Samia Veerɛi 13
13
Amɔŋ è pɛ̀lɛ Deeƃé ǹóŋ nɛnii Tâma ma
1Nyíŋi pôlu ma Deeƃé ǹóŋ nɛni lɛ́lɛɛ tɔnɔ è kɛ̀ naa. Ǹáa ƃé kɛ̀ a Tâma. Tâma è kɛ̀ a Deeƃé ǹóŋ surɔŋ Asalɔŋ zaaƃɔlɔ. Noo-nɛnii ŋí ŋɔwɛli kɛ́-maa lii è pìli zaaaƃɔlɔ Amɔŋ lí su. Amɔŋ ŋɔleei è kɛ̀ a da kpɛ́ni. 2Tâma è kɛ̀ a nɛnî-kpela nyíi vé kɛ́ ní a surɔŋ mɛni kɔ́lɔŋɔɔ. Amɔŋ è kɛ̀ a gɔ́lɔŋɔɔ a gɛ́ɛ va pɔri nɛnii ŋí kulai a ŋɔnɛnî. Ǹɛnîi ŋí maa wɛli kɛ́-maa è tɛ̀ɛ kpɔ́ Amɔŋ líi pôlu a ŋ̀ánaa é gɛ́ ǹyɛɛ a kɔlɛ a gbála. 3Kɛ́lɛ Amɔŋ ŋɔwɛli kɛ́-maa nuu tɔnɔ è kɛ̀ naa. Ǹáa ƃé kɛ̀ a Zonada. Deeƃé ǹeɣê Simea ǹóŋ. Zonada è kɛ̀ a núu koi táreɛɛ ma. 4È mò Amɔŋ ma ǹyɛɛi, “Óo gâloŋ ǹóŋ, lé ƃé ya maa kpâla kɛ̂i ŋí a ɣele kéleei? M̀ɛnii ílii sui m̀ó ḿâ.”
È mà ǹyɛɛ, “Ŋ́zaaƃɔlɔ Tâma wɛ́li káa ḿâ a dámaa nyíi gáa a ńîa Asalɔŋ ŋɔlee kaa saƃaɔlɔi.”
5Zonada ǹyɛɛ m̀ai, “Láa ígbìŋ ŋá í gɛ́ yɛ̂ɛ ya kɛ̀ kɔ̂lɛi. Ínâŋ à pà a gɛɛ é í naa káa, m̀ó mà yɛ̂ɛi, ‘Ǹɛɛ naa Tâma é pá é mii-sɛŋ kpɛtɛ ḿî. Ŋa wɛ̂lii ŋá ǹyée ŋá mii-sɛŋ mìi.’ ” 6Nya ƃe Amɔŋ è lì é láa yɛ̂ɛ ǹyaa ƃé a kɔ̂lɛi.
Tãi ǹâŋ è pà la a gɛ́ɛ é gâai, è mò ma ǹyɛɛi, “Ǹɛɛ naa Tâma é pá é kpólo kpɛtɛ mî ŋá mìi. Ŋa wɛ̂lii ŋá ǹyée ŋá sɛŋ mii.”
7Gâloŋ è worɛ̂ tɛ̀ɛ ǹyɛɛi, “Ka m̀ó Tâma ma é lí zaaƃɔlɔ Amɔŋ ŋɔpɛ́rɛi lá é mii-sɛŋ kpɛ̀tɛ mì.” 8Nya ƃe Tâma è lì Amɔŋ ŋɔpɛ́rɛi lá. È gbólo kpɛtɛ-sãai pù gîe ma é gbɛtɛ a kpólo a ǹɛ́lɛɛ 9é dɛ́ɛ zaaƃɔlɔ pɔ́. Kɛ́lɛ Amɔŋ fé gbóloi mii ní. È mò Tâma ma ǹyɛɛi, “M̀ó ǹûai kélee dîa dí kúla.” Ǹûai kélee dí dílɛ̀ɛ naa dí kúla. 10È mò Tâma ma ǹyɛɛi, “Pá a mii-sɛŋ loŋpoi su. Ŋa ŋ̀wɛ̂lii ŋá íyee ŋá sɛŋ mii.” Tâma è gbóloi sìɣe é lɔ́ la loŋpoi su zaaƃɔlɔ pɔ́-naa. 11Kɛ́lɛ ǹiɣɛ́ɛ a gɛ́ɛ é gbóloi tɛ́ɛ bɔ́i, è zɔ̀ŋ ǹyɛɛ m̀ai, “Pá kú láa.”
