Samia Veerɛi 22
22
Deeƃé è laa-maa tɛ̂ wule tòo
(Wule-woo-ŋa 18)
1Yâwɛɛ kɛ́ɛ a Deeƃé ŋuŋ mâ ƃó é gula Gâloŋ Sɔ̂ɔ yêei da ŋɔkpɔara-ƃela kpéli-ŋai kéleei, è Yâwɛɛ láa maa tɛ̀ wule-wôo su.
2Yâwɛɛ káa a ḿaa kpɛ́-nuu da
ḿaa kɔ̃ɔ-nuu kpanaŋɔɔ.
3Ŋáɣâlai káa a ḿaa kpɛ́-nuu.
A ḿaa kɔ̃ɔ
yɛ̂ɛ berei kpála ŋá-ɣale kɔli-kalaŋ a kɔ-kuluƃa maa kɔ̃ɔ lai.
Ǹyaa ƃé ŋa ŋuŋ ma ƃô sɔlɔ ǹyêei.
Ǹyaa ƃa ŋ́uŋ ma ƃó nuui.
A ŋ́uŋ ma ƃó sɔnyɔ̂ŋ-ƃela yêei.
4Ŋa Yâwɛɛ tòli
a ŋ́gula ŋ́gbɔara-ƃelai yêei.
Ǹyaa ƃe laa-maa-tɛ káa a bɔ́ɔ.
5Saa ninîŋ è kɛ̀ a dínaŋɔɔ ḿâ yɛ̂ɛ yúo ƃé ɣilînii
gɛ́ pà ŋgbelêi yɛ̂ɛ ya-fɛ̂ɛ a sɛŋ a sɛŋ mɛi pɛ̀lɛ.
6Saa è kɛ̀ a dínaŋɔɔ ḿâ
ƃolôŋ ŋɔƃárei ŋá tɛ́ɛ ḿberêi.
7Ŋà kɛ̀ mɛni kpɔ̂lu sui, ŋá Yâwɛɛ tòli.
Ŋá Ŋáɣâlai tôli a gɛ́ɛ é kpɔ́ŋ ḿâ.
È lɛ̀ɛ ŋɔpɛ́rɛi mu é ŋ́oo mɛni.
È ŋ̀óli tɔ̀ɔ ŋ́wɔlɔ-woo mà é kpɔ́ŋ ma.
8Nya ƃe ǹɔii è tùmo é kpɛ̃lîŋ,
ŋ̀ele-kɔlɔŋ é kpɛ̃lîŋ máŋ,
kpɛ́ni fêi, ǹíi è kɛ̀ a ŋ̀wánaa.
9Luri è kɛ̀ kulâi zũai
ŋɔŋ sôŋ kɛ́ kùla ǹá, ŋɔŋ têɣa kɛ́ kùla ǹá.
10È ŋ̀ele-kɔlɔŋ ƃèla é pîlaŋ
ɣele-kɔlɔŋ tɛi kɛ́ ƃò gɔ́ɔ mu.
11È sèe ɣâla-taa kooŋ-sɛŋ mɛi.
Ŋ̀âla-taa kooŋ-sɛŋ é kòoŋ la yɛ̂ɛ fãa.
12È gbîŋ mɛi pɛ̀lɛ a kpíni,
ɣele-kɔlɔŋ kpi-kpitiliɛɛ lá fɛ́ɛ a yá tínaŋɔɔ mà.
13Tiɣi ŋɔŋ leŋ è kùla gwaa ponoɔɔi su ŋɛ́i-tuɛ.
14È ŋ̀ele-gbâna tòo,
ǹyaŋ Ŋ̀wála-wâla kélee Ɣalai è làɣi a ŋ̀óo su kɛ́tɛ.
15È sɔ̀la-ŋa pìli ŋɔkpɔara-ƃelai dí táa-taa.
È ŋ̀ele-gbâna ŋɔŋ tòo dísama dí pú.
