رَوْمَا 1
1
1جَوَابْ مِنِّي أَنَا بُولُسْ عَبِدْ عِيسَى الْمَسِيحْ. اللّٰهْ نَادَانِي أَشَانْ نَبْقَى رَسُولْ وَ عَزَلَانِي أَشَانْ نِبَلِّغْ بِشَارْتَهْ 2الْوَاعَدْ بَيْهَا مِنْ زَمَانْ بِوَاسِطَةْ الْأَنْبِيَاء الْكَلَامْهُمْ مَكْتُوبْ فِي الْكُتُبْ الْمُقَدَّسَةْ. 3وَ الْبِشَارَةْ دِي تِحَجِّي بِإِبْنَهْ الْبِقِي إِنْسَانْ مِنْ ذُرِّيَّةْ الْمَلِكْ دَاوُدْ 4وَ اللّٰهْ جَعَلَهْ إِبْنَهْ بِقُدْرَةْ الرُّوحْ الْقُدُّوسْ، وَكِتْ هُو بَعَثَهْ مِنْ أُسْط الْمَيْتِينْ. وَ إِبْنَهْ دَا، هُو عِيسَى الْمَسِيحْ رَبِّنَا. 5وَ بَيَّهْ هُو وَ فِي شَانْ أُسْمَهْ، اللّٰهْ أَنْطَانِي نِعْمَةْ وَ سَوَّانِي رَسُولْ أَشَانْ نِنَادِي كُلَّ الْأُمَمْ لِيِآمُنُوا بَيَّهْ وَ يِتَابُعُوا كَلَامَهْ.
6وَ إِنْتُو كُلَ، اللّٰهْ نَادَاكُو أَشَانْ تَبْقَوْا مَعَاهُمْ شَعَبْ هَنَا عِيسَى الْمَسِيحْ. 7وَ نَكْتِبْ لَيْكُو إِنْتُو كُلُّكُو الْقَاعِدِينْ فِي مَدِينَةْ رَوْمَا، إِنْتُو الْاللّٰهْ يِحِبُّكُو وَ نَادَاكُو لِتَبْقَوْا صَالِحِينْ. عَلَيْكُمْ السَّلَامْ وَ الرَّحْمَةْ مِنْ اللّٰهْ أَبُونَا وَ رَبِّنَا عِيسَى الْمَسِيحْ.
شُكُر و دُعا هنا بُولُس
8أَوَّلْ شَيّءْ، نَشْكُرْ اللّٰهْ بِأُسُمْ عِيسَى الْمَسِيحْ فِي شَانْكُو كُلُّكُو أَشَانْ إِيمَانْكُو بِقِي مَعْرُوفْ فِي كُلَّ الدُّنْيَا. 9وَ اللّٰهْ النَّعَبُدَهْ بِكُلَّ رُوحِي فِي بَلِّغِينْ بِشَارَةْ إِبْنَهْ، هُو شَاهِدْ لَيِّ كَدَرْ أَنَا قَاعِدْ نِفَكِّرْ فَوْقكُو دَايْماً وَ نَدْعِي لَيْكُو 10فِي كُلَّ صَلَاوَاتِي. وَ قَاعِدْ نَسْأَلْ اللّٰهْ كَنْ دِي مُرَادْتَهْ، هُو يَفْتَحْ لَيِّ الدَّرِبْ أَشَانْ نَمْشِي لَيْكُو. 11نِدَوْر بِلْحَيْن نُزُورْكُو وَ نَنْطِيكُو بَرَكَةْ بِقُدْرَةْ الرُّوحْ الْقُدُّوسْ أَشَانْ نِشَجِّعْكُو. 12وَ زِيَادَةْ مِنْ دَا، نِدَوْر نَجِي فِي أُسُطْكُو أَشَانْ بِإِيمَانْكُو وَ إِيمَانِي، كُلِّنَا نَلْقَوْا شَجَاعَةْ.