12È ŋ̀óo su tòo ǹyɛɛ m̀ai, “Kpao, zaaƃɔlɔ ƃa yá. Ífe gɛ̀ tí a ńyãa. Eezuɛ kpakolo-ŋai dífa tùa tí. Ífe tûa kɛ́ɛ ŋí kɛ̀ a ńyãa. 13Nɛnî kɛ́ɛ yɛ̂ɛ ńyãa, mí ƃé ŋa pɔri liî naa a ŋ̀umɛ târe kɛ́ɛ ŋíi? À kɛ̀ a yá, ya pâi kɛ̂i nɔ́ a ɣɛ́lɛ-maa-sɛŋ Eezuɛ lɔii su. Kpera yɛ̂, lí í m̀ɛnii ŋí ƃó gâloŋ ma. Ńâai la a pâi faâi.” 14Kɛ́lɛ vé ŋ̀óli tɔ̀ɔ ní ma. Tãi nɔ́ ŋɔwála-walai è kɛ̀ a dɛ́ɛ la Tâma mai, è zɔ̀ŋ a wála-wala-laa é nyíi la.
15M̀ɛnii ŋí kɛ́ɛ Amɔŋ mìi, è Tâma kpɔ̀ara kpɔ́ a ŋ̀ánaa. Gbɔarai ŋí è kɛ̀ kpɔ́ a ŋá ŋánaa é tɛ́ɛ ŋ̀wɛ̂li kɛ́ maa ŋ̀ánaai tɛ̀ɛ ǹíi pôlui ma. È mò ma ǹyɛɛi, “Ímu siɣe í lí.”
16Kɛ́lɛ Tâma è mò ma ǹyɛɛi, “Ḿve gɛ̂i. Kpɛni fêi ƃa ŋ́gùla bɛ́rɛi mu bere sîi ŋí su a pâi kɛ̂i a ŋumɛ mɛni kɛ́tɛ é tɛ́ɛ la íkɛɛ ŋ́ɛ̂i a ínɛniî.”
Kɛ́lɛ vé ŋ̀óli tɔ̀ɔ ní ma. 17È ǹyaŋkpai tòli kɛ̀ tíi kɛ̂i ŋɔpɛ́rɛi mu ǹyɛɛ m̀ai, “Ǹɛnîi ŋí kúla ŋ̀énii ŋá é bɛ́rɛi sɔ̃ɔŋ tóo berei.” 18Ǹyée mu-nuui è Tâma kùla ŋénii ŋá é bɛ́rɛi láa tɛ́ berei.
Seɣe yée koyâa ƃé kɛ̀ ma nyeŋɔɔ gɔ́ɔ gɔŋ-la. Ǹyaŋ zeɣei sîi ŋí ƃé gâloŋ ǹônii-nɛyãai nyíi-ŋai dífe kɛ́ ní a surɔ̂ŋ mɛni kɔ́lɔŋɔɔ da kâa dòo dîa. Nya ƃe dí gùla dí bɛ́rɛi lá tɛ́ berei. 19Tâma è luu sìa ŋ̀ûa é ŋɔseɣei fála-fala, é bú ŋ̀ûa gɛ́ lì gɛ́ wɔ̀lɔ ɣelei-pere. 20Zaaƃɔlɔ Asalɔŋ ǹyɛɛ m̀ai, “Amɔŋ è mɛni da kɛ̀ a yá? Íliii maa sóŋ. Ísaaƃɔlɔ ká tí. Ífe m̀ɛnii kpîŋ pù ílii su a ŋ̀ánaa?” Tâma è lì gɛ́ ƃò Asalɔŋ ŋɔpɛ́rɛi mu. È kɛ̀ naa a malôŋ-pere, núu da fa lòno bɔ́.
