أعمال الرُسُل 28
28
بُولُس في جزيرة مَالْطَة
1وَ وَكِتْ كُلِّنَا مَرَقْنَا مِنْ الْبَحَرْ بِالْعَافَيْ، نَادُمْ وَاحِدْ أَوْرَانَا كَدَرْ الْجَزِيرَةْ دِي أُسُمْهَا مَالْطَةْ. 2وَ سُكَّانْ مَالْطَةْ زَيْنِينْ لَيْنَا مَرَّةْ وَاحِدْ وَ فَضَّلَوْنَا كُلِّنَا. وَ أَوْقَدَوْا لَيْنَا نَارْ أَشَانْ الْوَطَاةْ بَارْدَةْ وَ أَلْمِي بَدَا يُصُبّ.
3وَ بُولُسْ خَمَّ حَطَبْ أَشَانْ يُصُبَّهْ فِي النَّارْ. وَ فَجْأَةً، دَابِي وَاحِدْ مَرَقْ مِنْ الْحَطَبْ جَارِي مِنْ حَمُو النَّارْ وَ عَضَّى بُولُسْ فِي إِيدَهْ وَ لِصِقْ فَوْقهَا. 4وَ وَكِتْ نَاسْ الْبَكَانْ شَافَوْا الدَّابِي لَاصِقْ فِي إِيدَهْ، حَجَّوْا أَمْبَيْنَاتْهُمْ وَ قَالَوْا: «أَكِيدْ، النَّادُمْ دَا كَتَّالْ دِمَمْ! هُو نِجِي مِنْ الْبَحَرْ مَا أَكَلَهْ. وَ لَاكِنْ الْعَدِلْ مَا دَوَّرْ هُو يِعِيشْ. وَ هَسَّعْ كَتَلَهْ خَلَاصْ!» 5وَ لَاكِنْ بُولُسْ حَتَّ إِيدَهْ مِنْ الدَّابِي وَ الدَّابِي وَقَعْ فِي النَّارْ وَ شَيّءْ مَا بِقِي لَيَّهْ. 6وَ نَاسْ الْبَكَانْ قَاعِدِينْ يَرْجَوْا بُولُسْ يِنَّفِخْ وَلَّا يَقَعْ يُمُوتْ عَجَلَةْ. وَ رِجَوْا مُدَّةْ طَوِيلَةْ وَ شَيّءْ مَا بِقِي لِبُولُسْ. وَ أَشَانْ دَا، غَيَّرَوْا أَفْكَارْهُمْ وَ قَالَوْا: «النَّادُمْ دَا أَكِيدْ وَاحِدْ مِنْ الْإِلٰـهَاتْ.»
7وَ الْبَكَانْ الْأَنِحْنَ قَاعِدِينْ فَوْقَهْ قَرِيبْ لِزِرَاعَةْ نَادُمْ وَاحِدْ أُسْمَهْ بُبْلِيُوسْ وَ هُو كَبِيرْ هَنَا نَاسْ مَالْطَةْ. وَ هُو فَضَّلَانَا وَ ضَيَّفَانَا فِي بَيْتَهْ تَلَاتَةْ يَوْم. 8وَ أَبُو بُبْلِيُوسْ رَاقِدْ وَ عِنْدَهْ وِرْدَةْ وَ يِسَبِّبْ دَمّ. وَ بُولُسْ مَشَى شَافَهْ وَ سَأَلْ لَيَّهْ اللّٰهْ وَ خَطَّ إِيدَيْنَهْ فَوْقَهْ وَ خَلَاصْ دَاوَاهْ. 9وَ بَعَدْ دَا، كُلَّ النَّاسْ الْمَرْضَانِينْ الْفِي مَالْطَةْ جَوْا لَيْنَا وَ لِقَوْا الْعَافَيْ. 10وَ شَكَرَوْنَا كَتِيرْ وَ وَكِتْ دَوَّرْنَا نِسَافُرُوا، أَنْطَوْنَا كُلَّ شَيّءْ الْوَاجِبْ لِلسَّفَرْ.
