JOSUA 16
16
A nodraui votavota na luve i Josefa, 1-4. Ai votavota nei Ifireimi, 5-10.
1Ia na nodraui votavota na luve i Josefa, sa tekivu mai na Joritani sa voleka ki Jeriko, mai na wai ni Jeriko e na yasana ki na tu-i-cake, vaka ki na veikau sa lako cake mai Jeriko e na loma ni ulu-ni-vanua ki Peceli, 2a sa lako mai Peceli ki Lusa, ka lako yani ki nai yalayala i Ariki ki Ataroci, 3a sa lako sobu vaka ki ra ki nai yalayala i Jafileti, ka lako ki nai yalayala i Peci-oroni mai ra, ka yaco ki Keseri: ia na kenai mudumudu na waitui. 4Ia era sa rawata na nodra i votavota, ko ira na Manasa kei ira na Ifireimi na luve i Josefa.
5Ia oqo nai yalayala ni nodra tikina na Ifireimi me vaka na nodra veivuvale: nai yalayala ni nodra tikina e na yasana ki na tu-i-cake ko Ataroci-atari, ka yacovi Peci-oroni maicake; 6a sa lako yani nai yalayala vaka ki na waitui ki Mikimica, ki na tokalau; a sa gole yani nai yalayala vaka ki na tu-i-cake ka yacovi Teenaci-sailo, ka sivia e na yasana ki na tu-i-cake, ka yaco ki Janoa; 7a sa lako sobu mai Janoa ki Ataroci, kei Neeraci, ka yacovi Jeriko, ka basika ki na Joritani. 8Sa lako yani mai Tapua nai yalayala, ka lako vaka ki ra, ka yaco ki na uciwai ko Kana; ia na kenai mudumudu na waitui. Oqo nai votavota ni nodra mataqali na Ifireimi, me vaka na nodra veivuvale. 9Ia na nodra veikoro na Ifireimi sa sega ni tiko e na nodra tikina, sa tiko ga e na nodra i votavota na Manasa; na veikoro kecega kei na kedra veikoro lalai. 10A ra sa sega ni vakasavi ira tani na kai Kenani ka tiko mai Kiseri. Ia sa tiko ga na kai Kenani e na kedra maliwa na Ifireimi ka yacova na siga oqo, ka ra sa qali vei ira.
Currently Selected:
JOSUA 16: FOV
Highlight
Share
Copy
Want to have your highlights saved across all your devices? Sign up or sign in
Vakavakadewa Makawa (Fijian Old Version) © Bible Society of the South Pacific
