Samia Veerɛi 23
23
Deeƃé ŋɔwóo-ŋai gbɛɛ ŋái
1Zɛse ǹóŋ Deeƃé ŋɔwóoi gbɛɛ-ŋai ŋái ká ŋí. Ɣâla è Deeƃé ŋí kɛ́ a núu kɛ́tɛ. Zeeka Ŋɔɣâlai è Deeƃé sìɣe é gɛ́ a kâloŋ kɛ́tɛ. Deeƃé è kɛ̀ a wule too-nuu kɛ́tɛ. Gɛ́ɛ Ɣâla è wála-wala tɛ̀ɛ bɔ́ a gɛ́ɛ é lónoi, è mò ǹyɛɛi,
2“Yâwɛɛ ŋɔmɔlêŋ káa ḿbôlu,
a ńɛŋ fúloŋ a gɛ́ɛ ŋá lóno.
3Eezuɛ ŋɔwála-wala Ɣalai è mò ḿâ ǹyɛɛi,
‘Ǹúui a ŋɔnûai mɛi kâa a tɔ̃yâ-laa pere
Ɣâla ŋɔyao maai sui,
4gáa yɛ̂ɛ ɣele ƃɔ̂i kwaa ponoɔɔ,
gɛ́ ƃò yɛ̂ɛ fólo ǹɛnɛŋ a pìlaŋ ɣele-kɔlɔŋ kole ma, da tuna nyíi a gala-ŋai kɛ̀ dí pɔmûŋ.’
5“Bere ƃé Ɣâla a pâi lûwa lâai la ńônii díwɔ̂ lonii dîa.
A wɔ́lɔ kpanaŋ-woo kɛ́ ńyêei nyíi pâi kɛ̂i naa wɔ́lɔ-wɔlɔ da wɔ́lɔ-wɔlɔ.
Gbanaŋ-wooi ŋí maa fa wɔ́lɔ fâleŋ. A pâi wɔ́lɔ kɛ̂i nɔ́ ḿɛi kâai ǹyaŋ ŋa pâi ƃûu ƃôi.
6Kɛ́lɛ zɔnyɔ̂ŋ-ƃelai díkaa yɛ̂ɛ ɣalêŋ nyíi-ŋai da pâi dípilîi.
Núu fa pɔri díkulâi a ǹyêei.
7Ǹúui a díkùla a ǹyêei, fɛ̂ɛ maa nuui yée maa é kɛ́ a gbiniŋɔɔ a kɔli nyíi ŋ̀á káa yɛ̂ɛ kpálai.
Ǹyaŋ da pâi dísu-karâi a ŋɔŋ.”
Deeƃé ŋɔkɔ-kuluƃa-ŋai
(Kɔlɔnikɔ Maa-ŋuŋ 11:10-41)
8Deeƃé ŋɔkɔ́ kɔ́-ƃela kpaya-kpayai láa ká ŋí: Tasimɔna naloŋ Zosɛ-basebɛ. È kɛ̀ gɔ́ kɔ́-ƃela gbului láa túɛ nyíi da kâa dítòli a Saaƃai. È núu ŋuŋ lɔ́ɔlu mɛi saaƃa pàa a ŋɔkpálai kɔ́ tɔnɔ su.
9Gɔlɛ-ma nuui láa ƃé kɛ̀ a Iliaza. Iliaza ƃé kɛ̀ a Dôdo ǹóŋ, Aoi ǹóŋ-lóŋ. Da Deeƃé díkɛ̀ díkîe ma tãi dí kɔ́ pɛ̀lɛ la Felesia-ŋai dîa Eezuɛ-ŋai dí kɛ́ pui. 10È kɔ̀ Felesia-ŋai pɔ́ é lɛ́ɛ la zu ǹyée fíi é kpɛ́ɛ é kánaŋ M̀óa-sɔkpɔi ma. M̀aa ɣelei tí Yâwɛɛ è gɛ̀ ǹyée é tɛ́ɛ díkpɔara-ƃelai dîa. Gɔ́ kɔ́-ƃelai kpéli-ŋai páa pôlui, mɛni da kpɛ́ni fé kɛ́ ní naa a gɛ́ɛ dí gɛ́. Kɛ́lɛ dí lì dí zaa-ƃelai díkɔ kɔ́-sãai síɣe dí lí a dia.