16Yâwɛɛ lɛ̂wo è kùla zũâi é Yúo káo ma lɛ́,
ǹɔii é lɛ́ɛ lâani a vólo.
17È ǹyée tɛ̀ ɣelêi é ńziɣe é ŋ́gula bârii su.
18É ŋ́gùla ŋ́gbɔara-ƃela wála-walaai yêei.
É ŋ́gula dîai yêei dí tɔɔ̂i ḿâi, kpɛ́ni fêi, díwala-walai tɛɛ̂i ŋ́ɔ̂i ma.
19Ŋa kɛ̂ mɛni kpɔ̂lu ƃé da pɛ̀lɛ la ḿâ,
kɛ́lɛ Yâwɛɛ a ḿaa kɔ̃ɔ.
20A ŋ́uŋ ma ƃò é pá a ńyãa kwaa pónoɔɔ ma.
A ŋ́uŋ ma ƃò, kpɛ́ni fêi, ǹíi lâai ńyêei.
21Yâwɛɛ è ḿvela fè ŋátɔ̃yâ-laai
da ŋámaa wâa-laai mɛni ma.
22Ŋá sìa a Yâwɛɛ ŋɔtɔ̂ŋ wóo,
fé ta kùla ní Ŋáɣâlai pôlu.
23Ŋa ŋɔtɔ̂ŋ-ŋai kélee mɛi kàa,
fé ḿbôlu tɔ̀ɔ ní da ma.
24Sɔnyɔ̂ŋ fé ḿâ ŋ̀ɛ́i,
ǹyaŋ ŋa ńyee kúla kula sɔnyɔ̂ŋ kɛ́ɛ su.
25M̀ɛni ma, Yâwɛɛ a ḿvela fé ŋátɔ̃yâ-laai
da ŋámaa waa-laai mɛni ma.
26Yâwɛɛ, dîai da tɔ̂ɔ ípôlui, ya tɔ̂ɔ dípôlu,
íkɛ tɔ̃yâ-laa mɛni kɛ̀ a dîai da tɔ̃yâ-laa kɛ̀ a yái.
27Ílii su waâi dîai mɛni ma dílii su waâi,
Ítɔɔ dîai dîa da sɔnyɔ̂ kɛi.
28Ya dîai ŋuŋ ma ƃò da tûa a maa yêŋ perei,
íkɛ zu-mɛni kɛ̂tɛ-ƃelai maa yêŋ.
29Óo Yâwɛɛ, Ŋáɣâlai, yá ƃa ŋákwaa ponoɔɔi
íkɛ ŋákpinii père a kwaa ponoɔɔ.
30Ya wála-wala-laa tɛ̀ɛ ḿbɔ a gɛ́ɛ ŋá pɛ́lɛ ŋákpɔara-ƃelai dîa,
íkɛ wála-wala-laa tɛ̀ɛ ḿbɔ a gɛ́ɛ ŋá díyee mɛi ɣále ŋá dítaa lêe-ŋai síɣe.
31Ɣâla, ŋí tûa-pere sã̂ai.
Ŋɔwóoi maa waâi.
A diai kélee maa kɔ̃̂ɔ da pâ bɔ́
kpɔŋ mâa mɛni mai.
32Yâwɛɛ ǹyaa tɔnɔ nɔ́ ƃa Ɣâla.
Kúɣâlai ƃé gáa a gɔnii.
33Ɣâla ŋí ƃé gáa a ḿaa kɔ̃ɔ nuu kpanaŋɔɔi.
A ńzia pêre maa kpɛ̂.
34A ŋ́gɔɔ su kpânaŋ a gɛ́ɛ fé tòo.
A ŋ́gɛ ŋa tɔɔ ǹyéei tôŋ su.
35A ŋáa kɔ́ŋ a kɔ́ kɔ́ mɛni ma. A gɛ́ ŋa pɔri ƃara keraŋ pilîi.