11وَ قَعَدْنَا تَلَاتَةْ شَهَرْ فِي مَالْطَةْ. وَ بَعَدْ دَا، رِكِبْنَا فِي سَفِينَةْ وَاحِدَةْ. عِنْدَهَا فَوْقهَا صُورَةْ مَنْجُورَةْ هَنَا التِّيمَانْ السَّمَاوِيِّينْ. هِي مِنْ الْإِسْكَنْدَرِيَّةْ وَ قَاعِدَةْ فِي مَالْطَةْ طُولْ الشِّتَاءْ. 12وَ مَشَيْنَا وِصِلْنَا فِي حِلَّةْ سِرَاكُوسَةْ وَ قَعَدْنَا فَوْقهَا تَلَاتَةْ يَوْم. 13مِنْ هِنَاكْ، مَشَيْنَا قِدَّامْ لَحَدِّي وِصِلْنَا فِي حِلَّةْ رِيغِيُونْ. وَ قَعَدْنَا فِيهَا يَوْم وَاحِدْ. وَ الرِّيحْ قَمَّتْ تُسُوقْ مِنْ الْوَطِي وَ أَمْبَاكِرْ لِحِقْنَا بُوطِيُولِي. 14نَزَلْنَا وَ مَشَيْنَا لِقِينَا أَخْوَانْ مُؤمِنِينْ وَ هُمَّنْ ضَيَّفَوْنَا وَ قَعَدْنَا مَعَاهُمْ سَبْعَةْ يَوْم. وَ خَلَاصْ، وِصِلْنَا فِي رَوْمَا.
15وَ وَكِتْ الْأَخْوَانْ السَّاكْنِينْ فِي رَوْمَا سِمْعَوْا أَنِحْنَ جَايِينْ، مَرَقَوْا أَشَانْ يِلَاقُونَا. وَاحِدِينْ جَوْا لَحَدِّي سُوقْ أَبِيُوسْ وَ آخَرِينْ لِلْحِلَّةْ الْأُسُمْهَا تَلَاتَةْ بُيُوتْ هَنَا الضِّيَافَةْ. وَ وَكِتْ بُولُسْ شَافَاهُمْ، شَكَرْ اللّٰهْ وَ شَدَّ حَيْلَهْ. 16وَ وَكِتْ دَخَلْنَا فِي رَوْمَا، مَسْؤُولْ الْعَسْكَرْ سَلَّمْ الْمَسَاجِينْ لِلْقَايِدْ وَ أَنْطَوْا إِذِنْ لِبُولُسْ أَشَانْ يَلْقَى بَيْت وَ يَسْكُنْ فَوْقَهْ وِحَيْدَهْ مَعَ الْعَسْكَرِي الْقَاعِدْ يَحَرْسَهْ.
بُولُس في مدينة رَوْمَا
17وَ بَعَدْ تَلَاتَةْ يَوْم، بُولُسْ نَادَى كُبَارَاتْ الْيَهُودْ السَّاكْنِينْ فِي رَوْمَا أَشَانْ يَجُوا لَيَّهْ. وَ هُمَّنْ جَوْا لَيَّهْ وَ هُو حَجَّى لَيْهُمْ وَ قَالْ: «يَا الْأَخْوَانْ، أَنَا مَا سَوَّيْت شَيّءْ ضِدّ شَعَبْنَا وَ مَا سَوَّيْت شَيّءْ ضِدّ عَادَاتْ جُدُودْنَا لَاكِنْ كَرَبَوْنِي فِي مَدِينَةْ الْقُدُسْ وَ سَلَّمَوْنِي لِلرَّوْمَانِيِّينْ. 18وَ الرَّوْمَانِيِّينْ سَأَلَوْنِي فِي الْكَلَامْ دَا وَ دَوَّرَوْا يَطُلْقُونِي. وَ قَالَوْا الْمَوْت مَا وَاجِبْ لَيِّ. 19لَاكِنْ الْيَهُودْ عَارَضَوْا أَشَانْ مَا يَطُلْقُونِي. وَ مَا قِدِرْت نِسَوِّي شَيّءْ إِلَّا نَطْلُبْ إِذِنْ نِدَافِعْ لِنَفْسِي قِدَّامْ السُّلْطَانْ. وَ أَبَداً مَا نِدَوْر نِقَدِّمْ شَكْوَةْ ضِدّ أُمَّتِي. 20وَ أَشَانْ دَا، دَوَّرْت نِحَجِّي مَعَاكُو. وَ أَنَا مَرْبُوطْ بِالْجِنْزِيرْ دَا فِي شَانْ النَّادُمْ الْبَنِي إِسْرَائِيلْ قَاعِدِينْ يَرْجَوْه بِعَشَمْ.»
