Adad 2
2
Nizaam askari le Bani Israaʼiil
1Wa Allah hajja le Muusa wa Haaruun wa gaal : 2«Ayyi naadum min Bani Israaʼiil yanzil maʼa majmuuʼat aayiltah tihit raayitha al-askariiye. Wa yukhuttu muʼaskarhum hawaale kheemat al-ijtimaaʼ wa muwajjihiin aleeha.
3«Wa min jiihat al-sabaah, yabnu muʼaskar Yahuuza tihit raayaathum hasab majmuuʼaathum al-askariiye. Wa cheekhhum Nahchuun wileed Aminadaab. 4Wa adad askarah 74 600 raajil. 5Wa jambah tanzil gabiilat Yassaakar wa cheekhha Nataniil wileed Suuʼar. 6Wa adad askarah 54 400 raajil. 7Wa battaan tanzil maʼaayah gabiilat Zabuluun wa cheekhha Aliyaab wileed Hiiluun. 8Wa adad askarah 57 400 raajil. 9Wa l-majmuuʼaat al-askariiye al-yikawwunu muʼaskar Yahuuza adadhum kulluhum ke 186 400 raajil. Wa humman yamchu awwal naas.
10«Wa min jiihat al-wati, yukhuttu muʼaskar Raʼuubiin tihit raayaathum hasab majmuuʼaathum al-askariiye. Wa cheekhhum Alisuur wileed Chadayuur. 11Wa adad askarah 46 500 raajil. 12Wa jambah tanzil gabiilat Chimʼuun wa cheekhha Chalumiyiil wileed Surichadaay. 13Wa adad askarah 59 300 raajil. 14Wa battaan tanzil maʼaayah gabiilat Gaad wa cheekhha Aliyaasaf wileed Daʼuwiil. 15Wa adad askarah 45 650 raajil. 16Wa l-majmuuʼaat al-askariiye al-yikawwunu muʼaskar Raʼuubiin adadhum kulluhum ke 151 450 raajil. Wa humman yamchu taani naas.
17«Wa baʼad da, tamchi kheemat al-ijtimaaʼ maʼa muʼaskar al-Laawiyiin fi ust al-muʼaskaraat. Wa ayyi muʼaskar yisiir tihit raaytah hasab al-nizaam al-nazal foogah.
18«Wa min jiihat al-kharib, yukhuttu muʼaskar Afraayim tihit raayaathum hasab majmuuʼaathum al-askariiye. Wa cheekhhum Alichamaʼ wileed Amihuud. 19Wa adad askarah 40 500 raajil. 20Wa jambah tanzil gabiilat Manassa wa cheekhha Gamaliyiil wileed Fadahsuur. 21Wa adad askarah 32 200 raajil. 22Wa battaan tanzil maʼaayah gabiilat Banyaamiin wa cheekhha Abidaan wileed Gidʼuuni. 23Wa adad askarah 35 400 raajil. 24Wa l-majmuuʼaat al-askariiye al-yikawwunu muʼaskar Afraayim adadhum kulluhum ke 108 100 raajil. Wa humman yamchu taalit naas.
25«Wa min jiihat al-munchaakh, yukhuttu muʼaskar Daan tihit raayaathum hasab majmuuʼaathum al-askariiye. Wa cheekhhum Akhiʼaazar wileed Amichadaay. 26Wa adad askarah 62 700 raajil. 27Wa jambah tanzil gabiilat Achiir wa cheekhha Fagʼiyiil wileed Ukran. 28Wa adad askarah 41 500 raajil. 29Wa battaan tanzil maʼaayah gabiilat Naftaali wa cheekhha Akhiiraʼ wileed Inaan. 30Wa adad askarah 53 400 raajil. 31Wa l-majmuuʼaat al-askariiye al-yikawwunu muʼaskar Daan adadhum kulluhum ke 157 600 raajil. Wa humman yamchu wara tihit raayithum.»
32Wa khalaas Bani Israaʼiil hasaboohum hasab aayilaathum wa majmuuʼaathum al-askariiye wa adadhum bigi 603 550 raajil. 33Wa laakin al-Laawiyiin ma hasaboohum maʼa askar Bani Israaʼiil. Wa da, misil Allah amar beyah Muusa. 34Wa khalaas Bani Israaʼiil sawwo kula cheyy misil Allah amar beyah Muusa. Wa yanzulu tihit raayaathum wa yisiiru hasab khuchuum buyuuthum wa aayilaathum.
Currently Selected:
Adad 2: ADT19
Highlight
Copy
Compare
Share
Want to have your highlights saved across all your devices? Sign up or sign in
Arabe tchadien (alphabet latin) Bible © Alliance Biblique du Tchad, 2019.