1 ጴፂሮሳ ኪታ 3
3
ኣሲናዋኔ ማቺያዋ
1-2ሄዋዳንካ ማቼቶ፥ ሂንቴ ኣሲናቱዋፔ ፆሳ ቃላው ኣዛዜቴና ኢቱ ኢቱ ዴዖፔካ፥ ሂንቴ ፓሉሜቴናን፥ ኡንቱንቱ ሂንቴ ያሻቴኔ ሂንቴ ጌሻ ዴዑዋ ቤዒዴ ፆኔታና ማላ፥ ኡንቱንቶ ሞዴቲቴ። 3ሂንቴ ሂንቴ ሁጲያ ኣልዖ ባን ጊጊሲያዋኒኔ ዎርቃ ዎያዋን ዎይ ኣልዖ ማዩዋ ማዪያዋን ሂንቴንቱ ቦላ ባጋ ሎይፒቴ። 4ሺን ሂንቴ ጋርሳን ቆሴቴዳ ኣሳቴ ሎዖቴይ ፆሳ ሲንን ሂንቴንቶ ዳሮ ኣልዖ ጊዲዴ፥ ዬና ኣሺኬኔ ዎፑ ጌዳ ኣያና ጊዶ። 5ኣዪሲ ጎፔ፥ ሄዋዳን ፆሳን ሂዶቴዳ ጌሻ ማጫ ኣሳቱ ቤኒ ዎዴ ባሬንቱ ኣሲናው ሞዴቲዴ፥ ባሬንታ ዳሮ ሎይዲኖ። 6ሄዋዳን ሳራ ኣብራሃማ፥ «ታ ጎዳው» ያጋ ፄሳዴ፥ ኣው ኣዛዜታዱ፤ ሂንቴካ ኢቲባዉኔ ያዬናን ሎዖባ ኦፔ፥ ኢ ናናቱዋ። #ዶም 18፡12
7ሄዋዳን ኣሲናቶ፥ ሂንቴ ማጫ ኣሳቱዋና ኣኬካን ኢቲፔ ዴዒቴ። ኡንቱንቶ ዳቡራንቻ ኣሳቴይ ዴዒያ ዲራው፥ ኡንቱንታ ቦንቺቴ፤ ሂንቴ ዎሳይ ቤቴና ማላ፥ ፆሳይ ኢሜዳ ዴዑዋ ኣ ኬካቴ ኡንቱንቱ ሂንቴናና ኢቲፔ ላቲኖ።
ሎዖባ ኦዴ ሜቱዋ ኣኪያዋ
8ዉርሴን፥ ኡባይ ኢቲ ቆፋን ዴዒቴ። ኢቱ ኢቶ ቃሬቲቴ፤ ኢሻቱዋዳን ሲቄቲቴ፤ ቃሲ ኢቱ ኢቶ ኬኪያዋንታኔ ሂንቴ ሁጲያ ካዉሺያዋንታ ጊዲቴ። 9ኢታ ዲራው ኢታ ዎይ ሼቃ ዲራው ሼቃ ዛሮፒቴ፤ ሄዋ ኣጊዴ፥ ፆሳይ ሂንቴንቱ ኣንጁዋ ላታናዳን ሂንቴና ፄሴዳ ዲራው፥ ኣንጂቴ። 10ኣዪሲ ጎፔ፥ ፆሳ ማፃፋይ ሃዋዳን ያጌ፤ «ዴዑዋ ዶሲያዌኔ ሎዖ ጋላሳ ቤዓናው ኮዪያዌ ኦና ጊዶፔኔ ባሬ ኢንፃርሳን ኢታባ ሃሳዪያዋኔ ዎርዱዋ ኦዲያዋ ኣጎ። #ማዝ 34፡12-16
11«ኢታባ ኦያዋ ኣጊዴ፥ ሎዖባ ኦ፤ ሳሮቴካ ሎይ ኮዮኔ ካላናው ባፄቶ።
12«ኣዪሲ ጎፔ፥ ጎዳ ኣይፊ ፂሎቱዋኮ ፄሌ፤ ቃሲ ኣ ሃይይ ኡባ ዎዴ ኡንቱንቱ ዎሳው ዶያ ዴዔ። ሺን ጎዳይ ኢታባ ኦያዋንታ ባሬ ሃንቁዋ ሶምዒያን ፄሌ» ያጌ።