قُدْرة اللّه في بِشارة المسيح
13يَا أَخْوَانِي، نِدَوْر إِنْتُو تَعَرْفُوا كَدَرْ أَنَا حَاوَلْت عِدَّةْ مَرَّاتْ نَجِيكُو. نِدَوْر كَدَرْ خِدِمْتِي تَنْطِيكُو نَتِيجَةْ مِثِلْ أَنْطَتْ نَتِيجَةْ لِلنَّاسْ الْآخَرِينْ الْفِي دِيَارْ هَنَا الْمَا يَهُودْ. لَاكِنْ مَا قِدِرْت نَجِيكُو لَحَدِّي الْيَوْم. 14وَاجِبْ نَمْشِي لِكُلَّ النَّاسْ، الْمُثَقَّفِينْ وَ الْمَا مُثَقَّفِينْ وَ الْقَرَوْا وَ الْمَا قَرَوْا. وَ دَا قَاعِدْ فَوْقِي مِثِلْ دَيْن. 15وَ أَشَانْ دَا، عِنْدِي نِيَّةْ أَشَانْ نِبَشِّرْكُو إِنْتُو الْفِي رَوْمَا كُلَ بِبِشَارَةْ الْمَسِيحْ.
16أَشَانْ وَكِتْ أَنَا نِبَشِّرْ بِشَارَةْ الْمَسِيحْ، دَا مَا عِنْدَهْ لَيِّ عَيْب. وَ بِشَارَةْ الْمَسِيحْ، هِي قُدْرَةْ اللّٰهْ الْبَيْهَا يِنَجِّي كُلَّ النَّاسْ الْيِآمُنُوا بَيَّهْ، أَوَّلْ كَيْ الْيَهُودْ وَ بَتَّانْ الْمَا يَهُودْ. 17أَشَانْ بِبِشَارَةْ الْمَسِيحْ، اللّٰهْ وَصَّفْ كِكَّيْف هُو يِسَوِّي النَّاسْ صَالِحِينْ وَ الدَّرِبْ دَا بِالْإِيمَانْ مِنْ الْبِدَايَةْ لَحَدِّي النِّهَايَةْ. أَشَانْ دَا، الْكِتَابْ بُقُولْ: <بِإِيمَانَهْ، الصَّالِحْ يَحْيَى.>#1:17 الكلام دا تلقوه في حَبَقُوق 2:4.
غضب اللّه في ذُنوب الناس
18اللّٰهْ بَيَّنْ غَضَبَهْ الْيِنَزِّلَهْ مِنْ السَّمَاءْ فِي كُلَّ ذَنِبْ وَ فَسَالَةْ بَنِي آدَم. هُمَّنْ قَاعِدِينْ يِخَالُفُوا الْحَقّ بِعَمَلْهُمْ الْفَسِلْ. 19الشَّيّءْ الْيَقْدَرَوْا يَعَرْفُوهْ فِي اللّٰهْ وَاضِحْ لَيْهُمْ أَشَانْ اللّٰهْ سَوَّاهْ وَاضِحْ لَيْهُمْ. 20مِنْ اللّٰهْ خَلَقْ الدُّنْيَا، النَّاسْ يَقْدَرَوْا يَعَرْفُوا صِفَاتْ اللّٰهْ الْمَا يِنْشَافَوْا مِثِلْ قُدُرْتَهْ الدَّايْمَةْ وَ طَبِيعْتَهْ الْإِلٰـهِيَّةْ. كَنْ يِفَكُّرُوا عَدِيلْ فِي الْأَشْيَاءْ الْاللّٰهْ خَلَقَاهُمْ، صِفَاتَهْ يَبْقَوْا وَاضْحِينْ لَيْهُمْ. وَ بَيْدَا، مَا يَقْدَرَوْا يِدَافُعُوا لِنُفُوسْهُمْ قِدَّامْ اللّٰهْ بَتَّانْ.
21هُمَّنْ عِرْفَوْا اللّٰهْ قَاعِدْ وَ لَاكِنْ مَا مَجَّدَوْه وَ مَا شَكَرَوْه مِثِلْ وَاجِبْ لَيَّهْ. بِالْعَكْس، فِكِرْهُمْ وَدَّرْ مَرَّةْ وَاحِدْ وَ خَلَّوْا الضَّلَامْ دَخَلْ فِي قُلُوبْهُمْ الْمَا عِنْدُهُمْ فِهِمْ. 22حَسَبَوْا نُفُوسْهُمْ حَكِيمِينْ وَ لَاكِنْ بِالصَّحِيحْ، بِقَوْا مَطَامِيسْ. 23أَبَوْا مَا يَعَبُدُوا اللّٰهْ الْمَجِيدْ الْمَا يُمُوتْ أَبَداً. وَ قَمَّوْا يَعَبُدُوا فِي بَدَلَهْ، أَصْنَامْ فِي صُورَةْ الْإِنْسَانْ الْأَكِيدْ يُمُوتْ وَلَّا صُورَةْ طَيْر وَلَّا صُورَةْ حَيْوَانَاتْ وَلَّا صُورَةْ زَوَاحِفْ.