21Gâloŋ kɛ́ɛ a m̀ɛnii ŋí mɛ́nii, è ǹíi ŋ̀wana kpɔ́ a ŋ̀ánaa. 22Asalɔŋ fé lóno nyɔ́mɔɔ kpaa máŋ lɛ́lɛɛ da kɛ́ ní Amɔŋ pɔ́. È gbɔ̀ara, kpɛ́ni fêi, è zaaƃɔlɔ sòŋ a wála-wala é nyíi la.
Asalɔŋ è Tâma ŋɔŋumɛi gba kùla
23Kóraŋ feerɛ tɛ̀ɛ pôlu ma Asalɔŋ è nûa sìɣe a gɛ́ɛ dí ŋɔƃála-ŋai léɣa tée Ba-azɔ Ifiraŋ lɔii kɔlɛ ma. È gâloŋ-lonii kélee tòli naa ƃɛlɛ-pere su a gɛ́ɛ da dîa ni dí dílaa míi gîe ma. 24Asalɔŋ è pà gâloŋ pɔ́-naa ǹyɛɛ m̀ai, “Gáa, íyee mu-nuui a ŋɔƃála-ŋai léɣa teêi. Ka íyee mu-ƃelai ka pá naa.”
25Kɛ́lɛ gâloŋ è mò Asalɔŋ ma ǹyɛɛ, “Kpao, ńoŋ, kúkelee kúfe lì. À kɛ̀ tí a pâi kɛ̂i a kpiri wuyɛ́ɛ ímɛni ma.” È kɛ̀ nɔ́ bôlu kɛ́lɛ vé fáa ní. È lûwa tòo nɔ́ ma ǹyɛɛ ma ká lí.
26Nya ƃe Asalɔŋ è mò ǹyɛɛi, “À kɛ̀ káfe liî, gɛ̀ ní tɔɔ Amɔŋ é lí ípɔɔ ŋá.” Gâloŋ ǹyɛɛ m̀ai,
“Lé ƃé ya ŋ̀wɛ̂lii la a gɛ́ɛ Amɔŋ é lí ḿbɔɔ ŋai?” 27Kɛ́lɛ Asalɔŋ è lɛ̀ɛ gâloŋ kpera fêi é fáa ma Amɔŋ da gâloŋ lonii-ŋai kélee dí lí.
28Nya Asalɔŋ è mò ǹyée mu-ƃelai dîa ǹyɛɛi, “Ka káwoli tɔ́ɔ. Ka Amɔŋ kàa a lɔɔ támaa kpèle, ǹíi a nɛ̃̀ɛ a ŋ̀ánaa, ŋa pâi m̀ôi kâa ńyɛ̃ɛi, ‘Ka bàa! Gɛ̀ ní ka bàa. Káfe yào. Ńyãa ƃé môi kâa. Káfe yào. Ka gɛ́ la.’ ” 29Asalɔŋ yée mu-ƃelai dí m̀ɛnii kɛ̀ a Amɔŋ yɛ̂ɛ berei è mò la dîai. Gâloŋ ǹônii kpéli-ŋai kélee dí tɛ̀ díwɛlɛ-sôo-ŋai mɛi dí pú.
30Tãi dí kɛ̀ liî lai duŋ è sèri Deeƃé ma. È mɛ̀ni nûa dí kɛ́ mò dîyɛɛi, “Asalɔŋ a gâloŋ lonii kélee páa. Dɔnɔ kpîŋ fé lɛɛ ní.” 31Gâloŋ è mù sìɣe é ŋɔseɣei fála-fala é láa ǹɔii ma. Ǹyée mu-ƃelai kélee kɛ̀ naai dí m̀ɛnii tɔnɔi ŋí kɛ̀. 32Kɛ́lɛ Deeƃé ǹêɣe Simea ǹóŋ Zonada è mò ǹyɛɛi, “Gâloŋ, gɔ́lɔŋ a gɛ́ɛ dífe ílonii kélee pàa ní. Amɔŋ nɔ́ ƃé dí bàa, kpɛ́ni fêi, è ǹyii a zaaƃɔlɔ, Asalɔŋ è gɛ́ dí baa. 33M̀ɛni ma, m̀ɛnii ŋí fé ílii tòo pôlu í gɛ́ yɛ̂ɛ da ílônii kélee pàa. Amɔŋ ǹyaa tɔnɔ nɔ́ ƃé dí bàa.”
