Sal 72
72
SALMO 72
Lesl yuj win rey
A jun b'it tic yic Salomón
1Ach in Diosal, 'ac' a tojlal yet' a wach' nab'enal 'a win rey tic yet' yopiso, atn win wunnal an reyn sic'b'iln 'el oj tic,
2sec tojl 'oj yutc ya'n yajlil 'a scal eb' chon̈ab', yet' 'a eb' meb'a'.
3Ya' cab' 'ejm junc'ojlal yet' tojlal 'a scal eb' 'anma'.
4Wach' cab' tzyutj win rey tic sb'on yaj eb' meb'a'. A eb' 'ay tas 'ay sc'a'l tz'och yu'uj, colx cab' 'el yunnal eb' yu'uj. Ax pax eb' 'ixtm 'anma', satx cab' 'el eb' yu'uj.
5Ya' cab' 'ejm sb'a eb' a chon̈b' 'aych 'a smasnil tiempo, ya' sb'a 'ayt 'ec' c'u yet' 'uj.
6Lajn cab' win rey 'icha n̈ab', mto 'icha chicb'chan̈ tz'a'n yaxb'oc sat lum lu'um, yet' pax te c'ultac.
7Niwtj cab' junc'ojlal yet' tojlal 'a yic stiempoal 'aych win rey yajlil, masnto 'oj satl 'uj.
8Ya' cab' win yajlil 'a yib'n̈ smasnil lum lum tzc'och 'a sti a mar Mediterráneo masnto 'a sti a Chac Mar; yet' 'a sti a Éufrates, masnto 'aj tzlajw c'och lum lu'um.
9A eb' 'ajc'ojl yajch 'a winac, eb' cajn 'a lum cusltac lu'um, 'oj yic' 'ejm sb'a eb' 'a 'a.
10A eb' sreyl Tarsis, yet' eb' cajn 'a lum checl 'a snan̈l a mar, eb' sreyl Sabá, yet' pax eb' yic Seba, ya' cab' eb' siylab' yet' stojlb'al 'a win rey.
11Smasnil jun tzo'n̈ xo eb' rey, 'em cab' cumn eb' 'a yojltac. 'Ajx cab' servil yuj smasnil eb' nacion̈.
12Yujto a 'oj colnc 'el eb' meb'a 'oj yal sb'a 'a 'a, atn eb' may mach tzcoln 'a yol sc'ab' eb' tz'ixtn eb'.
13'Oj 'o'ch sc'ojl 'a eb' 'emmquil yeq'ui, ax scoln 'el eb' meb'a 'a yol sc'ab' chamel.
14'Oj colxc 'el eb' 'a yol sc'ab' eb' milm cham 'anma', yet' 'a eb' tu snab'en, yujto a eb' meb'a cha, caw niwn yel'ch eb' 'a sat.
15Pitzn cab'n̈ej jun rey tic. 'Ajx cab' q'uen oro yic Sabá 'a 'a. C'anx cab' stzatzl 'a Dios. 'Ajx cab' yaxilal 'a yib'an̈.
16Til cab' 'ixm trigo 'ay 'a sat slu'um, 'ay cab' pax 'ixm 'a lum jolmctac witz. Q'uib' cab' 'ixm sat 'icha wal te te 'a lum Líbano, ax eb' 'ay 'a yol chon̈ab', q'uib' cab' sb'isl eb' 'icha wal te c'ultc 'ay 'a sat lum lu'um.
17B'inax cab' sb'i win rey 'a smasnil tiempo, ya' sb'a 'ayt 'ec' c'u. Smasnil nacion̈ 'a yolyib'n̈q'uinl tic, scha cab' eb' yaxilal yuj winac, yal cab' eb', chajtlto wach' yic eb' yuj winac.
18¡Alx cab' wach' paxti 'a Jehová! Atn qui Diosal an̈ israel on̈c tic, cojn tztac' sb'on tas satjub'tac yilxi.
19Alx cab' wach' paxti 'a sb'i 'a smasnil tiempo. B'inax cab' sb'i 'a smasnil yolyib'n̈q'uinl tic. 'Ixta cab' tz'aji.
20Atn 'a tic tzlajw can c'och slesl rey David, win yunnal Isaí.
Currently Selected:
Sal 72: CSS
Highlight
Share
Copy
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.
