PSALMS 36
AFR53
36
Hoe kosbaar is u goedertierenheid, o God!
1VIR die musiekleier. ’n Psalm van Dawid, #Ps. 18:1die kneg van die Here.
2In die binneste van my hart sê die oortreding aangaande die goddelose: #Rom. 3:18Daar is geen vrees van God voor sy oë nie.
3Want dit vlei hom in sy oë in verband met die uitvind en haat van sy skuld.
4Die woorde van sy mond is onreg en bedrog; #Jer. 4:22hy laat ná om verstandig te wees, om goed te doen.
5Hy bedink onreg op sy bed; hy gaan staan op #Jes. 65:2’n weg wat nie goed is nie; wat sleg is, verfoei hy nie.
6 o Here, #Ps. 57:11u goedertierenheid is tot in die hemele, u trou tot in die wolke.
7U geregtigheid is soos die berge van God; #Rom. 11:33u oordele is ’n groot watervloed. Here, #Neh. 9:6U behou mense en diere!
8Hoe kosbaar is u goedertierenheid, o God! Daarom skuil die mensekinders #Rut 2:12onder die skaduwee van u vleuels.
9Hulle verkwik hul aan die vettigheid van #Ps. 27:4u huis, en U laat hulle drink uit #Ps. 46:5die stroom #Ps. 16:11van u genietinge.
10Want by U is #Jer. 2:13die fontein van die lewe; in u lig sien ons die lig.
11Laat u goedertierenheid voortduur vir die wat U ken, en u geregtigheid vir die opregtes van hart.
12Laat die voet van die trotsaard nie oor my kom nie, en laat die hand van die goddelose mense my nie verdryf nie.
13Daar het die werkers van ongeregtigheid geval; hulle is neergestoot en kan nie weer opstaan nie.

Verskaf met die komplimente van die Bybelgenootskap van Suid-Afrika. © Bybelgenootskap van Suid-Afrika. Gebruik met toestemming. Alle regte voorbehou.

Ondersteun ons en word ‘n saaier van hoop.

Learn More about the Afrikaans 1933/1953