Samia Veerɛi 12
12
Ɣâla è Deeƃé ŋɔsɔnyɔ̂ŋ lɛ̀ mà
1Yâwɛɛ è Netaŋ tɛ̀ɛ Deeƃé pɔ́-naa. Netaŋ è pà Deeƃé pɔ́-naa ǹyɛɛ m̀ai, “Sinâa feerɛ dí kɛ̀ taa-lêe tɔnɔ su. Dɔnɔ è kɛ̀ a dɔ́ɔ, gbélii kɛ́ ƃò a kôlo-nuu. 2Taa-tulɛ támaa è kɛ̀ dɔɔ-nuui yêei. 3Kɛ́lɛ ƃála-saa tɔnɔ nɔ́ ƃé kɛ̀ gôlo-nuui yêei nyíi è ǹyai. È pà la ŋɔpɛ́rɛi lá gɛ́ ƃò ǹyêei da ŋɔnîa-pɛlɛɛi. Dí lɛ̀ɛ ŋ̀á kɔ̂niî é kɛ́tɛ. È kɛ̀ nɔ́ díyêei yɛ̂ɛ nɛnî-loo kwatara. A kâa kɛ̀ ǹáa miî a ŋɔmii-sãai da tɛ̀ɛ m̀álai pɔ́. A kâa máŋ yá tɛ̀ɛ m̀álai pɔ́ gbîŋ kpele-kɔɛɛi su. Da dîa-ni da kâa ǹyii kwaa tɔnɔ ma. 4Ɣele tɔnɔ da ŋɔ̃ya è pà dɔɔ naloŋ pɔ́-naa. Ǹalôŋ fé kɛ́ ní ŋ̀wɛ̂lii é gbɔ́ɔi taa-tulɛi da paa é mii-sɛŋ kpɛtɛ la ŋɔ̃yai mɛni ma. Kɛ́lɛ è gôlo-nuui ŋɔƃála tɔnɔi sòŋ ǹyêei é bàa é mii-sɛŋ kpɛtɛ la ŋ̀ɔ̃yai mi.”
5Nya ƃe Deeƃé líi è ŋwàna kpɔ́ ǹyɛɛ Netaŋ mai, “Ǹúui mɛni sîi tí kɛ̂i, à wàla saa gɛ̀ ní Yâwɛɛ fé ɣéniɛ nɛ̃ɛ ḿî. 6Fɛ̂ɛ é m̀álai tí vela-fei kɛ́ a ƃála náaŋ, kpɛ́ni fêi, maloŋ kâa fé kɛ́ ní kɛ̀ ǹyêei.”
7Netaŋ ǹyɛɛ m̀ai, “Yá ƃa ǹalôŋ kpîŋ. Yâwɛɛ Eezuɛ Ɣalai ǹyɛɛi, ‘Ŋá íkula Sɔ̂ɔ yêei ŋá íkula ŋá íkɛ̀ Eezuɛ mɛi a kâloŋ, 8ŋá ŋɔpɛ́rɛi, ŋɔnɛyâai, Eezuɛ-ƃelai da Zuda-ƃelai tɛ́ɛ ípɔ. À kɛ̀ nyíŋi-ŋai dífe kɛ́ ní a gula kɛ̂ɛ ƃóɔɔ, ŋâi pâi da pûi ma. 9Ya íŋɛi naɣîŋ Yâwɛɛ ŋɔwóoi mɛi íkɛ mɛni nyɔ́mɔɔ kɛ̀ la lé mɛni ma? Ya gɛ́ Amɔŋ-ƃelai da Yuraya paa a ƃóa-sɔ̂kpɔ ya ŋɔnɛnîi síɣe a ípɔɔ. 10M̀ɛni ma, ílônii díwɔ̂ lonii da pâi kɛ̂i nɔ́ ƃóa-sɔ̂kpɔ saa kɛ̂i, kpɛ́ni fêi, í íŋɛi nàɣiŋ Yâwɛɛ ŋɔtɔ̂ŋ mɛi í Yuraya ŋɔnɛnîi kɛ́ a ínɛnî.’ 11Ŋa pâi gɛ̂i íkpɔɔi pɛrɛi mu ǹúui da é tɔɔ yâ. Ŋa pâi ínɛyâai kulâi íyêei ŋá dítɛɛ íkɔlɛ ma-ƃelai pɔ́ íŋɛi. Da pâi nyiî a dia panaŋ ma ǹûai kélee ŋɛ́i. 12M̀ɛnii í gɛ̀i, í gɛ̀ loo-pere su. Kɛ́lɛ ŋa pâi ŋ́ɔ̂i kɛ̂i panaŋ ma Eezuɛ-ƃelai kélee dí naa káa.”
