Felepiɛŋ Tuɛ mɛni ƃóɔɔ
Tuɛ mɛni ƃóɔɔ
Zia-nuui Pɔ̂ɔ ŋɔkɔlɔi è bɔ̃̀yɛ Felepâ-ŋai pɔ́i, maa-ŋuŋ è kɛ̀ Ŋ̀âla-pɛrɛi maa-ŋuŋ mu-ƃelai mɛni ma nyíi è gɔ́ɔ pìlaŋ Uropa-ŋai dílɔii ma, Masadonia lɔii kpiniŋ su Lomaŋ-ŋai dílɔii kpiniŋ su. Maa tãi tí è kɛ̀ kpini-pɛrɛ mu. È kɛ̀ tãi kpanaŋ sɔlɔ ƃôi ŋɔtɔɔ-ma-ƃelai yêei da dîa-ni dí kɛ̀ tíi kɛ̂i Kôrai-toli-kpɔŋ sui. È kɛ̀ tí, kpɛ́ni fêi, díkɛ̀ lɛ́ɛ ɣâla-woo ƃôi dîa Felepâ taai su nyíi è kɛ̀ a dɔ́ɔ mai. Gɔlɔi ŋí pɔ̃yɛ mɛni è kɛ̀ Zia-nuui Pɔ̂ɔ ma a koi-nɛ̃ɛ kɛ́tɛ da laa-la kpanaŋ nyíi ǹyaa Zia-nuui Pɔ̂ɔ pɔ̂ri è kɛ̀ m̀aa mɛni ŋáa lɛ̂i núu da ma ǹaa-lai su kpanaŋɔɔi kɛ̀ ǹyeei Kôrai mɛni mai sarâi.
È gɔlɔi ŋí pɔ̃̀yɛ Felepâ-ŋai pɔ́ naa a sɛɣɛ-fei kɔlɔ gbɔŋ mâai dí dɛ̀ɛ bɔ́ a tãi è kɛ̀ kpɔŋ mâa wɛ̂lii la díyêei. È dílii kula-woo-ŋa ƃò gɔlɔi ŋí bɔ̃yɛɛ sarâi. È gɛ̀ tí a gɛ́ɛ é dílii kúla laa-la kpanaŋ kɛ́ ƃò díyêei ŋɔmɛni kpɔ̂lui mɛni ma a gɛ́ɛ dîa dí tɔ́ɔ a gbanaŋɔɔ tãi mɛni kpɔ̂lu a pà la dípɔi. È pɛ̀lɛ a díkɔɔ a gɛ́ɛ dí kɛ́ tùa a maa yêŋ pere Kôrai sârai. Dífe ǹɛɛ naa ŋɛi-kpâla da su-mɛni kɛ̂tɛ kɛ́ ƃò a díteniŋ tɔɔ sãa dífulu-laai su. È ŋɔ́nɔ dòo díkili ŋá a gɛ́ɛ gɛ-gîe ma-laai da Kôrai-ni da zui gáa a Ɣâla ŋɔƃɛlɛ-sêe dílaa-lai sarâi. Ve a m̀aa kɛ́-maai da dɛ̀ɛ dínuu pɔlɔ-ŋai pɔ́ Zûu-ŋai tûa-pere mɛni-ŋai mɛi káa mɛni sui yɛ̂ɛ berei diai a Zûu-ŋai dítɔ̂ŋ lá-woo káa lai. È mɛni-ŋa pɔ̃̀yɛ é pîlaŋ ǹii-seei ma Ɣâla a dɛɛ diai pɔ́ díkili tɔɔ maai káa Kôrai mai. Ǹyɛɛ a kɛ̀ tí, maa-ƃelai lii-sêe a kɛ̀ díyêei díkɛ koi-nɛ̃ɛ kùla.
M̀ɛni-ŋai kpɔ́ Zia-nuui Pɔ̂ɔ è lòno a gbanaŋɔɔ é pîlaŋ diai ƃa koi-nɛ̃ɛ mɛni, kili-tɔɔ maa kpanaŋ, gɛ-zu tɔnɔɔ da fɔlɔ-fɔlɔ-laa. È mò ǹyɛɛ Kôrai-nuui nyíi laa-la káa ǹyêei m̀ɛni-ŋai ŋí díkaa m̀a díkɛ ƃò ǹyêei ŋɔfúlu-laai su. Gɔlɔi a ŋ̀wɛli kɛ́-maa kpanaŋ lɛ̀ kɛ̀ Zia-nuui Pɔ̂ɔ yêei Ŋ̀âla-pɛrɛi mɛni ma Felepâi.
M̀ɛni-ŋûŋ-ŋai gɔlɔi ŋí sui
Tuɛ mɛni ƃóɔɔ (1:1-11)
Zia-nuui Pɔ̂ɔ ŋɔmɛni pɔ̂lɔ-ŋai (1:12-26)
Vulu-laai núu a zɔlɔ ƃô Kôrai kponôi (1:27--2:18)
M̀ɛni kpɛtɛɛi gáa Temete da Ɛpafuroditɔ dímɛni mai (2:19-30)
Núu kpɔara-nuu maa lia-woo da maa mɛni nyɔ́mɔɔ-ŋa (3:1--4:9)
Pɔ̂ɔ da ŋɔwɛli kɛ́-maa-ƃelai kɛ̀ Felepâi (4:10-20)
Gɔlɔi gbɛɛ ŋá woo-ŋai (4:21-23)
Currently Selected:
Felepiɛŋ Tuɛ mɛni ƃóɔɔ: KWB
Highlight
Share
Copy
Want to have your highlights saved across all your devices? Sign up or sign in
© 2012 Bible Society in Liberia