2 Kuruntus 2
2
1Wa ana chilt niiye achaan ma nuzuurku battaan le nisabbib leeku hizin. 2Achaan kan ana bigiit leeku sabab hana hizin, yaatu al-yifarrihni balaaku ? Illa intu al-ana sabbabt leeku al-hizin.
3Wa l-kalaam al-katabtah yoom daak fi l-jawaab, katabtah achaan wakit najiiku, intu al-naas al-waajib yifarruhuuni ma tabgo leyi sabab hana hizin. Achaan ana muʼakkid kadar kan ana nabga farhaan, intu kula tabgo farhaaniin. 4Wa katabtah leeku be galib haznaan chadiid wa mudayyig wa ana gaaʼid nabki katiir. Wa ma dawwart nisabbib leeku hizin laakin dawwart niwassif kadar indi mahabba chadiide leeku.
Al-musaamaha
5Ana ma nidoor nikabbir al-kalaam. Wa l-naadum ma sabbab al-muchkila di leyi ana bas laakin hu sabbabha leeku intu kulluku. 6Katiiriin minku harajooh wa khalaas, da yakfi leyah. 7Wa hassaʼ da, waajib tisaamuhuuh wa tichajjuʼuuh achaan al-hizin ma yifachchilah marra waahid. 8Achaan da, niwassiiku battaan wassufu leyah mahabbitku.
9Wa awwal kula, ana katabt leeku jawaab achaan nijarribku wa achaan naʼarif kan titaabuʼu kalaam Allah fi kulli cheyy. 10Wa ayyi naadum al-intu tisaamuhuuh, ana kula nisaamihah. Wa ayyi khata al-ana saamahtah le ayyi naadum, kan sahiih khata fi wa waajib leyah al-musaamaha, ana saamahtah fi chaanku giddaam al-Masiih. 11Wa saamahtah achaan Ibliis ma yinnasir foogna. Achaan aniina naʼarfu niiyit Ibliis.
Al-nasur be l-Masiih
12Wa macheet fi hillit Turuwaas achaan niballikh bichaarat al-Masiih. Wa wakit wisilt, Rabbina fatah leyi al-baab achaan nibachchir. 13Laakin galbi muʼallag bilheen achaan akhuuyi Tiitus al-waajib yaji giddaami min bakaanku, ana ma chiftah. Wa achaan da bas, gammeet min al-akhwaan al-fi Turuwaas wa macheet le Magiduuniya.
14Wa l-hamdulillah ! Allah gaaʼid daayman yuguudna fi majmuuʼa al-tafrah be l-nasur hana l-Masiih. Wa fi ayyi bakaan, hu yiwazziʼ beena irfit Allah al-misil riihe haluuwe. 15Wa aniina misil al-bakhuur al-gaaʼid yigaddimah al-Masiih le Allah. Wa l-naas al-gaaʼidiin yanjo yuchummu riihtah wa l-naas al-gaaʼidiin yahlako kula yuchummu riihtah. 16Wa le l-naas al-yahlako, hi riihit al-moot al-tiwaddiihum le l-moot. Wa le l-naas al-yanjo, hi riihit al-haya al-tiwaddiihum fi l-haya. Wa ma fi insaan yagdar le l-khidme al-misil di.
17Naas katiiriin gaaʼidiin yikhalbutu kalaam Allah wa yitaajuru beyah wa aniina ma misilhum. Aniina nikallumu be niiye mukhlisa. Aniina naas al-Masiih wa Allah rassalaana wa giddaam Allah nikallumu le l-naas.
Currently Selected:
2 Kuruntus 2: ADT19
Highlight
Copy
Compare
Share
Want to have your highlights saved across all your devices? Sign up or sign in
Arabe tchadien (alphabet latin) Bible © Alliance Biblique du Tchad, 2019.
2 Kuruntus 2
2
1Wa ana chilt niiye achaan ma nuzuurku battaan le nisabbib leeku hizin. 2Achaan kan ana bigiit leeku sabab hana hizin, yaatu al-yifarrihni balaaku ? Illa intu al-ana sabbabt leeku al-hizin.
3Wa l-kalaam al-katabtah yoom daak fi l-jawaab, katabtah achaan wakit najiiku, intu al-naas al-waajib yifarruhuuni ma tabgo leyi sabab hana hizin. Achaan ana muʼakkid kadar kan ana nabga farhaan, intu kula tabgo farhaaniin. 4Wa katabtah leeku be galib haznaan chadiid wa mudayyig wa ana gaaʼid nabki katiir. Wa ma dawwart nisabbib leeku hizin laakin dawwart niwassif kadar indi mahabba chadiide leeku.
Al-musaamaha
5Ana ma nidoor nikabbir al-kalaam. Wa l-naadum ma sabbab al-muchkila di leyi ana bas laakin hu sabbabha leeku intu kulluku. 6Katiiriin minku harajooh wa khalaas, da yakfi leyah. 7Wa hassaʼ da, waajib tisaamuhuuh wa tichajjuʼuuh achaan al-hizin ma yifachchilah marra waahid. 8Achaan da, niwassiiku battaan wassufu leyah mahabbitku.
9Wa awwal kula, ana katabt leeku jawaab achaan nijarribku wa achaan naʼarif kan titaabuʼu kalaam Allah fi kulli cheyy. 10Wa ayyi naadum al-intu tisaamuhuuh, ana kula nisaamihah. Wa ayyi khata al-ana saamahtah le ayyi naadum, kan sahiih khata fi wa waajib leyah al-musaamaha, ana saamahtah fi chaanku giddaam al-Masiih. 11Wa saamahtah achaan Ibliis ma yinnasir foogna. Achaan aniina naʼarfu niiyit Ibliis.
Al-nasur be l-Masiih
12Wa macheet fi hillit Turuwaas achaan niballikh bichaarat al-Masiih. Wa wakit wisilt, Rabbina fatah leyi al-baab achaan nibachchir. 13Laakin galbi muʼallag bilheen achaan akhuuyi Tiitus al-waajib yaji giddaami min bakaanku, ana ma chiftah. Wa achaan da bas, gammeet min al-akhwaan al-fi Turuwaas wa macheet le Magiduuniya.
14Wa l-hamdulillah ! Allah gaaʼid daayman yuguudna fi majmuuʼa al-tafrah be l-nasur hana l-Masiih. Wa fi ayyi bakaan, hu yiwazziʼ beena irfit Allah al-misil riihe haluuwe. 15Wa aniina misil al-bakhuur al-gaaʼid yigaddimah al-Masiih le Allah. Wa l-naas al-gaaʼidiin yanjo yuchummu riihtah wa l-naas al-gaaʼidiin yahlako kula yuchummu riihtah. 16Wa le l-naas al-yahlako, hi riihit al-moot al-tiwaddiihum le l-moot. Wa le l-naas al-yanjo, hi riihit al-haya al-tiwaddiihum fi l-haya. Wa ma fi insaan yagdar le l-khidme al-misil di.
17Naas katiiriin gaaʼidiin yikhalbutu kalaam Allah wa yitaajuru beyah wa aniina ma misilhum. Aniina nikallumu be niiye mukhlisa. Aniina naas al-Masiih wa Allah rassalaana wa giddaam Allah nikallumu le l-naas.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Arabe tchadien (alphabet latin) Bible © Alliance Biblique du Tchad, 2019.