13ሂንቴ ሎዖባ ኦናው ኣሞቶፔ፥ ሂንቴና ቆሃናዌ ኦኔ? 14ሺን ሃራይ ኣቶ፥ ፂሎቴ ዲራው ሂንቴ ዋዬቶፔካ፥ ኣንጄቴዳዋንታ። ኣሳው ያዮፒቴኔ ሂርጎፒቴ። #ማት 5፡10፤ ኢሳ 8፡12-13 15ሺን ኪሪስቶሳ ሂንቴ ዎዛናን ቦንቺቴኔ ኣ ሂንቴ ጎዳ ኦቴ። ፆሳይ ሂንቴንቶ ሂዶቴዳ ዴዑዋሲ ጋሱዋ ኦቺያ ኦሲኔ ዛሩዋ ኢማናው ኡባ ዎዴ ጊጊ ኡቲቴ፤ 16ሺን ሄዋ ኣሺኬቴኒኔ ያሻቴን ኦቴ። ቃሲ ኪሪስቶሳን ሂንቴ ዴዒያ ሎዖ ዴዑዋ ኢታባ ኦዳዋዳን፥ ሂንቴ ቦላን ኢታባ ሃሳዪያ ኣሳይ ባሬ ዚጊሪያዋን ዬላታና ማላ፥ ሂንቴ ዎዛናይ ጌሻ ጊዶ። 17ኣዪሲ ጎፔ፥ ፆሳይ ጌዳዋ ጊዶፔ፥ ኢታባ ኦዳ ዲራው ዋዬቲያዋፔ፥ ሎዖባ ኦዳ ዲራው ዋዬቲያዌ ኬካ። 18ኣዪሲ ጎፔ፥ ኪሪስቶሲ ኑና ፆሳኮ ኣፋናው፥ ባሬው ፂሎ ጊዲዴ፥ ማካላንቻቱዋ ዲራው፥ ኢቲ ጌዴ ኡባ ናጋራው ሃዪቄዳ፤ ኢ ባሬ ኣሳቴን ሃዪቄዳ፤ ሺን ኣያናን ፓፄዳ። 19ቃሲ ሄ ኣያናን፥ ቃሹዋን ዴዒያ ኣያናቱዋኮ ቢዴ፥ ኡንቱንቶ ቃላ ኦዴዳ። 20ሄ ኣያናቱ ኣማሬዳ፥ ሆስፑን ኣሳቱ ሃን ኣቴዳ ማርካቢያ ኖሄ ኬፂሺን፥ ፆሳይ ዳንዳዪዴ ጋሚዔዳ ዎዴ፥ ፆሳው ኣዛዜቲቤና ኣሳ ኣያናቱዋ። #ዶም 6፡1-7፡24 21ሄዌ ፂንቃታው ሌሚሱዋ ጊዲዴ፥ ሂንቴና ሃዒ ኣሼ፤ ሱሬ ዎዛናፔ ፆሳ ዎሲያዋፔ ኣቲን፥ ቦላ ቂታ ሜጪያዋ ጊዴና፤ ሄዌ ሂንቴና ዬሱሲ ኪሪስቶሲ ሃዪቁዋፔ ዴንዴዳዋን ኣሼ። 22ሳሉዋ ቢዴ ፆሳፔ ኡሼቻ ባጋን ኢ ኡቲዴ፥ ኪታንቻ ኡባ፥ ማታና ዴዒያዋንታኔ ዎልቃማቱዋ ሞዴ።
Currently Selected:
1 ጴፂሮሳ ኪታ 3: dwrENT
Highlight
Share
Copy
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
Learn More About Ooratha Caaquwaa