Sal 73
73
LIBRO 3
(Salmos 73—89)
SALMO 73
A swach'c'ojlal Dios
A jun tic sb'it win Asaf
1Caw yel wach' snab'en Dios 'a 'ayn̈ an̈ israel on̈c tic, yet' 'a eb' to tojl yaj snab'en.
2An tic, caw jab'xoj ma'in telw 'ejm 'a maysch'olnil.
3Yujto caw xchichn chan̈ in c'ojol yic xwiln laj sq'ue'ch eb' b'an̈quintac, yet' eb' maysch'olnil sb'eyb'al.
4Toc 'ay chaml tzjaw 'a yib'n̈ eb', caw wach'n̈j sc'ojl eb';
5may yailal tzjaw 'a yib'n̈ eb', may 'ajtil tzoyb'x 'ec' eb' yuj meb'a'il, 'icha tzyac' jun tzo'n̈ xo 'anma'.
6A sb'an̈quintacl eb' cha, checl yilx 'a eb' 'icha junc ton̈; ax maysch'olnil tzlaj sb'o eb', checl 'a eb' 'icha junc pichl 'aych yuj eb'.
7Jab'xoj checl yol sat eb' yuj sb'a'chil, yel xo wal niwn smaysch'olnilal eb'.
8Yuj sb'an̈quintacl eb', tzb'uchwj eb', tzyixtn eb' yit 'anma'il, matz q'uixw eb' xib'tn eb'.
9Tu tzyal eb' 'a Dios 'ay yic satcha'an̈, tzpechx b'eyc'oc eb' 'anma 'a sat lum lum tic yuj eb'.
10Yuj cha, ax yoch tza'n eb' 'anma yuj eb', ax schan eb' 'anma chi yab' tas 'oj laj yal eb'.
11Tzyaln eb' 'ixtic: A Dios niwn ton yel'chi, palta ¿tom 'oj yojcoc 'el tas tzqui b'o'o? xchi eb'.
12'Iltec wal nab'n jun tzo'n̈ maysch'olnil sb'eyb'al tic. May xon wal jac tzna eb', caw tzq'ue'ch eb' yet' sricoal.
13An xo tic, toc 'ay jac xwac' ganar yic cob' wach' xwutj in b'eyb'al, yet' yic xin yamn 'och wan in b'a 'a smasnil maysch'olnil.
14Junjn c'u tzin ma'xi, 'a junjn sq'uin̈b'ial tzwi'n tz'u'um.
15Mamin, q'uinloc 'ixta xwutj in nan 'icha eb' cha, toto 'ixta', tecn xwixtj am eb' a chon̈ab'.
16Xin nib'j to xnachj 'el jun tic wu'uj, palta caw 'ajltac 'ayin.
17At 'a yic in c'och 'a a cajnub' ach in Diosal, 'ix nachj 'el wu'uj 'ajtil 'oj lajwc c'och eb' cha.
18'Ix a'cn 'och lin̈n eb' 'a 'ajtil caw n̈el-li, xa'n can 'at eb' 'a 'ajtil 'oj juwc 'eli.
19Wal 'a yajn̈ej ax satl eb', scal xiwc'ojlal 'oj lajwc 'el eb'.
20Ach Wajlil, 'oj a patquilc can 'el eb' maysch'olnil tas tzb'o'o. 'Icha tz'aj sat sc'ojl junc mach 'a swayich yic tz'el swayan̈, 'ixta 'oj 'ajcn eb' o'oj.
21A yic mantzac nachj 'el jun tic wu'uj, caw 'ay in somc'ojlal, pitz'n 'ochn̈ej yailal 'a in pixan.
22Caw matz nachj 'el xon jac wu'uj, 'icha wal junc no noc' may snab'en, 'ixta 'in 'a ojltac.
23Palta an tic, 'aynn̈ej 'ec' et'oc, quetzb'iln oj yet' a wach' c'ab'.
24In a cuy 'a wach' b'eyb'al, ax 'a slajub' caw wach' 'oj otc in a chani.
25¿Toc 'ay junc xo mach 'a satchan̈ 'aj tzwa'ch in nab'en? Cojn ach toni. A yic 'ayn xo 'ec' et'oc, man̈x 'a tas 'oj in nib'c 'a sat lum tic.
26Ach in Diosal, wach'xam tz'el yip in niwnal, palta ax 'aych tz'ilchj smasnil tas tzin nib'j 'a smasnil tiempo, tza'n pax in te'nal.
27A eb' tzyij 'el sb'a 'a a tz'ey Mamin, 'oj cham eb'. A eb' man̈ yiclumoc 'ayach, 'oj a satl eb'.
28Palta an xo tic ach in Diosal, tzin nitz 'ochch in b'a 'a a tz'ey, yujto a jun chi yel xo wach' 'ayin. Mamin Jehová 'aychn̈ej 'och yipc in c'ojol, 'oj wal-l yab'xil smasnil tas wach' a b'ojnac.
Currently Selected:
Sal 73: CSS
Highlight
Share
Copy
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.
