Sal 89
89
SALMO 89
Strato Dios yet' David
A jun tic sb'it win Hemán ezrahita
1Mamin Jehová, 'oj wal 'a scal in b'it chajtlto caw wach' a nab'en. A yic 'oj ach in b'itnoc 'a junjn 'ejem, 'oj wala', to yeln̈j tas tzala.
2'Oj wal-li to a 'a chamc'ojlal may slajub', tzac' 'el'chocn̈ej tas tzala. Matz tac' sjelmji, 'icha satcha'an̈ may xon 'aj tzjelmji.
3'Ay jun a trato b'ob'il oj yet' David, atn jun a checb' sic'b'il 'el o'oj, ata aljnac can 'ixtic:
4A eb' en̈tl b'aq'uin̈, an̈j eb' 'oj wa'ch reyl a jelc 'a smasnil tiempo, xa chi 'a 'a.
5Mamin Jehová, smasnil eb' a'mal servil 'a satcha'an̈, tzb'itnej eb' a tojlal yet' a b'ob'en to satjub'tac yilxi.
6May junc xo dios, mto junc tas 'ay 'a satchan̈ tztac' slajb'tzan sb'a et'oc.
7Dios ach ton Mamin, caw niwn el'chi, 'ay smay a b'inaxi, oyn 'och eb' ángel 'a a tz'ey.
8Mamin Jehová tztac' 'oj smasnil, ec yaj smasnil poder, may 'aj tza jel tas tzala; may junc xo lajn 'icha ach tic.
9Ach tza tench wan a mar yic tzowx chan̈ a', sictac tz'aj a o'oj.
10'Ix a te'cn 'ejm no Rahab 'a yojl a mar, atn no niwc noc' 'ay smay, 'icha to chamnc xo x'ajcn no o'oj. Ax eb' 'ajc'ojl yajch 'ayach, sactzic can eb' yuj a poder.
11A satcha'an̈ yet' lum lum tic ecn̈ej yaji, ach xa b'o yolyib'n̈q'uinl tic yet' smasnil tas 'ay 'a 'a.
12Smasnil tas 'ay 'a stojlal norte masnto tzc'och 'a stojlal sur, ach xa b'o'o. A lum niwquil witz Tabor yet' lum Hermón, til wal sja'l ach sb'itnan eb' lu'um.
13Caw wal 'ay a poder, tztac' oj smasnil.
14A a despacho caw te'n yaj yuj tojlal yet' yuj wach'il. Ata tzcheclj 'el a chamc'ojlal to yel tz'el'ch tas tzala.
15Mamin Jehová, a eb' 'anma tzach b'itnan yet' tzaljc'ojlal, caw wach' yic eb', yujto a 'a checnb'il tzb'eylb'ej eb'.
16A wal 'a a b'i, ata tzyac' eb' tzaljoc sc'ojl 'a smasnil tiempo, ax a tojlal a chi 'oj 'i'noc chan̈ eb'.
17Yujto ach ton wal tzac' quip on̈, yuj a wach'c'ojlal tza'n cac' ganar on̈.
18Ach 'ix ac' jun qui Colmal on̈. Ach qui Diosal on̈, Cojxn ach toni, ach 'ix a sic' 'elt jun qui reyl on̈.
A schamc'ojlal Dios 'a David
19Mamin Jehová, a 'a yic pecti cha, 'icha waychil 'ix otj paxtinc a b'a 'a eb' a checb' caw 'aych sc'ojl 'ayach. 'Ix aln 'a eb' 'ixtic: A 'a scal eb' in chon̈b' tic, ata xin sic' 'elt jun winc caw jeln ya'n owal, an 'ix wac' q'ue'choc 'a yopiso, an tzin colwj yet'oc.
20'Ix 'ilchj jun in checb' wu'uj, atn David. A perjuma tzc'anlb'axi yic 'ay junc tas tz'och wico'oc, a xwac' 'ajxoc q'ue 'a sjolom yic xin ch'oxn 'eli to xq'uecn c'och reyal.