13Deeƃé ǹyɛɛ Netaŋ mai, “Ŋaâ sɔnyɔ̂ŋ kɛ́ Yâwɛɛ ŋɛ́i túɛ”
Netaŋ ǹyɛɛ m̀ai, “Yâwɛɛ aâ ísu mɛni lɛɛ ísɔnyɔ̂ŋ mɛni ma. Ífe pâi saâi. 14Kɛ́lɛ ya íŋɛi naɣîŋ Yâwɛɛ ŋɔwooi mɛi ya zɔnyɔ̂ŋ ŋí kɛ́i, ǹólôŋ a pâi màa sɔlɔ ƃôi yɛ̂i, a pâi saa tí-ti ƃôi.” 15Nya ƃe Netaŋ è lì pôlu ŋɔpɛ́rɛi lá.
Deeƃé ǹóŋ è sàa
Yâwɛɛ è gɛ̀ ǹolôŋ Deeƃé da Bɛɛsiba dí màa sɔlɔ ƃôi é kɔ́lɛ. 16Deeƃé è Ɣâla fɛ̀li ǹolôŋ mɛni ma. È sûŋ sìɣe é nyíi ŋɔpɛ́rɛi mu ǹɔii ma. 17Ǹúu pɔlɔ-ŋai dí pà dí lóno bɔ́ a gɛ́ɛ vé nyìi ǹɔii ma, kɛ́lɛ vé fáa ní, vé tela gɛ́ ní é ǹáa míi. 18Ŋ̀ele kûui ǹɔ́ɔlu mɛi feerɛ ɣelei ǹolôŋ è sàa. Deeƃé yée-mu-ƃelai dí kɛ̀ yaôi a gɛ́ɛ dí ǹolôŋ saa tuŋ too ma. Dí mò dîyɛɛi, “Ka gáa, ǹolôŋ kɛ́ɛ kɛ̀ a vúlu kú lòno bɔ́ vé ŋ̀óli tɔ̀ɔ ní kûa, kwa pâi ǹolôŋ saa tuŋ too pere kɛ̂i léŋ ma? Kwà gɛ̀ tí, ɣele da a pâi mɛni ŋánaa kɛ̂i a gbîŋ.”
19Kɛ́lɛ Deeƃé kɛ́ɛ a gàa a gɛ́ɛ ǹûai díkɛ̀ lônoi díkîe-ni pɔ́ niniŋ-woo sui, ǹolôŋ maa mɛni è tòo gíli ŋá. È ǹyée-mu-ƃelai marê kɛ̀ ǹyɛɛ dîai, “Ǹolôŋ aâ saa?”
Dîyɛɛ mai, “Owoei aâ saa.”
20Deeƃé mu-sìɣe ǹɔii ma é ŋ̀waa é wúlɔ sía ma, é ŋɔseɣei maa fáleŋ. È lì Yâwɛɛ ŋɔsua-kɔlɔ pɛ́rɛi mu é vɛ̀li. È kùla naa é lí ŋɔpɛ́rɛi lá. È mii-sɛŋ marê kɛ̂ɛ kɛ̀ dí dɛ̀ɛ bɔ́ é ǹáa míi. 21Ŋɔpôlu-ƃelai dí mò mà dîyɛɛi, “Lé ƃé ya gɛ́ ŋí a kûai? Í sûŋ sìɣe í wɔ́lɔ ǹolôŋ mɛni ma tãi è kɛ̀ la ɣele mai. Kɛ́lɛ zaai, ya ímu siɣe ya mii-sɛŋ mii.”