36Yaâ íŋuŋ ma ƃô kɔli-kalaŋ tɛɛ ḿbɔ.
Ya ŋ́gɛ a núu kɛ́tɛ.
37Yaâ ńzia perei su pòno.
Ya gɛ́ fa ŋɔ́nɔ kàreŋ.
38Ya gɛ́ ŋa ŋ́gbɔara-ƃelai kpɛ́ ŋa dísoŋ ŋa dísu-kara.
Fé kpera ní díkpɛ̂i é lɛ́ɛ la zu ŋa dísu-kara.
39Ŋá díyee mɛi ɣàle dí tóo ŋ́gɔɔ mu,
ǹyaŋ dífe pâi dímu siɣêi pôlu ŋɔ́nɔ.
40Ya wála-wala tɛ̀ɛ ḿbɔ kɔ́ kɔ́ mɛni ma.
Ya ŋ́gɛ ŋa ŋákpɔara-ƃelai pú ŋ́gɔɔ mu.
41Ya gɛ́ ŋ́gbɔara-ƃelai da pú,
ǹyaŋ dîai da ŋ́gbɔarai, ŋa dísu-kàra.
42Dí díŋɛi làa, kɛ́lɛ núu da fé kɛ́ ní naa é díŋuŋ ma ƃó.
Dí wɔ̀lɔ Yâwɛɛ ma, kɛ́lɛ vé díwoo su tòo ní.
43Ŋá dífũa yɛ̂ɛ muluŋ,
ŋá dítaŋ yɛ̂ɛ pere-lee ma para.
44Í ḿaa kɔ̃ɔ dîai yêei dítɔɔ̂i ḿâi,
í ŋ́gɛ lɔii-ŋuŋ-ŋa láa túɛ,
dîai fé kɛ́ ní a díkɔlɔŋɔɔ̂i, dí tíi kɛ̀ mî.
45Ǹɔii-ŋuŋ da kpɛ́ni su-ƃelai dí kɛ̀ tɔarâi dí kɛ́ pà,
gɛ́ɛ da ŋ́oo mɛ́nii, dí ƃa-kɛ́-maa tɛ̀ɛ ḿbɔ.
46Díkili ŋá è pù
dímaa kɛ́ kpɛ̃liŋ dí kɛ̀ kùla dítaa-lee wála-wala-ŋai su.
47Yá ƃa gɛ-ɣele ma Yâwɛɛi, ǹyaŋ ŋa pâi ílaa maa tɛ̂i.
Yái íkaa a maa kɔ̃ɔ Ɣalai ŋa pâi lûwa toôi ya.
48Yá ƃé ya ŋákpai kûla
íkɛ ŋ́gbɔara-ƃelai pù ŋ́gɔɔ mu.
49Ya ŋ́gula ŋ́gbɔara-ƃelai yêei,
óo Ǹuu-namui, ya ŋ́gɛ ńyee a tɛ̀ɛ ŋ́gbɔara-ƃelai dîa,
ya ḿaa kɔ̃ɔ zɔnyɔ̂ŋ-ƃelai yêei.
50M̀ɛni ma, Yâwɛɛ, ŋa pâi ílaa maa tɛ̂i ǹɔii ŋuŋ-ŋai su.
Ŋa pâi laa maa tɛ̂ wule-ŋa toôi a ílaa.
51Ya gɛ́ íkâloŋ a ŋɔkpɔara-ƃelai yée mɛi ɣále.
