Job 14
14
1An̈ 'anman̈ tzon̈ 'alj 'el 'a yolyib'n̈q'uinl tic, caw jab' wal qui q'uinal, scal pax yailal tz'aj yec' tiempo cuj on̈.
2Lajn on̈ 'icha junc nichte wanto cob' spojli, ax tz'aji, tztacj pax 'el muc'uc; 'ixta yec' qui q'uinl on̈, lajn pax tz'aj yec' 'icha junc wewen.
3Ach tic Mamin, q'ueln ach 'ochn̈ej 'ayin, tza nib'j wal tzin a b'eyc'ojlej.
4¿Toc 'ayn̈ tztac' qui b'on swach'il, 'into 'aych xon maysch'olnil 'ayn̈ on̈?
5Yujto ach tic, ach tzac' sq'uinl junjn 'anma', checl yaj jantc sb'isl sc'ul tzyila, matz tac' yec' jaye'ocx c'u yu'uj.
6'Ij 'el a sat 'ayin sec tzin can 'a junc'ojlal, ya' sb'a tzlajw c'och in q'uinl 'icha junc mach tzmunlj 'a junjn c'u.
7A yic tzu'x 'el junc te te', cojc si'mb'il to 'oj wolnc te', ax te swol chi 'oj q'uib'xi.
8Wach'xam caw 'ichm xo te sch'an̈l yib' cha, mto wan sc'a te yib' cha,
9palta a yic tzc'och sical a a 'a te', 'oj yaxb'oc pax te jun 'ejm xo, ax swoln te'.
10An̈ xo pax an̈ 'anman̈ tic on̈, a yic tzon̈ chami, jun 'ejmn̈ej tzon̈ chami. 'Ajm til tzon̈ c'ochcn on̈, ¿tom 'ayt 'aj tzon̈ 'ilx pax jun 'ejm xo?
11'Icha wal tz'aj sq'ue wan xob' a mar, mto 'icha tz'aj stacj chan̈ eb' a niwc a tzb'eyi,
12'ixta tzon̈ 'aj qui cham an̈ 'anman̈ tic on̈. Ya' sb'a 'ayt 'ec' satchan̈ tic, may wal junc chamnc 'anma 'oj comn pitzwc chan̈ 'aj mucan, mto 'oj comn q'ue wan 'a yet'l cha.
13Comnoc wal tzin a c'ub'j 'el yet' chaml muc'uc, sec tz'ec' yowl a c'ojl tic 'a wib'an̈, ax a nani b'a'n̈ tzin a na paxta.
14A junc 'anma tzchami ¿tom 'oj pitzwc paxi? Palta an xo tic, 'oj wac' techjoc in yailal, masnto 'oj c'och sc'ul wel 'a libre.
15A yic cha, 'oj awj 'ayin, 'oj in ta'w 'ayach, caw 'oj a tzalj am in eln 'ochi, yujto ach b'ojnac in.
16A ticnec q'ueln ach 'och 'a in b'eyb'al, axam 'a yic jun c'ul cha, man̈x 'oj ec' am cuenta 'a in b'eyb'al.
17'Oj ac' sat a c'ojl a in maysch'olnilal cha, ax a sucn sat in mul.
18A eb' lum niwc witz, a yic tzlaj 'elt eb' lum c'acpil, tzsat 'ejm eb' lum 'a yet'l cha, ax eb' q'uen niwc q'ue'en, tzlaj 'el pax eb' q'uen 'a yet'ul.
19An̈jtona', 'icha tz'aj yul eb' q'uen q'uen 'a yol sb'e a', mto 'icha tz'aj yijx 'at sat lum lum yuj n̈ab', 'ixta wal tzotj a'n lajwc 'ejm tas 'aych cob' yipc qui c'ojl an̈ 'anman̈ tic on̈.
20Ach tzon̈ ac' sat 'ejm 'a jun 'ejmn̈ej, tza jelmtan quilx on̈ yic tzon̈ e'n 'el 'a sat lum lum tic on̈.
21Ax eb' cunnal on̈, man̈x cojcoc tas tz'aj 'el'ch eb'. To 'ay eb' niwn yel'ch 'oj 'ajoc, mto 'ay eb' 'emmquilal 'oj 'ajcni, man̈x 'a mach 'oj alnc 'ayn̈ yuj eb' on̈.
22A qui yailal junjn on̈, a chi tzqui na'a, yujto tzcab' wal syal yoch 'a qui niwnal tic, xchi Job.
Currently Selected:
Job 14: CSS
Highlight
Share
Copy
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.
