1 ጴፂሮሳ ኪታ 4
4
ጌሻቴን ዴዓና ዴዑዋባ
1ሄዋ ዲራው፥ ኪሪስቶሲ ባሬ ኣሹዋን ኑሲ ዋዬቴዳ ዲራው፥ ሂንቴካ ሄ ቆፋን ዳንጬቲቴ። ኣዪሲ ጎፔ፥ ባሬ ኣሹዋን ዋዬቴዳ ኡራይ ናጋራ ኦያዋ ኣጌዳ። 2ሃዋፔ ሲንን፥ ሃ ሳዓን ሼምፑዋና ዴዓናው ኣቴዳ ዎዲያን፥ ፆሳይ ኮዪያዋዳን ዴዓናው ቤሲያዋፔ ኣቲን፥ ኣሳ ኣሙዋዳን ዴዓናው ቤሴና። 3ኣዪሲ ጎፔ፥ ኣማኔና ኣሳይ ኦናው ዶሲያዋ ሂንቴ ኦዴ፥ ዎሹማናው ካጄሊያዋን፥ ኣሙዋን፥ ማዋን፥ ዬን፥ ኡሻን፥ ፖኪያ ኤቃው ጎዪኒያዋን፥ ዴዔዳ ካሴ ኣዳ ዎዲ ሂንቴንቶ ጊዳናዋ። 4ኣማኔና ኣሳና ሂንቴ ሾራይ ባዪና ኦሱዋ ኢቲፔ ኦና ዲራው ማላሌቲዴ፥ ሂንቴና ቦሪኖ። 5ሺን ኡንቱንቱ ፓፃ ዴዒያ ኣሳ ቦላኔ ሃይቄዳ ኣሳ ቦላ ፒርዳናው ጊጊ ኡቴዳ ፆሳው ዛሩዋ ኢማና። 6ሃይቄዳ ኣሳይ #4፡6 ሃይቄዳ ኣሳይ፡ ዬሱሳ ኣማናናፔ ካሴና ሃይቄዳዋንታ ዎይ ኖሄ ዎዴ ኣሳቱዋ። 3፡19 ፄሊቴ። ባሬ ኣሳቴን ኣሳይ ፒርዴቲያዋዳን ፒርዴታናዉኔ ቃሲ ኣያናን ፆሳይ ዴዒያዋዳን ዴዓናው፥ ዎንጋላ ሚሺራቹ ኡንቱንቶ ሄዎ ኦዴቴዳ።
ፆሳይ ኢሜዳ ኢሞታቱዋ ሎይ ኣዪሲያዋ
7ኡባባዉካ ዉርሴይ ማታቴዳ። ሄዋ ዲራው፥ ፆሳ ዎሳናው ቆፋን ጌዪዴ፥ ሂንቴና ናጊቴኔ ሚኒቴ። 8ሲቁ ዳሮ ናጋራ ካሚያ ዲራው፥ ኡባባፔ ኣዴ ኢቱ ኢቱዋና ዎዛናፔ ሲቄቲቴ። #ሌም 10፡12 9ዙዙሜናን ኢቱ ኢቱዋ ኢማቴን ሞኪቴ። 10ሂንቴ ሁጲያን ሁጲያን ፆሳፔ ዱማ ዱማ ኣ ኬካቴ ኣኬዳዋዳንካ፥ ፆሳ ዱማ ኢሙዋ ሃዳራ ሎይ ኬሲያዋንቱዳን፥ ኢቱ ኢቶ ኦቴ። 11ዬሱሲ ኪሪስቶሳ ባጋና ኡባባኒ ፆሳይ ጋላቴታና ማላ፥ ኦኒኔ ኦዲያዋ ጊዶፔ፥ ቃላ ፆሳፔ ኣኪዴ ኦዲያዋዳን ኦዶ። ቃሲ ኦኒኔ ማዲያዋ ጊዶፔ፥ ፆሳይ ኣው ኢሚያ ዎልቃን ማዶ። ቦንቹኔ ጎዳቴይ ፆሳሲ ሜናፔ ሜናው ጊዶ። ኣሜንዒ።
ሜቱዋ ዎዴ ሚኒያዋ
12ታ ሲቃቶ፥ ሂንቴ ጊዶን ታማዳን ጉዲዴ ፓጪያ ዋዪ ዪያዋ ኦራባይ ሃኒያዋዳን ማላሌቶፒቴ። 13ሺን ኪሪስቶሳ ቦንቹ ቤቲያ ዎዴ ሂንቴ ናሼታና ማላ፥ ኣናና ዋዬቲያዋን ናሼቲቴ። 14ኣሳይ ሂንቴና ኪሪስቶሳ ሱን ዲራው ቦሪያዋ ጊዶፔ፥ ሂንቴ ኣንጄቴዳዋንታ፤ ኣዪሲ ጎፔ፥ ቦንቾ ኣያናይ፥ ፆሳ ኣያናይ፥ ሂንቴ ቦላ ሼምፓና። 15ሂንቴፔ ኦኒኔ ሼምፑዋ ዎዳዋዳን፥ ዎይ ካዪሱዋዳን፥ ዎይ ኢታባ ኦዳ ኣሳዳን፥ ዎይ ሃራ ኣሳ ዬዉዋ ጌሌዳዋዳን ዋዬቶፖ። 16ሺን ኦኒኔ ኪሪስታኒያ ጊዲያ ዲራው ዋዬቶፔ፥ ኪሪስቶሳ ሱን ዲራው፥ ፆሳ ጋላታናፔ ኣቲን፥ ዬላቶፖ።
17ኣዪሲ ጎፔ፥ ፒርዳይ ፆሳ ጎሊያን ዶሜቲያ ዎዲ ጋኬዳ። ቃሲ ሄ ፒርዳይ ኮዪሮ ኑ ቦላ ዶሜቲያዋ ጊዶፔ፥ ኣ ዎንጋላው ኣዛዜቴናዋንቱ ዉርሴይ ኣያ ጊዳኔ? 18ፂሎ ኣሳይ ቱጋን ኣቲያዋ ጊዶፔ፥ ማካላንቻይኔ ናጋራንቻይ ያቲና ዋናኔ? #ሌም 11፡31 19ሄዋ ዲራው ቃሲ፥ ፆሳይ ጌዳዋዳን ዋዬቲያዋንቱ ሎዖባ ኦዴ፥ ባሬንቱ ሼምፑዋ ሃዳራ ባሬና ሜዳ ኣማኔቲያ ፆሳው ኢሚኖ።
Currently Selected:
1 ጴፂሮሳ ኪታ 4: dwrENT
Highlight
Share
Copy
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
Learn More About Ooratha Caaquwaa