Zasua 7
7
Eekãŋ è sɔnyɔ̂ŋ kɛ̀
1Kɛ́lɛ Eezuɛ-ŋai dífe díwoli tɔ̀ɔ ní m̀ɛnii ma Yâwɛɛ è mò dîai. Dí zãai da sìɣe nyíi kɛ̀ a Yâwɛɛ pɔ́ɔi. Eekãŋ ƃé m̀ɛnii ŋí kɛ̀. Eekãŋ ǹâŋ láa ƃé kɛ̀ a Kamii. Kamii ǹyaŋ ǹâŋ láa ƃé kɛ̀ a Zadí, Zadí ǹáŋ láa kɛ́ ƃò a Zera. Ǹûai ŋí díkɛ̀ a Zuda ŋɔsuui su-ƃelai da. Yâwɛɛ è ǹíi ŋwàna Eezuɛ-ŋai dîa, kpɛ́ni fêi, Eekãŋ è zãai da sìɣe nyíi kɛ̀ a Ɣâwɛɛ pɔ́ɔi.
2Zasua è kpakolo-ŋa kùla Zɛleko é dí tɛ́ɛ Eea. Eea káa Bɛtivɛ̃ŋ taa-leei su kɔlɛ Bɛtɛ vóloi kulâi-pere perei È m̀o dîa ǹyɛɛ, “Ka lí ǹyéei ma ká ǹɔii ma kpɛ́ɛ.” Nya ƃe ǹûai dí lì, dí gɛ́ tí. 3Dí pà la pôlu Zasua pɔ́ naa, dîyɛɛ m̀ai, “Gɔ́ kɔ́-ƃelai kélee dífe lì, kɛ́lɛ núu wála feerɛ kpaa máŋ wála saaƃa tɛ́ɛ nɔ́ a gɛ́ɛ dí lí gɔ́i ma Eea. Ífe ǹûai kélee tɛ̀ɛ, kpɛ́ni fêi, Eea-ƃelai dífe táma ní.” 4Nya ƃe Zasua è núu wála saaƃa tɛ̀ɛ gɔ́i ma Eea. Eea-ƃelai yée è tɛ̀ɛ Eezuɛ-ŋai dîa, Eezuɛ-ŋai dí pú. 5Eea-ƃelai dí pɛ̀lɛ Eezuɛ-ŋai kpɛ́ɛ ma é síɣe dísiɣãŋ lá dí yéŋ ǹyéei kwára botoi su. Dí núu buu-saaƃa káo lɔ́ɔlu mɛi da pàa. Ǹyaŋ Eezuɛ-ŋai líi è tòo pôlu a ŋ̀ánaa.
6Nya ƃe Zasua da ǹúu ŋuŋ túɛ-ƃelai Eezuɛ dí díseɣe-ŋai fàla dí luu pú díŋûa dí tóo ǹɔii ma Yâwɛɛ ŋɔkono-tee gãlai ŋɛ́i túɛ é lɛ́ɛ la zu ɣele wulii é kɛ́. 7Zasua è kɛ̀ Ɣâla fɛlîi ǹyɛɛi, “Óo Kúnuu-namui Yâwɛɛ, lé ƃé gɛ̀ ikɛ gɛ̀ kúkɛ Zɔsiŋ Ya-leei tiyeŋ a gɛ́ɛ íku tɛ́ɛ Amɔra-ŋai pɔ́ dí kúpaai? Eê pɔri kɛ̂i a ǹɛ́lɛɛ a gɛ́ɛ kúlɛɛ Zɔdiŋ Ya-leei pôlu pere! 8Óo Ǹuu-namui, lé ƃé ŋa pɔ̂ri môi à kɛ̀ Eezuɛ-ŋai da pù ŋɔkpɔara-ƃelai yêei! 9À kɛ̀ tí, Keena-ŋai da ǹûai kélee ǹɔii sui da pâi mɛnîi. Gɛ̀ ní da pâi tînanii kûa dí kúpaa. À kɛ̀ tí, gɛ̀ ní ílaa kɛ́tɛi ŋí fé pâi karâi?”