22È zu tòo ǹyɛɛi, “Ǹôloŋ kɛ́ɛ ɣele mai, ŋá sûŋ sìɣe ŋá wɔ́lɔ. Ŋá kɛ̀ ŋ́gili ŋá siâi ńyɛ̃ɛi, ‘Gbɛ̂ɛ ƃé gɔ́lɔŋ ɣele da Yâwɛɛ a pâi ḿalôŋ kâai é gɛ́ ǹolôŋ é lɛ́ɛ ɣele ma?’ 23Kɛ́lɛ a nâa saa. Ŋa pâi sûŋ siɣêi lé mɛni ma? Ŋa pɔri gɛ̂i é fúlu-laa sɔlɔ ƃó ŋɔ́nɔ pôlu? Ŋa pâi liî bɔ́-naa kɛ́lɛ vé pâi pâi ŋɔ́nɔ pôlu ḿbɔ naa.”
Dí Saloma maa sɔlɔ ƃò
24Deeƃé è ŋɔnɛnîi ŋáa nɛnɛ. È lɔ̀ la pɔ̂rɔŋ é koo síɣe. È lóŋ surɔŋ maa sɔlɔ ƃò Deeƃé é ǹáa sée a Saloma. Yâwɛɛ è ǹolôŋ wɛ̀li. 25Yâwɛɛ è Netaŋ tɛ̀ɛ é pá é ǹolôŋ láa sée a Zedídia-ni ǹyaa Yâwɛɛ mɛni ma.
Deeƃé è Lama sɔ̀ŋ
(Kɔlɔnikɔ Maa-ŋuŋ 20:1-3)
26Zôa è kɔ́ pɛ̀lɛ Laba taa-leei ma é maa tínaŋ. Laba ƃé kɛ̀ a Amɔŋ-ŋai dítaa-lee kɛ́tɛi. 27Zôa è kéla-ŋa tɛ̀ɛ Deeƃé pɔ́-naa ǹyɛɛ dîai, “Ka lí ká m̀ó Deeƃé ma a gɛɛ ŋa kɔ́ pɛ́lɛ Laba taa-leei ma. Nyíti pôlu ma ŋá ƃɛ́i sòŋ daa-leei su-ƃelai da yá sɔlɔ ƃò naai. 28M̀ɛni ma, gɔ-kuluƃa-ŋai pú díkîe ma ká pá kú daa-leei sóŋ. A wàla kɛ́ tí, ŋa pâi naa sonîi ŋa ńaa sée ma.” 29Nya ƃe Deeƃé è ŋɔnûai kélee ŋáa tɛ̀ gîe ma dí tɛ́ Laba taa-leei su dí naa sòŋ. 30È díkâloŋ ŋɔƃɔrɔi kùla ŋûa. Ŋɔwuyɛ è kɛ̀ yɛ̂ɛ gôo ŋɔpãŋ buu lɔ́ɔlu mɛi saaƃa káo saaƃa da gbôra. Kɔni mɛni kpanaŋɔɔ tɔnɔ è kɛ̀ zu. Deeƃé è bɛ̀lɛ ŋ̀ûa. È daai su sãa támaa kùla naa. 31È naa-ƃelai kélee sòŋ é pá a dia-ni. Da-ŋa díkɛ wúru-ƃêlai mì, da-ŋa díkɛ tíi kɛ̀ a yûɔ da ƃóa-sɔkpɔ-ŋa, da-ŋa díkɛ pɔ̂rɔ kane. È gɛ̀ tí a Amɔŋ taa-ŋai kélee su-ƃela. Deeƃé da ŋɔnûai kélee dí lì pôlu Zerusâlɛŋ.