21May wal b'a'n̈ 'oj 'och wan in colwj yet'oc, 'oj wac' ste'nal yet' in poder.
22A eb' 'ajc'ojl yajch 'a 'a, ma'oj yac' ganar eb'; an̈jtona eb' tzb'on maysch'olnil, ma'oj tza'wnoc eb' 'a 'a.
23Yuj in poder ax ya'n ganar 'a yib'n̈ eb' 'ajc'ojl cha; ax ya'n milxoc cham eb' tzchichn 'och chi 'a 'a.
24Chamc'ojlb'iln̈ej wu'uj, 'oj wac' 'el'choc tas xwal 'a 'a. Wu'uj ax sq'ue'ch yet' yopiso cha.
25'Oj wach' niwnb'oc 'aj 'oj yac' yajlil, 'oj 'el yich 'a a mar Mediterráneo, masnto 'oj c'och 'a a niwn a Éufrates.
26'Oj yal 'ayn 'ixtic: In Mam ach, in Diosal ach, in Colmal aji. A 'aych tzin col in b'a, 'oj schioc.
27An xo 'oj wac' yopiso 'icha win b'ab'l 'unnab'il, 'ec'b'al 'oj 'aj 'a yib'n̈ smasnil eb' rey 'ay 'a yolyib'n̈q'uinl tic.
28A 'in chamc'ojlal 'a 'a, 'ayn̈j 'ec' yet' 'a smasnil tiempo, ax in trato yet'oc, may tz'aj sjelmji.
29A eb' yin̈til, 'oj wa'n̈j 'och eb' reyl 'a smasnil tiempo, 'oj b'eyn̈j jun 'opiso chi 'a yib'n̈ eb', ya' sb'a 'ayt 'ec' satchan̈ tic.
30Palta toto 'oj yactc can eb' in cuynb'il tic, toto man̈x 'oj sb'eylb'oc eb' in checnb'il,
31toto 'oj 'ec' eb' 'a yib'an̈, ma'oj syiclc eb' tas tzwala,
32toto 'ixta', 'oj wa' cot syailal eb' yuj stenmtaquil, yuj tas maysch'olnil tzlaj sb'o eb'. 'Icha to a te jixc'ab'te 'oj wa'lb'oc 'a eb'.
33Palta man̈ yujoc cha, ax wactn in chamc'ojlan David, caw yel 'aynn̈ej 'ec' yet'oc.
34Ma'oj in ju 'in trato yet'oc. 'Oj wac' 'el'choc in paxti wa'jnac 'a 'a.
35Jun 'ejmn̈ej 'ix wac' in ti 'a 'a, ma'oj wac' 'es:
36A eb' yin̈til, 'oj 'och eb' reyl sjelc 'a smasnil tiempo ya' sb'a 'ayt 'ec' c'u.
37Caw te'n yaj eb' 'icha 'uj, te'nn̈ej 'oj yutc sb'a eb', ya' sb'a 'ayc' satchan̈ tic, xa chi.
Xpatquilx 'el win rey yuj Dios
38Ax ticnec Mamin, 'in xa chab'c'ojlej win rey sic'b'il 'el o'oj, xa patquiln can 'el winac, 'ix cot wal owl 'a 'a.
39'Ix a ju a trato yet' win a checab', xa juln 'ejm can scorona 'a sat lu'um.
40A smuroal schon̈ab', tox 'ix lan̈chj 'ejmi, a jun schon̈b' cha, 'ix lajw 'ejm o'oj.
41Ax smasnil eb' 'anma tz'ec' ta', tzlaj yelc' eb' tas 'ay 'a jun chon̈b' cha; ax jun tzo'n̈ xo eb' chon̈b' 'ay 'a sla'nil, xlaj b'uchwj eb' 'a 'a.
