Sal 88
88
SALMO 88
Mamin, ¿tas yuj patcab'iln 'el o'oj?
A jun tic sb'it eb' yin̈tl Coré tz'ib'b'il can yuj win Hemán ezrahita tzc'anlb'ej junc mach tzjucb'tzan b'it
1Mamin Jehová in Diosal ach, in Colmal aji, sc'ual yac'wlil in c'ann a colwal 'a wib'an̈.
2Chaj wal ab' in lesl tic, tza b'onyaj 'ayin.
3Til wal tas tzjaw 'a wib'n̈ tzwab'i, 'icha wal to yol xo sc'ab' chaml 'ayn 'eq'ui.
4'Ayn xo 'och stz'acb'oc chaml tzwab'i, caw man̈x 'a wip.
5A wal tzwab'i to 'ayn xo can 'at 'a scal eb' chamnac. 'Icha eb' tzchamcn yuj owal, tzmucx can 'aj tzchami, 'ixta waj tzwab'i. 'Icha pax tz'aj eb' satnc xo a c'ojl 'a 'a, man̈xtzac ach colwj yet'oc, 'ixta waj tzwab'i.
6A wal tzwab'i, caw najt wajcn 'at oj 'a yich junc xab' olan, 'a 'aj caw q'uic'q'uinal.
7Xcot wal yowl a c'ojl 'a wib'an̈, til wal somc'ojlal xjaw 'a wib'n̈ o'oj.
8'Ix ej 'el snab'en eb' in wach'c'ojl 'ayin, in schacn can 'el eb'. Lajn wal in 'aj 'icha junc win 'aych 'a preso, matz tac' yeli.
9Caw wal tzin 'oc' si'mb'il, tzmal yol in sat woc' yuj in cusc'ojlal. Mamin Jehová, 'a junjn c'u tzwaln in b'a 'ayach, a 'aych tzin moj q'ue in c'ab'.
10¿Tom 'oj a ch'ox to yil eb' chamnc chi a poder? ¿Tom 'ayt 'aj 'oj yal eb' chamnc chi yuj diosal 'ayach?
11¿'Ayt am 'aj 'oj alxoc a chamc'ojlal yet' tas yel 'a scal eb' chamnc cha?
12¿Tom 'ay eb' 'oj alnc cot a tojlal, yet' smasnil tas satjub'tac yilx a b'ojnac? A 'aj 'ay q'uic'q'uinl yic chaml cha, ata tz'atcn jun tzo'n̈ chi 'a satc'ojlal.
13Mamin Jehová, an xo tic a 'aych tzwal in b'a, 'a junjn sq'uin̈b'ial tzin leslwi 'ayach.
14¿Tas wal yuj tzin a patquilj can 'eli? ¿Tas yuj tza c'ub'j 'el a b'a 'ayin?
15Yictax in quelmal, 'aych xon jun in yailal tic, 'ijn wal chamnc in yu'uj. Palta wa'jnac techjoc jun tzo'n̈ niwc yailal chi o'oj, ax ticnec 'ijn wal man̈x 'oj techjoc wu'uj.
16A yowl a c'ojl 'ix 'ec' 'a wib'an̈, 'ac'b'iln xo ganar yu'uj.
17Smasnil jun tzo'n̈ cha, 'ix 'och oyn 'ayn 'icha junc a 'elmal a'.
18'Ix ej can 'el snab'en eb' in wach'c'ojl 'ayin, yet' eb' witb'eym in b'a yet'oc, ax ticnec, cojxn̈ej q'uic'q'uinl jun waj yet'oc.
Currently Selected:
Sal 88: CSS
Highlight
Share
Copy
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.
Sal 88
88
SALMO 88
Mamin, ¿tas yuj patcab'iln 'el o'oj?
A jun tic sb'it eb' yin̈tl Coré tz'ib'b'il can yuj win Hemán ezrahita tzc'anlb'ej junc mach tzjucb'tzan b'it
1Mamin Jehová in Diosal ach, in Colmal aji, sc'ual yac'wlil in c'ann a colwal 'a wib'an̈.
2Chaj wal ab' in lesl tic, tza b'onyaj 'ayin.
3Til wal tas tzjaw 'a wib'n̈ tzwab'i, 'icha wal to yol xo sc'ab' chaml 'ayn 'eq'ui.
4'Ayn xo 'och stz'acb'oc chaml tzwab'i, caw man̈x 'a wip.
5A wal tzwab'i to 'ayn xo can 'at 'a scal eb' chamnac. 'Icha eb' tzchamcn yuj owal, tzmucx can 'aj tzchami, 'ixta waj tzwab'i. 'Icha pax tz'aj eb' satnc xo a c'ojl 'a 'a, man̈xtzac ach colwj yet'oc, 'ixta waj tzwab'i.
6A wal tzwab'i, caw najt wajcn 'at oj 'a yich junc xab' olan, 'a 'aj caw q'uic'q'uinal.
7Xcot wal yowl a c'ojl 'a wib'an̈, til wal somc'ojlal xjaw 'a wib'n̈ o'oj.
8'Ix ej 'el snab'en eb' in wach'c'ojl 'ayin, in schacn can 'el eb'. Lajn wal in 'aj 'icha junc win 'aych 'a preso, matz tac' yeli.
9Caw wal tzin 'oc' si'mb'il, tzmal yol in sat woc' yuj in cusc'ojlal. Mamin Jehová, 'a junjn c'u tzwaln in b'a 'ayach, a 'aych tzin moj q'ue in c'ab'.
10¿Tom 'oj a ch'ox to yil eb' chamnc chi a poder? ¿Tom 'ayt 'aj 'oj yal eb' chamnc chi yuj diosal 'ayach?
11¿'Ayt am 'aj 'oj alxoc a chamc'ojlal yet' tas yel 'a scal eb' chamnc cha?
12¿Tom 'ay eb' 'oj alnc cot a tojlal, yet' smasnil tas satjub'tac yilx a b'ojnac? A 'aj 'ay q'uic'q'uinl yic chaml cha, ata tz'atcn jun tzo'n̈ chi 'a satc'ojlal.
13Mamin Jehová, an xo tic a 'aych tzwal in b'a, 'a junjn sq'uin̈b'ial tzin leslwi 'ayach.
14¿Tas wal yuj tzin a patquilj can 'eli? ¿Tas yuj tza c'ub'j 'el a b'a 'ayin?
15Yictax in quelmal, 'aych xon jun in yailal tic, 'ijn wal chamnc in yu'uj. Palta wa'jnac techjoc jun tzo'n̈ niwc yailal chi o'oj, ax ticnec 'ijn wal man̈x 'oj techjoc wu'uj.
16A yowl a c'ojl 'ix 'ec' 'a wib'an̈, 'ac'b'iln xo ganar yu'uj.
17Smasnil jun tzo'n̈ cha, 'ix 'och oyn 'ayn 'icha junc a 'elmal a'.
18'Ix ej can 'el snab'en eb' in wach'c'ojl 'ayin, yet' eb' witb'eym in b'a yet'oc, ax ticnec, cojxn̈ej q'uic'q'uinl jun waj yet'oc.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.