SPREUKE 22
AFR53

SPREUKE 22

22
1 'n #Pred. 7:1NAAM is verkiesliker as groot rykdom, guns beter as silwer en as goud.
2Rykes en armes ontmoet mekaar, #Job 31:15die Here #Spr. 14:31het hulle almal gemaak.
3'n Skrander mens sien die onheil en verberg hom, maar die eenvoudiges gaan verder en word gestraf.
4Die loon van nederigheid is die vrees van die Here, is rykdom en eer en die lewe.
5Dorings, vangnette lê op die pad van die verkeerde; hy wat sy siel wil bewaar, bly ver weg daarvandaan.
6Oefen die seun volgens die eis van sy weg; dan sal hy, ook as hy oud word, daar nie van afwyk nie.
7Die ryke heers oor die armes, en hy wat leen, is 'n slaaf van die man wat uitleen.
8Wie onreg saai, sal onheil maai; en die stok van sy grimmigheid sal verdwyn.
9Wie vriendelik is, hy word geseën, omdat #Spr. 19:17; Lk. 14:13 ens.hy van sy brood aan die arme gee.
10Dryf die spotter weg, dan gaan die twis weg; en die stryery en die geskimp hou op.
11 # Ps. 101:6 Hy wat reinheid van hart liefhet, wie se lippe aangenaam is — die koning is sy vriend.
12Die oë van die Here bewaar kennis; daarom verydel Hy die woorde van die ontroue.
13 # Spr. 26:13 Die luiaard sê: Daar is 'n leeu buitekant; ek kan in die middel van die strate gedood word!
14Die mond van die vreemde vroue is 'n diep kuil; hy op wie die Here vertoornd is, sal daarin val.
15As die sotheid vassit in die hart van die seun, die tugroede sal dit daaruit verwyder.
16Wie die arme verdruk, bevoordeel hom; #Spr. 28:22hy wat aan die ryke gee, verarm hom net.
Sedespreuke.
17GEE gehoor en luister na die woorde van die wyse manne, en let op my kennis.
18Want dit is lieflik as jy dit in jou binneste bewaar; mag hulle tesame gereed lê op jou lippe.
19Dat jou vertroue op die Here mag wees, daarom onderwys ek jou vandag, ja, vir jou.
20Het ek jou nie kernagtige spreuke voorgeskrywe met raadgewinge en kennis,
21om jou bekend te maak waarheid, betroubare woorde, sodat jy woorde van waarheid kan antwoord aan die wat jou stuur nie?
22 # Sag. 7:10 Beroof die arme nie, omdat hy arm is, en #Job 5:4; Ps. 94:5verbrysel die ellendige nie #Ps. 127:5in die poort nie.
23Want #Ps. 12:6; 35:10; 68:6; 140:13die Here sal hulle saak verdedig en hulle berowers van die lewe berowe.
24Verkeer nie met 'n driftige man nie, en met 'n opvlieënde man moet jy nie omgaan nie,
25sodat jy nie gewend raak aan sy paaie en 'n strik vir jouself span nie.
26Wees nie onder #Spr. 6:1die wat 'n handslag gee, onder #Spr. 6:1die wat vir skulde borg staan nie.
27As jy nie het om te betaal nie, waarom sal hulle #Spr. 20:16jou bed onder jou uit neem?
28 # Deut. 19:14 Die ou grenslyne wat jou vaders gemaak het, moet jy nie verlê nie.
29Sien jy 'n man wat vaardig is in sy werk — hy kan voor konings staan, hy hoef nie voor geringes te staan nie.

Verskaf met die komplimente van die Bybelgenootskap van Suid-Afrika. © Bybelgenootskap van Suid-Afrika. Gebruik met toestemming. Alle regte voorbehou.

Ondersteun ons en word ‘n saaier van hoop.

Learn More About Afrikaans 1933/1953