Zasua 16
16
Ǹɔii ká ŋí dí dɛ̀ɛ Ifiraŋ da Manasɛ nuu suui pɔ́i
1Ǹɔii dí dɛ̀ɛ Zosɛ ŋɔsuui su-ƃelai pɔ́ è kùla Zɔdiŋ Ya-leei ma é tɛ́ Zɛleko, é lí voloi kulâi-pere Zɛleko kpele Yai tôŋ ma, é kúla naa é lí vɛ̃ɛ-kpâlaŋ su. Ǹɔii ŋí ŋɔkoyaŋ perei è kùla Zelɛko é lí Bɛtɛ ǹyée lɔii su. 2Gɛ̀ ní è kùla naa é lí Lu daai é tɛ́ɛ naa é lí Atarɔ Ada, nyíi gáa a Aki-ŋai dílɔii kpîniŋ. 3Goyaŋ perei ŋí è lì vóloi liî-pere Zafilɛti-ŋai dílɔii kpîniŋ su, é lɛ́ɛ la zu é seri Bɛorɔŋ lɔii kwára, é seri Geza, é kóyaŋ Mɛditɛrenia Yuoi ma.
4Ǹɔii ká ŋí dí dɛ̀ɛ Manasɛ pɔ́ da Ifiraŋ nuu suui a díwɔ̂ pɔɔ-sɛŋ. Ǹúu suu feerɛi ŋí ƃé kɛ̀ a Zosɛ ŋɔsuui su-ƃelai.
Ǹɔii kpuai ká ŋí Zasua è dɛ̀ɛ Ifiraŋ ŋɔsuui su-ƃelai pɔ́i
5Ǹɔii kpuai ká ŋí dí dɛ̀ɛ Ifiraŋ ŋɔsuui su-ƃelai pɔ́. Goyaŋ perei nyíi kɛ́ vóloi kulai-perei è sìɣe Atarɔ Ada taa-leei ma, é lɛ́ɛ la zu é seri Bɛorɔŋ lɔii ŋûa pere, 6é tɛ́ɛ naa é lí Mɛditɛrenia Yuoi ma. Ǹɔii ŋûa pere goyaŋ perei ƃé kɛ̀ a Mameta taa-leei. Vóloi kulâi-pere goyaŋ perei è tìnaŋ é lí Taanasilo pere, é tɛ́ɛ naa é lí Zanoa pôlu pere vóloi kulâi-pere. 7Goyaŋ perei ŋí è kùla Zanoe é tóo Atarɔ da Naara, é lí Zɛleko, é kúla naa é seri Zɔdiŋ Ya-leei ma. 8Ǹɔii ŋí è kùla Tapua é lí vóloi liî-pere Kena Yai ma, é kóyaŋ Mɛditɛrenia Yuoi ma. Ǹɔii ŋí ƃé kɛ̀ a Ifiraŋ ŋɔsuui su-ƃelai díwɔ̂ pɔɔ-sɛŋ, 9é pɛ́lɛ daa-ŋai ma kɛ̀ naai da ǹaa kɔlɛ ma kpanaŋ-ŋai kɛ̀ Manasɛ ŋɔlɔii sui. 10Kɛ́lɛ Ifiraŋ ŋɔsuui su-ƃelai dífe Keena-ŋai kpɛ́ ní kɛ̀ Gezai. Nya ƃe gɛ̀ Keena-ŋai díkaa sâa Ifiraŋ suui su-ƃelai sáma. Kɛ́lɛ díkaa Ifiraŋ-ŋai yêei a luɛ-ŋa.
Currently Selected:
Zasua 16: KWB
Highlight
Copy
Compare
Share
Want to have your highlights saved across all your devices? Sign up or sign in
© 2012 Bible Society in Liberia