Currently Selected:
Samia Veerɛi 12: KWB
Highlight
Copy
Compare
Share
Want to have your highlights saved across all your devices? Sign up or sign in
© 2012 Bible Society in Liberia
Samia Veerɛi 12
12
Ɣâla è Deeƃé ŋɔsɔnyɔ̂ŋ lɛ̀ mà
1Yâwɛɛ è Netaŋ tɛ̀ɛ Deeƃé pɔ́-naa. Netaŋ è pà Deeƃé pɔ́-naa ǹyɛɛ m̀ai, “Sinâa feerɛ dí kɛ̀ taa-lêe tɔnɔ su. Dɔnɔ è kɛ̀ a dɔ́ɔ, gbélii kɛ́ ƃò a kôlo-nuu. 2Taa-tulɛ támaa è kɛ̀ dɔɔ-nuui yêei. 3Kɛ́lɛ ƃála-saa tɔnɔ nɔ́ ƃé kɛ̀ gôlo-nuui yêei nyíi è ǹyai. È pà la ŋɔpɛ́rɛi lá gɛ́ ƃò ǹyêei da ŋɔnîa-pɛlɛɛi. Dí lɛ̀ɛ ŋ̀á kɔ̂niî é kɛ́tɛ. È kɛ̀ nɔ́ díyêei yɛ̂ɛ nɛnî-loo kwatara. A kâa kɛ̀ ǹáa miî a ŋɔmii-sãai da tɛ̀ɛ m̀álai pɔ́. A kâa máŋ yá tɛ̀ɛ m̀álai pɔ́ gbîŋ kpele-kɔɛɛi su. Da dîa-ni da kâa ǹyii kwaa tɔnɔ ma. 4Ɣele tɔnɔ da ŋɔ̃ya è pà dɔɔ naloŋ pɔ́-naa. Ǹalôŋ fé kɛ́ ní ŋ̀wɛ̂lii é gbɔ́ɔi taa-tulɛi da paa é mii-sɛŋ kpɛtɛ la ŋɔ̃yai mɛni ma. Kɛ́lɛ è gôlo-nuui ŋɔƃála tɔnɔi sòŋ ǹyêei é bàa é mii-sɛŋ kpɛtɛ la ŋ̀ɔ̃yai mi.”
5Nya ƃe Deeƃé líi è ŋwàna kpɔ́ ǹyɛɛ Netaŋ mai, “Ǹúui mɛni sîi tí kɛ̂i, à wàla saa gɛ̀ ní Yâwɛɛ fé ɣéniɛ nɛ̃ɛ ḿî. 6Fɛ̂ɛ é m̀álai tí vela-fei kɛ́ a ƃála náaŋ, kpɛ́ni fêi, maloŋ kâa fé kɛ́ ní kɛ̀ ǹyêei.”
7Netaŋ ǹyɛɛ m̀ai, “Yá ƃa ǹalôŋ kpîŋ. Yâwɛɛ Eezuɛ Ɣalai ǹyɛɛi, ‘Ŋá íkula Sɔ̂ɔ yêei ŋá íkula ŋá íkɛ̀ Eezuɛ mɛi a kâloŋ, 8ŋá ŋɔpɛ́rɛi, ŋɔnɛyâai, Eezuɛ-ƃelai da Zuda-ƃelai tɛ́ɛ ípɔ. À kɛ̀ nyíŋi-ŋai dífe kɛ́ ní a gula kɛ̂ɛ ƃóɔɔ, ŋâi pâi da pûi ma. 9Ya íŋɛi naɣîŋ Yâwɛɛ ŋɔwóoi mɛi íkɛ mɛni nyɔ́mɔɔ kɛ̀ la lé mɛni ma? Ya gɛ́ Amɔŋ-ƃelai da Yuraya paa a ƃóa-sɔ̂kpɔ ya ŋɔnɛnîi síɣe a ípɔɔ. 10M̀ɛni ma, ílônii díwɔ̂ lonii da pâi kɛ̂i nɔ́ ƃóa-sɔ̂kpɔ saa kɛ̂i, kpɛ́ni fêi, í íŋɛi nàɣiŋ Yâwɛɛ ŋɔtɔ̂ŋ mɛi í Yuraya ŋɔnɛnîi kɛ́ a ínɛnî.’ 11Ŋa pâi gɛ̂i íkpɔɔi pɛrɛi mu ǹúui da é tɔɔ yâ. Ŋa pâi ínɛyâai kulâi íyêei ŋá dítɛɛ íkɔlɛ ma-ƃelai pɔ́ íŋɛi. Da pâi nyiî a dia panaŋ ma ǹûai kélee ŋɛ́i. 12M̀ɛnii í gɛ̀i, í gɛ̀ loo-pere su. Kɛ́lɛ ŋa pâi ŋ́ɔ̂i kɛ̂i panaŋ ma Eezuɛ-ƃelai kélee dí naa káa.”