24وَ أَشَانْ دَا، اللّٰهْ سَلَّمَاهُمْ لِشَهْوَاتْ قُلُوبْهُمْ وَ خَلَّاهُمْ يِسَوُّوا فِعِلْ شَيْن بِأَجْسَامْهُمْ وَ يِتَلُّفُوا شَرَفْهُمْ أَمْبَيْنَاتْهُمْ. 25هُمَّنْ أَبَوْا حَقّ اللّٰهْ وَ قِبْلَوْا فِي بَدَلَهْ الْكِدِبْ. هُمَّنْ قَمَّوْا يَعَبُدُوا الْمَخْلُوقْ وَ يَخْدُمُوا لَيَّهْ فِي بَدَلْ اللّٰهْ الْخَالِقْ، الْوَاجِبْ لَيَّهْ كُلَّ الشُّكُرْ إِلَى الْأَبَدْ. آمِينْ.
26وَ أَشَانْ دَا، اللّٰهْ سَلَّمَاهُمْ لِشَهْوَاتْهُمْ الْيِجِيبُوا فِي رُوسَيْهُمْ الْعَيْب. وَ عَوِينْهُمْ كُلَ خَلَّنْ مِنْهِنْ الرُّجَالْ وَ دَوَّرَنْ عَوِينْ. 27وَ الرُّجَالْ كُلَ خَلَّوْا مِنْهُمْ الْعَوِينْ وَ شَهْوِتْهُمْ لِلرُّجَالْ بِقَتْ شَدِيدَةْ بِلْحَيْن. وَ الرُّجَالْ قَمَّوْا بِلَّاوَطَوْا أَمْبَيْنَاتْهُمْ وَ الْعَذَابْ الْوَاجِبْ لَيْهُمْ بِسَبَبْ فَسَادْهُمْ، لِحِقَاهُمْ خَلَاصْ.
28النَّاسْ أَبَوْا مَا يَعَرْفُوا اللّٰهْ وَ أَشَانْ دَا، اللّٰهْ سَلَّمَاهُمْ لِعُقُولْهُمْ الْفَاسْدِينْ وَ قَمَّوْا يِسَوُّوا الشَّيّءْ الْمَا وَاجِبْ يِسَوُّوهْ. 29وَ قُلُوبْهُمْ أَنْمَلَوْا بِكُلَّ الذُّنُوبْ وَ الْفَسَالَةْ وَ الطَّمَعْ وَ النِّيَّةْ الْفَاسْدَةْ. هُمَّنْ مَلَانِينْ بِالْحُسُدْ وَ الْكَتِلْ وَ الْمُخَاصَمَةْ وَ الْغَشّ وَ الشَّرّ. هُمَّنْ قَوَّالِينْ 30وَ قَطَّاعِينْ وَ عُدْوَانْ اللّٰهْ. هُمَّنْ شَمَّاتِينْ وَ مُسْتَكْبِرِينْ وَ فَشَّارِينْ وَ يِفَتُّشُوا أَيِّ طَرِيقَةْ لِيِسَوُّوا الشَّرّ وَ عَايْقِينْ وَالْدَيْنهُمْ. 31هُمَّنْ مَا عِنْدُهُمْ فِهِمْ وَ لَا عِنْدُهُمْ أَمَانْ وَ لَا عِنْدُهُمْ مَحَنَّةْ وَ لَا عِنْدُهُمْ رَحْمَةْ. 32هُمَّنْ عِرْفَوْا قَرَارْ اللّٰهْ الْبُقُولْ الْمَوْت وَاجِبْ لِأَيِّ نَادُمْ الْيِسَوِّي الْعَمَلْ الْمِثِلْ دَا. وَ لَاكِنْ مَا خَلَّوْا مِنْهُمْ الذُّنُوبْ دَوْل وَ هُمَّنْ رَضْيَانِينْ بِالنَّاسْ الْيِسَوُّوهُمْ كُلَ.