11Ǹúui kɛ̀ Iliaza kɔlɛi ƃé kɛ̀ ƃé kɛ̀ a Arari naloŋ Agee ǹóŋ Sama. Felesia-ŋai dí lì dí díŋaa tɛ́ mà Lêi dí gbã tée díperêi dɔɔŋ kpɔlɔi su. Eezuɛ-ŋai dí pù díyêei.
12Kɛ́lɛ Sama è tɔ̀ɔ a gbanaŋɔɔ é Felesia-ŋai páa. Yâwɛɛ è wála-wala tɛ̀ɛ dípɔ dí Felesia-ŋai yée mɛi ɣále. 13Ŋ̀wála-wâla kpakolo buu saaƃai zaaƃa dí lì Deeƃé pɔ́-naa gɔni-woloi su Adulaŋ a dísi-sãai m̀á kula kûui. Felesia-ŋai dí kɛ̀ ƃûu su Lefaiŋ tiŋ-tiŋ su. 14Deeƃé è kɛ̀ kwaa da ma ƃɛ́i gbɔara nuu da fa kâa pɔri serîi ma a fii-kpɛ̂ɛ perei Felesia-ŋai diaŋ díƃûui è kɛ̀ Bɛpeleɣɛ̃ɛ. 15Deeƃé è kɛ̀ gwaai ŋí ma kpele wɛ̂lii kɛ́ bàa ǹyɛɛi, “Óo núu da fé naa é yá kúla Bɛpeleɣɛ̃ɛ ya-loai su nyíi gáa ziɣãŋ lá é dɛɛ ḿbɔ ŋá ŋ́gbele la!” 16Nya ƃe gbakolo wála-wala saaƃai dí Felesia-ŋai díƃûui wòlo dí lɔ́ dí yá kúla naa dí pá la Deeƃé pɔ́. Kɛ́lɛ vé gbèle ní. È gɛ̀ a sâla-sɛŋ Yâwɛɛ mɛni ma, 17é m̀ó ǹyɛɛi, “É folôŋ ḿâ, óo Yâwɛɛ, a gɛ́ɛ ŋá ǹyái ŋí kpéle. Gáa yɛ̂ɛ dîai ŋãa nyíi-ŋai dífulu-laai kùla a sâla ǹyái kula mɛni mai.” Vé gɛ́ ní é ǹyái ŋí kpéle.
Gɔ-kuluƃa wála-wala líi-kpeleɛɛ saaƃai ƃé mɛni-ŋai ŋí kɛ̀.
18Zeruia ǹóŋ Zôa ǹeɣê Abisai è kɛ̀ gɔ-kuluƃa buu saaƃai láa túɛ. È kɔ́ kɔ́-ƃela ŋuŋ saaƃa pàa a ŋɔkpálai. Ǹyaa máŋ ǹáa è kùla yɛ̂ɛ gbakolo saaƃai ŋí díta. 19Ǹáa è kùla máŋ é tɛ́ɛ gɔ-kuluƃa saaƃai díwɔ̂i ma. Dí gɛ̀ a dílaa túɛ-nuu. Kɛ́lɛ vé kɛ́ ní a díta.
20Zeoiada ǹóŋ Benaiya nyíi kùla Kazeei. È kɛ̀ a ǹíi-kpeleɛɛ. È mɛni kpaya-kpaya támaa kɛ̀. È Môa kɔ-kuluƃai veerɛ pàa. È yala-sulu tɔnɔ pàa lôai a gɔ́lɛ kanei pú tãi. 21È Ize naloŋ lɛ́lɛɛ tɔnɔ pàa. Ǹalôŋ ŋɔkpálai è kɛ̀ ǹyêei kɛ́lɛ Benaiya è lɛ̀ɣɛ la ŋɔwúrui kɛ̀ ƃò ǹyêei. È gbálai kpâloŋ ǹyêei é bàa a gbɔ́ɔi kpâlai. 22M̀ɛni saaƃai ŋí Benaiya è gɛ̀i è gɛ̀ ǹáa é kúla yɛ̂ɛ gɔ-kuluƃa saaƃai. 23Ǹáa è kùla kɛ́lɛ vé kɛ́ ní a díta. Deeƃé è gɛ̀ a m̀ɛi káa-ƃelai láa túɛ-nuu.