34Asalɔŋ kɛ́ɛ a Amɔŋ pàai, è pù. Naa kɛ́ɛ tíi, ǹyaŋkpai kɛ̀ daai mɛi kâai è ŋ̀ɛ́i tɛ̀ ɣelei, è núu támaa kàa dí kɛ́ kùla Oronaiŋ perei ma ǹyéei pɛ̂rɛ ma dí kɛ́ pà. 35Zonada ǹyɛɛ gâloŋ mai, “Gáa, ílônii daâ pá yɛ̂ɛ berei íyee mu-nuui è mò lai.” 36Tãi è kpɛ̀ɛ la lónoɔɔ mai, dí sèri dîa dí wɔ́lɔ kpɔ́ ɣelei-pere. Gâloŋ ǹyaa máŋ da ǹyée mu-ƃelai dí wɔ̀lɔ kpɔ́ a ŋ̀ánaa.
37Asalɔŋ kɛ́ɛ a púi, è lì Amiu ǹóŋ Taamai pɔ́-naa nyíi kɛ̀ a Gesu kaloŋ. Deeƃé è wɔ̀lɔ ŋɔlôloŋ mɛni ma a ɣele kûu támaa. 38Asalɔŋ è kɛ̀ Gesu a kóraŋ saaƃa. 39Deeƃé kɛ́ɛ ǹíi ŋáa a yèŋ Amɔŋ paa mɛni mai, è kɛ̀ ŋ̀wɛ̂lii a gɛ́ɛ é Asalɔŋ káa.
Currently Selected:
Samia Veerɛi 13: KWB
Highlight
Copy
Compare
Share
Want to have your highlights saved across all your devices? Sign up or sign in
© 2012 Bible Society in Liberia
Samia Veerɛi 13
13
Amɔŋ è pɛ̀lɛ Deeƃé ǹóŋ nɛnii Tâma ma
1Nyíŋi pôlu ma Deeƃé ǹóŋ nɛni lɛ́lɛɛ tɔnɔ è kɛ̀ naa. Ǹáa ƃé kɛ̀ a Tâma. Tâma è kɛ̀ a Deeƃé ǹóŋ surɔŋ Asalɔŋ zaaƃɔlɔ. Noo-nɛnii ŋí ŋɔwɛli kɛ́-maa lii è pìli zaaaƃɔlɔ Amɔŋ lí su. Amɔŋ ŋɔleei è kɛ̀ a da kpɛ́ni. 2Tâma è kɛ̀ a nɛnî-kpela nyíi vé kɛ́ ní a surɔŋ mɛni kɔ́lɔŋɔɔ. Amɔŋ è kɛ̀ a gɔ́lɔŋɔɔ a gɛ́ɛ va pɔri nɛnii ŋí kulai a ŋɔnɛnî. Ǹɛnîi ŋí maa wɛli kɛ́-maa è tɛ̀ɛ kpɔ́ Amɔŋ líi pôlu a ŋ̀ánaa é gɛ́ ǹyɛɛ a kɔlɛ a gbála. 3Kɛ́lɛ Amɔŋ ŋɔwɛli kɛ́-maa nuu tɔnɔ è kɛ̀ naa. Ǹáa ƃé kɛ̀ a Zonada. Deeƃé ǹeɣê Simea ǹóŋ. Zonada è kɛ̀ a núu koi táreɛɛ ma. 4È mò Amɔŋ ma ǹyɛɛi, “Óo gâloŋ ǹóŋ, lé ƃé ya maa kpâla kɛ̂i ŋí a ɣele kéleei? M̀ɛnii ílii sui m̀ó ḿâ.”
