M̀ɛni-lɛɛi Tuɛ mɛni ƃóɔɔ
Tuɛ mɛni ƃóɔɔ
Siŋ Zɔ̂ŋ ƃé M̀ɛni-lɛɛi pɔ̃̀yɛ. È m̀ɛni-ŋai ŋí kàa zĩ̂a su é dípɔ̃yɛ̂. M̀ɛni-ŋai ŋí pîlaŋɔɔi Kôrai-ƃelai dîa nyii-ŋai kɛ̀ mɔ̃lɛ̂i dílaa-lai nyíi kɛ̀ a bîlaŋɔɔ Dínuu-namui Zîsɛ Kôrai mai, mɛni ma. M̀ɛni-ŋai kpɔ́ gɔlɔi pɔ̃yɛ-nuui è kɛ̀ a gbaaŋɔɔ m̀ɛni mai dia ƃa kili-kɛ-zu kɛ́ ƃò ǹûai yêei, dílii kúlaa, dítɔ̂ɔ a gbanaŋɔɔ dílaa-lai da dímɛni soli káai su.
Mɛni lɛ́ɛ-ŋa da zĩ̂a mɛni-ŋa támaa díkaa gɔlɔi ŋí su nyíi-ŋai ŋ̀áa è lɛ̀ Kôrai-ƃelai dîa zîi-woo-ŋai su da kâa m̀ɛnii tãi tí yée mui, kɛ́lɛ dí kɛ̀ a mĩli-mĩli mɛni-ŋa ǹûai gbele-ŋai ŋɛ́i. Berei wule too-ƃela da díkili ŋa siâi lɛ̀ la gîe mɛi ŋ̀ule toɔɔ̂i sui bere nɔ́ ƃé gɔlɔi ŋí ŋɔmɛni ŋuŋ-ŋai káa la. Zɔ̂ŋ è m̀ɛni-ŋai ŋí pɔ̃yɛ gîe mɛi yɛ̂ɛ berei è ǹaa kàa la gîe mɛi zĩ̂a sui. Núu támaa dímɛni ŋá káai káa a da kpɛ́ni-ŋa da gɔlɔi ŋí su-kula woo mɛni. Kɛ́lɛ m̀ɛni-ŋuŋ gɔlɔi káa mɛni mai zu ponoɔɔ̂i. Ǹyaa ƃa Ɣâla a pâi ŋɔkpɔara-ƃelai kélee su-karâi Zîsɛ sarâi é pɛ́lɛ máŋ Dɛ̂ƃelei mâ. À kɛ̀ tí, a pâi deniŋ ƃo-ƃelai fela-fêi díteniŋ ƃo tua-ŋai mɛni ma. Dia ƃé pâi kɛ̂i a ŋ̀ele ninai da ǹɔii ninai su-ƃela.
M̀ɛni-ŋûŋ-ŋai gɔlɔi ŋí sui
Tuɛ mɛni ƃóɔɔ (1:1-8)
Zĩ̂a m̀aa-ŋûŋ da gɔlɔ-ŋai Zɔ̂ŋ è bɔ̃̀yɛ Ŋ̀âla-pɛrɛ lɔ́ɔlu mɛi féerɛi pɔ́ naai (1:9--3:22)
Gɔlɔ-kpiniŋ ǹúu yée-pɔɔ lɔ́ɔlu mɛi feerɛi káa zui (4:1--8:1)
Dúru lɔ́ɔlu mɛi féerɛi (8:2--11:19)
Ǹyúoi-zere kálii da vɛnɛ-sã̂a feerɛi (12:1--13:18)
Zĩ̂a da kpɛ́ni-ŋai (14:1--15:8)
Ɣâla ŋɔlii-ŋwâna pane lɔ́ɔlu mɛi féerɛi (16:1-21)
Babelɔŋ su-kara mɛni, vɛnɛ-sɛŋ yée mɛi ɣále mɛni, lɛ́ɛ ɣâla-woo ƃó nuu da Dɛ̂ƃelei (17:1--20:10)
M̀ɛni ŋá téɛɛi gbɛɛ-ŋái (20:11-15)
Ŋ̀ele ninai, ŋ̀énia ninai da Zerusâlɛŋ ninai (21:1--22:5)
Gɔlɔi gbɛɛ ŋá woo-ŋai (22:6-21)
Currently Selected:
M̀ɛni-lɛɛi Tuɛ mɛni ƃóɔɔ: KWB
Highlight
Share
Copy
Want to have your highlights saved across all your devices? Sign up or sign in
© 2012 Bible Society in Liberia