13Deeƃé ǹyɛɛ Netaŋ mai, “Ŋaâ sɔnyɔ̂ŋ kɛ́ Yâwɛɛ ŋɛ́i túɛ”
Netaŋ ǹyɛɛ m̀ai, “Yâwɛɛ aâ ísu mɛni lɛɛ ísɔnyɔ̂ŋ mɛni ma. Ífe pâi saâi. 14Kɛ́lɛ ya íŋɛi naɣîŋ Yâwɛɛ ŋɔwooi mɛi ya zɔnyɔ̂ŋ ŋí kɛ́i, ǹólôŋ a pâi màa sɔlɔ ƃôi yɛ̂i, a pâi saa tí-ti ƃôi.” 15Nya ƃe Netaŋ è lì pôlu ŋɔpɛ́rɛi lá.
Deeƃé ǹóŋ è sàa
Yâwɛɛ è gɛ̀ ǹolôŋ Deeƃé da Bɛɛsiba dí màa sɔlɔ ƃôi é kɔ́lɛ. 16Deeƃé è Ɣâla fɛ̀li ǹolôŋ mɛni ma. È sûŋ sìɣe é nyíi ŋɔpɛ́rɛi mu ǹɔii ma. 17Ǹúu pɔlɔ-ŋai dí pà dí lóno bɔ́ a gɛ́ɛ vé nyìi ǹɔii ma, kɛ́lɛ vé fáa ní, vé tela gɛ́ ní é ǹáa míi. 18Ŋ̀ele kûui ǹɔ́ɔlu mɛi feerɛ ɣelei ǹolôŋ è sàa. Deeƃé yée-mu-ƃelai dí kɛ̀ yaôi a gɛ́ɛ dí ǹolôŋ saa tuŋ too ma. Dí mò dîyɛɛi, “Ka gáa, ǹolôŋ kɛ́ɛ kɛ̀ a vúlu kú lòno bɔ́ vé ŋ̀óli tɔ̀ɔ ní kûa, kwa pâi ǹolôŋ saa tuŋ too pere kɛ̂i léŋ ma? Kwà gɛ̀ tí, ɣele da a pâi mɛni ŋánaa kɛ̂i a gbîŋ.”
19Kɛ́lɛ Deeƃé kɛ́ɛ a gàa a gɛ́ɛ ǹûai díkɛ̀ lônoi díkîe-ni pɔ́ niniŋ-woo sui, ǹolôŋ maa mɛni è tòo gíli ŋá. È ǹyée-mu-ƃelai marê kɛ̀ ǹyɛɛ dîai, “Ǹolôŋ aâ saa?”
Dîyɛɛ mai, “Owoei aâ saa.”
20Deeƃé mu-sìɣe ǹɔii ma é ŋ̀waa é wúlɔ sía ma, é ŋɔseɣei maa fáleŋ. È lì Yâwɛɛ ŋɔsua-kɔlɔ pɛ́rɛi mu é vɛ̀li. È kùla naa é lí ŋɔpɛ́rɛi lá. È mii-sɛŋ marê kɛ̂ɛ kɛ̀ dí dɛ̀ɛ bɔ́ é ǹáa míi. 21Ŋɔpôlu-ƃelai dí mò mà dîyɛɛi, “Lé ƃé ya gɛ́ ŋí a kûai? Í sûŋ sìɣe í wɔ́lɔ ǹolôŋ mɛni ma tãi è kɛ̀ la ɣele mai. Kɛ́lɛ zaai, ya ímu siɣe ya mii-sɛŋ mii.”