10Nya ƃe Yâwɛɛ è mò Zasua ma ǹyɛɛ, “Ímu síɣe. Ya lâani ǹɔii ma lé mɛni ma? 11Eezuɛ-ŋai daâ sɔnyɔ̂ŋ kɛ́. Da ŋákono-têe wooi kara nyíi ŋá gɛ̀ díyêei. Da zãâi da sìɣe nyíi gáa a ḿbɔɔi. Da ŋúma kɛ́, da lɛ́ɛ kɛ́, da ŋ̀úma sãai pú díwɔ̂ sãai su. 12M̀ɛnii ŋí ƃé gɛ̀ Eezuɛ-ŋai dífe pɔri ní díkpɔara-ƃelai yée mɛi ɣâlei. Dí pù díyêei, kpɛ́ni fêi, dia ƃé ŋa pâi dísu karâi. Fé pâi ŋɔ́nɔ kɛ̂i kákɔlɛ, fɛ̂ɛ ká ŋ̀uma sãai kúla kásama. 13Ímu síɣe í ǹûai maa wáa. M̀ó dîa yɛ̂ɛi, ‘Ka kákpîŋ kpɛtɛ goyɛ̂ŋ mɛni ma tínaa, kpɛ́ni fêi, Eezuɛ Ŋɔɣâlai Yâwɛɛ a nɛ̂i a gɛ́ɛ zãâi díkaa a ḿbɔɔi, da káa káyêei. M̀ɛni ma, káfa pɔ̂ri tɔɔ̂i kákpɔara-ƃelai ŋɛ́i fɛ̂ɛ ká zãâi ŋí kúla kákɔ̃liŋ su!’ 14Yâwɛɛ è mò Zasua ma a gɛ́ɛ é pá a Eezuɛ-ŋai kélee yɛ̂ɛ berei dísuui káa lai a ŋ̀ele-wâla pɛpɛi. È gɛ́ ǹûai dí pá dí tɔ́ɔ Yâwɛɛ ŋɛ́i túɛ díkpulu ma yɛ̂ɛ berei dísîi káa lai. Ǹúu sîi nyíi ŋa pâi ziɣêi zui, zu-ƃela da pâi pâi dí tɔ́ɔ díkpulu ma yɛ̂ɛ berei díkolii káa lai. 15Gɛ̀ ní gólii nyíi ŋa pâi ziɣêi zui, zu-ƃela dí tɔ́ɔ díkpulu ma yɛ̂ɛ berei díkaa-laai káa lai. Gáa-laai nyíi ŋa pâi ziɣêi zui, zu-ƃela dí tɔ́ɔ tɛi-tɛi yɛ̂ɛ berei díkaa-laai káa lai. Ǹúui nyíi ŋa pâi gâai a gɛ́ɛ ǹyaa ƃé zãâi sîɣe nyíi gáa a ḿbɔɔi, da pâi m̀aa-nûui kéreniî a ŋɔŋ da zãai kélee gáa ǹyêei, kpɛ́ni fêi, maa ǹúui a ŋákono-têei kara, a pá a ŋumɛ Eezuɛ-ŋai pɔ́.”
