Pr 4
4
A tas wach' tzyac' jelnal
1Ex wunnal, chajec eyab' tas 'oj wala'; macljec eyab'i', sec wach' 'oj eyutc e b'eyb'al.
2A cuynb'il wach' tzwal 'ayex, caw wal tzeya'ilej.
3A yic quelm in 'unin yic 'aynto 'ec' 'a yol yatut in mam, yel xo wal chamc'ojlb'iln yuj in nun.
4Caw tzin scuy in mam cha, tzyaln 'ayn 'ixtic: Molcn jun tzo'n̈ in cuynb'il tic 'a a nab'en, yiclj jun tzo'n̈ tzwal tic sec 'oj najtxb'oc a q'uinal.
5-6'Ij a jelnal yet' a wach' nab'enal, man̈ ac' sat a c'ojl 'a jun tzo'n̈ in cuynb'il tic. Man̈ actc a b'eylb'ani, to 'ixta', may tas 'oj e'ni. Tzaljan̈ yet' jelnal, man̈ a patquilc can 'eli, yu'uj ax a colchj can 'eli.
7'Ac' ep a sayn 'ec' jelnal, yujto 'ec'b'al yel'ch 'a yib'n̈ smasnil tas. Yet' smasnil a c'ojol, tza'n 'och a nab'en 'a 'a.
8Tzaljan̈ yet' jelnal sec 'oj ejx chan̈ yu'uj; nib'j 'ochi sec 'ay el'ch pax 'a sat eb' et 'anma'il.
9Yuj jelnal cha, ax yalx wach' paxti 'ayach, 'icha to 'oj 'ajxoc q'ue junc corona caw wach' yilx 'a a jolm yu'uj.
10Ach wunnal, chaj wal ab' jun tzo'n̈ in cuynb'il tic, sec 'oj najtxb'oc a q'uinal.
11An 'oj ach wi't 'a jun b'eyb'al yic jelnal, a wal jun b'eyb'al caw wach', a 'oj wac' a b'eylb'oc.
12A 'a jun b'eyb'al cha, may tas 'oj a tenn 'och wa'an, wach'xam 'oj 'ac' 'ip a b'eylb'ani, palta may 'oj e'ni.
13'A'ch a nab'en 'a jun cuynb'il tic, man̈ actc cani; yelc'ojlal tza b'eylb'ej, yujto a 'oj 'a'nc a q'uinal.
14Man̈ ach 'och tza'n yuj eb' maysch'olnil sb'eyb'al, man̈ a b'eylb'oc sb'eyb'al eb' cha.
15Man̈ ach 'och 'a scal eb', 'ij 'el a b'a 'a stz'ey eb', 'ac' ep a b'ey 'a stojlal.
16A eb' maysch'olnil cha, caw matz way eb' toto matz b'o eb' stu'al, matz cot swayn̈ eb', toto may mach tzyixtj eb'.
17Caw tznib'jn̈ej eb' sb'o maysch'olnil 'a yit 'anma'il, 'icha qui nib'n wa qui b'a.
18A eb' tojl snab'en, a swach' b'eyb'al eb', caw tzq'ue'ch 'icha yic tzq'uel c'u 'a yic tzsacb'eli, masnto tzowb' yoc c'u cha.
19Palta ax eb' maysch'olnil cha, a sb'eyb'al eb', lajn wal 'icha q'uic'q'uinal, yuj cha, matz yil eb' 'aj tztench eb' yoc.
20Ach wunnal, chaj ab' in cuynb'il tic, maclj wal ab'i'.
21Man̈ ac' sat a c'ojl 'a 'a, to tza molcn wal 'a a nab'en,
22yujto a jun tzo'n̈ cuynb'il tic, a tz'a'n sq'uinl smasnil eb' tz'ilchj yu'uj.
23Tza ya'ilj a nab'en 'a yib'n̈ smasnil tas 'ay 'a yolyib'n̈q'uinl tic, yujto a 'a nab'en cha, a tzach 'i'n b'ey 'a swach'il mto 'a stu'al.
24Man̈ a'ch a b'a 'a'm 'esal, 'actj can aln jun tzo'n̈ cha.
25Yelc'ojlal tza b'eylb'ej stojlal yet' wach' nab'enal, man̈ ach 'at q'ueln 'a tas maysch'olnil.
26Si'mb'il wal tza na tas tza b'eylb'ej, man̈ comnoc tzach 'at 'a scal maysch'olnil.
27Man̈ e'l a b'a 'a jun b'e yic tojlal, palta 'ij 'el a b'a 'a jun b'e yic maysch'olnil.
Currently Selected:
Pr 4: CSS
Highlight
Share
Compare
Copy
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.