24Gɔ-kuluƃa nuu-kpulu buu saaƃai su-ƃelai kpéli-ŋai ƃé kɛ̀ a Zôa ǹeɣê Asaɛ da Dôdo ǹóŋ Ɛnanaŋ nyíi kùla Bɛpeleɣɛ̃ɛi. 25Aro naloŋ feerɛi Sama da Ɛlika, 26Paata naloŋ Ɛɛle, Tekoa naloŋ Ikesi ǹóŋ Ira, 27Anatɔ nuui Abiezɛ da Usatai naloŋ Mebunai, 28Aoɣiti nuui Zaamɔŋ da Nɛtofa naloŋ Maarai, 29Nɛtofa nuui Baana ǹóŋ Ɛɛle, Gibea nuui Libai nyíi kùla Bɛŋsima ŋɔsuui sui ǹóŋ-surɔŋ Ita, 30Piratɔŋ nuui Benaiya, Idai nyíi kùla Gâa ya-loŋ mai, 31Aba nuui Abi-aabɔŋ da Azimave nyíi kùla Bauriŋ, 32Zaseŋ ǹônii-sinaai dɔnɔ Eliaba nyíi kùla Sa-aabɔŋ, Zonetaŋ, 33Arari naloŋ Saama da Sâa ǹóŋ Abiaŋ nyíi kùla máŋ Arari, 34Aasibai ǹóŋ Elifelɛ nyíi kùla Maakai, Gilo naloŋ Aitofɛ ǹóŋ Eliaŋ, 35Iziro naloŋ Kamɛɛ, Abite naloŋ Paarai, 36Zoba naloŋ Netaŋ ǹóŋ Iga, Gâa naloŋ Bani, 37Amɔŋ naloŋ Zele, Bɛ-ɛro naloŋ Naarai, Zôa ŋɔkɔ kɔ́-kɔli-sɛŋ siɣe-nuui, 38Ita naloŋ Ira, Itira naloŋ Gare 39da Ita sii nuui Yuraya. Díkelee dí kɛ̀ a núu buu saaƃa káo lɔ́ɔlu mɛi feerɛ.
Currently Selected:
Samia Veerɛi 23: KWB
Highlight
Copy
Compare
Share
Want to have your highlights saved across all your devices? Sign up or sign in
© 2012 Bible Society in Liberia
Samia Veerɛi 23
23
Deeƃé ŋɔwóo-ŋai gbɛɛ ŋái
1Zɛse ǹóŋ Deeƃé ŋɔwóoi gbɛɛ-ŋai ŋái ká ŋí. Ɣâla è Deeƃé ŋí kɛ́ a núu kɛ́tɛ. Zeeka Ŋɔɣâlai è Deeƃé sìɣe é gɛ́ a kâloŋ kɛ́tɛ. Deeƃé è kɛ̀ a wule too-nuu kɛ́tɛ. Gɛ́ɛ Ɣâla è wála-wala tɛ̀ɛ bɔ́ a gɛ́ɛ é lónoi, è mò ǹyɛɛi,
2“Yâwɛɛ ŋɔmɔlêŋ káa ḿbôlu,
a ńɛŋ fúloŋ a gɛ́ɛ ŋá lóno.
3Eezuɛ ŋɔwála-wala Ɣalai è mò ḿâ ǹyɛɛi,
‘Ǹúui a ŋɔnûai mɛi kâa a tɔ̃yâ-laa pere
Ɣâla ŋɔyao maai sui,
4gáa yɛ̂ɛ ɣele ƃɔ̂i kwaa ponoɔɔ,
gɛ́ ƃò yɛ̂ɛ fólo ǹɛnɛŋ a pìlaŋ ɣele-kɔlɔŋ kole ma, da tuna nyíi a gala-ŋai kɛ̀ dí pɔmûŋ.’
5“Bere ƃé Ɣâla a pâi lûwa lâai la ńônii díwɔ̂ lonii dîa.
A wɔ́lɔ kpanaŋ-woo kɛ́ ńyêei nyíi pâi kɛ̂i naa wɔ́lɔ-wɔlɔ da wɔ́lɔ-wɔlɔ.
Gbanaŋ-wooi ŋí maa fa wɔ́lɔ fâleŋ. A pâi wɔ́lɔ kɛ̂i nɔ́ ḿɛi kâai ǹyaŋ ŋa pâi ƃûu ƃôi.
