ቲታ 2
2
ጌሻ ቲሚርቲያባ
1ሺን ኔኒ ዴዑዋ ዴማናው ጊጊያ ቲሚርቲያ ታማሪሳናው ቤሴ። 2ጪማ ኣቱማ ኣሳይ ኣማኑዋን፥ ሲቁዋኒኔ ዳንዳያን ሚኖ ጊዳናዳን፥ ቃሲ ማቴናዋ፥ ቦንቼቲያዋኔ ባሬናካ ናጊያዋ ጊዳናዳን ዞራ። 3ሄዋዳንካ ጪማ ማጫ ኣሳይ ጌሻ ዴዑዋ ዴዒያዋንታ፥ ዚጊሬናዋንታ፥ ዎዪኒያ ኤሳሲ ሞዴቴናዋንታኔ ሎዖባ ታማሪሲያዋንታ ጊዳናው ቤሴ። 4-5ኡንቱንቱ ፆሳ ቃላይ ቦሬቴና ማላ፥ ባሬንቱ ኣሲናቱዋኔ ባሬንቱ ናና ሲቂያዋንታ፥ ባሬንታካ ናጊያዋንታ፥ ጌሻቱዋ፥ ባሬንቱ ጎሌን ኦያዋንታ፥ ኬካቱዋኔ ባሬንቱ ኣሲናቱዋሲካ ኣዛዜቲያዋንታ ጊዳና ማላ፥ ያላጋ ማጫዋንታ ታማሪሳ።
6ሄዋዳንካ ያላጋ ኣቱማ ኣሳቱ ባሬንታ ናጋና ማላ ዞራ። 7ኔኒ ኔ ሁጴዉካ ሎዖ ኦሱዋ ኡባን ኡንቱንቶ ሌሚሶ ጊዳ፤ ኔኒ ታማሪሲያዋንካ ኣማኔቲያዋኔ ቦንቼቲያዋ ጊዳ። 8ኔ ሞርኬቱ ኑና ዚጊሪያባይ ኡንቱንቱሲ ዪያ ዎዴ ኡንቱንቱ ዬላታና ማላ፥ ኔኒ ቦሬቴና ሎዖ ሃሳያ ሃሳያ።
9ኣዪሌቱ ባሬንቱ ጎዳቱዋሲ ኣዛዜታና ማላኔ፥ ኡንቱንቱና ፓሉሜቴናን ኡባባኒ ኡንቱንታ ናሼቻና ማላ ዞራ። 10ኡንቱንቱ ባሬንቱ ጎዳቱዋፔ ዉዔና ማላ፥ ቃሲ ኑና ኣሺያ ፆሳዋ ታማሪሲያዋ ኡባባኒ ጋላቲሳናው፥ ባሬንቱ ኦያ ኪታን ኡባ ዎዴ ሎዓኔ ኣማኔቲያዋንታ ጊዲያዋ ቤሳና ማላ፥ ኡንቱንታ ዞራ።
11ኣዪሲ ጎፔ፥ ፆሳይ ኣሳ ኡባ ኣሺያ ባሬ ኣ ኬካቴ ቆንጪሴዳ። 12ሄ ኣ ኬካቴይ ናጋራ ኦሱዋኔ ሃ ኣላሚያ ኣሙዋ ኑኒ ኣጋናዳኒኔ ኑ ሁጲያ ናጊዴ፥ ፆሳ ማላቲዴ፥ ፂሎቴን ዴዓናዳን፥ ኑና ታማሪሴ። 13ኑኒ ኑ ዎልቃማ ፆሳይ፥ ኑና ኣሺያ ዬሱሲ ኪሪስቶሲ ቤታና ጌዳ ኣንጄቴዳ ቦንቾ ጋላሳ ናጌቶ። 14ኢታ ኦሱዋ ኡባፔ ኢ ኑና ዎዛናዉኔ ሎዖባ ኦናው ኣሞቲያ ባሬ ጌሻ ኣሳ ኬሳናው፥ ኑ ዲራው፥ ባሬ ሁጲያ ኢሜዳ። #ማዝ 130፡8፤ ኬስ 19፡5፤ ዛር 4፡20፤ 7፡6፤ 14፡2፤ 1ጵፅ 2፡9
15ኔኒ ሃዋ ታማሪሳ፥ ኔ ኩሜን ማታኒ ዞራኔ ሴራ፤ ኦኒኔ ኔና ካፖ።
Currently Selected:
ቲታ 2: dwrENT
Highlight
Share
Copy
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
Learn More About Ooratha Caaquwaa