یەکەم پەترۆس کورتە باسێک
کورتە باسێک
بەگوێرەی ناوەڕۆکی نامەکە، پێدەچێت کە لەلایەن پەترۆسی قوتابییەوە نووسرابێت (1:12؛ 5:1-2)، بە یارمەتی سیلا کە نووسەری تایبەتی ئەو بووە، هەر لەبەر ئەوەشە کە بە یۆنانییەکی پەتی نووسیویەتی (5:12). بە ئەگەرێکی زۆر لە ساڵی (62–64 ز.) لە ڕۆماوە ئەم نامەیەی نووسیبێ، بۆ باوەڕدارانی ئاسیای بچووک (تورکیای ئێستا). پەترۆس لە ساڵی (67–68 ز.) لە سەردەمی پاشایەتی نیڕۆدا کوژراوە.
مەبەستی سەرەکی ئەم نامەیە هاندانە بۆ بەرگەگرتنی چەوسانەوە و ئازارچێژتن لە پێناوی مەسیحدا. بۆ گەیشتن بەم مەبەستە پەترۆس مژدەی عیسای مەسیح بەبیر خوێنەرانی دەهێنێتەوە، ئەوەی بە مردن و هەستانەوە و هاتنەوەی، هیوای بە جیهان بەخشی (1:3). بۆیە لەسەریانە بەرگەی هەموو چەوسانەوەیەک بگرن و باوەڕ بکەن ئەوە تاقیکردنەوەی تەواوی باوەڕیانە، لەسەر ئەمەش لە ڕۆژی دەرکەوتنی عیسا پاداشت وەردەگرن. «ئەمە نیعمەتە ڕاستەقینەکەی خودایە. تێیدا بچەسپێن.» (5:12) ئەم نامەیە بۆ چەند بەشێک دابەش دەکرێت:
1. ستایشکردنی خودا لە پێناوی ڕزگاری (1:3-12).
2. بانگەوازێک بۆ پیرۆزی (1:13–2:10).
3. ملکەچی بۆ دەسەڵات (2:11–3:7).
4. ئازارچێژتن لە پێناوی چاکە و مەسیح وەک نموونە (3:8–4:6).
5. کۆتایی زەمان (4:7-11).
6. ئازارچێژتن لە پێناوی مەسیحدا (4:12-19).
7. هاندانی پیران (5:1-4).
8. هاندانی گەنجان (5:5-11).
Currently Selected:
یەکەم پەترۆس کورتە باسێک: KSS
Highlight
Share
Copy
Want to have your highlights saved across all your devices? Sign up or sign in
کتێبی پیرۆز، کوردی سۆرانی ستاندەر™
مافی چاپکردن پاێزراوە © ١٩٩٨، ٢٠١١، ٢٠١٦، ٢٠٢٠ Biblica, Inc.
بە مۆڵەتی لایەنی بڵاوکار بەکارهاتووە. هەموومافەەەکانی پارێزراوە.
Holy Bible, Kurdi Sorani Standard™
Copyright © 1998, 2011, 2016, 2020 by Biblica, Inc.
Used with permission. All rights reserved worldwide.