Job 21
21
1Yuj cha, 'ix ta'w Job, xyaln 'ixtic:
2A wal tas 'aj wan wi'n in niwnc'ojlal eyu'uj, to tze maclj eyab' tas tzwala.
3'A'c wal niwnc'ojlal 'ayin ya' sb'a wanto in paxtini, tzlajw cab' in paxtin tic, tzin e tzetzn cab' paxi.
4An tic, man̈oc yet' junc 'anma tzwac' owal; yuj cha, tzwutznan in c'ojol.
5Toto tze maclj wal eyab' tas tzwala, 'oj e xiw cha'an̈, ax e sucb' can 'eli.
6A yic tzin nan cot jun tzo'n̈ cha, caw tzin xiw chan̈ yu'uj, tzchinchni in niwnal xiwi.
7¿Tas laj wal yuj an̈ja pitzn eb' 'anma tu snab'en tic? Caw wal tz'och eb' 'ichm 'anma'il, til wal pax tas 'ay 'a eb'.
8Tzyil eb' sq'uib'cn yunnal yet' yixchiquin, tz'och wal oyn eb' 'a stz'ey eb'.
9Toc 'ay tas tzna eb', junc'ojlal yaj eb' 'a yet'ul; toc 'ay syailal eb' tz'ajx yuj Dios.
10Caw wal wach' sq'uib' squelmtac wacx eb'; toc 'ay yune swacx eb' chi tzchami.
11Ax yunnal eb', til wal sja'l stajn eb', tzlaj b'atj chan̈ eb' yic tzlaj 'ec' eb', lajn yec' eb' 'icha e no cotc calnelu sja'l stajni.
12Ax yic tzlaj 'och son yet' arpa, tinab' mto flauta, caw wal tzq'ue b'atnjoc eb' 'unn chi yuj tzaljc'ojlal.
13Til wal tas 'ay 'a eb' tu snab'en cha yic tzcham eb', caw tzaljc'ojlal tz'aj smucx can eb' 'a campusan.
14Tzyaln eb' 'ixtc 'a Dios tztac' yuj smasnil: Man̈ on̈ a tzuntzc on̈, yujto an̈ tic, matz qui nib'j qui b'eylb'oc tas tzyal a ley.
15¿Tas wal 'oj cac' ganar yic tzcob' ach ca'nc servil, yic tzcaln qui b'a 'ayach? xchi eb'.
16Palta a eb' maysch'olnil snab'en cha, may junc tas 'ay 'a yol sc'ab' eb' to caw yico', yuj cha, caw matz in nib'j sb'eyb'al eb' cha.
17¿Tom comn xoj tz'ec' sq'uinl eb' maysch'olnil chi 'icha tz'aj stup sc'a'l junc cantil? Toc tzcomn jaw yailal 'a yib'n̈ eb'. Toc tzcomn cot yowl sc'ojl Dios 'a eb'.
18¿Tom comn xoj tzsactzic eb' 'icha tzyac' te 'ac tzma' chan̈ chacxuxm'ic'?
19'Ay mach tzalni, to at eb' 'unnab'il tztojn lajwc smul smam yuj Dios. Palta an tic, tzwala to a eb' maysch'olnil tzyutj sb'a, a eb' smoj stojn lajwc smul cha, sec tznachj 'el yuj eb' to yuj smul eb' 'ixta tz'aj eb'.
20A eb' maysch'olnil snab'en, smoj wal schan eb' syailal yuj yowl sc'ojl jun Dios tztac' yuj smasnil.
21Yujto jun 'ejmn̈ej tzchamcn eb', toc 'ayt tas wach' yutn eb', wach'xam 'ay tas tzjaw 'a yib'n̈ eb' yunnal eb' cha.
22Palta ¿mach wal junc tztac' scuywj 'a Dios, atn jun tzb'eyc'ojlan smasnil eb' cajn 'a satcha'an̈?