Currently Selected:
رَوْمَا 1: ع.د.ت19
Highlight
Share
Copy
Want to have your highlights saved across all your devices? Sign up or sign in
La Bible en arabe tchadien © Alliance biblique du Tchad, 2019
رَوْمَا 1
1
1جَوَابْ مِنِّي أَنَا بُولُسْ عَبِدْ عِيسَى الْمَسِيحْ. اللّٰهْ نَادَانِي أَشَانْ نَبْقَى رَسُولْ وَ عَزَلَانِي أَشَانْ نِبَلِّغْ بِشَارْتَهْ 2الْوَاعَدْ بَيْهَا مِنْ زَمَانْ بِوَاسِطَةْ الْأَنْبِيَاء الْكَلَامْهُمْ مَكْتُوبْ فِي الْكُتُبْ الْمُقَدَّسَةْ. 3وَ الْبِشَارَةْ دِي تِحَجِّي بِإِبْنَهْ الْبِقِي إِنْسَانْ مِنْ ذُرِّيَّةْ الْمَلِكْ دَاوُدْ 4وَ اللّٰهْ جَعَلَهْ إِبْنَهْ بِقُدْرَةْ الرُّوحْ الْقُدُّوسْ، وَكِتْ هُو بَعَثَهْ مِنْ أُسْط الْمَيْتِينْ. وَ إِبْنَهْ دَا، هُو عِيسَى الْمَسِيحْ رَبِّنَا. 5وَ بَيَّهْ هُو وَ فِي شَانْ أُسْمَهْ، اللّٰهْ أَنْطَانِي نِعْمَةْ وَ سَوَّانِي رَسُولْ أَشَانْ نِنَادِي كُلَّ الْأُمَمْ لِيِآمُنُوا بَيَّهْ وَ يِتَابُعُوا كَلَامَهْ.
6وَ إِنْتُو كُلَ، اللّٰهْ نَادَاكُو أَشَانْ تَبْقَوْا مَعَاهُمْ شَعَبْ هَنَا عِيسَى الْمَسِيحْ. 7وَ نَكْتِبْ لَيْكُو إِنْتُو كُلُّكُو الْقَاعِدِينْ فِي مَدِينَةْ رَوْمَا، إِنْتُو الْاللّٰهْ يِحِبُّكُو وَ نَادَاكُو لِتَبْقَوْا صَالِحِينْ. عَلَيْكُمْ السَّلَامْ وَ الرَّحْمَةْ مِنْ اللّٰهْ أَبُونَا وَ رَبِّنَا عِيسَى الْمَسِيحْ.
شُكُر و دُعا هنا بُولُس
8أَوَّلْ شَيّءْ، نَشْكُرْ اللّٰهْ بِأُسُمْ عِيسَى الْمَسِيحْ فِي شَانْكُو كُلُّكُو أَشَانْ إِيمَانْكُو بِقِي مَعْرُوفْ فِي كُلَّ الدُّنْيَا. 9وَ اللّٰهْ النَّعَبُدَهْ بِكُلَّ رُوحِي فِي بَلِّغِينْ بِشَارَةْ إِبْنَهْ، هُو شَاهِدْ لَيِّ كَدَرْ أَنَا قَاعِدْ نِفَكِّرْ فَوْقكُو دَايْماً وَ نَدْعِي لَيْكُو 10فِي كُلَّ صَلَاوَاتِي. وَ قَاعِدْ نَسْأَلْ اللّٰهْ كَنْ دِي مُرَادْتَهْ، هُو يَفْتَحْ لَيِّ الدَّرِبْ أَشَانْ نَمْشِي لَيْكُو. 11نِدَوْر بِلْحَيْن نُزُورْكُو وَ نَنْطِيكُو بَرَكَةْ بِقُدْرَةْ الرُّوحْ الْقُدُّوسْ أَشَانْ نِشَجِّعْكُو. 12وَ زِيَادَةْ مِنْ دَا، نِدَوْر نَجِي فِي أُسُطْكُو أَشَانْ بِإِيمَانْكُو وَ إِيمَانِي، كُلِّنَا نَلْقَوْا شَجَاعَةْ.