16Nya ƃe Zasua è mù sìɣe a ŋ̀ele-wala pɛpɛi é pá a Eezuɛ-ŋai kélee Yâwɛɛ ŋɛ́i dísîi ma tɛi-tɛi. È Zuda ŋɔsîi su-ƃelai sôŋ. 17Nya ƃe è pà a Zuda ŋɔsîi su-ƃelai, Yâwɛɛ é Zera ŋɔsîi su-ƃelai sóŋ. Nya ƃe è pà a gbakolo-ŋai tɛi-tɛi, Yâwɛɛ é Zadí ǹônii sinaai sóŋ. 18Ǹyaŋ è pà a Zadí ǹônii sinaai é dí tɔ́ɔ Yâwɛɛ ŋɛ́i. Yâwɛɛ è Eekãŋ sôŋ. Eekãŋ è kɛ̀ a Kamii ǹóŋ. Kamii è kɛ̀ a Zadí ǹóŋ, Zadí kɛ́ ƃò a Zera ǹóŋ. Dí kɛ̀ a Zera è kùla Zuda ŋɔsîi su-ƃelai da. 19Nya ƃe Zasua è mò Eekãŋ ma ǹyɛɛi, “Ńoŋ, ƃaa kɛ́-maa tɛ́ɛ Eezuɛ Ŋɔɣâlai Yâwɛɛ pɔ́ í dɔ̃yâi ƃó ŋ̀ɛ́i. M̀ó ma mɛnii ƃâa gɛ́i. Ífe ǹoo ma.”
20Nya ƃe Eekãŋ è Zasua wóo su tòo ǹyɛɛi, “Tɔ̃yâ ma ŋâa sɔnyɔ̂ŋ kɛ́ a Eezuɛ Ŋɔɣâlai Yâwɛɛ, ǹyaŋ m̀ɛnii ká ŋí ŋá gɛ̀i. 21Tãi ŋá zãâi su kàa lai, ŋá Babeloŋ yokpo lɛ́lɛɛ tɔnɔ kàa zu, káne pãŋ lɔ́ɔlu da gôo pãŋ tɔnɔ. Ǹyaŋ díkɛ̀ a dílɛlɛɛ a ńîa ŋá dísiɣe. Ŋá dílòo ǹɔii mu ŋáƃûui mu. Gánei káa mù-pere.”
22Nya ƃe Zasua è kuluƃa-ŋai tɛ̀ɛ Eekãŋ ŋɔƃûui mu a maa félaa. Dí liɛɛi, dí zãai kàa ǹóɔɔ ǹɔii mu gánei kɛ́ ƃò dímu. 23Dí zãai kùla ǹɔii mu dí pá la Zasua pɔ́ da Eezuɛ-ŋai kélee. Zasua-ni dí lì a zãai kélee dí bú Yâwɛɛ ŋɛ́i túɛ. 24Nya ƃe Zasua da Eezuɛ-ŋai kélee dí Zera ǹóŋ Eekãŋ sòŋ, dí gánei síɣe, ǹyokpoi, gôoi, ǹônii sinaai da nɛyâai, ŋɔniŋa-ŋai ŋɔwɛlɛ soo-ŋai, ŋɔƃála-ŋai, ŋɔƃûui da ǹyêei sãa kélee dí lí a dia-ni Eekɔɔ potoi su. 25Dí serɛɛ naai, Zasua è mò ma ǹyɛɛi, “Yaâ kúpili mɛni kpɔ̂lu su kɛ́tɛ su. M̀ɛni ma, Yâwɛɛ a pâi sâa mɛni kpɔ̂lu su kɛ́tɛ lâai yâ.” Nya ƃe Eezuɛ-ŋai kélee dí Eekãŋ sɔ̀ɔ a kɔni da ŋɔnûai, dí dípoma kéreŋ a ŋɔŋ. 26Dí kɔni támaa pù Eekãŋ-ni luu mɛi. M̀aa kɔni-ŋai káa naa é tóo sâa ma. Eekãŋ paá pôlu ma, Yâwɛɛ è ǹíi ŋáa yèŋ Eezuɛ-ŋai dîa. M̀ɛni ma dí gwaai ŋí ma láa sèe a Eekɔɔ Potoi ǹyaŋ ǹaa láa káa tí é tóo sâai ŋí ma.
Currently Selected:
Zasua 7: KWB
Highlight
Copy
Compare
Share
Want to have your highlights saved across all your devices? Sign up or sign in
© 2012 Bible Society in Liberia