23'Ay wal mach caw te'nto yip yic tzchami, caw tzalji, toc 'ay tas tzna'a;
24caw wach' sayn wa sb'a, caw wach'n̈j sc'ojol.
25'Ay pax mach caw wal teb'il tz'ec' yu'uj, toxn may jac tas wach' tzc'ux 'a yolyib'n̈q'uinl tic, tzchami.
26Palta ax 'a yol lum 'aj tzmucx eb' tzcham cha, lajn xoj tz'aj eb' 'anma ta', a no ay tzwa 'a schib'jal eb'.
27Wojtac tas wan e nan 'a in patic, 'ay jun tzo'n̈ tu nab'enal wan e nani.
28¿Tas yuj tze na 'ixtic? ¿'Ajtil laj 'oj can yatut win maysch'olnil tic, win yajl tzyutj sb'a tic? 'in xe chi.
29¿Tom may 'aj tzex paxtin yet' eb' 'anma tzlaj b'ey 'a b'e? ¿Tom may 'aj tzeyab' tas tzyal eb'?
30A yic tzcot yowl sc'ojl Dios, yajn̈ej tzya'n cot yailal, ax eb' maysch'olnil sb'eyb'al, toc 'ay tz'i'n eb'.
31Toc 'ay mach tzaln 'och smul eb' 'a sat, may mach tztac' ya'n spac 'a eb'.
32Ax yic tz'at eb' mucxoc, tz'och stan̈mal eb' 'aj tzmucx cha.
33Caw wal siclab'nac jun lum chi 'aj tzcan eb' chi tzyab'i, til wal eb' tz'och tza'n yuj eb', 'ay pax eb' b'ab'ljnacx yuj eb'.
34¿Tas wal 'oj eyutc eya'n sniwnal in c'ojol? A jun tzo'n̈ tas xeyal 'ayn tic, may jac yel'chi, man̈ yelc xon eb', xchi Job.
Currently Selected:
Job 21: CSS
Highlight
Share
Copy
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.
Job 21
21
1Yuj cha, 'ix ta'w Job, xyaln 'ixtic:
2A wal tas 'aj wan wi'n in niwnc'ojlal eyu'uj, to tze maclj eyab' tas tzwala.
3'A'c wal niwnc'ojlal 'ayin ya' sb'a wanto in paxtini, tzlajw cab' in paxtin tic, tzin e tzetzn cab' paxi.
4An tic, man̈oc yet' junc 'anma tzwac' owal; yuj cha, tzwutznan in c'ojol.
5Toto tze maclj wal eyab' tas tzwala, 'oj e xiw cha'an̈, ax e sucb' can 'eli.
6A yic tzin nan cot jun tzo'n̈ cha, caw tzin xiw chan̈ yu'uj, tzchinchni in niwnal xiwi.
7¿Tas laj wal yuj an̈ja pitzn eb' 'anma tu snab'en tic? Caw wal tz'och eb' 'ichm 'anma'il, til wal pax tas 'ay 'a eb'.
8Tzyil eb' sq'uib'cn yunnal yet' yixchiquin, tz'och wal oyn eb' 'a stz'ey eb'.
9Toc 'ay tas tzna eb', junc'ojlal yaj eb' 'a yet'ul; toc 'ay syailal eb' tz'ajx yuj Dios.
10Caw wal wach' sq'uib' squelmtac wacx eb'; toc 'ay yune swacx eb' chi tzchami.
11Ax yunnal eb', til wal sja'l stajn eb', tzlaj b'atj chan̈ eb' yic tzlaj 'ec' eb', lajn yec' eb' 'icha e no cotc calnelu sja'l stajni.
12Ax yic tzlaj 'och son yet' arpa, tinab' mto flauta, caw wal tzq'ue b'atnjoc eb' 'unn chi yuj tzaljc'ojlal.