È mà ǹyɛɛ, “Ŋ́zaaƃɔlɔ Tâma wɛ́li káa ḿâ a dámaa nyíi gáa a ńîa Asalɔŋ ŋɔlee kaa saƃaɔlɔi.”
5Zonada ǹyɛɛ m̀ai, “Láa ígbìŋ ŋá í gɛ́ yɛ̂ɛ ya kɛ̀ kɔ̂lɛi. Ínâŋ à pà a gɛɛ é í naa káa, m̀ó mà yɛ̂ɛi, ‘Ǹɛɛ naa Tâma é pá é mii-sɛŋ kpɛtɛ ḿî. Ŋa wɛ̂lii ŋá ǹyée ŋá mii-sɛŋ mìi.’ ” 6Nya ƃe Amɔŋ è lì é láa yɛ̂ɛ ǹyaa ƃé a kɔ̂lɛi.
Tãi ǹâŋ è pà la a gɛ́ɛ é gâai, è mò ma ǹyɛɛi, “Ǹɛɛ naa Tâma é pá é kpólo kpɛtɛ mî ŋá mìi. Ŋa wɛ̂lii ŋá ǹyée ŋá sɛŋ mii.”
7Gâloŋ è worɛ̂ tɛ̀ɛ ǹyɛɛi, “Ka m̀ó Tâma ma é lí zaaƃɔlɔ Amɔŋ ŋɔpɛ́rɛi lá é mii-sɛŋ kpɛ̀tɛ mì.” 8Nya ƃe Tâma è lì Amɔŋ ŋɔpɛ́rɛi lá. È gbólo kpɛtɛ-sãai pù gîe ma é gbɛtɛ a kpólo a ǹɛ́lɛɛ 9é dɛ́ɛ zaaƃɔlɔ pɔ́. Kɛ́lɛ Amɔŋ fé gbóloi mii ní. È mò Tâma ma ǹyɛɛi, “M̀ó ǹûai kélee dîa dí kúla.” Ǹûai kélee dí dílɛ̀ɛ naa dí kúla. 10È mò Tâma ma ǹyɛɛi, “Pá a mii-sɛŋ loŋpoi su. Ŋa ŋ̀wɛ̂lii ŋá íyee ŋá sɛŋ mii.” Tâma è gbóloi sìɣe é lɔ́ la loŋpoi su zaaƃɔlɔ pɔ́-naa. 11Kɛ́lɛ ǹiɣɛ́ɛ a gɛ́ɛ é gbóloi tɛ́ɛ bɔ́i, è zɔ̀ŋ ǹyɛɛ m̀ai, “Pá kú láa.”
12È ŋ̀óo su tòo ǹyɛɛ m̀ai, “Kpao, zaaƃɔlɔ ƃa yá. Ífe gɛ̀ tí a ńyãa. Eezuɛ kpakolo-ŋai dífa tùa tí. Ífe tûa kɛ́ɛ ŋí kɛ̀ a ńyãa. 13Nɛnî kɛ́ɛ yɛ̂ɛ ńyãa, mí ƃé ŋa pɔri liî naa a ŋ̀umɛ târe kɛ́ɛ ŋíi? À kɛ̀ a yá, ya pâi kɛ̂i nɔ́ a ɣɛ́lɛ-maa-sɛŋ Eezuɛ lɔii su. Kpera yɛ̂, lí í m̀ɛnii ŋí ƃó gâloŋ ma. Ńâai la a pâi faâi.” 14Kɛ́lɛ vé ŋ̀óli tɔ̀ɔ ní ma. Tãi nɔ́ ŋɔwála-walai è kɛ̀ a dɛ́ɛ la Tâma mai, è zɔ̀ŋ a wála-wala-laa é nyíi la.
15M̀ɛnii ŋí kɛ́ɛ Amɔŋ mìi, è Tâma kpɔ̀ara kpɔ́ a ŋ̀ánaa. Gbɔarai ŋí è kɛ̀ kpɔ́ a ŋá ŋánaa é tɛ́ɛ ŋ̀wɛ̂li kɛ́ maa ŋ̀ánaai tɛ̀ɛ ǹíi pôlui ma. È mò ma ǹyɛɛi, “Ímu siɣe í lí.”
