ቲታ 1
1
1ዬሱሲ ኪሪስቶሲ ኪቴዳ ታኒ ጳዉሎሲ፥ ፆሳ ኣይሊ፥ ሃ ዳቢዳቢያ ፃፋይ። ፆሳይ ዶሬዳ ኣሳው ኣማኑ ዴዓናዳኒኔ ፆሳ ቱማቴ ኤራኮ ኡንቱንታ ካሌናዳን ታኒ ዶሬታዴ ኪቴታዲ። 2ዎርዶቴና ፆሳይ ኑሲ ሃ ሜና ዴዑዋ ዳሮ ዎዲያፔ ካሴ ኢማና ጌዳ። 3ፆሳይ ኑና ኣሺያዌ ሊኬ ዎዲያን ባሬ ቃላን ሃዋ ቆንጪሴዳ፤ ኢ ሃዳሪዴ ታና ኣዛዜዳዋዳን፥ ታኒ ኣ ቃላ ኦዳይ።
4ኣማኑዋ ኢቲፔቴን ታ ቱሙ ናዓ ኔው ቲቶ፥ ፆሳ ኣዉዋፔኔ ኑና ኣሺያ ዬሱሲ ኪሪስቶሳፔ፥ ኣ ኬካቴይ፥ ማሮቴይኔ ሳሮቴይ ጊዶ።
ቲቶ ቃርፄሳን ኦያ ኦሱዋ
5ታኒ ኔና ቃርፄሳን ኣጋዴ ዬዳዌ፥ ኔኒ ኣቶዋ ጊጊሳናሳኔ፥ ታኒ ኣዛዜዳዋዳን፥ ካታማ ኡባን ዎሳ ጎሊያ ጪማቱዋ ዶራናሳ። 6ጪማይ ቦሬቴናዋኔ ኢቲ ማቻቲ ፃላላይ ዴዒያዋኔ ኣማኒያ ናናይ ዴዒያዋ ጊዳናው ቤሴ፤ ኣ ናናይ ሻሉዋ ባዪዚያባኒኔ ዎይ ኣዛዜቴናን ኢፂያባን ኣሳይ ኣማሳሌናዋንታ ጊዳናው ቤሴ። #1ፂም 3፡2-7 7ኣዪሲ ጎፔ፥ ሄ ጪማይ ፆሳ ኦሱዋ ኣዛዚያ ካፑዋ ጊዲዴ፥ ፖኪሴናዋ፥ ኦቶሬቴናዋኔ ኤሌ ሃንቄቴናዋ ጊዳናው ቤሴ፤ ቃሲ ማቴናዋ፥ ሱጌናዋኔ ዮራቴናዋ ጊዳናው ቤሴ። 8ሺን ኢማ ሞኪያዋኔ ሎዖባ ዶሲያዋ ጊዳናው ቤሴ፤ ቃሲ ኣኬካንቻ፥ ፂሉዋ፥ ጌሻኔ ባሬና ናጊያዋ ጊዳናው ቤሴ። 9ኣማኔቲያ ዴዑ ቤቲያ ቲሚርቲያና ጊጊያ ቃላ ኢ ሎይ ኦይቆ። ያቶፔ ሃራቱዋ ቱሙ ኣማኑዋ ታማሪሲያዋኒ ሜንናዉኔ ቃሲ ሄዋ ኢፂያዋንታካ ዞራናው ዳንዳያናዋ።
10ኣዪሲ ጎፔ፥ ኣዛዜቴናዋንቱ፥ ማዴናዋ ሃሳዪያዋንቱ፥ ሃራቱዋ ጪሚያዋንቱኔ ቃፃሬቴዳ ኣዪሁዳ ኣማኒያዋንቱ ባጋ ጊዴዳ ዳሮ ኣሳቱ ዴዒኖ። 11ኡንቱንቱ ታማሪሳናው ቤሴና ፖኪያ ኦጊያን ሚሻ ዴማናው ታማሪሲያዋን ጎሊያ ኡባ ባይዚያ ዲራው፥ ኡንቱንቱ ሃሳያ ቴዓና ቤሴ። 12ኡንቱንቱ ጊዶፔ ኢቱ፥ ቲምቢቲያ ኦዲያዌ ኡንቱንቶ፥ «ቃሪፄሴ ኣሳይ ኡባ ዎዴ፥ ዎርዳቱዋ፥ ኢታ ዱዓቱዋኔ ዮራንቻ፤ ቃሲ ኣዛላ ኣሳ» ያጌዳ። 13-14ኢ ማርካቶዌ ቱማ፤ ሄዋ ዲራው፥ ኔኒ ኡንቱንቱሲ ሚኖ ኣማኑ ዴዓናዳኒኔ ቃሲ ኣዪሁዳቱዋ ቶሳኔ ቱሙዋ ኢፄዳ ኣሳቱዋ ኣዛዙዋ ኡንቱንቱ ሲሴናዳን፥ ኡንቱንታ ሚኒሳዴ ሴራናው ቤሴ። 15ባሬንቱ ሁጴው ጌሻ ጊዴዳዋንቱሲ ኡባባይካ ጌሻ፤ ሺን ቱናቱዋሲኔ ኣማኔናዋንቱሲ ኡንቱንቱ ዎዛና ቆፋይኔ ኡንቱንታ ሱሬ ዎዛናይ ቱኔዳ ዲራው፥ ኡንቱንቶ ኣያይኔ ጌሻ ጊዴና። 16ኡንቱንቱ ባሬንቱ ፆሳ ኤሪያዋ ቆንጪያን ኦዲኖ፤ ሺን ኡንቱንቱ ሼኔዪያዋንታ፥ ኣዛዜቴናዋንታኔ ኦሱዋ ኡባዉካ ጊጌናዋንታ ጊዲያ ዲራው፥ ባሬንቱ ኪታን ኣ ኤሮኮ ጊኖ።
Currently Selected:
ቲታ 1: dwrENT
Highlight
Share
Copy
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
Learn More About Ooratha Caaquwaa