Íwɔlɔ-wɔlɔ wɛli-kɛ maai káa naa ǹúui mɛni ma í zìɣe zui,
gɛ́ ƃò naa máŋ Deeƃé mɛni ma da ŋɔsuui wɔ́lɔ-wɔlɔ da wɔlɔ-wɔlɔ
Currently Selected:
Samia Veerɛi 22: KWB
Highlight
Copy
Compare
Share
Want to have your highlights saved across all your devices? Sign up or sign in
© 2012 Bible Society in Liberia
Samia Veerɛi 22
22
Deeƃé è laa-maa tɛ̂ wule tòo
(Wule-woo-ŋa 18)
1Yâwɛɛ kɛ́ɛ a Deeƃé ŋuŋ mâ ƃó é gula Gâloŋ Sɔ̂ɔ yêei da ŋɔkpɔara-ƃela kpéli-ŋai kéleei, è Yâwɛɛ láa maa tɛ̀ wule-wôo su.
2Yâwɛɛ káa a ḿaa kpɛ́-nuu da
ḿaa kɔ̃ɔ-nuu kpanaŋɔɔ.
3Ŋáɣâlai káa a ḿaa kpɛ́-nuu.
A ḿaa kɔ̃ɔ
yɛ̂ɛ berei kpála ŋá-ɣale kɔli-kalaŋ a kɔ-kuluƃa maa kɔ̃ɔ lai.
Ǹyaa ƃé ŋa ŋuŋ ma ƃô sɔlɔ ǹyêei.
Ǹyaa ƃa ŋ́uŋ ma ƃó nuui.
A ŋ́uŋ ma ƃó sɔnyɔ̂ŋ-ƃela yêei.
4Ŋa Yâwɛɛ tòli
a ŋ́gula ŋ́gbɔara-ƃelai yêei.
Ǹyaa ƃe laa-maa-tɛ káa a bɔ́ɔ.
5Saa ninîŋ è kɛ̀ a dínaŋɔɔ ḿâ yɛ̂ɛ yúo ƃé ɣilînii
gɛ́ pà ŋgbelêi yɛ̂ɛ ya-fɛ̂ɛ a sɛŋ a sɛŋ mɛi pɛ̀lɛ.
6Saa è kɛ̀ a dínaŋɔɔ ḿâ
ƃolôŋ ŋɔƃárei ŋá tɛ́ɛ ḿberêi.
7Ŋà kɛ̀ mɛni kpɔ̂lu sui, ŋá Yâwɛɛ tòli.
Ŋá Ŋáɣâlai tôli a gɛ́ɛ é kpɔ́ŋ ḿâ.
È lɛ̀ɛ ŋɔpɛ́rɛi mu é ŋ́oo mɛni.
È ŋ̀óli tɔ̀ɔ ŋ́wɔlɔ-woo mà é kpɔ́ŋ ma.
8Nya ƃe ǹɔii è tùmo é kpɛ̃lîŋ,
ŋ̀ele-kɔlɔŋ é kpɛ̃lîŋ máŋ,
kpɛ́ni fêi, ǹíi è kɛ̀ a ŋ̀wánaa.
9Luri è kɛ̀ kulâi zũai
ŋɔŋ sôŋ kɛ́ kùla ǹá, ŋɔŋ têɣa kɛ́ kùla ǹá.
10È ŋ̀ele-kɔlɔŋ ƃèla é pîlaŋ
ɣele-kɔlɔŋ tɛi kɛ́ ƃò gɔ́ɔ mu.
11È sèe ɣâla-taa kooŋ-sɛŋ mɛi.
Ŋ̀âla-taa kooŋ-sɛŋ é kòoŋ la yɛ̂ɛ fãa.
12È gbîŋ mɛi pɛ̀lɛ a kpíni,
ɣele-kɔlɔŋ kpi-kpitiliɛɛ lá fɛ́ɛ a yá tínaŋɔɔ mà.
13Tiɣi ŋɔŋ leŋ è kùla gwaa ponoɔɔi su ŋɛ́i-tuɛ.
14È ŋ̀ele-gbâna tòo,
ǹyaŋ Ŋ̀wála-wâla kélee Ɣalai è làɣi a ŋ̀óo su kɛ́tɛ.
15È sɔ̀la-ŋa pìli ŋɔkpɔara-ƃelai dí táa-taa.