16Kɛ́lɛ Tâma è mò ma ǹyɛɛi, “Ḿve gɛ̂i. Kpɛni fêi ƃa ŋ́gùla bɛ́rɛi mu bere sîi ŋí su a pâi kɛ̂i a ŋumɛ mɛni kɛ́tɛ é tɛ́ɛ la íkɛɛ ŋ́ɛ̂i a ínɛniî.”
Kɛ́lɛ vé ŋ̀óli tɔ̀ɔ ní ma. 17È ǹyaŋkpai tòli kɛ̀ tíi kɛ̂i ŋɔpɛ́rɛi mu ǹyɛɛ m̀ai, “Ǹɛnîi ŋí kúla ŋ̀énii ŋá é bɛ́rɛi sɔ̃ɔŋ tóo berei.” 18Ǹyée mu-nuui è Tâma kùla ŋénii ŋá é bɛ́rɛi láa tɛ́ berei.
Seɣe yée koyâa ƃé kɛ̀ ma nyeŋɔɔ gɔ́ɔ gɔŋ-la. Ǹyaŋ zeɣei sîi ŋí ƃé gâloŋ ǹônii-nɛyãai nyíi-ŋai dífe kɛ́ ní a surɔ̂ŋ mɛni kɔ́lɔŋɔɔ da kâa dòo dîa. Nya ƃe dí gùla dí bɛ́rɛi lá tɛ́ berei. 19Tâma è luu sìa ŋ̀ûa é ŋɔseɣei fála-fala, é bú ŋ̀ûa gɛ́ lì gɛ́ wɔ̀lɔ ɣelei-pere. 20Zaaƃɔlɔ Asalɔŋ ǹyɛɛ m̀ai, “Amɔŋ è mɛni da kɛ̀ a yá? Íliii maa sóŋ. Ísaaƃɔlɔ ká tí. Ífe m̀ɛnii kpîŋ pù ílii su a ŋ̀ánaa?” Tâma è lì gɛ́ ƃò Asalɔŋ ŋɔpɛ́rɛi mu. È kɛ̀ naa a malôŋ-pere, núu da fa lòno bɔ́.
21Gâloŋ kɛ́ɛ a m̀ɛnii ŋí mɛ́nii, è ǹíi ŋ̀wana kpɔ́ a ŋ̀ánaa. 22Asalɔŋ fé lóno nyɔ́mɔɔ kpaa máŋ lɛ́lɛɛ da kɛ́ ní Amɔŋ pɔ́. È gbɔ̀ara, kpɛ́ni fêi, è zaaƃɔlɔ sòŋ a wála-wala é nyíi la.
Asalɔŋ è Tâma ŋɔŋumɛi gba kùla
23Kóraŋ feerɛ tɛ̀ɛ pôlu ma Asalɔŋ è nûa sìɣe a gɛ́ɛ dí ŋɔƃála-ŋai léɣa tée Ba-azɔ Ifiraŋ lɔii kɔlɛ ma. È gâloŋ-lonii kélee tòli naa ƃɛlɛ-pere su a gɛ́ɛ da dîa ni dí dílaa míi gîe ma. 24Asalɔŋ è pà gâloŋ pɔ́-naa ǹyɛɛ m̀ai, “Gáa, íyee mu-nuui a ŋɔƃála-ŋai léɣa teêi. Ka íyee mu-ƃelai ka pá naa.”
25Kɛ́lɛ gâloŋ è mò Asalɔŋ ma ǹyɛɛ, “Kpao, ńoŋ, kúkelee kúfe lì. À kɛ̀ tí a pâi kɛ̂i a kpiri wuyɛ́ɛ ímɛni ma.” È kɛ̀ nɔ́ bôlu kɛ́lɛ vé fáa ní. È lûwa tòo nɔ́ ma ǹyɛɛ ma ká lí.