21وَ الْيَهُودْ قَالَوْا لَيَّهْ: «مَا لِقِينَا فَوْقَكْ جَوَابْ مِنْ دَارْ الْيَهُودِيَّةْ. وَ الْأَخْوَانْ الْجَوْا مِنْ هِنَاكْ كُلَ، نَادُمْ وَاحِدْ مَا جَابْ لَيْنَا خَبَرْ فَوْقَكْ وَ مَا سِمِعْنَا فَوْقَكْ شَيّءْ فَسِلْ. 22لَاكِنْ نِدَوْرُوا نَسْمَعَوْا كَلَامَكْ وَ نَعَرْفُوا فِكْرَكْ. وَ كَنْ لِمَجْمُوعِتْكُو دِي، نَعَرْفُوا كَدَرْ فِي كُلِّ بَكَانْ النَّاسْ قَاعِدِينْ يَشْكُوا مِنْهَا.»
23وَ قَطَعَوْا لَيَّهْ يَوْم أَشَانْ يِحَجِّي لَيْهُمْ. وَ فِي الْيَوْم دَا، نَاسْ كَتِيرِينْ بِلْحَيْن جَوْا لَمَّوْا فِي بَيْتَهْ. وَ مِنْ الْفَجُرْ لَحَدِّي الْمَغْرِبْ، بُولُسْ قَاعِدْ يَشْهَدْ لِمَمْلَكَةْ اللّٰهْ وَ قَاعِدْ يِحَجِّي لَيْهُمْ بِكَلَامْ تَوْرَاةْ مُوسَى وَ الْأَنْبِيَاء أَشَانْ يِجِيبْهُمْ فِي دَرِبْ عِيسَى. 24وَ وَاحِدِينْ مِنْهُمْ سِمْعَوْا كَلَامَهْ وَ آمَنَوْا وَ وَاحِدِينْ مِنْهُمْ أَبَوْا، مَا يِآمُنُوا. 25وَ مَا أَسْتَفَقَوْا أَمْبَيْنَاتْهُمْ.
وَ قُبَّالْ مَا يِشِتُّوا فِي بُيُوتْهُمْ، بُولُسْ قَالْ شَيّءْ وَاحِدْ بَسْ زِيَادَةْ: «أَكِيدْ، كَلَامْ الرُّوحْ الْقُدُّوسْ صَحِيحْ وَكِتْ حَجَّى لِجُدُودْكُو بِخَشُمْ النَّبِي إِشَعْيَا وَ قَالْ: 26<أَمْشِي وَ قُولْ لِلشَّعَبْ دَوْل:
‹تَسْمَعَوْا وَ لَاكِنْ مَا تَفْهَمَوْا
وَ تِشِيفُوا وَ لَاكِنْ مَا تَعَرْفُوا.
27قُلُوبْ الشَّعَبْ دَوْل بِقَوْا قَوِيِّينْ
وَ أُدْنَيْهُمْ مَا يَسْمَعَوْا
وَ سَدَّوْا عُيُونْهُمْ.
