یەکەم یۆحەنا کورتە باسێک
کورتە باسێک
نووسەری ئەم نامەیە خۆی ناناسێنێ، بەڵام ڕوونە کە یۆحەنای قوتابی عیسا بووە و لەوانەیە لە ئەفەسۆس لە ساڵی (85–90 ز.) نووسیبێتی، لەدوای نووسینی مزگێنیی مەسیح. بۆ زانیاری لەسەر کەسایەتی یۆحەنا بڕوانە پێشەکی مزگێنی بەپێی نووسینی یۆحەنا.
لەبەر ئەوەی ئەم نامەیە بێ ناونیشانە و بۆ کڵێسایەکی دیاریکراو نەنووسراوە، بۆیە دەتوانین بڵێین کە نامەیەکی گشتییە و بۆ هەموو باوەڕدارانە (بڕوانە 2:12-14).
یۆحەنا نێردراوی خۆشەویستییە و تەواوی نامەکە لەسەر خۆشەویستی چڕ دەبێتەوە. دەڵێ ئەوانەی باوەڕیان بە عیسا هەیە و خودایان خۆشدەوێ دەبێ یەکتریان خۆشبوێ. بە شێوەیەکی گشتیش نامەکە دوو مەبەستی سەرەکی لەخۆ دەگرێت:
1. سەلماندنی ڕاستی سروشتی مەسیح، وەک وەڵامدانەوەیەک بۆ مامۆستایانی درۆزن. «ئەمانەم بۆ ئێوە نووسی لەبارەی ئەوانەی هەوڵ دەدەن چەواشەتان بکەن.» (2:26).
2. دڵنیاکردنەوە لەسەر ژیانی هەتاهەتایی. «ئەمانەم بۆ ئێوە نووسی کە باوەڕتان بە ناوی کوڕی خودا هەیە، تاکو بزانن ژیانی هەتاهەتاییتان هەیە.» (5:13).
ئەم نامەیە بۆ چەند بەشێک دابەش دەکرێت:
1. پێکەوە ژیان لەگەڵ باوک و کوڕ (1:5–2:29).
2. ژیانی باوەڕدار و ژیانی ڕۆڵەی خودا (3:1-24).
3. ڕاستی و چەوتی ڕۆحەکان (4:1-6).
4. ژیانی باوەڕدار و ئەرکی خۆشەویستی (4:7-21).
5. ژیانی باوەڕدار و سەرکەوتوویی باوەڕەکەی (5:1-12).
6. ژیانی باوەڕدار و دڵنیایی لە ژیان (5:13-21).
Currently Selected:
یەکەم یۆحەنا کورتە باسێک: KSS
Highlight
Share
Copy
Want to have your highlights saved across all your devices? Sign up or sign in
کتێبی پیرۆز، کوردی سۆرانی ستاندەر™
مافی چاپکردن پاێزراوە © ١٩٩٨، ٢٠١١، ٢٠١٦، ٢٠٢٠ Biblica, Inc.
بە مۆڵەتی لایەنی بڵاوکار بەکارهاتووە. هەموومافەەەکانی پارێزراوە.
Holy Bible, Kurdi Sorani Standard™
Copyright © 1998, 2011, 2016, 2020 by Biblica, Inc.
Used with permission. All rights reserved worldwide.