26Nya ƃe Asalɔŋ è mò ǹyɛɛi, “À kɛ̀ káfe liî, gɛ̀ ní tɔɔ Amɔŋ é lí ípɔɔ ŋá.” Gâloŋ ǹyɛɛ m̀ai,
“Lé ƃé ya ŋ̀wɛ̂lii la a gɛ́ɛ Amɔŋ é lí ḿbɔɔ ŋai?” 27Kɛ́lɛ Asalɔŋ è lɛ̀ɛ gâloŋ kpera fêi é fáa ma Amɔŋ da gâloŋ lonii-ŋai kélee dí lí.
28Nya Asalɔŋ è mò ǹyée mu-ƃelai dîa ǹyɛɛi, “Ka káwoli tɔ́ɔ. Ka Amɔŋ kàa a lɔɔ támaa kpèle, ǹíi a nɛ̃̀ɛ a ŋ̀ánaa, ŋa pâi m̀ôi kâa ńyɛ̃ɛi, ‘Ka bàa! Gɛ̀ ní ka bàa. Káfe yào. Ńyãa ƃé môi kâa. Káfe yào. Ka gɛ́ la.’ ” 29Asalɔŋ yée mu-ƃelai dí m̀ɛnii kɛ̀ a Amɔŋ yɛ̂ɛ berei è mò la dîai. Gâloŋ ǹônii kpéli-ŋai kélee dí tɛ̀ díwɛlɛ-sôo-ŋai mɛi dí pú.
30Tãi dí kɛ̀ liî lai duŋ è sèri Deeƃé ma. È mɛ̀ni nûa dí kɛ́ mò dîyɛɛi, “Asalɔŋ a gâloŋ lonii kélee páa. Dɔnɔ kpîŋ fé lɛɛ ní.” 31Gâloŋ è mù sìɣe é ŋɔseɣei fála-fala é láa ǹɔii ma. Ǹyée mu-ƃelai kélee kɛ̀ naai dí m̀ɛnii tɔnɔi ŋí kɛ̀. 32Kɛ́lɛ Deeƃé ǹêɣe Simea ǹóŋ Zonada è mò ǹyɛɛi, “Gâloŋ, gɔ́lɔŋ a gɛ́ɛ dífe ílonii kélee pàa ní. Amɔŋ nɔ́ ƃé dí bàa, kpɛ́ni fêi, è ǹyii a zaaƃɔlɔ, Asalɔŋ è gɛ́ dí baa. 33M̀ɛni ma, m̀ɛnii ŋí fé ílii tòo pôlu í gɛ́ yɛ̂ɛ da ílônii kélee pàa. Amɔŋ ǹyaa tɔnɔ nɔ́ ƃé dí bàa.”
34Asalɔŋ kɛ́ɛ a Amɔŋ pàai, è pù. Naa kɛ́ɛ tíi, ǹyaŋkpai kɛ̀ daai mɛi kâai è ŋ̀ɛ́i tɛ̀ ɣelei, è núu támaa kàa dí kɛ́ kùla Oronaiŋ perei ma ǹyéei pɛ̂rɛ ma dí kɛ́ pà. 35Zonada ǹyɛɛ gâloŋ mai, “Gáa, ílônii daâ pá yɛ̂ɛ berei íyee mu-nuui è mò lai.” 36Tãi è kpɛ̀ɛ la lónoɔɔ mai, dí sèri dîa dí wɔ́lɔ kpɔ́ ɣelei-pere. Gâloŋ ǹyaa máŋ da ǹyée mu-ƃelai dí wɔ̀lɔ kpɔ́ a ŋ̀ánaa.
37Asalɔŋ kɛ́ɛ a púi, è lì Amiu ǹóŋ Taamai pɔ́-naa nyíi kɛ̀ a Gesu kaloŋ. Deeƃé è wɔ̀lɔ ŋɔlôloŋ mɛni ma a ɣele kûu támaa. 38Asalɔŋ è kɛ̀ Gesu a kóraŋ saaƃa. 39Deeƃé kɛ́ɛ ǹíi ŋáa a yèŋ Amɔŋ paa mɛni mai, è kɛ̀ ŋ̀wɛ̂lii a gɛ́ɛ é Asalɔŋ káa.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2012 Bible Society in Liberia