قُدْرة اللّه في بِشارة المسيح
13يَا أَخْوَانِي، نِدَوْر إِنْتُو تَعَرْفُوا كَدَرْ أَنَا حَاوَلْت عِدَّةْ مَرَّاتْ نَجِيكُو. نِدَوْر كَدَرْ خِدِمْتِي تَنْطِيكُو نَتِيجَةْ مِثِلْ أَنْطَتْ نَتِيجَةْ لِلنَّاسْ الْآخَرِينْ الْفِي دِيَارْ هَنَا الْمَا يَهُودْ. لَاكِنْ مَا قِدِرْت نَجِيكُو لَحَدِّي الْيَوْم. 14وَاجِبْ نَمْشِي لِكُلَّ النَّاسْ، الْمُثَقَّفِينْ وَ الْمَا مُثَقَّفِينْ وَ الْقَرَوْا وَ الْمَا قَرَوْا. وَ دَا قَاعِدْ فَوْقِي مِثِلْ دَيْن. 15وَ أَشَانْ دَا، عِنْدِي نِيَّةْ أَشَانْ نِبَشِّرْكُو إِنْتُو الْفِي رَوْمَا كُلَ بِبِشَارَةْ الْمَسِيحْ.
16أَشَانْ وَكِتْ أَنَا نِبَشِّرْ بِشَارَةْ الْمَسِيحْ، دَا مَا عِنْدَهْ لَيِّ عَيْب. وَ بِشَارَةْ الْمَسِيحْ، هِي قُدْرَةْ اللّٰهْ الْبَيْهَا يِنَجِّي كُلَّ النَّاسْ الْيِآمُنُوا بَيَّهْ، أَوَّلْ كَيْ الْيَهُودْ وَ بَتَّانْ الْمَا يَهُودْ. 17أَشَانْ بِبِشَارَةْ الْمَسِيحْ، اللّٰهْ وَصَّفْ كِكَّيْف هُو يِسَوِّي النَّاسْ صَالِحِينْ وَ الدَّرِبْ دَا بِالْإِيمَانْ مِنْ الْبِدَايَةْ لَحَدِّي النِّهَايَةْ. أَشَانْ دَا، الْكِتَابْ بُقُولْ: <بِإِيمَانَهْ، الصَّالِحْ يَحْيَى.>#1:17 الكلام دا تلقوه في حَبَقُوق 2:4.
غضب اللّه في ذُنوب الناس
18اللّٰهْ بَيَّنْ غَضَبَهْ الْيِنَزِّلَهْ مِنْ السَّمَاءْ فِي كُلَّ ذَنِبْ وَ فَسَالَةْ بَنِي آدَم. هُمَّنْ قَاعِدِينْ يِخَالُفُوا الْحَقّ بِعَمَلْهُمْ الْفَسِلْ. 19الشَّيّءْ الْيَقْدَرَوْا يَعَرْفُوهْ فِي اللّٰهْ وَاضِحْ لَيْهُمْ أَشَانْ اللّٰهْ سَوَّاهْ وَاضِحْ لَيْهُمْ. 20مِنْ اللّٰهْ خَلَقْ الدُّنْيَا، النَّاسْ يَقْدَرَوْا يَعَرْفُوا صِفَاتْ اللّٰهْ الْمَا يِنْشَافَوْا مِثِلْ قُدُرْتَهْ الدَّايْمَةْ وَ طَبِيعْتَهْ الْإِلٰـهِيَّةْ. كَنْ يِفَكُّرُوا عَدِيلْ فِي الْأَشْيَاءْ الْاللّٰهْ خَلَقَاهُمْ، صِفَاتَهْ يَبْقَوْا وَاضْحِينْ لَيْهُمْ. وَ بَيْدَا، مَا يَقْدَرَوْا يِدَافُعُوا لِنُفُوسْهُمْ قِدَّامْ اللّٰهْ بَتَّانْ.
21هُمَّنْ عِرْفَوْا اللّٰهْ قَاعِدْ وَ لَاكِنْ مَا مَجَّدَوْه وَ مَا شَكَرَوْه مِثِلْ وَاجِبْ لَيَّهْ. بِالْعَكْس، فِكِرْهُمْ وَدَّرْ مَرَّةْ وَاحِدْ وَ خَلَّوْا الضَّلَامْ دَخَلْ فِي قُلُوبْهُمْ الْمَا عِنْدُهُمْ فِهِمْ. 22حَسَبَوْا نُفُوسْهُمْ حَكِيمِينْ وَ لَاكِنْ بِالصَّحِيحْ، بِقَوْا مَطَامِيسْ. 23أَبَوْا مَا يَعَبُدُوا اللّٰهْ الْمَجِيدْ الْمَا يُمُوتْ أَبَداً. وَ قَمَّوْا يَعَبُدُوا فِي بَدَلَهْ، أَصْنَامْ فِي صُورَةْ الْإِنْسَانْ الْأَكِيدْ يُمُوتْ وَلَّا صُورَةْ طَيْر وَلَّا صُورَةْ حَيْوَانَاتْ وَلَّا صُورَةْ زَوَاحِفْ.
