Zasua Tuɛ mɛni ƃóɔɔ
Tuɛ mɛni ƃóɔɔ
Zasua Kɔlɔi ŋí káa a mɛni pɔ̂lɔ kɔlɔ. M̀ɛni pɔ̂lɔi ŋí pîlaŋɔɔi berei ma Eezuɛ-ŋai dí Keena lɔii sîɣe la Zasua kɛ́ ƃò dílaa túɛi. Mose saái pôlu ma, Zasua ƃé lɛ̀ɛ Eezuɛ-ŋai láa túɛ ǹyaa Mose pɔ́ɔ ŋá. M̀ɛni-ŋûŋ kpîŋ-kpîŋ-ŋai gɔlɔi ŋí sui ƃa Zɔdiŋ Ya-leei tíyeŋ mɛni Eezuɛ-ŋai dîɛ, Zɛleko taa-leei too mɛni, gɔ́i Eezuɛ-ŋai dí gɔ̀ Eea taa-leei sui da gbanaŋ-woo ninai Ɣâla è gɛ̀ ŋɔnûai yêei maa mɛni. Ŋ̀óo kpanaŋ lɛ́lɛɛi gɔlɔi ŋí mɛni mai ƃa “Ka sâa ǹúui lɛ́ ḿâ ka ŋ̀wɛ̂lii ká tíi kɛ́ m̀ii. À kɛ̀ a ńyãa kwa ŋánûai, kwa pâi tíi kɛ̂i Yâwɛɛ mi” (24:15).
M̀ɛni-ŋûŋ-ŋai gɔlɔi ŋí sui
Eezuɛ-ŋai dí Keena lɔii kula yêei kɛ̀ (1:1--12:24)
Eezuɛ lɔii ŋáa kɔlɛ mɛni (13:1--21:45)
Zɔdiŋ lɔii vóloi kulâi-perei (13:1-33)
Zɔdiŋ lɔii vóloi-liî-perei (14:1--19:51)
Ŋuŋ ma ƃô taa lêe-ŋai (20:1-9)
Liiva-ŋai dítaa-lêe-ŋai (21:1-45)
Vóloi kulâi-pere nuu suu-ŋai dí lène pôlu dílɔii ma (22:1-34)
Zasua è bàma ǹûai dîa (23:1-16)
Gbanaŋ-woo ninai kɛ̀ Sɛkɛŋ maa mɛni (24:1-33)
Currently Selected:
Zasua Tuɛ mɛni ƃóɔɔ: KWB
Highlight
Copy
Compare
Share
Want to have your highlights saved across all your devices? Sign up or sign in
© 2012 Bible Society in Liberia