42'Ix ac' yi' chan̈ eb' 'ajc'ojl chi sc'ab' 'a cha'an̈, caw stzalj eb', yujto xyac' ganar eb' owl chi snani.
43'Ix ej can 'ec' ye yespada yic x'och 'a owal, man̈x 'ic ach colwj xon jac yet'oc.
44Ach 'ix ej 'ec' sjelnal, 'ix a juln can 'ejm jun yopiso chi 'a sat lu'um;
45'ix a c'ochltej sq'uinal, xa'n sq'uixwloc.
46Mamin Jehová, ¿b'a'n̈ wal tzactj owx 'och 'ayin? ¿Tom an̈j 'ijnoc wal 'ay cot yowl 'a c'ojl 'ayn 'icha sn̈ilchj c'ac'?
47Na cot nab'an to c'ochn yoc jab' in q'uinl 'ix ac'a. An̈ 'anman̈ tic on̈ jab' wal tiempo tzac' quil on̈.
48May wal junc mach to mun yic sb'a yet' sq'uinal, to ma'oj chamoc. May wal junc mach tztac' scoln 'el sb'a 'a yol sc'ab' chamel.
49Mamin, ¿'aj wal 'ay jun a chamc'ojlal a ch'oxjnac 'a yic b'ab'el, atn jun aljnac 'a David to 'oj ac' 'el'choc?
50Na cot nab'an to an̈ a checb' on̈ tic, til wal tas ya yaln eb' 'anma 'ayn̈ on̈; a jun tzo'n̈ spaxti eb' cha, caw wal ya yajcn 'ayin.
51An sic'b'iln 'el oj tic, caw ya jun tzo'n̈ paxti tic tzwab'i: atn schichnc'ojlal eb' 'ajc'ojl yajch 'ayach, caw ya yaln eb' 'a in patquil.
52Alx cab' wach' paxti 'a sb'i Jehová 'a smasnil tiempo. B'o cab' 'ixta'.
Currently Selected:
Sal 89: CSS
Highlight
Share
Copy
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.
Sal 89
89
SALMO 89
Strato Dios yet' David
A jun tic sb'it win Hemán ezrahita
1Mamin Jehová, 'oj wal 'a scal in b'it chajtlto caw wach' a nab'en. A yic 'oj ach in b'itnoc 'a junjn 'ejem, 'oj wala', to yeln̈j tas tzala.
2'Oj wal-li to a 'a chamc'ojlal may slajub', tzac' 'el'chocn̈ej tas tzala. Matz tac' sjelmji, 'icha satcha'an̈ may xon 'aj tzjelmji.
3'Ay jun a trato b'ob'il oj yet' David, atn jun a checb' sic'b'il 'el o'oj, ata aljnac can 'ixtic:
4A eb' en̈tl b'aq'uin̈, an̈j eb' 'oj wa'ch reyl a jelc 'a smasnil tiempo, xa chi 'a 'a.
5Mamin Jehová, smasnil eb' a'mal servil 'a satcha'an̈, tzb'itnej eb' a tojlal yet' a b'ob'en to satjub'tac yilxi.
6May junc xo dios, mto junc tas 'ay 'a satchan̈ tztac' slajb'tzan sb'a et'oc.
7Dios ach ton Mamin, caw niwn el'chi, 'ay smay a b'inaxi, oyn 'och eb' ángel 'a a tz'ey.
8Mamin Jehová tztac' 'oj smasnil, ec yaj smasnil poder, may 'aj tza jel tas tzala; may junc xo lajn 'icha ach tic.
9Ach tza tench wan a mar yic tzowx chan̈ a', sictac tz'aj a o'oj.
10'Ix a te'cn 'ejm no Rahab 'a yojl a mar, atn no niwc noc' 'ay smay, 'icha to chamnc xo x'ajcn no o'oj. Ax eb' 'ajc'ojl yajch 'ayach, sactzic can eb' yuj a poder.