وَ كَنْ مَا مِثِلْ دَا،
عُيُونْهُمْ يِشِيفُوا
وَ أُدْنَيْهُمْ يَسْمَعَوْا
وَ يَفْهَمَوْا عَدِيلْ وَ يُتُوبُوا
وَ أَنَا نَشْفِيهُمْ.›>#28:27 الكلام دا تلقوه في إشَعْيا 6:9-10، حسب الترْجمة اليونانيّة.
28«خَلَاصْ، وَاجِبْ تَعَرْفُوا اللّٰهْ رَسَّلْ بِشَارَةْ النَّجَاةْ لِلنَّاسْ الْمَا يَهُودْ وَ هُمَّنْ يَسْمَعَوْهَا.» 29وَ بَعَدْ قَالْ الْكَلَامْ دَا، الْيَهُودْ مَرَقَوْا مِنْ الْبَيْت وَ قَاعِدِينْ يِغَالُطُوا أَمْبَيْنَاتْهُمْ مَرَّةْ وَاحِدْ.
30وَ فِي مُدَّةْ سَنْتَيْن، بُولُسْ سَاكِنْ فِي الْبَيْت الْأَجَّرَهْ. وَ قَاعِدْ يِفَضِّلْ كُلَّ الضِّيفَانْ الْجَايِينْ لَيَّهْ. 31وَ قَاعِدْ يِبَلِّغْ بِشَارَةْ مَمْلَكَةْ اللّٰهْ وَ يِعَلِّمْ كُلَّ النَّاسْ بِالرَّبّ عِيسَى الْمَسِيحْ بَلَا خَوْف. وَ نَادُمْ وَاحِدْ مَا دَحَرَهْ.
Currently Selected:
أعمال الرُسُل 28: ع.د.ت19
Highlight
Share
Copy
Want to have your highlights saved across all your devices? Sign up or sign in
La Bible en arabe tchadien © Alliance biblique du Tchad, 2019
أعمال الرُسُل 28
28
بُولُس في جزيرة مَالْطَة
1وَ وَكِتْ كُلِّنَا مَرَقْنَا مِنْ الْبَحَرْ بِالْعَافَيْ، نَادُمْ وَاحِدْ أَوْرَانَا كَدَرْ الْجَزِيرَةْ دِي أُسُمْهَا مَالْطَةْ. 2وَ سُكَّانْ مَالْطَةْ زَيْنِينْ لَيْنَا مَرَّةْ وَاحِدْ وَ فَضَّلَوْنَا كُلِّنَا. وَ أَوْقَدَوْا لَيْنَا نَارْ أَشَانْ الْوَطَاةْ بَارْدَةْ وَ أَلْمِي بَدَا يُصُبّ.
3وَ بُولُسْ خَمَّ حَطَبْ أَشَانْ يُصُبَّهْ فِي النَّارْ. وَ فَجْأَةً، دَابِي وَاحِدْ مَرَقْ مِنْ الْحَطَبْ جَارِي مِنْ حَمُو النَّارْ وَ عَضَّى بُولُسْ فِي إِيدَهْ وَ لِصِقْ فَوْقهَا. 4وَ وَكِتْ نَاسْ الْبَكَانْ شَافَوْا الدَّابِي لَاصِقْ فِي إِيدَهْ، حَجَّوْا أَمْبَيْنَاتْهُمْ وَ قَالَوْا: «أَكِيدْ، النَّادُمْ دَا كَتَّالْ دِمَمْ! هُو نِجِي مِنْ الْبَحَرْ مَا أَكَلَهْ. وَ لَاكِنْ الْعَدِلْ مَا دَوَّرْ هُو يِعِيشْ. وَ هَسَّعْ كَتَلَهْ خَلَاصْ!» 5وَ لَاكِنْ بُولُسْ حَتَّ إِيدَهْ مِنْ الدَّابِي وَ الدَّابِي وَقَعْ فِي النَّارْ وَ شَيّءْ مَا بِقِي لَيَّهْ. 6وَ نَاسْ الْبَكَانْ قَاعِدِينْ يَرْجَوْا بُولُسْ يِنَّفِخْ وَلَّا يَقَعْ يُمُوتْ عَجَلَةْ. وَ رِجَوْا مُدَّةْ طَوِيلَةْ وَ شَيّءْ مَا بِقِي لِبُولُسْ. وَ أَشَانْ دَا، غَيَّرَوْا أَفْكَارْهُمْ وَ قَالَوْا: «النَّادُمْ دَا أَكِيدْ وَاحِدْ مِنْ الْإِلٰـهَاتْ.»