24وَ أَشَانْ دَا، اللّٰهْ سَلَّمَاهُمْ لِشَهْوَاتْ قُلُوبْهُمْ وَ خَلَّاهُمْ يِسَوُّوا فِعِلْ شَيْن بِأَجْسَامْهُمْ وَ يِتَلُّفُوا شَرَفْهُمْ أَمْبَيْنَاتْهُمْ. 25هُمَّنْ أَبَوْا حَقّ اللّٰهْ وَ قِبْلَوْا فِي بَدَلَهْ الْكِدِبْ. هُمَّنْ قَمَّوْا يَعَبُدُوا الْمَخْلُوقْ وَ يَخْدُمُوا لَيَّهْ فِي بَدَلْ اللّٰهْ الْخَالِقْ، الْوَاجِبْ لَيَّهْ كُلَّ الشُّكُرْ إِلَى الْأَبَدْ. آمِينْ.
26وَ أَشَانْ دَا، اللّٰهْ سَلَّمَاهُمْ لِشَهْوَاتْهُمْ الْيِجِيبُوا فِي رُوسَيْهُمْ الْعَيْب. وَ عَوِينْهُمْ كُلَ خَلَّنْ مِنْهِنْ الرُّجَالْ وَ دَوَّرَنْ عَوِينْ. 27وَ الرُّجَالْ كُلَ خَلَّوْا مِنْهُمْ الْعَوِينْ وَ شَهْوِتْهُمْ لِلرُّجَالْ بِقَتْ شَدِيدَةْ بِلْحَيْن. وَ الرُّجَالْ قَمَّوْا بِلَّاوَطَوْا أَمْبَيْنَاتْهُمْ وَ الْعَذَابْ الْوَاجِبْ لَيْهُمْ بِسَبَبْ فَسَادْهُمْ، لِحِقَاهُمْ خَلَاصْ.
28النَّاسْ أَبَوْا مَا يَعَرْفُوا اللّٰهْ وَ أَشَانْ دَا، اللّٰهْ سَلَّمَاهُمْ لِعُقُولْهُمْ الْفَاسْدِينْ وَ قَمَّوْا يِسَوُّوا الشَّيّءْ الْمَا وَاجِبْ يِسَوُّوهْ. 29وَ قُلُوبْهُمْ أَنْمَلَوْا بِكُلَّ الذُّنُوبْ وَ الْفَسَالَةْ وَ الطَّمَعْ وَ النِّيَّةْ الْفَاسْدَةْ. هُمَّنْ مَلَانِينْ بِالْحُسُدْ وَ الْكَتِلْ وَ الْمُخَاصَمَةْ وَ الْغَشّ وَ الشَّرّ. هُمَّنْ قَوَّالِينْ 30وَ قَطَّاعِينْ وَ عُدْوَانْ اللّٰهْ. هُمَّنْ شَمَّاتِينْ وَ مُسْتَكْبِرِينْ وَ فَشَّارِينْ وَ يِفَتُّشُوا أَيِّ طَرِيقَةْ لِيِسَوُّوا الشَّرّ وَ عَايْقِينْ وَالْدَيْنهُمْ. 31هُمَّنْ مَا عِنْدُهُمْ فِهِمْ وَ لَا عِنْدُهُمْ أَمَانْ وَ لَا عِنْدُهُمْ مَحَنَّةْ وَ لَا عِنْدُهُمْ رَحْمَةْ. 32هُمَّنْ عِرْفَوْا قَرَارْ اللّٰهْ الْبُقُولْ الْمَوْت وَاجِبْ لِأَيِّ نَادُمْ الْيِسَوِّي الْعَمَلْ الْمِثِلْ دَا. وَ لَاكِنْ مَا خَلَّوْا مِنْهُمْ الذُّنُوبْ دَوْل وَ هُمَّنْ رَضْيَانِينْ بِالنَّاسْ الْيِسَوُّوهُمْ كُلَ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
La Bible en arabe tchadien © Alliance biblique du Tchad, 2019