11A satcha'an̈ yet' lum lum tic ecn̈ej yaji, ach xa b'o yolyib'n̈q'uinl tic yet' smasnil tas 'ay 'a 'a.
12Smasnil tas 'ay 'a stojlal norte masnto tzc'och 'a stojlal sur, ach xa b'o'o. A lum niwquil witz Tabor yet' lum Hermón, til wal sja'l ach sb'itnan eb' lu'um.
13Caw wal 'ay a poder, tztac' oj smasnil.
14A a despacho caw te'n yaj yuj tojlal yet' yuj wach'il. Ata tzcheclj 'el a chamc'ojlal to yel tz'el'ch tas tzala.
15Mamin Jehová, a eb' 'anma tzach b'itnan yet' tzaljc'ojlal, caw wach' yic eb', yujto a 'a checnb'il tzb'eylb'ej eb'.
16A wal 'a a b'i, ata tzyac' eb' tzaljoc sc'ojl 'a smasnil tiempo, ax a tojlal a chi 'oj 'i'noc chan̈ eb'.
17Yujto ach ton wal tzac' quip on̈, yuj a wach'c'ojlal tza'n cac' ganar on̈.
18Ach 'ix ac' jun qui Colmal on̈. Ach qui Diosal on̈, Cojxn ach toni, ach 'ix a sic' 'elt jun qui reyl on̈.
A schamc'ojlal Dios 'a David
19Mamin Jehová, a 'a yic pecti cha, 'icha waychil 'ix otj paxtinc a b'a 'a eb' a checb' caw 'aych sc'ojl 'ayach. 'Ix aln 'a eb' 'ixtic: A 'a scal eb' in chon̈b' tic, ata xin sic' 'elt jun winc caw jeln ya'n owal, an 'ix wac' q'ue'choc 'a yopiso, an tzin colwj yet'oc.
20'Ix 'ilchj jun in checb' wu'uj, atn David. A perjuma tzc'anlb'axi yic 'ay junc tas tz'och wico'oc, a xwac' 'ajxoc q'ue 'a sjolom yic xin ch'oxn 'eli to xq'uecn c'och reyal.
21May wal b'a'n̈ 'oj 'och wan in colwj yet'oc, 'oj wac' ste'nal yet' in poder.
22A eb' 'ajc'ojl yajch 'a 'a, ma'oj yac' ganar eb'; an̈jtona eb' tzb'on maysch'olnil, ma'oj tza'wnoc eb' 'a 'a.
23Yuj in poder ax ya'n ganar 'a yib'n̈ eb' 'ajc'ojl cha; ax ya'n milxoc cham eb' tzchichn 'och chi 'a 'a.
24Chamc'ojlb'iln̈ej wu'uj, 'oj wac' 'el'choc tas xwal 'a 'a. Wu'uj ax sq'ue'ch yet' yopiso cha.
25'Oj wach' niwnb'oc 'aj 'oj yac' yajlil, 'oj 'el yich 'a a mar Mediterráneo, masnto 'oj c'och 'a a niwn a Éufrates.
26'Oj yal 'ayn 'ixtic: In Mam ach, in Diosal ach, in Colmal aji. A 'aych tzin col in b'a, 'oj schioc.
27An xo 'oj wac' yopiso 'icha win b'ab'l 'unnab'il, 'ec'b'al 'oj 'aj 'a yib'n̈ smasnil eb' rey 'ay 'a yolyib'n̈q'uinl tic.
28A 'in chamc'ojlal 'a 'a, 'ayn̈j 'ec' yet' 'a smasnil tiempo, ax in trato yet'oc, may tz'aj sjelmji.
29A eb' yin̈til, 'oj wa'n̈j 'och eb' reyl 'a smasnil tiempo, 'oj b'eyn̈j jun 'opiso chi 'a yib'n̈ eb', ya' sb'a 'ayt 'ec' satchan̈ tic.