6Kɛ́lɛ zɔnyɔ̂ŋ-ƃelai díkaa yɛ̂ɛ ɣalêŋ nyíi-ŋai da pâi dípilîi.
Núu fa pɔri díkulâi a ǹyêei.
7Ǹúui a díkùla a ǹyêei, fɛ̂ɛ maa nuui yée maa é kɛ́ a gbiniŋɔɔ a kɔli nyíi ŋ̀á káa yɛ̂ɛ kpálai.
Ǹyaŋ da pâi dísu-karâi a ŋɔŋ.”
Deeƃé ŋɔkɔ-kuluƃa-ŋai
(Kɔlɔnikɔ Maa-ŋuŋ 11:10-41)
8Deeƃé ŋɔkɔ́ kɔ́-ƃela kpaya-kpayai láa ká ŋí: Tasimɔna naloŋ Zosɛ-basebɛ. È kɛ̀ gɔ́ kɔ́-ƃela gbului láa túɛ nyíi da kâa dítòli a Saaƃai. È núu ŋuŋ lɔ́ɔlu mɛi saaƃa pàa a ŋɔkpálai kɔ́ tɔnɔ su.
9Gɔlɛ-ma nuui láa ƃé kɛ̀ a Iliaza. Iliaza ƃé kɛ̀ a Dôdo ǹóŋ, Aoi ǹóŋ-lóŋ. Da Deeƃé díkɛ̀ díkîe ma tãi dí kɔ́ pɛ̀lɛ la Felesia-ŋai dîa Eezuɛ-ŋai dí kɛ́ pui. 10È kɔ̀ Felesia-ŋai pɔ́ é lɛ́ɛ la zu ǹyée fíi é kpɛ́ɛ é kánaŋ M̀óa-sɔkpɔi ma. M̀aa ɣelei tí Yâwɛɛ è gɛ̀ ǹyée é tɛ́ɛ díkpɔara-ƃelai dîa. Gɔ́ kɔ́-ƃelai kpéli-ŋai páa pôlui, mɛni da kpɛ́ni fé kɛ́ ní naa a gɛ́ɛ dí gɛ́. Kɛ́lɛ dí lì dí zaa-ƃelai díkɔ kɔ́-sãai síɣe dí lí a dia.
11Ǹúui kɛ̀ Iliaza kɔlɛi ƃé kɛ̀ ƃé kɛ̀ a Arari naloŋ Agee ǹóŋ Sama. Felesia-ŋai dí lì dí díŋaa tɛ́ mà Lêi dí gbã tée díperêi dɔɔŋ kpɔlɔi su. Eezuɛ-ŋai dí pù díyêei.
12Kɛ́lɛ Sama è tɔ̀ɔ a gbanaŋɔɔ é Felesia-ŋai páa. Yâwɛɛ è wála-wala tɛ̀ɛ dípɔ dí Felesia-ŋai yée mɛi ɣále. 13Ŋ̀wála-wâla kpakolo buu saaƃai zaaƃa dí lì Deeƃé pɔ́-naa gɔni-woloi su Adulaŋ a dísi-sãai m̀á kula kûui. Felesia-ŋai dí kɛ̀ ƃûu su Lefaiŋ tiŋ-tiŋ su. 14Deeƃé è kɛ̀ kwaa da ma ƃɛ́i gbɔara nuu da fa kâa pɔri serîi ma a fii-kpɛ̂ɛ perei Felesia-ŋai diaŋ díƃûui è kɛ̀ Bɛpeleɣɛ̃ɛ. 15Deeƃé è kɛ̀ gwaai ŋí ma kpele wɛ̂lii kɛ́ bàa ǹyɛɛi, “Óo núu da fé naa é yá kúla Bɛpeleɣɛ̃ɛ ya-loai su nyíi gáa ziɣãŋ lá é dɛɛ ḿbɔ ŋá ŋ́gbele la!” 16Nya ƃe gbakolo wála-wala saaƃai dí Felesia-ŋai díƃûui wòlo dí lɔ́ dí yá kúla naa dí pá la Deeƃé pɔ́. Kɛ́lɛ vé gbèle ní. È gɛ̀ a sâla-sɛŋ Yâwɛɛ mɛni ma, 17é m̀ó ǹyɛɛi, “É folôŋ ḿâ, óo Yâwɛɛ, a gɛ́ɛ ŋá ǹyái ŋí kpéle. Gáa yɛ̂ɛ dîai ŋãa nyíi-ŋai dífulu-laai kùla a sâla ǹyái kula mɛni mai.” Vé gɛ́ ní é ǹyái ŋí kpéle.