Sal 72
72
SALMO 72
Lesl yuj win rey
A jun b'it tic yic Salomón
1Ach in Diosal, 'ac' a tojlal yet' a wach' nab'enal 'a win rey tic yet' yopiso, atn win wunnal an reyn sic'b'iln 'el oj tic,
2sec tojl 'oj yutc ya'n yajlil 'a scal eb' chon̈ab', yet' 'a eb' meb'a'.
3Ya' cab' 'ejm junc'ojlal yet' tojlal 'a scal eb' 'anma'.
4Wach' cab' tzyutj win rey tic sb'on yaj eb' meb'a'. A eb' 'ay tas 'ay sc'a'l tz'och yu'uj, colx cab' 'el yunnal eb' yu'uj. Ax pax eb' 'ixtm 'anma', satx cab' 'el eb' yu'uj.
5Ya' cab' 'ejm sb'a eb' a chon̈b' 'aych 'a smasnil tiempo, ya' sb'a 'ayt 'ec' c'u yet' 'uj.
6Lajn cab' win rey 'icha n̈ab', mto 'icha chicb'chan̈ tz'a'n yaxb'oc sat lum lu'um, yet' pax te c'ultac.
7Niwtj cab' junc'ojlal yet' tojlal 'a yic stiempoal 'aych win rey yajlil, masnto 'oj satl 'uj.
8Ya' cab' win yajlil 'a yib'n̈ smasnil lum lum tzc'och 'a sti a mar Mediterráneo masnto 'a sti a Chac Mar; yet' 'a sti a Éufrates, masnto 'aj tzlajw c'och lum lu'um.
9A eb' 'ajc'ojl yajch 'a winac, eb' cajn 'a lum cusltac lu'um, 'oj yic' 'ejm sb'a eb' 'a 'a.
10A eb' sreyl Tarsis, yet' eb' cajn 'a lum checl 'a snan̈l a mar, eb' sreyl Sabá, yet' pax eb' yic Seba, ya' cab' eb' siylab' yet' stojlb'al 'a win rey.
11Smasnil jun tzo'n̈ xo eb' rey, 'em cab' cumn eb' 'a yojltac. 'Ajx cab' servil yuj smasnil eb' nacion̈.
12Yujto a 'oj colnc 'el eb' meb'a 'oj yal sb'a 'a 'a, atn eb' may mach tzcoln 'a yol sc'ab' eb' tz'ixtn eb'.
13'Oj 'o'ch sc'ojl 'a eb' 'emmquil yeq'ui, ax scoln 'el eb' meb'a 'a yol sc'ab' chamel.
14'Oj colxc 'el eb' 'a yol sc'ab' eb' milm cham 'anma', yet' 'a eb' tu snab'en, yujto a eb' meb'a cha, caw niwn yel'ch eb' 'a sat.
15Pitzn cab'n̈ej jun rey tic. 'Ajx cab' q'uen oro yic Sabá 'a 'a. C'anx cab' stzatzl 'a Dios. 'Ajx cab' yaxilal 'a yib'an̈.
16Til cab' 'ixm trigo 'ay 'a sat slu'um, 'ay cab' pax 'ixm 'a lum jolmctac witz. Q'uib' cab' 'ixm sat 'icha wal te te 'a lum Líbano, ax eb' 'ay 'a yol chon̈ab', q'uib' cab' sb'isl eb' 'icha wal te c'ultc 'ay 'a sat lum lu'um.
17B'inax cab' sb'i win rey 'a smasnil tiempo, ya' sb'a 'ayt 'ec' c'u. Smasnil nacion̈ 'a yolyib'n̈q'uinl tic, scha cab' eb' yaxilal yuj winac, yal cab' eb', chajtlto wach' yic eb' yuj winac.
18¡Alx cab' wach' paxti 'a Jehová! Atn qui Diosal an̈ israel on̈c tic, cojn tztac' sb'on tas satjub'tac yilxi.
19Alx cab' wach' paxti 'a sb'i 'a smasnil tiempo. B'inax cab' sb'i 'a smasnil yolyib'n̈q'uinl tic. 'Ixta cab' tz'aji.
20Atn 'a tic tzlajw can c'och slesl rey David, win yunnal Isaí.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.