vaka sa tukuni oti vei ira.
21Ni sa oti na bogi walu, me qai cilivi kina na gone, sa vakatokai na yacana ko Jisu, me vaka ka vakatoka na agilose ni sa bera ni kunekunetaki.
22Ia ni sa oti na veisiga ni vakasavasavataki i tinana me vaka na vunau i Mosese, erau sa kauti koya ki Jerusalemi, me vakacabora ki na Turaga; 23(me vaka sa volai e na vunau ni Turaga, A gonetagane kecega sa ulumatua ena vakatokai me tabu me nei Jiova;) 24me rau vakacabora talega nai soro me vaka na ka sa kaya na vunau ni Turaga, Me rua na soqe, se rua na luve ni ruve.
25Ka raica, sa dua na tamata mai Jerusalemi, ko Simioni na yacana; a sa yalododonu ka daulotu na tamata oqo, a sa waraka na nodra vakacegui na Isireli; a sa tiko vei koya na Yalo Tabu. 26A sa vakatakila oti vua na Yalo Tabu, ni na sega mada ni mate, ena kunea eliu na Karisito ni Turaga. 27A sa vakavuna na Yalo Tabu na nona lako ki na vale ni soro; ia ni rau sa kauta mai na gone ko Jisu koi rau na nona qase, me caka vua me vaka nai valavala ni vunau, 28sa qai keveta cake ko koya, ka vakavinavinakataka na Kalou, ka kaya, 29Kemuni na Turaga, ko ni qai laiva na nomuni tamata me lako E na vakacegu, me vaka na nomuni vosa: 30Ni sa qai raica na mataqu na vu ni bula maivei kemuni, 31Io, ko koya ko ni sa vakarautaka e na matadra na tamata kecega; 32A rarama me vakararamataki ira na veimatanitu tani, Me nodrai ukuuku talega na nomuni tamata na Isireli.
33A rau sa kurabui ko Josefa kei na tinana e na vuku ni veika sa tukuni e na vukuna. 34A sa vosavakalougatataki rau ko Simioni, a sa kaya vei Meri na tinana, Raica, ko koya oqo sa viritoka me bale sobu kina, se tu cake kina e lewe vuqa vei ira na Isireli; ka mei vakatakilakila ena vosavakacacataki; 35me vakarairaitaki kina na nanuma ni yalodra era lewe vuqa: ia ena laubasikataka na yalomu talega nai seleiwau.
36A sa dua na parofita yalewa, ko Ana, a luve i Fanueli, e na mataqali i Aseri: (sa vuqa sara na nona yabaki, sa goneyalewa ni sa vakawati, a rau sa bula vata kei na watina ka yabaki vitu: 37sa qai yada, ka walusagavulu ka va na kena yabaki,) a sa sega ni lako tani e vale ni soro, a sa daulotu ka lolo ka masu e na siga kei na bogi. 38A sa lako mai ko koya e na tiki-ni-siga ko ya, a sa vakavinavinakataka talega na Turaga, a sa vosataki koya vei ira kecega era tiko mai Jerusalemi era waraka nai Vakabula.
39Ia ni rau sa cakava oti na ka kecega me vaka na vunau ni Turaga, eratou sa lesu tale ki Kalili, ki na nodratou koro ko Nasareci.
40A sa tubu cake na gone, a sa yalomatua mai, sa sinai e na vuku; a sa tu vei koya na loloma ni Kalou.
41A rau sa lako na nona qase e na veiyabaki ki Jerusalemi ki na kana vata ni lako-sivia. 42Ia ni sa qai tinikarua na nona yabaki, eratou sa lako ki Jerusalemi, me vaka na kenai valavala ni kana vata; 43ia ni ratou sa vakaotia na veisiga, ka rau sa lesu tale, sa tiko ga na gone ko Jisu mai Jerusalemi; a rau sa sega ni kila ko Josefa kei tinana. 44A rau sa nanuma sa tiko ko koya kei ira sa lako tu, a rau sa lako ga e na dua na siga ka bogi; a rau sa qai vakasaqarai koya vei ira na kai nodra, kei ira era veikilai kei rau. 45Ia ni rau sa sega ni kunea, erau sa lesu tale ki Jerusalemi, ka vakasaqarai koya tiko.
46Sa oti e tolu na bogi, erau sa qai kunei koya e na vale ni soro, ni sa tiko e na kedra maliwa nai vakavuvuli, ka rogoci ira tiko, ka taro talega vei ira. 47A ra sa kurabui ko ira kece era sa rogoca, e na nona vuku kei na nona vosa. 48Ia ni rau sa raica, erau sa kurabui; a sa kaya vua ko tinana, Na luvequ, ko sai valavala vakaoqo vei keirau ena vuku ni cava? raica, keirau kei tamamu keirau sa vakasaqarai iko ka sa rarawa tiko. 49A sa kaya vei rau ko koya, E na cava drau sa vakasaqarai au? drau sa sega beka ni kila ni sa kilikili kei au me’u tiko e na vale nei Tamaqu? 50A rau sa sega ni kila nai balebale ni vosa sa kaya vei rau ko koya.
51A sa lako sobu vata kei rau ko koya, a sa yaco ki Nasareci, a sa talairawarawa vei rau: a sa maroroya ko tinana na vosa kecega oqo e lomana.
52A sa tubu cake ko Jisu e na vuku kei na yagona talega, a sa vinakati koya vakalevu cake tikoga na Kalou kei ira talega na tamata.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Vakavakadewa Makawa (Fijian Old Version) © Bible Society of the South Pacific