Gɔ-kuluƃa wála-wala líi-kpeleɛɛ saaƃai ƃé mɛni-ŋai ŋí kɛ̀.
18Zeruia ǹóŋ Zôa ǹeɣê Abisai è kɛ̀ gɔ-kuluƃa buu saaƃai láa túɛ. È kɔ́ kɔ́-ƃela ŋuŋ saaƃa pàa a ŋɔkpálai. Ǹyaa máŋ ǹáa è kùla yɛ̂ɛ gbakolo saaƃai ŋí díta. 19Ǹáa è kùla máŋ é tɛ́ɛ gɔ-kuluƃa saaƃai díwɔ̂i ma. Dí gɛ̀ a dílaa túɛ-nuu. Kɛ́lɛ vé kɛ́ ní a díta.
20Zeoiada ǹóŋ Benaiya nyíi kùla Kazeei. È kɛ̀ a ǹíi-kpeleɛɛ. È mɛni kpaya-kpaya támaa kɛ̀. È Môa kɔ-kuluƃai veerɛ pàa. È yala-sulu tɔnɔ pàa lôai a gɔ́lɛ kanei pú tãi. 21È Ize naloŋ lɛ́lɛɛ tɔnɔ pàa. Ǹalôŋ ŋɔkpálai è kɛ̀ ǹyêei kɛ́lɛ Benaiya è lɛ̀ɣɛ la ŋɔwúrui kɛ̀ ƃò ǹyêei. È gbálai kpâloŋ ǹyêei é bàa a gbɔ́ɔi kpâlai. 22M̀ɛni saaƃai ŋí Benaiya è gɛ̀i è gɛ̀ ǹáa é kúla yɛ̂ɛ gɔ-kuluƃa saaƃai. 23Ǹáa è kùla kɛ́lɛ vé kɛ́ ní a díta. Deeƃé è gɛ̀ a m̀ɛi káa-ƃelai láa túɛ-nuu.
24Gɔ-kuluƃa nuu-kpulu buu saaƃai su-ƃelai kpéli-ŋai ƃé kɛ̀ a Zôa ǹeɣê Asaɛ da Dôdo ǹóŋ Ɛnanaŋ nyíi kùla Bɛpeleɣɛ̃ɛi. 25Aro naloŋ feerɛi Sama da Ɛlika, 26Paata naloŋ Ɛɛle, Tekoa naloŋ Ikesi ǹóŋ Ira, 27Anatɔ nuui Abiezɛ da Usatai naloŋ Mebunai, 28Aoɣiti nuui Zaamɔŋ da Nɛtofa naloŋ Maarai, 29Nɛtofa nuui Baana ǹóŋ Ɛɛle, Gibea nuui Libai nyíi kùla Bɛŋsima ŋɔsuui sui ǹóŋ-surɔŋ Ita, 30Piratɔŋ nuui Benaiya, Idai nyíi kùla Gâa ya-loŋ mai, 31Aba nuui Abi-aabɔŋ da Azimave nyíi kùla Bauriŋ, 32Zaseŋ ǹônii-sinaai dɔnɔ Eliaba nyíi kùla Sa-aabɔŋ, Zonetaŋ, 33Arari naloŋ Saama da Sâa ǹóŋ Abiaŋ nyíi kùla máŋ Arari, 34Aasibai ǹóŋ Elifelɛ nyíi kùla Maakai, Gilo naloŋ Aitofɛ ǹóŋ Eliaŋ, 35Iziro naloŋ Kamɛɛ, Abite naloŋ Paarai, 36Zoba naloŋ Netaŋ ǹóŋ Iga, Gâa naloŋ Bani, 37Amɔŋ naloŋ Zele, Bɛ-ɛro naloŋ Naarai, Zôa ŋɔkɔ kɔ́-kɔli-sɛŋ siɣe-nuui, 38Ita naloŋ Ira, Itira naloŋ Gare 39da Ita sii nuui Yuraya. Díkelee dí kɛ̀ a núu buu saaƃa káo lɔ́ɔlu mɛi feerɛ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2012 Bible Society in Liberia