Job 22
22
A yoxc'ajil c'umjb'a
(Caps. 22—27)
1Xlajw cha, xta'w win Elifaz, 'ix yaln win 'ixtic:
2Toc 'ay tas 'oj yic' Dios 'a spatc junc 'anma', toxn̈ej to caw jelan.
3Q'uinloc caw tojl tzotj a b'a, mto may a mul, ¿tom 'ay tas 'oj yic' Dios jun tztac' yuj smasnil 'a a patquil?
4Man̈ yujoc a yiclumal mto yuj a wach'il tzach ya'n cuenta Dios yet' yailal,
5palta yel xo wal niwn a mul 'a sat, man̈x alchjb'enoc a mul cha.
6Yujto xlaj a c'anc' spichl eb' meb'a 'anma smajnub'loc junc tas tzac' smajnc cha.
7-8Wach'xam b'inab'il ach, to ec smasnil lum lum tic, palta a mach 'ay stacn̈ti'al ¿tom 'ay tas xac' yuc'? A mach 'ay swejel, ¿tom xac' wa'oc?
9A eb' 'ix 'ix chamnc yichmil, 'ix ac' meltzjoc eb' 'ix 'a 'ichn̈jta', toc 'ay jac tas xac' 'a eb' 'ix. Ax eb' meb'a 'unn chamnc smam, 'ix laj e'c tas 'ay 'a eb'.
10Atn yuj cha, tz'och 'oyn maysch'olnil 'ayach, tzach somchj chan̈ yuj tas 'ay smay.
11Coynto scal q'uic'q'uinl xoj 'aj 'aych 'eq'ui, man̈xtzac stac' eln xon jab'oc; 'icha to a a 'elmal a wan ach yi'n 'ati.
12A Dios, ata 'ay 'a yib'n̈ satcha'an̈; ax c'anal, caw wal najtto tzcan 'a sat lum tic.
13Ach tic tzcob' ala', ¿toc tztac' on̈ yiln Dios yuj tas tzqui b'o'o, yujto oyn 'och 'asn yen̈loc? xa chi.
14Tzaln paxi, matz yil Dios, yujto 'ajm tz'ec' b'eyc'oc 'a sti 'el satchan̈ cha, 'oyn 'och 'asn 'a 'a, toc tzyila, xa chi.
15¿Tom tza nib'j tzach 'och tza'n yuj sb'eyb'al eb' pecti 'anma maysch'olnil sb'eyb'al?
16A eb' cha, seb' chamnc eb' mu'c 'icha tzyac' junc mach tz'ijx 'at yuj a 'elmal a'.
17Xlaj yal eb' 'ixtc 'a Dios tztac' yuj smasnil: Man̈ on̈ a tzuntzoc, toc 'ay tas 'oj ec' 'a qui patquil on̈, xchi eb'.
18Palta b'i'an, a x'a'n b'ut'joc 'el yol yatut eb' yet' smasnil tas 'ay 'a eb'. An tic, ma'oj in b'eylb'oc sb'eyb'al eb' maysch'olnil snab'en cha.
19A yic 'oj yilnc eb' wach' snab'en slajw 'ejm eb' maysch'olnil sb'eyb'al, caw 'oj tzaljoc eb'. Ax laj stzewj eb',
20yic 'oj yilnc eb' stz'a 'ejm smasnil sricoal eb' tu sb'eyb'al cha.
21¿Tas yuj matz ach 'ochx 'a junc'ojlal yet' Dios, sec wach' 'oj ya'x a ricoal jun 'ejm xo?
22Comnoc tza chaj ab' tas tzyala, tza moln can spaxti chi 'a a nab'en.
23Toto tzej 'ejm a b'a 'a Dios jun tztac' yuj smasnil, tzach meltzj pax 'a 'a, 'oj ejx pax chan̈ yu'uj, ax yel smasnil yailal chi 'a yol atut.
24Man̈x a nib'c 'och q'uen oro, 'icha cab' xoj yilx pococ, 'ixta cab' eln 'och q'ue'en, mto 'icha xoj cab' eb' q'uen q'uen 'a yol sb'e a'.
25A Dios tztac' yuj smasnil, a 'oj 'ochx et'oc, ax sniwtj pax tas 'ay 'ayach, til wal 'oj 'aj q'uen plata chi 'aych jun 'ejm xo.
26Caw wal 'oj a tzalj pax yet' Dios cha, 'oj a'ch pax yipc a c'ojol.
27Toto 'ay tas 'oj a c'an 'a 'a, 'oj yab'i', ax ya'n 'ayach, tza'n 'el'choc pax a ti tza'cn 'a 'a.
28Ax tas 'oj laj a b'o', caw wach' 'oj 'el'choc smasnil; 'oj yac' sacq'uinl 'a eb'n̈ 'aj tzach 'eq'ui.
29A Dios 'oj 'i'nc can 'ejm eb' tzyij chan̈ sb'a, ax scolwj yet' eb' 'emmquilal yeq'ui.
30A tzcolwj 'a eb' may smul, 'oj a colx yu'uj, toto may a mul 'a sat, xchi Elifaz.
Currently Selected:
Job 22: CSS
Highlight
Share
Copy
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.