22È zu tòo ǹyɛɛi, “Ǹôloŋ kɛ́ɛ ɣele mai, ŋá sûŋ sìɣe ŋá wɔ́lɔ. Ŋá kɛ̀ ŋ́gili ŋá siâi ńyɛ̃ɛi, ‘Gbɛ̂ɛ ƃé gɔ́lɔŋ ɣele da Yâwɛɛ a pâi ḿalôŋ kâai é gɛ́ ǹolôŋ é lɛ́ɛ ɣele ma?’ 23Kɛ́lɛ a nâa saa. Ŋa pâi sûŋ siɣêi lé mɛni ma? Ŋa pɔri gɛ̂i é fúlu-laa sɔlɔ ƃó ŋɔ́nɔ pôlu? Ŋa pâi liî bɔ́-naa kɛ́lɛ vé pâi pâi ŋɔ́nɔ pôlu ḿbɔ naa.”
Dí Saloma maa sɔlɔ ƃò
24Deeƃé è ŋɔnɛnîi ŋáa nɛnɛ. È lɔ̀ la pɔ̂rɔŋ é koo síɣe. È lóŋ surɔŋ maa sɔlɔ ƃò Deeƃé é ǹáa sée a Saloma. Yâwɛɛ è ǹolôŋ wɛ̀li. 25Yâwɛɛ è Netaŋ tɛ̀ɛ é pá é ǹolôŋ láa sée a Zedídia-ni ǹyaa Yâwɛɛ mɛni ma.
Deeƃé è Lama sɔ̀ŋ
(Kɔlɔnikɔ Maa-ŋuŋ 20:1-3)
26Zôa è kɔ́ pɛ̀lɛ Laba taa-leei ma é maa tínaŋ. Laba ƃé kɛ̀ a Amɔŋ-ŋai dítaa-lee kɛ́tɛi. 27Zôa è kéla-ŋa tɛ̀ɛ Deeƃé pɔ́-naa ǹyɛɛ dîai, “Ka lí ká m̀ó Deeƃé ma a gɛɛ ŋa kɔ́ pɛ́lɛ Laba taa-leei ma. Nyíti pôlu ma ŋá ƃɛ́i sòŋ daa-leei su-ƃelai da yá sɔlɔ ƃò naai. 28M̀ɛni ma, gɔ-kuluƃa-ŋai pú díkîe ma ká pá kú daa-leei sóŋ. A wàla kɛ́ tí, ŋa pâi naa sonîi ŋa ńaa sée ma.” 29Nya ƃe Deeƃé è ŋɔnûai kélee ŋáa tɛ̀ gîe ma dí tɛ́ Laba taa-leei su dí naa sòŋ. 30È díkâloŋ ŋɔƃɔrɔi kùla ŋûa. Ŋɔwuyɛ è kɛ̀ yɛ̂ɛ gôo ŋɔpãŋ buu lɔ́ɔlu mɛi saaƃa káo saaƃa da gbôra. Kɔni mɛni kpanaŋɔɔ tɔnɔ è kɛ̀ zu. Deeƃé è bɛ̀lɛ ŋ̀ûa. È daai su sãa támaa kùla naa. 31È naa-ƃelai kélee sòŋ é pá a dia-ni. Da-ŋa díkɛ wúru-ƃêlai mì, da-ŋa díkɛ tíi kɛ̀ a yûɔ da ƃóa-sɔkpɔ-ŋa, da-ŋa díkɛ pɔ̂rɔ kane. È gɛ̀ tí a Amɔŋ taa-ŋai kélee su-ƃela. Deeƃé da ŋɔnûai kélee dí lì pôlu Zerusâlɛŋ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2012 Bible Society in Liberia