È ŋ̀ele-gbâna ŋɔŋ tòo dísama dí pú.
16Yâwɛɛ lɛ̂wo è kùla zũâi é Yúo káo ma lɛ́,
ǹɔii é lɛ́ɛ lâani a vólo.
17È ǹyée tɛ̀ ɣelêi é ńziɣe é ŋ́gula bârii su.
18É ŋ́gùla ŋ́gbɔara-ƃela wála-walaai yêei.
É ŋ́gula dîai yêei dí tɔɔ̂i ḿâi, kpɛ́ni fêi, díwala-walai tɛɛ̂i ŋ́ɔ̂i ma.
19Ŋa kɛ̂ mɛni kpɔ̂lu ƃé da pɛ̀lɛ la ḿâ,
kɛ́lɛ Yâwɛɛ a ḿaa kɔ̃ɔ.
20A ŋ́uŋ ma ƃò é pá a ńyãa kwaa pónoɔɔ ma.
A ŋ́uŋ ma ƃò, kpɛ́ni fêi, ǹíi lâai ńyêei.
21Yâwɛɛ è ḿvela fè ŋátɔ̃yâ-laai
da ŋámaa wâa-laai mɛni ma.
22Ŋá sìa a Yâwɛɛ ŋɔtɔ̂ŋ wóo,
fé ta kùla ní Ŋáɣâlai pôlu.
23Ŋa ŋɔtɔ̂ŋ-ŋai kélee mɛi kàa,
fé ḿbôlu tɔ̀ɔ ní da ma.
24Sɔnyɔ̂ŋ fé ḿâ ŋ̀ɛ́i,
ǹyaŋ ŋa ńyee kúla kula sɔnyɔ̂ŋ kɛ́ɛ su.
25M̀ɛni ma, Yâwɛɛ a ḿvela fé ŋátɔ̃yâ-laai
da ŋámaa waa-laai mɛni ma.
26Yâwɛɛ, dîai da tɔ̂ɔ ípôlui, ya tɔ̂ɔ dípôlu,
íkɛ tɔ̃yâ-laa mɛni kɛ̀ a dîai da tɔ̃yâ-laa kɛ̀ a yái.
27Ílii su waâi dîai mɛni ma dílii su waâi,
Ítɔɔ dîai dîa da sɔnyɔ̂ kɛi.
28Ya dîai ŋuŋ ma ƃò da tûa a maa yêŋ perei,
íkɛ zu-mɛni kɛ̂tɛ-ƃelai maa yêŋ.
29Óo Yâwɛɛ, Ŋáɣâlai, yá ƃa ŋákwaa ponoɔɔi
íkɛ ŋákpinii père a kwaa ponoɔɔ.
30Ya wála-wala-laa tɛ̀ɛ ḿbɔ a gɛ́ɛ ŋá pɛ́lɛ ŋákpɔara-ƃelai dîa,
íkɛ wála-wala-laa tɛ̀ɛ ḿbɔ a gɛ́ɛ ŋá díyee mɛi ɣále ŋá dítaa lêe-ŋai síɣe.
31Ɣâla, ŋí tûa-pere sã̂ai.
Ŋɔwóoi maa waâi.
A diai kélee maa kɔ̃̂ɔ da pâ bɔ́
kpɔŋ mâa mɛni mai.
32Yâwɛɛ ǹyaa tɔnɔ nɔ́ ƃa Ɣâla.
Kúɣâlai ƃé gáa a gɔnii.
33Ɣâla ŋí ƃé gáa a ḿaa kɔ̃ɔ nuu kpanaŋɔɔi.
A ńzia pêre maa kpɛ̂.
34A ŋ́gɔɔ su kpânaŋ a gɛ́ɛ fé tòo.
A ŋ́gɛ ŋa tɔɔ ǹyéei tôŋ su.