Job 22
22
A yoxc'ajil c'umjb'a
(Caps. 22—27)
1Xlajw cha, xta'w win Elifaz, 'ix yaln win 'ixtic:
2Toc 'ay tas 'oj yic' Dios 'a spatc junc 'anma', toxn̈ej to caw jelan.
3Q'uinloc caw tojl tzotj a b'a, mto may a mul, ¿tom 'ay tas 'oj yic' Dios jun tztac' yuj smasnil 'a a patquil?
4Man̈ yujoc a yiclumal mto yuj a wach'il tzach ya'n cuenta Dios yet' yailal,
5palta yel xo wal niwn a mul 'a sat, man̈x alchjb'enoc a mul cha.
6Yujto xlaj a c'anc' spichl eb' meb'a 'anma smajnub'loc junc tas tzac' smajnc cha.
7-8Wach'xam b'inab'il ach, to ec smasnil lum lum tic, palta a mach 'ay stacn̈ti'al ¿tom 'ay tas xac' yuc'? A mach 'ay swejel, ¿tom xac' wa'oc?
9A eb' 'ix 'ix chamnc yichmil, 'ix ac' meltzjoc eb' 'ix 'a 'ichn̈jta', toc 'ay jac tas xac' 'a eb' 'ix. Ax eb' meb'a 'unn chamnc smam, 'ix laj e'c tas 'ay 'a eb'.
10Atn yuj cha, tz'och 'oyn maysch'olnil 'ayach, tzach somchj chan̈ yuj tas 'ay smay.
11Coynto scal q'uic'q'uinl xoj 'aj 'aych 'eq'ui, man̈xtzac stac' eln xon jab'oc; 'icha to a a 'elmal a wan ach yi'n 'ati.
12A Dios, ata 'ay 'a yib'n̈ satcha'an̈; ax c'anal, caw wal najtto tzcan 'a sat lum tic.
13Ach tic tzcob' ala', ¿toc tztac' on̈ yiln Dios yuj tas tzqui b'o'o, yujto oyn 'och 'asn yen̈loc? xa chi.
14Tzaln paxi, matz yil Dios, yujto 'ajm tz'ec' b'eyc'oc 'a sti 'el satchan̈ cha, 'oyn 'och 'asn 'a 'a, toc tzyila, xa chi.
15¿Tom tza nib'j tzach 'och tza'n yuj sb'eyb'al eb' pecti 'anma maysch'olnil sb'eyb'al?
16A eb' cha, seb' chamnc eb' mu'c 'icha tzyac' junc mach tz'ijx 'at yuj a 'elmal a'.
17Xlaj yal eb' 'ixtc 'a Dios tztac' yuj smasnil: Man̈ on̈ a tzuntzoc, toc 'ay tas 'oj ec' 'a qui patquil on̈, xchi eb'.
18Palta b'i'an, a x'a'n b'ut'joc 'el yol yatut eb' yet' smasnil tas 'ay 'a eb'. An tic, ma'oj in b'eylb'oc sb'eyb'al eb' maysch'olnil snab'en cha.
19A yic 'oj yilnc eb' wach' snab'en slajw 'ejm eb' maysch'olnil sb'eyb'al, caw 'oj tzaljoc eb'. Ax laj stzewj eb',
20yic 'oj yilnc eb' stz'a 'ejm smasnil sricoal eb' tu sb'eyb'al cha.
21¿Tas yuj matz ach 'ochx 'a junc'ojlal yet' Dios, sec wach' 'oj ya'x a ricoal jun 'ejm xo?
22Comnoc tza chaj ab' tas tzyala, tza moln can spaxti chi 'a a nab'en.
23Toto tzej 'ejm a b'a 'a Dios jun tztac' yuj smasnil, tzach meltzj pax 'a 'a, 'oj ejx pax chan̈ yu'uj, ax yel smasnil yailal chi 'a yol atut.
24Man̈x a nib'c 'och q'uen oro, 'icha cab' xoj yilx pococ, 'ixta cab' eln 'och q'ue'en, mto 'icha xoj cab' eb' q'uen q'uen 'a yol sb'e a'.
25A Dios tztac' yuj smasnil, a 'oj 'ochx et'oc, ax sniwtj pax tas 'ay 'ayach, til wal 'oj 'aj q'uen plata chi 'aych jun 'ejm xo.
26Caw wal 'oj a tzalj pax yet' Dios cha, 'oj a'ch pax yipc a c'ojol.
27Toto 'ay tas 'oj a c'an 'a 'a, 'oj yab'i', ax ya'n 'ayach, tza'n 'el'choc pax a ti tza'cn 'a 'a.
28Ax tas 'oj laj a b'o', caw wach' 'oj 'el'choc smasnil; 'oj yac' sacq'uinl 'a eb'n̈ 'aj tzach 'eq'ui.
29A Dios 'oj 'i'nc can 'ejm eb' tzyij chan̈ sb'a, ax scolwj yet' eb' 'emmquilal yeq'ui.
30A tzcolwj 'a eb' may smul, 'oj a colx yu'uj, toto may a mul 'a sat, xchi Elifaz.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.