30Palta toto 'oj yactc can eb' in cuynb'il tic, toto man̈x 'oj sb'eylb'oc eb' in checnb'il,
31toto 'oj 'ec' eb' 'a yib'an̈, ma'oj syiclc eb' tas tzwala,
32toto 'ixta', 'oj wa' cot syailal eb' yuj stenmtaquil, yuj tas maysch'olnil tzlaj sb'o eb'. 'Icha to a te jixc'ab'te 'oj wa'lb'oc 'a eb'.
33Palta man̈ yujoc cha, ax wactn in chamc'ojlan David, caw yel 'aynn̈ej 'ec' yet'oc.
34Ma'oj in ju 'in trato yet'oc. 'Oj wac' 'el'choc in paxti wa'jnac 'a 'a.
35Jun 'ejmn̈ej 'ix wac' in ti 'a 'a, ma'oj wac' 'es:
36A eb' yin̈til, 'oj 'och eb' reyl sjelc 'a smasnil tiempo ya' sb'a 'ayt 'ec' c'u.
37Caw te'n yaj eb' 'icha 'uj, te'nn̈ej 'oj yutc sb'a eb', ya' sb'a 'ayc' satchan̈ tic, xa chi.
Xpatquilx 'el win rey yuj Dios
38Ax ticnec Mamin, 'in xa chab'c'ojlej win rey sic'b'il 'el o'oj, xa patquiln can 'el winac, 'ix cot wal owl 'a 'a.
39'Ix a ju a trato yet' win a checab', xa juln 'ejm can scorona 'a sat lu'um.
40A smuroal schon̈ab', tox 'ix lan̈chj 'ejmi, a jun schon̈b' cha, 'ix lajw 'ejm o'oj.
41Ax smasnil eb' 'anma tz'ec' ta', tzlaj yelc' eb' tas 'ay 'a jun chon̈b' cha; ax jun tzo'n̈ xo eb' chon̈b' 'ay 'a sla'nil, xlaj b'uchwj eb' 'a 'a.
42'Ix ac' yi' chan̈ eb' 'ajc'ojl chi sc'ab' 'a cha'an̈, caw stzalj eb', yujto xyac' ganar eb' owl chi snani.
43'Ix ej can 'ec' ye yespada yic x'och 'a owal, man̈x 'ic ach colwj xon jac yet'oc.
44Ach 'ix ej 'ec' sjelnal, 'ix a juln can 'ejm jun yopiso chi 'a sat lu'um;
45'ix a c'ochltej sq'uinal, xa'n sq'uixwloc.
46Mamin Jehová, ¿b'a'n̈ wal tzactj owx 'och 'ayin? ¿Tom an̈j 'ijnoc wal 'ay cot yowl 'a c'ojl 'ayn 'icha sn̈ilchj c'ac'?
47Na cot nab'an to c'ochn yoc jab' in q'uinl 'ix ac'a. An̈ 'anman̈ tic on̈ jab' wal tiempo tzac' quil on̈.
48May wal junc mach to mun yic sb'a yet' sq'uinal, to ma'oj chamoc. May wal junc mach tztac' scoln 'el sb'a 'a yol sc'ab' chamel.
49Mamin, ¿'aj wal 'ay jun a chamc'ojlal a ch'oxjnac 'a yic b'ab'el, atn jun aljnac 'a David to 'oj ac' 'el'choc?
50Na cot nab'an to an̈ a checb' on̈ tic, til wal tas ya yaln eb' 'anma 'ayn̈ on̈; a jun tzo'n̈ spaxti eb' cha, caw wal ya yajcn 'ayin.
51An sic'b'iln 'el oj tic, caw ya jun tzo'n̈ paxti tic tzwab'i: atn schichnc'ojlal eb' 'ajc'ojl yajch 'ayach, caw ya yaln eb' 'a in patquil.
52Alx cab' wach' paxti 'a sb'i Jehová 'a smasnil tiempo. B'o cab' 'ixta'.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.