35A ŋáa kɔ́ŋ a kɔ́ kɔ́ mɛni ma. A gɛ́ ŋa pɔri ƃara keraŋ pilîi.
36Yaâ íŋuŋ ma ƃô kɔli-kalaŋ tɛɛ ḿbɔ.
Ya ŋ́gɛ a núu kɛ́tɛ.
37Yaâ ńzia perei su pòno.
Ya gɛ́ fa ŋɔ́nɔ kàreŋ.
38Ya gɛ́ ŋa ŋ́gbɔara-ƃelai kpɛ́ ŋa dísoŋ ŋa dísu-kara.
Fé kpera ní díkpɛ̂i é lɛ́ɛ la zu ŋa dísu-kara.
39Ŋá díyee mɛi ɣàle dí tóo ŋ́gɔɔ mu,
ǹyaŋ dífe pâi dímu siɣêi pôlu ŋɔ́nɔ.
40Ya wála-wala tɛ̀ɛ ḿbɔ kɔ́ kɔ́ mɛni ma.
Ya ŋ́gɛ ŋa ŋákpɔara-ƃelai pú ŋ́gɔɔ mu.
41Ya gɛ́ ŋ́gbɔara-ƃelai da pú,
ǹyaŋ dîai da ŋ́gbɔarai, ŋa dísu-kàra.
42Dí díŋɛi làa, kɛ́lɛ núu da fé kɛ́ ní naa é díŋuŋ ma ƃó.
Dí wɔ̀lɔ Yâwɛɛ ma, kɛ́lɛ vé díwoo su tòo ní.
43Ŋá dífũa yɛ̂ɛ muluŋ,
ŋá dítaŋ yɛ̂ɛ pere-lee ma para.
44Í ḿaa kɔ̃ɔ dîai yêei dítɔɔ̂i ḿâi,
í ŋ́gɛ lɔii-ŋuŋ-ŋa láa túɛ,
dîai fé kɛ́ ní a díkɔlɔŋɔɔ̂i, dí tíi kɛ̀ mî.
45Ǹɔii-ŋuŋ da kpɛ́ni su-ƃelai dí kɛ̀ tɔarâi dí kɛ́ pà,
gɛ́ɛ da ŋ́oo mɛ́nii, dí ƃa-kɛ́-maa tɛ̀ɛ ḿbɔ.
46Díkili ŋá è pù
dímaa kɛ́ kpɛ̃liŋ dí kɛ̀ kùla dítaa-lee wála-wala-ŋai su.
47Yá ƃa gɛ-ɣele ma Yâwɛɛi, ǹyaŋ ŋa pâi ílaa maa tɛ̂i.
Yái íkaa a maa kɔ̃ɔ Ɣalai ŋa pâi lûwa toôi ya.
48Yá ƃé ya ŋákpai kûla
íkɛ ŋ́gbɔara-ƃelai pù ŋ́gɔɔ mu.
49Ya ŋ́gula ŋ́gbɔara-ƃelai yêei,
óo Ǹuu-namui, ya ŋ́gɛ ńyee a tɛ̀ɛ ŋ́gbɔara-ƃelai dîa,
ya ḿaa kɔ̃ɔ zɔnyɔ̂ŋ-ƃelai yêei.
50M̀ɛni ma, Yâwɛɛ, ŋa pâi ílaa maa tɛ̂i ǹɔii ŋuŋ-ŋai su.
Ŋa pâi laa maa tɛ̂ wule-ŋa toôi a ílaa.
51Ya gɛ́ íkâloŋ a ŋɔkpɔara-ƃelai yée mɛi ɣále.
Íwɔlɔ-wɔlɔ wɛli-kɛ maai káa naa ǹúui mɛni ma í zìɣe zui,
gɛ́ ƃò naa máŋ Deeƃé mɛni ma da ŋɔsuui wɔ́lɔ-wɔlɔ da wɔlɔ-wɔlɔ
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2012 Bible Society in Liberia