Samia Maa-ŋuŋ 19
19
Sɔ̂ɔ è kɔ̀ a gɛ́ɛ é Deeƃé páa
1Ɣele tɔnɔ da, Sɔ̂ɔ è mò ǹóŋ-surɔŋ Zonetaŋ da ŋɔtíi kɛ́-ƃelai a gɛ́ɛ dí Deeƃé páa. Kɛ́lɛ Zonetaŋ è kɛ̀ a Deeƃé wɛ́liɛɛ a ŋ̀ánaa. 2È Zonetaŋ Deeƃé lîa-woo ƃò mai, “Ńâŋ a kɔ̂i a gɛ́ɛ é ípaa. M̀ɛni ma, ye ímɛi káa a ǹɛ́lɛɛ. Ye tínaa lí ǹɔɔi su í íloo naa. 3Ŋa pâi pâi la naa ŋ̀ele walai su ŋá pâi lóno bɔ́ é pîlaŋ yâ. M̀ɛnii a pâi m̀ôi ḿâi, ŋa pâi ǹɛɛ̂i naa í gɔ́lɔŋ.” 4Bôlu ma ɣele walai, Zonetaŋ è mɛni lɛ́lɛɛ-ŋa ǹâŋ Sɔ̂ɔ ma é pîlaŋ Deeƃé. Ǹyɛɛ m̀ai, “Gâloŋ fé zɔnyɔ̂ŋ saŋ ŋí kɛ̀ a ǹyée mu-nuui Deeƃé. Vé niî mɛni nyɔ́mɔɔ da kélee kɛ́ ní a yá. Gáa a ítii kɛ́-nu lɛ́lɛɛ. 5È máŋ ǹɛ̂wo sèe a sɛ́ɣɛ Felesia naloŋ Golaya paa mɛnii su. Yâwɛɛ è kpɔŋ Eezuɛ ma é gɔ́ kɛ́tɛi tí yée mɛi ɣále a maa foloi tí. Yá kpîŋ í ǹaa kàa í koi-nɛ̃ɛ kúla kpɔ́ a zu-kɛ́tɛ.” 6Sɔ̂ɔ è ǹíi maa fáleŋ é góno tée ǹyêei ǹyɛɛ m̀ai, “Ŋa ḿvoo a gɛ̀ ɣele Yâwɛɛi a gɛ́ɛ ḿve pâi Deeƃé paâi!” 7Zonetaŋ è Deeƃé tòli mɛni-ŋai kélee Sɔ̂ɔ è mò m̀ai é m̀ó ma. Nya ƃe è pà a Deeƃé Sɔ̂ɔ pɔ́-naa. Deeƃé è tíi kɛ̀ ŋɔ́nɔ Sɔ̂ɔ ŋɔkɔ-kuluƃa-ŋai sáma yɛ̂ɛ berei nɔ́ a kâa gɛ̀ la a bɔlɔi. 8Naa pôlu ma, kɔ́ è ŋɔ́nɔ tèe Felesia-ŋai loai. Deeƃé è kɔ̀ kpɔ́ a gbanaŋɔɔ é gɛ́ dí pú pôlu.
Maka è gɛ̀ Deeƃé é pú
9Kpíni tɔnɔ da Deeƃé è kɛ̀ Sɔ̂ɔ ŋɔpɛ́rɛi mu gɛ́ gɔnîŋ ɣàle ma. Sɔ̂ɔ ŋɔkpálai è kɛ̀ ǹyêei gɛ́ ƃò seeni naa. Ǹyînaŋ nyɔ́mɔɔi è ŋɔ́nɔ Sɔ̂ɔ pôlu é dòo ǹɔii ma. 10Sɔ̂ɔ è kɛ̀ pâi Deeƃé kpamôi bɛ́rɛ-kaŋ ma a ŋɔkpálai. Kɛ́lɛ Deeƃé è kùla gbálai perei gbálai é kpàmo bɛ́rɛ-kaŋ ma. Deeƃé è pù é kúla Sɔ̂ɔ ŋɔpɛ́rɛi mu.