Sal 73
73
LIBRO 3
(Salmos 73—89)
SALMO 73
A swach'c'ojlal Dios
A jun tic sb'it win Asaf
1Caw yel wach' snab'en Dios 'a 'ayn̈ an̈ israel on̈c tic, yet' 'a eb' to tojl yaj snab'en.
2An tic, caw jab'xoj ma'in telw 'ejm 'a maysch'olnil.
3Yujto caw xchichn chan̈ in c'ojol yic xwiln laj sq'ue'ch eb' b'an̈quintac, yet' eb' maysch'olnil sb'eyb'al.
4Toc 'ay chaml tzjaw 'a yib'n̈ eb', caw wach'n̈j sc'ojl eb';
5may yailal tzjaw 'a yib'n̈ eb', may 'ajtil tzoyb'x 'ec' eb' yuj meb'a'il, 'icha tzyac' jun tzo'n̈ xo 'anma'.
6A sb'an̈quintacl eb' cha, checl yilx 'a eb' 'icha junc ton̈; ax maysch'olnil tzlaj sb'o eb', checl 'a eb' 'icha junc pichl 'aych yuj eb'.
7Jab'xoj checl yol sat eb' yuj sb'a'chil, yel xo wal niwn smaysch'olnilal eb'.
8Yuj sb'an̈quintacl eb', tzb'uchwj eb', tzyixtn eb' yit 'anma'il, matz q'uixw eb' xib'tn eb'.
9Tu tzyal eb' 'a Dios 'ay yic satcha'an̈, tzpechx b'eyc'oc eb' 'anma 'a sat lum lum tic yuj eb'.
10Yuj cha, ax yoch tza'n eb' 'anma yuj eb', ax schan eb' 'anma chi yab' tas 'oj laj yal eb'.
11Tzyaln eb' 'ixtic: A Dios niwn ton yel'chi, palta ¿tom 'oj yojcoc 'el tas tzqui b'o'o? xchi eb'.
12'Iltec wal nab'n jun tzo'n̈ maysch'olnil sb'eyb'al tic. May xon wal jac tzna eb', caw tzq'ue'ch eb' yet' sricoal.
13An xo tic, toc 'ay jac xwac' ganar yic cob' wach' xwutj in b'eyb'al, yet' yic xin yamn 'och wan in b'a 'a smasnil maysch'olnil.
14Junjn c'u tzin ma'xi, 'a junjn sq'uin̈b'ial tzwi'n tz'u'um.
15Mamin, q'uinloc 'ixta xwutj in nan 'icha eb' cha, toto 'ixta', tecn xwixtj am eb' a chon̈ab'.
16Xin nib'j to xnachj 'el jun tic wu'uj, palta caw 'ajltac 'ayin.
17At 'a yic in c'och 'a a cajnub' ach in Diosal, 'ix nachj 'el wu'uj 'ajtil 'oj lajwc c'och eb' cha.
18'Ix a'cn 'och lin̈n eb' 'a 'ajtil caw n̈el-li, xa'n can 'at eb' 'a 'ajtil 'oj juwc 'eli.
19Wal 'a yajn̈ej ax satl eb', scal xiwc'ojlal 'oj lajwc 'el eb'.
20Ach Wajlil, 'oj a patquilc can 'el eb' maysch'olnil tas tzb'o'o. 'Icha tz'aj sat sc'ojl junc mach 'a swayich yic tz'el swayan̈, 'ixta 'oj 'ajcn eb' o'oj.
21A yic mantzac nachj 'el jun tic wu'uj, caw 'ay in somc'ojlal, pitz'n 'ochn̈ej yailal 'a in pixan.
22Caw matz nachj 'el xon jac wu'uj, 'icha wal junc no noc' may snab'en, 'ixta 'in 'a ojltac.
23Palta an tic, 'aynn̈ej 'ec' et'oc, quetzb'iln oj yet' a wach' c'ab'.
24In a cuy 'a wach' b'eyb'al, ax 'a slajub' caw wach' 'oj otc in a chani.
25¿Toc 'ay junc xo mach 'a satchan̈ 'aj tzwa'ch in nab'en? Cojn ach toni. A yic 'ayn xo 'ec' et'oc, man̈x 'a tas 'oj in nib'c 'a sat lum tic.
26Ach in Diosal, wach'xam tz'el yip in niwnal, palta ax 'aych tz'ilchj smasnil tas tzin nib'j 'a smasnil tiempo, tza'n pax in te'nal.
27A eb' tzyij 'el sb'a 'a a tz'ey Mamin, 'oj cham eb'. A eb' man̈ yiclumoc 'ayach, 'oj a satl eb'.
28Palta an xo tic ach in Diosal, tzin nitz 'ochch in b'a 'a a tz'ey, yujto a jun chi yel xo wach' 'ayin. Mamin Jehová 'aychn̈ej 'och yipc in c'ojol, 'oj wal-l yab'xil smasnil tas wach' a b'ojnac.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.