Galesiɛŋ Tuɛ mɛni ƃóɔɔ
Tuɛ mɛni ƃóɔɔ
Zîsɛ maa tuŋ lɛ́lɛɛi kɛ́ɛ a kɛ́ táa-tàai diai dífe a Zûu-ŋai díkɛ díyee sèe m̀ui, ǹûai da-ŋa díkɛ̀ marê kɛ̂i à kɛ̀ diai dífa díyee sèe Mose Ŋɔtɔ̂ŋ mui da pɔ̂ri kɛ̂i a tɔ̃yâ Korai-ƃela. Zia-nuui Pɔ̂ɔ è m̀o dîa ǹyɛɛ dia m̀ɛni-ŋuŋ fe ŋí. Ǹyɛɛ dia m̀ɛnii kpɔ́ gbanaŋɔɔ̂i a ǹɛlɛɛ núu-kpune ŋɔfúlu-laai mɛni ma ƃa laa-la kɛ́ ƃò núu yêei Kôrai mɛni ma. Ǹyɛɛ dîa nyíŋi nɔ́ ƃa gɛ̂i núu da Ɣâla díkɛ ƃò laoi-laa lɛ́lɛɛ su. Kɛ́lɛ Galesia, nyíi kɛ̀ a Eesia Manɔ Ɣala-pɛrɛi dɔnɔ Lomaŋ lɔii-kpiniŋ sui mu-ƃela dí Zia-nuui Pɔ̂ɔ lá-sîa tòo kpɔ́ a ŋ̀ánaa m̀ɛnii ŋí ma. Dîɛ fɛ̂ɛ nɔ́ núu é Mose Ŋɔtɔ̂ŋ mɛi káa da Ɣâla dílɛɛ pâi kɛ̂i laoi-laa lɛ́lɛɛ su.
Zia-nuui Pɔ̂ɔ ŋɔkɔlɔi è bɔ̃̀yɛ Galesia-ŋai pɔ́ naai ƃé kɛ̀ a gɛ́ɛ diai nûa dílii pene dí lɛ́ɛ ɣâla-woo ƃò dîa dí tìnaŋ dípɔ naa perei. Zia-nuui Pɔ̂ɔ è m̀o dîa a gɛ́ɛ Zîsɛ Kôrai è dòli a gɛ́ɛ é kɛ́ a ǹyaa Zîsɛ Kôrai ŋɔpôlu-ƃelai da. Ǹyɛɛ dîa gɛ́ɛ ŋ́gaa a zia-ƃelai dɔnɔ è kɛ̀ a Ɣâla kpɛtɛ mɛni, kɛ́lɛ vé kɛ́ ní a núu-kpune ŋɔwála-wala-laai. È m̀o dîa ǹyɛɛ gáa a tɔ̃yâ a gɛ́ɛ laa-la tɔnɔ nɔ́ ƃa pɔ̂ri gɛ̂i núu da Ɣâla díkɛ ƃò laoi-laa lɛ́lɛɛ su. Gɔlɔi kpɛɛ ŋá kɔlɔ-ŋuŋ-ŋai su, Zia-nuui Pɔ̂ɔ è ǹɛ naa a zu ponoɔɔ a gɛ́ɛ Kôrai-nuu tûa-pere a lɛ̂ ŋɔwɛli kɛ́-maa perei su nyíi a kùla ǹaa-lai su yêei Kôrai mɛni mai.
M̀ɛni-ŋûŋ-ŋai gɔlɔi ŋí sui
Tuɛ mɛni ƃóɔɔ (1:1-10)
Pɔ̂ɔ ŋɔɣâla-woo ƃó wála-wala-laai (1:11--2:21)
Ɣâla ŋɔƃɛlɛ-sêei maa tuŋ lɛ́lɛɛi (3:1--4:31)
Kôrai-nuu ŋɔŋuŋ ma ƃôi da ŋɔtíi (5:1--6:10)
Gɔlɔi gbɛɛ ŋá woo-ŋai (6:11-18)
Currently Selected:
Galesiɛŋ Tuɛ mɛni ƃóɔɔ: KWB
Highlight
Share
Copy
Want to have your highlights saved across all your devices? Sign up or sign in
© 2012 Bible Society in Liberia