7وَ الْبَكَانْ الْأَنِحْنَ قَاعِدِينْ فَوْقَهْ قَرِيبْ لِزِرَاعَةْ نَادُمْ وَاحِدْ أُسْمَهْ بُبْلِيُوسْ وَ هُو كَبِيرْ هَنَا نَاسْ مَالْطَةْ. وَ هُو فَضَّلَانَا وَ ضَيَّفَانَا فِي بَيْتَهْ تَلَاتَةْ يَوْم. 8وَ أَبُو بُبْلِيُوسْ رَاقِدْ وَ عِنْدَهْ وِرْدَةْ وَ يِسَبِّبْ دَمّ. وَ بُولُسْ مَشَى شَافَهْ وَ سَأَلْ لَيَّهْ اللّٰهْ وَ خَطَّ إِيدَيْنَهْ فَوْقَهْ وَ خَلَاصْ دَاوَاهْ. 9وَ بَعَدْ دَا، كُلَّ النَّاسْ الْمَرْضَانِينْ الْفِي مَالْطَةْ جَوْا لَيْنَا وَ لِقَوْا الْعَافَيْ. 10وَ شَكَرَوْنَا كَتِيرْ وَ وَكِتْ دَوَّرْنَا نِسَافُرُوا، أَنْطَوْنَا كُلَّ شَيّءْ الْوَاجِبْ لِلسَّفَرْ.
11وَ قَعَدْنَا تَلَاتَةْ شَهَرْ فِي مَالْطَةْ. وَ بَعَدْ دَا، رِكِبْنَا فِي سَفِينَةْ وَاحِدَةْ. عِنْدَهَا فَوْقهَا صُورَةْ مَنْجُورَةْ هَنَا التِّيمَانْ السَّمَاوِيِّينْ. هِي مِنْ الْإِسْكَنْدَرِيَّةْ وَ قَاعِدَةْ فِي مَالْطَةْ طُولْ الشِّتَاءْ. 12وَ مَشَيْنَا وِصِلْنَا فِي حِلَّةْ سِرَاكُوسَةْ وَ قَعَدْنَا فَوْقهَا تَلَاتَةْ يَوْم. 13مِنْ هِنَاكْ، مَشَيْنَا قِدَّامْ لَحَدِّي وِصِلْنَا فِي حِلَّةْ رِيغِيُونْ. وَ قَعَدْنَا فِيهَا يَوْم وَاحِدْ. وَ الرِّيحْ قَمَّتْ تُسُوقْ مِنْ الْوَطِي وَ أَمْبَاكِرْ لِحِقْنَا بُوطِيُولِي. 14نَزَلْنَا وَ مَشَيْنَا لِقِينَا أَخْوَانْ مُؤمِنِينْ وَ هُمَّنْ ضَيَّفَوْنَا وَ قَعَدْنَا مَعَاهُمْ سَبْعَةْ يَوْم. وَ خَلَاصْ، وِصِلْنَا فِي رَوْمَا.