13Til wal tas 'ay 'a eb' tu snab'en cha yic tzcham eb', caw tzaljc'ojlal tz'aj smucx can eb' 'a campusan.
14Tzyaln eb' 'ixtc 'a Dios tztac' yuj smasnil: Man̈ on̈ a tzuntzc on̈, yujto an̈ tic, matz qui nib'j qui b'eylb'oc tas tzyal a ley.
15¿Tas wal 'oj cac' ganar yic tzcob' ach ca'nc servil, yic tzcaln qui b'a 'ayach? xchi eb'.
16Palta a eb' maysch'olnil snab'en cha, may junc tas 'ay 'a yol sc'ab' eb' to caw yico', yuj cha, caw matz in nib'j sb'eyb'al eb' cha.
17¿Tom comn xoj tz'ec' sq'uinl eb' maysch'olnil chi 'icha tz'aj stup sc'a'l junc cantil? Toc tzcomn jaw yailal 'a yib'n̈ eb'. Toc tzcomn cot yowl sc'ojl Dios 'a eb'.
18¿Tom comn xoj tzsactzic eb' 'icha tzyac' te 'ac tzma' chan̈ chacxuxm'ic'?
19'Ay mach tzalni, to at eb' 'unnab'il tztojn lajwc smul smam yuj Dios. Palta an tic, tzwala to a eb' maysch'olnil tzyutj sb'a, a eb' smoj stojn lajwc smul cha, sec tznachj 'el yuj eb' to yuj smul eb' 'ixta tz'aj eb'.
20A eb' maysch'olnil snab'en, smoj wal schan eb' syailal yuj yowl sc'ojl jun Dios tztac' yuj smasnil.
21Yujto jun 'ejmn̈ej tzchamcn eb', toc 'ayt tas wach' yutn eb', wach'xam 'ay tas tzjaw 'a yib'n̈ eb' yunnal eb' cha.
22Palta ¿mach wal junc tztac' scuywj 'a Dios, atn jun tzb'eyc'ojlan smasnil eb' cajn 'a satcha'an̈?
23'Ay wal mach caw te'nto yip yic tzchami, caw tzalji, toc 'ay tas tzna'a;
24caw wach' sayn wa sb'a, caw wach'n̈j sc'ojol.
25'Ay pax mach caw wal teb'il tz'ec' yu'uj, toxn may jac tas wach' tzc'ux 'a yolyib'n̈q'uinl tic, tzchami.
26Palta ax 'a yol lum 'aj tzmucx eb' tzcham cha, lajn xoj tz'aj eb' 'anma ta', a no ay tzwa 'a schib'jal eb'.
27Wojtac tas wan e nan 'a in patic, 'ay jun tzo'n̈ tu nab'enal wan e nani.
28¿Tas yuj tze na 'ixtic? ¿'Ajtil laj 'oj can yatut win maysch'olnil tic, win yajl tzyutj sb'a tic? 'in xe chi.
29¿Tom may 'aj tzex paxtin yet' eb' 'anma tzlaj b'ey 'a b'e? ¿Tom may 'aj tzeyab' tas tzyal eb'?
30A yic tzcot yowl sc'ojl Dios, yajn̈ej tzya'n cot yailal, ax eb' maysch'olnil sb'eyb'al, toc 'ay tz'i'n eb'.
31Toc 'ay mach tzaln 'och smul eb' 'a sat, may mach tztac' ya'n spac 'a eb'.
32Ax yic tz'at eb' mucxoc, tz'och stan̈mal eb' 'aj tzmucx cha.
33Caw wal siclab'nac jun lum chi 'aj tzcan eb' chi tzyab'i, til wal eb' tz'och tza'n yuj eb', 'ay pax eb' b'ab'ljnacx yuj eb'.
34¿Tas wal 'oj eyutc eya'n sniwnal in c'ojol? A jun tzo'n̈ tas xeyal 'ayn tic, may jac yel'chi, man̈ yelc xon eb', xchi Job.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.