Pr 4
4
A tas wach' tzyac' jelnal
1Ex wunnal, chajec eyab' tas 'oj wala'; macljec eyab'i', sec wach' 'oj eyutc e b'eyb'al.
2A cuynb'il wach' tzwal 'ayex, caw wal tzeya'ilej.
3A yic quelm in 'unin yic 'aynto 'ec' 'a yol yatut in mam, yel xo wal chamc'ojlb'iln yuj in nun.
4Caw tzin scuy in mam cha, tzyaln 'ayn 'ixtic: Molcn jun tzo'n̈ in cuynb'il tic 'a a nab'en, yiclj jun tzo'n̈ tzwal tic sec 'oj najtxb'oc a q'uinal.
5-6'Ij a jelnal yet' a wach' nab'enal, man̈ ac' sat a c'ojl 'a jun tzo'n̈ in cuynb'il tic. Man̈ actc a b'eylb'ani, to 'ixta', may tas 'oj e'ni. Tzaljan̈ yet' jelnal, man̈ a patquilc can 'eli, yu'uj ax a colchj can 'eli.
7'Ac' ep a sayn 'ec' jelnal, yujto 'ec'b'al yel'ch 'a yib'n̈ smasnil tas. Yet' smasnil a c'ojol, tza'n 'och a nab'en 'a 'a.
8Tzaljan̈ yet' jelnal sec 'oj ejx chan̈ yu'uj; nib'j 'ochi sec 'ay el'ch pax 'a sat eb' et 'anma'il.
9Yuj jelnal cha, ax yalx wach' paxti 'ayach, 'icha to 'oj 'ajxoc q'ue junc corona caw wach' yilx 'a a jolm yu'uj.
10Ach wunnal, chaj wal ab' jun tzo'n̈ in cuynb'il tic, sec 'oj najtxb'oc a q'uinal.
11An 'oj ach wi't 'a jun b'eyb'al yic jelnal, a wal jun b'eyb'al caw wach', a 'oj wac' a b'eylb'oc.
12A 'a jun b'eyb'al cha, may tas 'oj a tenn 'och wa'an, wach'xam 'oj 'ac' 'ip a b'eylb'ani, palta may 'oj e'ni.
13'A'ch a nab'en 'a jun cuynb'il tic, man̈ actc cani; yelc'ojlal tza b'eylb'ej, yujto a 'oj 'a'nc a q'uinal.
14Man̈ ach 'och tza'n yuj eb' maysch'olnil sb'eyb'al, man̈ a b'eylb'oc sb'eyb'al eb' cha.
15Man̈ ach 'och 'a scal eb', 'ij 'el a b'a 'a stz'ey eb', 'ac' ep a b'ey 'a stojlal.
16A eb' maysch'olnil cha, caw matz way eb' toto matz b'o eb' stu'al, matz cot swayn̈ eb', toto may mach tzyixtj eb'.
17Caw tznib'jn̈ej eb' sb'o maysch'olnil 'a yit 'anma'il, 'icha qui nib'n wa qui b'a.
18A eb' tojl snab'en, a swach' b'eyb'al eb', caw tzq'ue'ch 'icha yic tzq'uel c'u 'a yic tzsacb'eli, masnto tzowb' yoc c'u cha.
19Palta ax eb' maysch'olnil cha, a sb'eyb'al eb', lajn wal 'icha q'uic'q'uinal, yuj cha, matz yil eb' 'aj tztench eb' yoc.
20Ach wunnal, chaj ab' in cuynb'il tic, maclj wal ab'i'.
21Man̈ ac' sat a c'ojl 'a 'a, to tza molcn wal 'a a nab'en,
22yujto a jun tzo'n̈ cuynb'il tic, a tz'a'n sq'uinl smasnil eb' tz'ilchj yu'uj.
23Tza ya'ilj a nab'en 'a yib'n̈ smasnil tas 'ay 'a yolyib'n̈q'uinl tic, yujto a 'a nab'en cha, a tzach 'i'n b'ey 'a swach'il mto 'a stu'al.
24Man̈ a'ch a b'a 'a'm 'esal, 'actj can aln jun tzo'n̈ cha.
25Yelc'ojlal tza b'eylb'ej stojlal yet' wach' nab'enal, man̈ ach 'at q'ueln 'a tas maysch'olnil.
26Si'mb'il wal tza na tas tza b'eylb'ej, man̈ comnoc tzach 'at 'a scal maysch'olnil.
27Man̈ e'l a b'a 'a jun b'e yic tojlal, palta 'ij 'el a b'a 'a jun b'e yic maysch'olnil.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.