11Sɔ̂ɔ è ŋɔkɔ-kuluƃa-ŋai tɛ̀ɛ a gɛ́ɛ dí Deeƃé ŋɔpɛ́rɛi mɛi káa é lɛ́ɛ la zu ɣele é ƃɔ́ a à pà é bàa a ŋ̀ele-ƃɔi. Deeƃé ŋɔnɛnîi Maka è mò ma ǹyɛɛi, “Pú a gbínii ŋí à wàla kɛ́ tí da pâi ípaai tínaa!” 12È kpɔŋ Deeƃé ma é tɛ́ wônai lá é pîlaŋ naa pôlu pere. Deeƃé è kɛ́ɛ pûi, 13Maka è pɔkɔɔŋ sii da saá a wúru làa ŋɔgbìŋ ŋá. È ŋuŋ mu-sɛŋ da kpɛtɛɛ a ƃoli-leɣai lɔ̀ ŋuŋ mu é mɛi pɛ́lɛ a Deeƃé ŋɔseɣei da. 14Bôlu ma ɣele walai, Sɔ̂ɔ è gɔ-kuluƃa-ŋai tɛ̀ɛ a gɛ́ɛ dí Deeƃé sóŋ. Kɛ́lɛ Maka è mò dîa ǹyɛɛi, “Deeƃé a kɔlɛ̂i.” 15Sɔ̂ɔ è gɔ-kuluƃa-ŋai tɛ̀ɛ pôlu é ǹyɛɛ dîai, “Ka lí naa pôlu ká gula gbìŋ ŋá ká pá la ḿbɔ ŋá bàa.” 16Dí liɛ́ɛ naa pôlu dí lɔ́ bɛ́rɛi mui, zɛŋ nɔ́ dí gàa gbìŋ ŋái ƃe kɛ̀ a ŋ̀úru saai, m̀oli-leɣa ŋuŋ mu-sɛŋ kɛ́ ƃò pɛ̂lɛni m̀ɛi. 17Sɔ̂ɔ è mò Maka ǹyɛɛ m̀ai, “Lé mɛni ƃé í ḿbɛ̀lɛ la a bere sîi kɛ́ɛ tíi. Í kpɔ̀ŋ ŋ́gbɔara-nuui ma é pú lé mɛni ma?”
Maka ǹyɛɛ m̀ai, “È kɛ̀ ḿâ yà wàla kpɔŋ ḿâ ŋá pú, ŋa pâi ípaâi!”
18Ǹaa kɛ́ɛ tí Deeƃé è lì Samia pɔ́-naa Lama é mɛnii kélee su kula ma Sɔ̂ɔ è gɛ̀ lai. Samia da Deeƃé dí lì Ɣâla ŋɔlóno kɛ́-ƃela díkpanaŋ lá díkɛ ƃò naa. 19Núu da è mò Sɔ̂ɔ ma ǹyɛɛi, “Deeƃé káa Ɣâla ŋɔlóno kɛ́-ƃelai díkpanaŋ lá Lama.” 20Sɔ̂ɔ è kɔ-kuluƃa kpulu loŋ tɛ̀ɛ naa a gɛ́ɛ dí Deeƃé sóŋ dí pá la pôlu. Dí lì Lama dí Samia káa gɛ́ ƃò a Ɣâla ŋɔlóno kɛ́-ƃelai mɛi nuu. Ǹûai ŋí dí kɛ̀ Ɣâla ŋɔwóoi ƃôi. Gɛ́ɛ tíi, Ɣâla ŋɔmɔ̂leŋ è pà gɔ-kuluƃa-ŋai mɛi, dîa máŋ dí pɛ́lɛ Ɣâla woo ƃôi. 21Sɔ̂ɔ kɛ́ɛ a mɛnii ŋí mɛ́nii, è ŋɔkɔ-kuluƃai gbulu da kpɛ́ni tɛ̀ɛ naa. Dí liɛ́ɛi dia máŋ dí pɛ̀lɛ Ɣâla ŋɔwóoi ƃôi yɛ̂ɛ ǹûai duɛ-tuɛi. È ŋɔ́nɔ gɔ-kuluƃai gbulu zaaƃai tɛ̀ɛ. Kɛ́lɛ dîa máŋ dí pɛ̀lɛ mɛni tɔnɔi kɛ̂i. 22Ǹaa kɛ́ɛ tíi, Sɔ̂ɔ ǹyaa kpîŋ è lì Lama. È lì ǹóa kɛ́tɛi lá kɛ̀ Sikɔɔi ǹyɛɛ ǹûai dîai, “Mí ƃé Samia da Deeƃé dí káa naai?” Dîyɛɛ m̀ai, “Díkaa Ɣâla ŋɔlóno kɛ́-ƃelai díkpanâŋ lá.” 23Sɔ̂ɔ è lì Lama. Kɛ́lɛ gɛ́ɛ kɛ̀ siâi berei mai, Ɣâla ŋɔmɔ̂leŋ è dòo é pɛ̀lɛ Ɣâla-woo ƃôi. Zeriɛ́ɛ Ɣâla ŋɔlóno kɛ́-ƃelai díkpanaŋ lái, 24è ŋɔseɣei kùla ma é pɛ́lɛ Ɣâla-woo ƃôi Samia ŋɛ́i-tuɛ. È tòo ǹɔii ma gɛ́ ƃò lâani naa a gaŋ é síɣe ɣele-wala ma é tóo gbínii ma. M̀ɛnii ŋí nûa m̀o la dîyɛɛi, “Sɔ̂ɔ ǹyaa máŋ a kɛ́ a Ɣâla ŋɔlóno kɛ́-ƃelai da?”
Currently Selected:
Samia Maa-ŋuŋ 19: KWB
Highlight
Copy
Compare
Share
Want to have your highlights saved across all your devices? Sign up or sign in
© 2012 Bible Society in Liberia
