Lomaŋ 10
10
1Ŋánûa, ńii su mɛnii da Ŋáɣâla-fɛliɛɛi nyíi gáa dímɛni mai, nya ƃa a gɛ́ɛ dí ƃálo. 2Ŋa dímaa sêre-faa kɛ̀ a gɛ́ɛ Ɣâla maa-mɛni káa díkoi kpɔ́ a gbanaŋɔɔ, kɛ́lɛ, dífa târe maa-mɛni su. 3Kpɛ́ni fêi, díkɛɛ dífa târe dɔ̃yâ-laai mɛni su nyíi a kûla Ɣâla yêei, díkɛ díkpîŋ tɔ̃yâ laa-la kɔ́ɔ pìlaŋ, dífe díyee seêni Ɣâla ŋɔtɔ̃yâ laa-lai mu. 4Kpɛ́ni fêi, Kôrai káa a dɔ̂ŋ kpɛɛ ŋá a gɛ́ɛ diai kélee laa-la káa díyêei dí dítoli a tɔ̃yâ-ƃela.
Ƃálo laa káa núu kélee mɛni ma
5Mose a kɔlɔ pɔ̃yɛ a gɛ́ɛ ǹúui nyíi a dɔ̃yâ-laai maa kɔri nyíi a kûla dɔ̂ŋ sui maa-nuui a pâi fulu-laa sɔlɔ ƃôi. 6Kɛ́lɛ, dɔ̃yâ-laai nyíi a kûla laa-la sui, a mò, ǹyɛɛ, “Ífe mò ílii su, ‘Gbɛ̂ɛ ƃé pâi tɛ̂i Ɣâla-taa?’ (Zu-kulâi ƃa, é pá a Kôrai ǹɔii ma ƃɛ) 7kpaa máŋ, ‘Gbɛ̂ɛ ƃé pâi pîlanii ǹóa kôyai su?’ ” (zu-kulai ƃa, é Kôrai kula saa yêei). 8Kɛ́lɛ, dɔ̃yâ-laai nyíi kula laa-la sui, a kɛ̂ le? A mò, ǹyɛɛ, “Ŋ̀óoi káa íkɔlɛ, gɛ ƃo íla da ílii su” (zu-kulai ƃa naa-la-wooi nyíi kwa maa-Ɣâla-woo ƃoi); 9kpɛ́ni fêi, à kɛ̀ yà mò íla a gɛ́ɛ Zîsɛ káa a Kúnuu-namui, í laa la ílii su a gɛ́ɛ Ɣâla e mu siɣe saa yêei, gɛ̀ ní ya pâi ƃálôi. 10Kpɛ́ni fêi, laa-la káa núu líi su, à kɛ̀ ti gɛ̀ ní da maa-nuui ti tòli a tɔ̃yâ-nuu, ǹyaŋ à maa-mɛni kùla ǹá à mò, gɛ̀ ní a ƃálo. 11Ŋ̀âla-kɔlɔi a mò, nyɛɛ, “Ǹúui kélee a lâa lai ve pâi ŋumɛ̂i.” 12Kpɛ́ni fêi, Zûu-ŋai da Gurii-ŋai díŋa fe kɔlɛ ni. Nuu-namu tɔnɔi káa a núu kélee Namu, ǹyaŋ e ŋɔtɔɔ-laai tɛɛ diai kélee pɔ da ǹáa tolii. 13Kpɛ́ni fêi, “ǹúui kélee a Kúnuu-namui láa tòlii, a pâi ƃálôi.”
14Kɛ́lɛ, núu-kpune a pɔ̂ri Kúnuu-namui láa tólîi leŋ nyíi dífe niî láa ni lai? Ǹyaŋ da pɔ̂ri lâai leŋ a Kúnuu-namui nyíi dífe niî maa-mɛni mɛni níi? Da maa-mɛni mɛ̀ni leŋ Ɣâla-woo ƃo-nuu ŋɛi pôlu? 15Ǹyaŋ nûa da Ɣâla-woo ƃò leŋ, à kɛ̀ dífe dítɛɛ ni? Yɛ̂ɛ berei bɔ̃yɛɛ̂i lai, “Diai da Duŋ Lɛ́lɛɛi taa-taai dítuɛ ponoɔ̂i!” 16Kɛ́lɛ, diai dí Duŋ Lɛ́lɛɛi mɛ̀ni díkelee dífe díyee see ni mu; kpɛ́ni fêi, Azaya e mò ǹyɛɛ, “Kúnuu-namui, gbɛ̂ɛ ƃe làa a mɛnii e mɛ̀ni kúlai?” 17Mɛni ma laa-la a pâ a mɛnii núu a mɛ̀nii, ǹyaŋ mɛnii núu a mɛ̀nii, Kôrai maa-tuŋ lɛ́lɛɛi ƃa pâ la.
18Kɛ́lɛ, ŋa mare-kɛɛ kɛ̂i, dífe mɛni ni? Tɔ̃yâ ma, dí mɛ̀ni; kpɛ́ni fêi,
“Ŋ̀âla-woo ƃo-ƃelai wóo a seri ǹɔii gwaa kélee,
díwoo a seri ǹɔii kóyaŋ ma.”
19Ŋa ŋɔ́nɔ mare-kɛɛ kɛ̂i, Eezuɛ-ŋai dífe táre ni zu? Maa-ŋuŋ Mose a mò, ǹyɛɛ,
“Ŋa pâi kákɛ̂i ka tólo kula diai dîa dífe a lɔii-ŋuŋ su-ƃelai;
ŋa pâi kákɛ̂i kálii é ŋwána ǹɔii-ŋuŋ ƃoɔɔ-ŋai dîa.”
20Nàa pôlu ma, Azaya a mò a lii-kpele-pere, ǹyɛɛi,
“Diai dífe ŋ́gɔri níi, da ŋ́gaa; ŋa ńɛ diai dîa dífe ḿaa-mare-kɛɛ kɛ́ níi.”
21Kɛ́lɛ, a mò e pîlaŋ Eezuɛ-ŋai dîa, ǹyɛɛi, “Ŋa ńyee sã́a a ɣele kélee diai mɛni ma dífa woo-mɛni kɛ̀i da sia-ƃela.”
Currently Selected:
Lomaŋ 10: KWB
Highlight
Share
Copy
Want to have your highlights saved across all your devices? Sign up or sign in
© 2012 Bible Society in Liberia