Job 14
14
1An̈ 'anman̈ tzon̈ 'alj 'el 'a yolyib'n̈q'uinl tic, caw jab' wal qui q'uinal, scal pax yailal tz'aj yec' tiempo cuj on̈.
2Lajn on̈ 'icha junc nichte wanto cob' spojli, ax tz'aji, tztacj pax 'el muc'uc; 'ixta yec' qui q'uinl on̈, lajn pax tz'aj yec' 'icha junc wewen.
3Ach tic Mamin, q'ueln ach 'ochn̈ej 'ayin, tza nib'j wal tzin a b'eyc'ojlej.
4¿Toc 'ayn̈ tztac' qui b'on swach'il, 'into 'aych xon maysch'olnil 'ayn̈ on̈?
5Yujto ach tic, ach tzac' sq'uinl junjn 'anma', checl yaj jantc sb'isl sc'ul tzyila, matz tac' yec' jaye'ocx c'u yu'uj.
6'Ij 'el a sat 'ayin sec tzin can 'a junc'ojlal, ya' sb'a tzlajw c'och in q'uinl 'icha junc mach tzmunlj 'a junjn c'u.
7A yic tzu'x 'el junc te te', cojc si'mb'il to 'oj wolnc te', ax te swol chi 'oj q'uib'xi.
8Wach'xam caw 'ichm xo te sch'an̈l yib' cha, mto wan sc'a te yib' cha,
9palta a yic tzc'och sical a a 'a te', 'oj yaxb'oc pax te jun 'ejm xo, ax swoln te'.
10An̈ xo pax an̈ 'anman̈ tic on̈, a yic tzon̈ chami, jun 'ejmn̈ej tzon̈ chami. 'Ajm til tzon̈ c'ochcn on̈, ¿tom 'ayt 'aj tzon̈ 'ilx pax jun 'ejm xo?
11'Icha wal tz'aj sq'ue wan xob' a mar, mto 'icha tz'aj stacj chan̈ eb' a niwc a tzb'eyi,
12'ixta tzon̈ 'aj qui cham an̈ 'anman̈ tic on̈. Ya' sb'a 'ayt 'ec' satchan̈ tic, may wal junc chamnc 'anma 'oj comn pitzwc chan̈ 'aj mucan, mto 'oj comn q'ue wan 'a yet'l cha.
13Comnoc wal tzin a c'ub'j 'el yet' chaml muc'uc, sec tz'ec' yowl a c'ojl tic 'a wib'an̈, ax a nani b'a'n̈ tzin a na paxta.
14A junc 'anma tzchami ¿tom 'oj pitzwc paxi? Palta an xo tic, 'oj wac' techjoc in yailal, masnto 'oj c'och sc'ul wel 'a libre.
15A yic cha, 'oj awj 'ayin, 'oj in ta'w 'ayach, caw 'oj a tzalj am in eln 'ochi, yujto ach b'ojnac in.
16A ticnec q'ueln ach 'och 'a in b'eyb'al, axam 'a yic jun c'ul cha, man̈x 'oj ec' am cuenta 'a in b'eyb'al.
17'Oj ac' sat a c'ojl a in maysch'olnilal cha, ax a sucn sat in mul.
18A eb' lum niwc witz, a yic tzlaj 'elt eb' lum c'acpil, tzsat 'ejm eb' lum 'a yet'l cha, ax eb' q'uen niwc q'ue'en, tzlaj 'el pax eb' q'uen 'a yet'ul.
19An̈jtona', 'icha tz'aj yul eb' q'uen q'uen 'a yol sb'e a', mto 'icha tz'aj yijx 'at sat lum lum yuj n̈ab', 'ixta wal tzotj a'n lajwc 'ejm tas 'aych cob' yipc qui c'ojl an̈ 'anman̈ tic on̈.
20Ach tzon̈ ac' sat 'ejm 'a jun 'ejmn̈ej, tza jelmtan quilx on̈ yic tzon̈ e'n 'el 'a sat lum lum tic on̈.
21Ax eb' cunnal on̈, man̈x cojcoc tas tz'aj 'el'ch eb'. To 'ay eb' niwn yel'ch 'oj 'ajoc, mto 'ay eb' 'emmquilal 'oj 'ajcni, man̈x 'a mach 'oj alnc 'ayn̈ yuj eb' on̈.
22A qui yailal junjn on̈, a chi tzqui na'a, yujto tzcab' wal syal yoch 'a qui niwnal tic, xchi Job.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.