15وَ وَكِتْ الْأَخْوَانْ السَّاكْنِينْ فِي رَوْمَا سِمْعَوْا أَنِحْنَ جَايِينْ، مَرَقَوْا أَشَانْ يِلَاقُونَا. وَاحِدِينْ جَوْا لَحَدِّي سُوقْ أَبِيُوسْ وَ آخَرِينْ لِلْحِلَّةْ الْأُسُمْهَا تَلَاتَةْ بُيُوتْ هَنَا الضِّيَافَةْ. وَ وَكِتْ بُولُسْ شَافَاهُمْ، شَكَرْ اللّٰهْ وَ شَدَّ حَيْلَهْ. 16وَ وَكِتْ دَخَلْنَا فِي رَوْمَا، مَسْؤُولْ الْعَسْكَرْ سَلَّمْ الْمَسَاجِينْ لِلْقَايِدْ وَ أَنْطَوْا إِذِنْ لِبُولُسْ أَشَانْ يَلْقَى بَيْت وَ يَسْكُنْ فَوْقَهْ وِحَيْدَهْ مَعَ الْعَسْكَرِي الْقَاعِدْ يَحَرْسَهْ.
بُولُس في مدينة رَوْمَا
17وَ بَعَدْ تَلَاتَةْ يَوْم، بُولُسْ نَادَى كُبَارَاتْ الْيَهُودْ السَّاكْنِينْ فِي رَوْمَا أَشَانْ يَجُوا لَيَّهْ. وَ هُمَّنْ جَوْا لَيَّهْ وَ هُو حَجَّى لَيْهُمْ وَ قَالْ: «يَا الْأَخْوَانْ، أَنَا مَا سَوَّيْت شَيّءْ ضِدّ شَعَبْنَا وَ مَا سَوَّيْت شَيّءْ ضِدّ عَادَاتْ جُدُودْنَا لَاكِنْ كَرَبَوْنِي فِي مَدِينَةْ الْقُدُسْ وَ سَلَّمَوْنِي لِلرَّوْمَانِيِّينْ. 18وَ الرَّوْمَانِيِّينْ سَأَلَوْنِي فِي الْكَلَامْ دَا وَ دَوَّرَوْا يَطُلْقُونِي. وَ قَالَوْا الْمَوْت مَا وَاجِبْ لَيِّ. 19لَاكِنْ الْيَهُودْ عَارَضَوْا أَشَانْ مَا يَطُلْقُونِي. وَ مَا قِدِرْت نِسَوِّي شَيّءْ إِلَّا نَطْلُبْ إِذِنْ نِدَافِعْ لِنَفْسِي قِدَّامْ السُّلْطَانْ. وَ أَبَداً مَا نِدَوْر نِقَدِّمْ شَكْوَةْ ضِدّ أُمَّتِي. 20وَ أَشَانْ دَا، دَوَّرْت نِحَجِّي مَعَاكُو. وَ أَنَا مَرْبُوطْ بِالْجِنْزِيرْ دَا فِي شَانْ النَّادُمْ الْبَنِي إِسْرَائِيلْ قَاعِدِينْ يَرْجَوْه بِعَشَمْ.»
21وَ الْيَهُودْ قَالَوْا لَيَّهْ: «مَا لِقِينَا فَوْقَكْ جَوَابْ مِنْ دَارْ الْيَهُودِيَّةْ. وَ الْأَخْوَانْ الْجَوْا مِنْ هِنَاكْ كُلَ، نَادُمْ وَاحِدْ مَا جَابْ لَيْنَا خَبَرْ فَوْقَكْ وَ مَا سِمِعْنَا فَوْقَكْ شَيّءْ فَسِلْ. 22لَاكِنْ نِدَوْرُوا نَسْمَعَوْا كَلَامَكْ وَ نَعَرْفُوا فِكْرَكْ. وَ كَنْ لِمَجْمُوعِتْكُو دِي، نَعَرْفُوا كَدَرْ فِي كُلِّ بَكَانْ النَّاسْ قَاعِدِينْ يَشْكُوا مِنْهَا.»
