Pr 5
5
Tzjuw 'el sb'eyb'al*r* win winc yuj 'ix 'ajmul 'ix
1Ach wunnal, chaj wal ab' in jelnal tic, maclj wal ab' in wach' nab'enal,
2sec 'ixta 'oj 'aj snachj 'el o'oj, ax sta'n a paxtin yet' a jelnal.
3'Ay 'ix 'ix 'ay yichmil, caw wach' spaxtin 'ix. 'Icha schil no yal chab', 'ixta spaxti 'ix cha. Caw c'un tzyutj 'ix yol sjaj smontn paxtinc sb'a,
4palta ax 'a slajub', lajn 'ix 'icha sc'al te 'ixaj, 'icha tzon̈ 'aj qui lajw yuj q'uen espada chab' ye.
5Toto jun tzach 'ec' yet' 'ix, 'oj ach yi't 'ix 'a chamel; a jun sb'e 'ix cha, tojl sc'och 'a chaml cha.
6A 'a 'ix 'ix cha, may yel'ch jun b'e yic q'uinal, mayn̈j tas tzna 'ix, toto wach' jun sb'e 'ix cha, mto man̈ wach'oc.
7Yuj cha, ach wunnal 'ab' wal tas 'oj wala'. Man̈ e'l a b'a 'a in cuynb'il tic.
8'Ij 'el a b'a 'a stz'ey 'ix 'ix 'ay yichmil cha. Man̈ ach c'och 'a stz'ey sti smac yatut 'ix,
9yic wach' matz satl a b'inaxi, sec man̈oc 'a yol sc'ab' junc 'anma to may sniwnc'ojlal 'aj 'oj a chami;
10sec man̈oc junc xo 'anma chi 'oj 'och ricoal yuj a munljel 'ix a b'o yet' smasnil ep.
11Ax 'oj 'ajoc, toxn̈ej 'oj o'cn 'eq'ui, jab'jnal xoj 'oj 'aj sat 'ejm a niwnal.
12Ax to cob' alnc 'ixtic: ¿Tas wal yuj in spatquilj can 'el tennb'il yet' wach' nab'enal?
13Ma'ix in chaj wab' tas xyal eb' in cuyni, ma'ix yal in c'ojl tas xyal eb',
14yuj cha, ticnec caw wal tzin q'uixw 'a sat eb' chon̈b' smasnil, 'oj a chioc.
15Yuj cha, cojn cab' 'a 'ix estzil 'aj tza'ch a nab'en, 'ac' a gana yet' 'ix.
16May cab' onnal tz'el 'a eb' 'ix 'ix tz'ec' 'a yoltc b'e yet' 'a plas.
17A eb' onnal, yet' eb' esil, ec cab' yaj eb' a ch'ocoj, may cab' junc xo chuc 'anmal 'ay yic eb' et'oc.
18Alx cab' wach' paxti 'a 'ix estzil. 'Ac' tzaljoc a c'ojl yet' 'ix estzil ejnac a b'a yet' 'a yic a quelmal.
19Wach'n̈j cab' yilx 'ix 'a a sat; 'icha cab' wal yilx junc no c'ultquil chej. May cab' tz'aj slajw a chamc'ojlal 'a 'ix. 'Ay cab' 'a tzaljc'ojlal yuj schamc'ojlal 'ix 'ayach.
20Ach wunnal, man̈ ac' somchjoc a nab'en yuj junc 'ix 'ajmul 'ix. ¿Tas yuj tza'ch a b'a 'a yol sc'ab' junc 'ix 'ayx yichmil?
21Yujto a Jehová wan yiln sb'eyb'al junjn mach, tzyil tas tzb'o'o.
22A eb' maysch'olnil sb'eyb'al, mun a smaysch'olnilal eb' chi 'oj 'i'nc 'ejmi; mun a smul eb' chi 'oj jalnc 'ejm 'icha junc lasu.
23Yujto matz yamch wan sb'a eb', yuj cha, ax s'atcn eb' 'a chamel; yuj sman̈ nab'enal eb', ax satcn 'el eb', xchi in mam 'ayin.
Currently Selected:
Pr 5: CSS
Highlight
Share
Compare
Copy
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.
