Ikilisiati 1
1
Ɣéniɛ mɛni kélee káa nɔ́ kpɛ́ni-kpɛni
1Ŋ̀óo-ŋai káa ŋí nyíi dáre lɛ́-nuui Deeƃé ǹóŋ Saloma, nyii kɛ̀ a Zerusâlɛŋ Kaloŋ è m̀oi:
2Ɣéniɛ mɛni kélee káa nɔ́ kpɛ́ni-kpɛni. Mɛni lɛ́lɛɛ da kélee fé zu. 3Lé ƃé núu-kpune a pɔ̂ri zɔlɔ ƃôi ŋɔmɔ̃lɛ-laai su ŋ̀éniɛi ŋí sui? 4Da núu-kpune-ŋa maa sɔlɔ ƃôi a ɣele kélee, núu-kpune kɛ́ sàa a ɣele kélee. Kɛ́lɛ ŋ̀éniɛ maa fa fâleŋ wɔ́lɔ-wɔlɔ da wɔlɔ-wɔlɔ. 5Ɣele a ƃɔ̀, vóloi a kûla é lí pôlu a ɣele-wulii ƃɛ́i è kùla naai. 6Vãai a lì séɣai-pere é kúla naa é lí yá-ŋua-pere. Gáa nɔ́ wɔ́lɔ tínaŋ-tinanii va kpêra. 7Ya-lee kélee da lî Yúo su kɛ́lɛ yúo fa wɔ́lɔ fɛ̀ɛ. Ƃɛ́i da kûla naai, nàa nɔ́ ƃé da lî naa pôlu. 8Núu-kpune ŋɔlii-sɛlɛŋ su kɛ̂tɛi. Zu kɛ̂tɛi kpɔ́ núu da fa pɔ̂ri lônoi é pîlaŋ mà. Núu ŋɛ́i fíi fa kpɛ̂ɛ kwaa kâai, kpaa máŋ núu wóli fíi é kpɛ́ɛ mɛni mɛnîi. 9Mɛni pɔlɔi wɔ́lɔ kɛ̂i a pâi kɛ̂i. M̀ɛni da va kɛ nyii ve ta wɔ́lɔ kɛ ni. Mɛni nina da fé ŋ̀éniɛi ŋí su. 10Sɛŋ da káa naa núu da a gàa a mò ǹyɛɛ gáa a nina. Kɛ́lɛ vé tí. Gáa wɔ́lɔ ɣele ma a bɔlɔ dílɛɛ pâi kúmaa sɔlɔ ƃôi. 11Mɛni ŋai kɛ̀ ŋ̀éniɛ su dí lɛ́ɛ pâi kú maa sɔlɔ ƃôi, dí fé kúkili-ŋa. Ǹyaŋ nyii-ŋai kɛ̂i, dímaa mɛni fé pâi lɛɛ̂i kúkili-ŋa, ǹyaŋ kúmaa mɛni kíli fé pâi lɛɛ̂i diai kíli-ŋa pâi lɛɛ̂i kúpôlui.
Táre káa nɔ́ kpɛ́ni-kpɛni
12Ńyãai a dáre lôno kɛ́-nuui ŋí, ŋá kɛ̀ a kâloŋ Zerusâlɛŋ. 13Ŋá tãi su kôyaa sìɣe ŋ́gɛ táre támaa maa kɔ̂ri.
Ŋá gàa a gɛɛ Ɣâla è kpîri wuyɛ́ɛ tɛ̀ɛ núu-kpune pɔ́ ŋ̀éniɛi ŋí su. 14Ŋá m̀ɛni-ŋai kélee kàa da kɛ̂i. Gélee káa nɔ́ kpɛ́ni-kpɛni. Gélee káa nɔ́ yɛ̂ɛ núu a kɛ̀ fãa kpɛ̂i. 15Sɛŋ kélee gbinãŋɔ̂ɔi va wɔ́lɔ sãa, ǹyaŋ sɛŋ nyii vé naai núu da fa pɔ̂ri ǹônoi.
16Ŋá mò ńii su ńyɛ̂ɛi, “Ŋa ƃɔlɔ, ŋátarei su a kɛ́tɛ é tɛɛ diai kélee dîa da wɔ́lɔ kɛ́ a kâloŋ-ŋa Zerusâlɛŋ. Ŋa mɛni támaa maa kɔ́ri, ŋaátarei su a kɛ́tɛ a tɛɛ dîa ɣele ma.” 17Ŋa táre da ƃoo loai kɔ́lɔŋ, táre da ƃoo su kɛ́tɛ. Kɛ́lɛ nyíŋi kélee káa nɔ́ yɛ̂ɛ núu a kɛ̀ vãai kpɛ̂i. 18Táre ŋánaa a gɛ̀ núu kɛ́ ƃò lii-sɛlɛŋ su. Berei núu kíli ŋá ponoɔɔ̂i la mɛni-ŋa sui, bere nɔ́ ƃé maa-nuui ŋɔlii too pôlui káa la.
Currently Selected:
Ikilisiati 1: KWB
Highlight
Share
Copy
Want to have your highlights saved across all your devices? Sign up or sign in
© 2012 Bible Society in Liberia