Laawiyiin 10
10
Moot awlaad Haaruun
1Wa baʼad da, Nadaab wa Abiihu awlaad Haaruun, ayyi waahid chaal mukhbar wa sabba foogah naar wa bakhuur. Wa gaddamo le Allah naar al-hu ma azan beeha. 2Wa khalaas, maragat naar min giddaam Allah wa l-naar akalathum. Wa humman maato giddaam Allah.
3Wa Muusa gaal le Haaruun : «Da bas kalaam Allah wakit gaal : ‹Al-yigarrubu leyi yaʼarfuuni kadar ana khudduus wa yimajjuduuni giddaam kulla l-chaʼab.›» Wa Haaruun gaaʼid saakit.
4Wa Muusa naada Michayiil wa Alisaafan awlaad Uzziyiil imm Haaruun wa gaal leehum : «Taʼaalu ! Chiilu akhwaanku min giddaam al-bakaan al-mukhaddas wa wadduuhum barra min al-fariig.» 5Wa humman jo chaaloohum fi khulgaanhum wa waddoohum barra min al-fariig misil Muusa gaalah.
6Wa Muusa gaal le Haaruun wa le awlaadah Aliʼaazar wa Itamaar : «Ma takchufu ruuseeku wa la ticharrutu khulgaanku min al-hizin. Wa da achaan ma tumuutu wa la tinazzulu khadab Allah fi kulla l-mujtamaʼ. Wa kulla akhwaanku Bani Israaʼiil yabku le akhwaanku al-dammaraahum Allah be naar. 7Wa hassaʼ intu ma waajib tikissu min madkhal kheemat al-ijtimaaʼ le ma tumuutu achaan dihin al-masahaan hana Allah gaaʼid foogku.» Wa khalaas, humman sawwo hasab kalaam Muusa.
Gawaaniin al-khamar al-bisakkir
8Wa Allah hajja le Haaruun wa gaal : 9Wa wakit tadkhulu fi kheemat al-ijtimaaʼ, inta wa awlaadak, ma tacharbo khamar wa la mariise achaan ma tumuutu. Wa da yabga leeku chart daayim min zurriiye le zurriiye. 10Wa da achaan intu tagdaro tifarrugu been al-mukhaddas wa l-ma mukhaddas wa been al-taahir wa l-ma taahir. 11Wa tagdaro tiʼallumu al-churuut al-antaahum Allah le kulla Bani Israaʼiil be waasitat Muusa.
Gawaaniin akil al-dahaaya
12Wa Muusa gaal le Haaruun wa awlaadah al-faddalo, Aliʼaazar wa Itamaar : «Chiilu al-hadiiye hana l-dagiig al-faddalat min al-hadiiye al-muharraga le Allah wa sawwuuha khubza bala tawwaara. Wa aakuluuha jamb al-madbah achaan al-cheyy da mukhaddas marra waahid le Allah. 13Wa aakuluuha fi bakaan mukhaddas achaan da hagg leeku intu wa le zurriiyitku fi l-hadiiye al-muharraga le Allah. Wa da bas al-amaraani beyah Allah. 14Wa aakulu fi bakaan taahir, intu wa awlaadku wa banaatku al-maʼaaku. Aakulu al-zoor wa l-gaayme al-warraaniiye hana l-hadiiye al-marfuuʼa achaan humman antoohum leeku. Wa da hagg leeku intu wa le zurriiyitku min dahaaya al-salaama hana Bani Israaʼiil. 15Wa humman yijiibu al-gaayme al-warraaniiye wa l-zoor hana l-hadiiye al-marfuuʼa wa l-dahaaya al-muharragiin hana l-chaham. Wa yarfaʼoohum wa yigaddumuuhum dahiiye marfuuʼa giddaam Allah. Wa da yabga leeku intu wa le zurriiyitku al-maʼaaku hagg daayim misil Allah amar beyah.»
16Wa laakin wakit Muusa saʼal min al-tees al-yigaddumuuh dahiiye le kaffaarat al-zanib, gaalo leyah : «Daahu al-tees harragooh !» Wa hu ziʼil didd Aliʼaazar wa Itamaar awlaad Haaruun al-faddalo. Wa gaal : 17«Maala ma akaltu dahiiyat kaffaarat al-zanib fi l-bakaan al-mukhaddas ? Achaan al-cheyy da mukhaddas marra waahid. Wa Allah antaah leeku le tamurgu khata al-mujtamaʼ wa le tisawwu leehum kaffaara giddaam Allah. 18Wa daahu, dammah ma jaabooh fi lubb al-bakaan al-mukhaddas ! Wa waajib taakulu al-dahiiye di fi l-bakaan al-mukhaddas misil ana amart beyah.»
19Wa Haaruun gaal le Muusa : «Al-yoom humman gaddamo dahiiyithum hana kaffaarat al-zanib wa dahiiyithum al-muharraga le Allah. Wa baʼad kulla l-hizin al-ja foogi al-yoom da, kan ana akalt min al-dahiiye hana kaffaarat al-zanib di, yaʼajib Allah walla ?» 20Wa Muusa simiʼ kalaam Haaruun wa ridi beyah.
Currently Selected:
Laawiyiin 10: ADT19
Highlight
Copy
Compare
Share
Want to have your highlights saved across all your devices? Sign up or sign in
Arabe tchadien (alphabet latin) Bible © Alliance Biblique du Tchad, 2019.