Pr 5
5
Tzjuw 'el sb'eyb'al*r* win winc yuj 'ix 'ajmul 'ix
1Ach wunnal, chaj wal ab' in jelnal tic, maclj wal ab' in wach' nab'enal,
2sec 'ixta 'oj 'aj snachj 'el o'oj, ax sta'n a paxtin yet' a jelnal.
3'Ay 'ix 'ix 'ay yichmil, caw wach' spaxtin 'ix. 'Icha schil no yal chab', 'ixta spaxti 'ix cha. Caw c'un tzyutj 'ix yol sjaj smontn paxtinc sb'a,
4palta ax 'a slajub', lajn 'ix 'icha sc'al te 'ixaj, 'icha tzon̈ 'aj qui lajw yuj q'uen espada chab' ye.
5Toto jun tzach 'ec' yet' 'ix, 'oj ach yi't 'ix 'a chamel; a jun sb'e 'ix cha, tojl sc'och 'a chaml cha.
6A 'a 'ix 'ix cha, may yel'ch jun b'e yic q'uinal, mayn̈j tas tzna 'ix, toto wach' jun sb'e 'ix cha, mto man̈ wach'oc.
7Yuj cha, ach wunnal 'ab' wal tas 'oj wala'. Man̈ e'l a b'a 'a in cuynb'il tic.
8'Ij 'el a b'a 'a stz'ey 'ix 'ix 'ay yichmil cha. Man̈ ach c'och 'a stz'ey sti smac yatut 'ix,
9yic wach' matz satl a b'inaxi, sec man̈oc 'a yol sc'ab' junc 'anma to may sniwnc'ojlal 'aj 'oj a chami;
10sec man̈oc junc xo 'anma chi 'oj 'och ricoal yuj a munljel 'ix a b'o yet' smasnil ep.
11Ax 'oj 'ajoc, toxn̈ej 'oj o'cn 'eq'ui, jab'jnal xoj 'oj 'aj sat 'ejm a niwnal.
12Ax to cob' alnc 'ixtic: ¿Tas wal yuj in spatquilj can 'el tennb'il yet' wach' nab'enal?
13Ma'ix in chaj wab' tas xyal eb' in cuyni, ma'ix yal in c'ojl tas xyal eb',
14yuj cha, ticnec caw wal tzin q'uixw 'a sat eb' chon̈b' smasnil, 'oj a chioc.
15Yuj cha, cojn cab' 'a 'ix estzil 'aj tza'ch a nab'en, 'ac' a gana yet' 'ix.
16May cab' onnal tz'el 'a eb' 'ix 'ix tz'ec' 'a yoltc b'e yet' 'a plas.
17A eb' onnal, yet' eb' esil, ec cab' yaj eb' a ch'ocoj, may cab' junc xo chuc 'anmal 'ay yic eb' et'oc.
18Alx cab' wach' paxti 'a 'ix estzil. 'Ac' tzaljoc a c'ojl yet' 'ix estzil ejnac a b'a yet' 'a yic a quelmal.
19Wach'n̈j cab' yilx 'ix 'a a sat; 'icha cab' wal yilx junc no c'ultquil chej. May cab' tz'aj slajw a chamc'ojlal 'a 'ix. 'Ay cab' 'a tzaljc'ojlal yuj schamc'ojlal 'ix 'ayach.
20Ach wunnal, man̈ ac' somchjoc a nab'en yuj junc 'ix 'ajmul 'ix. ¿Tas yuj tza'ch a b'a 'a yol sc'ab' junc 'ix 'ayx yichmil?
21Yujto a Jehová wan yiln sb'eyb'al junjn mach, tzyil tas tzb'o'o.
22A eb' maysch'olnil sb'eyb'al, mun a smaysch'olnilal eb' chi 'oj 'i'nc 'ejmi; mun a smul eb' chi 'oj jalnc 'ejm 'icha junc lasu.
23Yujto matz yamch wan sb'a eb', yuj cha, ax s'atcn eb' 'a chamel; yuj sman̈ nab'enal eb', ax satcn 'el eb', xchi in mam 'ayin.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.