23وَ قَطَعَوْا لَيَّهْ يَوْم أَشَانْ يِحَجِّي لَيْهُمْ. وَ فِي الْيَوْم دَا، نَاسْ كَتِيرِينْ بِلْحَيْن جَوْا لَمَّوْا فِي بَيْتَهْ. وَ مِنْ الْفَجُرْ لَحَدِّي الْمَغْرِبْ، بُولُسْ قَاعِدْ يَشْهَدْ لِمَمْلَكَةْ اللّٰهْ وَ قَاعِدْ يِحَجِّي لَيْهُمْ بِكَلَامْ تَوْرَاةْ مُوسَى وَ الْأَنْبِيَاء أَشَانْ يِجِيبْهُمْ فِي دَرِبْ عِيسَى. 24وَ وَاحِدِينْ مِنْهُمْ سِمْعَوْا كَلَامَهْ وَ آمَنَوْا وَ وَاحِدِينْ مِنْهُمْ أَبَوْا، مَا يِآمُنُوا. 25وَ مَا أَسْتَفَقَوْا أَمْبَيْنَاتْهُمْ.
وَ قُبَّالْ مَا يِشِتُّوا فِي بُيُوتْهُمْ، بُولُسْ قَالْ شَيّءْ وَاحِدْ بَسْ زِيَادَةْ: «أَكِيدْ، كَلَامْ الرُّوحْ الْقُدُّوسْ صَحِيحْ وَكِتْ حَجَّى لِجُدُودْكُو بِخَشُمْ النَّبِي إِشَعْيَا وَ قَالْ: 26<أَمْشِي وَ قُولْ لِلشَّعَبْ دَوْل:
‹تَسْمَعَوْا وَ لَاكِنْ مَا تَفْهَمَوْا
وَ تِشِيفُوا وَ لَاكِنْ مَا تَعَرْفُوا.
27قُلُوبْ الشَّعَبْ دَوْل بِقَوْا قَوِيِّينْ
وَ أُدْنَيْهُمْ مَا يَسْمَعَوْا
وَ سَدَّوْا عُيُونْهُمْ.
وَ كَنْ مَا مِثِلْ دَا،
عُيُونْهُمْ يِشِيفُوا
وَ أُدْنَيْهُمْ يَسْمَعَوْا
وَ يَفْهَمَوْا عَدِيلْ وَ يُتُوبُوا
وَ أَنَا نَشْفِيهُمْ.›>#28:27 الكلام دا تلقوه في إشَعْيا 6:9-10، حسب الترْجمة اليونانيّة.
28«خَلَاصْ، وَاجِبْ تَعَرْفُوا اللّٰهْ رَسَّلْ بِشَارَةْ النَّجَاةْ لِلنَّاسْ الْمَا يَهُودْ وَ هُمَّنْ يَسْمَعَوْهَا.» 29وَ بَعَدْ قَالْ الْكَلَامْ دَا، الْيَهُودْ مَرَقَوْا مِنْ الْبَيْت وَ قَاعِدِينْ يِغَالُطُوا أَمْبَيْنَاتْهُمْ مَرَّةْ وَاحِدْ.
30وَ فِي مُدَّةْ سَنْتَيْن، بُولُسْ سَاكِنْ فِي الْبَيْت الْأَجَّرَهْ. وَ قَاعِدْ يِفَضِّلْ كُلَّ الضِّيفَانْ الْجَايِينْ لَيَّهْ. 31وَ قَاعِدْ يِبَلِّغْ بِشَارَةْ مَمْلَكَةْ اللّٰهْ وَ يِعَلِّمْ كُلَّ النَّاسْ بِالرَّبّ عِيسَى الْمَسِيحْ بَلَا خَوْف. وَ نَادُمْ وَاحِدْ مَا دَحَرَهْ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
La Bible en arabe tchadien © Alliance biblique du Tchad, 2019