OSEA 5
5
A Kalou, sa cudruvi ira na bete mai Isireli, kei ira na lewe ni vanua, kei ira na turaga, e na vuku ni nodra i valavala ca e vuqa, 1-14, ka me ra veivutunitaka mada, 15.
1Dou rogoca na ka oqo, na bete, ka vakarorogo, na mataqali i Isireli; ia dou vakatu daliga mai, na mataqali ni tui; ni sa baleti kemudou na vosa ni veilewai, ni dou sai cori mai Misipa, kei na lawa sa tevuki mai Tepori. 2Ia me ra ia na veivakamatei na dauvuki sa titobu kina na nodra vere, ia koi au ka'u a dauvunauci ira kecega. 3Oi au ka'u sa kilai ira na Ifireimi, ia ko ira na Isireli sa ra sega ni vuni vei au: ni dou sa qai ia na veibutakoci, koi kemudou na Ifireimi, sa vakadukadukalitaki ko ira na Isireli. 4Sa ra sega ni lewa na nodra i tovo me ra lesu vua na nodra Kalou: ni sa tiko e lomadra na yalo ni dauveibutakoci, ka ra sa sega ni kilai Jiova.
5Ia na nodra viavialevu na Isireli sa tukuni ira e na matanavotu: o koya oqo, era na bale kina e na nodra caka cala ko ira na Isireli kei ira na Ifireimi; ko ira na Juta era na bale vata talega kei ira. 6Era na lako vata kei na nodra qele ni sipi kei na nodra qele ni pulumokau, me ra qarai Jiova; ka ra na sega ni kunei koya; sa lako tani vei ira ko koya. 7Sa ra vakaisini Jiova: ni sa gone ni tani era sa vakasucuma: sa vula dua ga era na qai vakaoti vata kei na nodra i votavota.
8Dou uvuca na koneti mai Kipea, kei na davui mai Rama; tabalaka na kaila mai Peci-aveni, sa cicimuri iko, ko iko Penijamini. 9Ena lala ko Ifireimi e na siga ni veicudruvi: ka'u sa vakatakila na ka dina vei ira na veimataqali i Isireli. 10O ira na turaga ni Juta era sa vakataki ira era kisira nai yalayala: ia ka'u na sovaraka na noqu cudru vei ira me vaka na wai.
11Sa ra vakasaurarataki na Ifireimi ka musuki e na veilewai, ni ra vinakata me ra muria nai vakaro. 12Ia koi au, ka'u na vaka na sarasara vei ira na Ifireimi, ka vaka na vakavuca vei ira na mataqali i Juta. 13Ni ra kunea na nodra mate ko ira na Ifireimi, kei na nodra vue ko ira na Juta, era sa qai lako ko ira na Ifireimi ki Asiria, ka talaki vua na tui Jerepi: ka sa sega ni vakabulai kemudou rawa, ko koya, se vakamavotaka na nomudou vue. 14Ni'u na vaka na laioni vei ira na Ifireimi, ka vaka na laioni sa gone vei ira na mataqali i Juta: oi au, io koi au, ka'u na ia na veidresulaki ka lako tani; au na kauta tani, ka sega e dua me na kaliraki koya. 15Au na la'ki lesu tale ki na noqu tikina, me ra vakatusa mada na nodra ca, ka goleva na mataqu: ni ra sa rarawa, era na qai vakasaqarai au taudonu.
Currently Selected:
OSEA 5: FOV
Highlight
Copy
Compare
Share
Want to have your highlights saved across all your devices? Sign up or sign in
Vakavakadewa Makawa (Fijian Old Version) © Bible Society of the South Pacific
