Adad 36
36
Zawaaj al-banaat al-indihin warasa
1Wa kubaaraat al-aayilaat hana khachum beet Gilʼaad wileed Makiir wileed Manassa min khuchuum buyuut zurriiyit Yuusuf jo giddaam Muusa wa kubaaraat al-aayilaat hana Bani Israaʼiil. 2Wa gaalo : «Allah amarak inta sayyidna Muusa tigassim al-balad le Bani Israaʼiil be amʼiyeedaat. Wa hu amarak inta tanti warasat akhuuna Saluufhad le banaatah. 3Wa laakin kan al-banaat deel yaakhudan rujaal min gabiila aakhara min gabaayil Bani Israaʼiil, warasatna tangus wa warasat al-gabiila al-aakhara tiziid. Wa be da, warasatna al-nalgooha be amʼiyeedaat tangus. 4Wa fi sanit al-Hurriiye hana Bani Israaʼiil, warasathin tiziid fi warasat al-gabiila al-hinna mutazawwijaat foogha. Wa be da, warasat gabiilitna tangus.»
5Wa be amur min Allah, Muusa gaal le Bani Israaʼiil : «Naas zurriiyit Yuusuf induhum hagg. 6Wa daahu kalaam Allah fi sabab banaat Saluufhad. Hu gaal : ‹Hinna yaakhudan ayyi raajil al-yidoorannah wa laakin ma yukuun barra min khuchuum buyuut gabiilat abuuhin. 7Wa be misil da, ayyi gabiila min Bani Israaʼiil ma tichiil warasa hana gabiila aakhara. Wa ayyi naadum yakrub gawi warasat gabiilat abbahaatah. 8Ayyi bineeye al-talga warasa fi waahide min gabaayil Bani Israaʼiil, ma taakhud illa fi daakhal khuchuum buyuut gabiilat abuuha. Wa be da, Bani Israaʼiil yagdaro yahfado warasat abbahaathum. Ayyi waahid yahfad haggah. 9Wa be da, al-warasa hana gabiila waahide ma yantuuha le gabiila aakhara wa laakin gabaayil Bani Israaʼiil, ayyi waahide titmassak be warasatha.›»
10Wa banaat Saluufhad sawwan misil Allah amar beyah Muusa. 11Wa banaat Saluufhad hinna Mahla wa Tirsa wa Hugla wa Milka wa Nuuʼa, akhadan iyaal amaameehin. 12Hinna akhadan rujaal min aayilaat Manassa min zurriiyit Yuusuf. Wa warasathin gaʼadat fi khachum beet gabiilat abuuhin.
13Wa dool al-wasaaya wa l-churuut al-Allah amar beehum Bani Israaʼiil be waasitat Muusa fi kadaadit Muwaab fi khachum bahar al-Urdun mugaabil Ariiha.
Currently Selected:
Adad 36: ADT19
Highlight
Copy
Compare
Share
Want to have your highlights saved across all your devices? Sign up or sign in
Arabe tchadien (alphabet latin) Bible © Alliance Biblique du Tchad, 2019.
