Job 13
13
1Smasnil jun tzo'n̈ tic, caw xcham wal in maclni wila', xcham in maclni pax wab'i'.
2A tas eyojc ax tic, wojc pax jun xo; man̈toc yel xo 'emnc in c'ojlani.
3Palta tzin nib'j tzin paxtin yet' Dios, atn jun tztac' yuj smasnil, a yet' tzin nib'j tzin tej in b'a.
4Ax tic, yuj eya'm 'esal tze c'ub'n 'el tas yel; lajn ex yet' junc 'a'm remel, to may jac tzb'o yu'uj.
5Comnoc sictac tzex 'aji, toto 'ixta', caw wal 'ay e nab'en.
6Chajec eyab' tas 'oj wala', 'oj wal 'ayex tas nab'il wu'uj.
7¿Am tzeyutj e nani to 'oj stac' e colwj 'a Dios yet' eya'm 'esal? ¿Am tzeyutj e nani to 'ay tas 'oj yac' ganar 'a spatic?
8¿Tom 'oj stac' eya'n e b'a yuj Dios, yic tzcob' eya'lnoc e colni?
9Palta q'uinloc tzex sb'eyc'ojlej Dios, ¿tas 'oj eyutc e b'a? ¿tom 'oj stac' eyixtn paxti 'icha tzeyutj junc 'anma'?
10Wach'xam c'ultac tzeya'ch e b'a yet' Dios, palta 'oj ex stumc wal si'mb'il.
11A Dios caw niwn yel'chi, yujn̈ej smay ax eyib'x yuj xiwlal.
12A jun tzo'n̈ cuynb'il yic eb' qui mam quicham 'in a tze c'anlb'ej, a jun tzo'n̈ cha may yopiso, lajn 'icha q'uen stan̈il c'ac'; lajn pax 'icha to lum tzca'ch smuroalc qui chon̈ab'.
13A ticnec sictac tzex 'aji, to 'oj in paxtini, toxn̈ej tzcot 'a wib'n̈ yuj tas 'oj wal tic.
14¿Tas wal tzwac' ganar tzcob' in colnc 'el in q'uinal? Yel xo wach' tzwac' in b'a 'a yol sc'ab' jun 'ay smay.
15Wach'xam yuj cha tzin smiln cham Dios, palta 'oj wa'chn̈ej Dios yipc in c'ojol, 'oj in col in b'a 'a yojltac.
16Lemb'il pax ata 'oj wac' ganar in colnb'il, yujto a junc maysch'olnil snab'en, matz te'wtzej sb'a sc'och 'a yojltac Dios.
17Tzcham wal e maclni eyab' tas 'oj wala', sec 'oj eyab' wal si'mb'il.
18A ticnec, tox xin na'a tas tzwutj in coln in b'a, yujto wojtac to wach' 'oj wel'chi.
19Toto 'ay mach tzalni to caw 'ay in mul, wach' cab' tzin 'och wan walni, tztac' cab' in cham b'i'an.
20Ach in Diosal, cojn chab' tas tzin c'an 'ayach, 'ixta to b'i'an tztac' in c'och 'a ojltac.
21'Actj a'n 'och in yailal, tzactn in a xib'tn yet' tas caw 'ay smay.
22'Awjan̈ 'ayin, 'oj in ta'w 'ayach; mto an tzin b'ab'l 'awj 'ayach, ta'wan̈ pax 'ayin.
23Al 'ayin 'ajtil xlaj 'och in mul, 'ajtil 'ay tas tu xwutej. 'Ajtil 'ay chi 'aj in 'ec' 'a yib'an̈.
24¿Tas yuj tza c'ub'j 'el a b'a 'ayin? ¿Tas yuj 'icha junc 'ajc'ojol, 'ixta tzin otej?
25Lajn in 'icha junc xilte tz'at yuj 'ic', mto 'icha junc te tacn̈ 'ac, yuj cha, ¿tas yuj tzin a xib'tej? ¿tas yuj an̈ja in a pechn b'eyc'oc?
26Caw wal ya tas tzal 'ayn tzwab'i, tza c'anb'n cot 'ayin, 'aj xlaj 'och in paltail 'a yic quelm in 'unin.
27Xa'n 'ajxc 'och q'uen cadena 'a woc, q'ueln ach 'och 'ayin 'aj tzin laj 'eq'ui, checln̈ej 'aj wach' wec' o'oj.
28A 'in niwnal tic, wan sjuw 'icha junc pichl 'ayx 'och yijal; mto 'icha junc tas wan xo sc'a'i.
Currently Selected:
Job 13: CSS
Highlight
Share
Copy
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.
Job 13
13
1Smasnil jun tzo'n̈ tic, caw xcham wal in maclni wila', xcham in maclni pax wab'i'.
2A tas eyojc ax tic, wojc pax jun xo; man̈toc yel xo 'emnc in c'ojlani.
3Palta tzin nib'j tzin paxtin yet' Dios, atn jun tztac' yuj smasnil, a yet' tzin nib'j tzin tej in b'a.
4Ax tic, yuj eya'm 'esal tze c'ub'n 'el tas yel; lajn ex yet' junc 'a'm remel, to may jac tzb'o yu'uj.
5Comnoc sictac tzex 'aji, toto 'ixta', caw wal 'ay e nab'en.
6Chajec eyab' tas 'oj wala', 'oj wal 'ayex tas nab'il wu'uj.
7¿Am tzeyutj e nani to 'oj stac' e colwj 'a Dios yet' eya'm 'esal? ¿Am tzeyutj e nani to 'ay tas 'oj yac' ganar 'a spatic?
8¿Tom 'oj stac' eya'n e b'a yuj Dios, yic tzcob' eya'lnoc e colni?
9Palta q'uinloc tzex sb'eyc'ojlej Dios, ¿tas 'oj eyutc e b'a? ¿tom 'oj stac' eyixtn paxti 'icha tzeyutj junc 'anma'?
10Wach'xam c'ultac tzeya'ch e b'a yet' Dios, palta 'oj ex stumc wal si'mb'il.
11A Dios caw niwn yel'chi, yujn̈ej smay ax eyib'x yuj xiwlal.
12A jun tzo'n̈ cuynb'il yic eb' qui mam quicham 'in a tze c'anlb'ej, a jun tzo'n̈ cha may yopiso, lajn 'icha q'uen stan̈il c'ac'; lajn pax 'icha to lum tzca'ch smuroalc qui chon̈ab'.
13A ticnec sictac tzex 'aji, to 'oj in paxtini, toxn̈ej tzcot 'a wib'n̈ yuj tas 'oj wal tic.
14¿Tas wal tzwac' ganar tzcob' in colnc 'el in q'uinal? Yel xo wach' tzwac' in b'a 'a yol sc'ab' jun 'ay smay.
15Wach'xam yuj cha tzin smiln cham Dios, palta 'oj wa'chn̈ej Dios yipc in c'ojol, 'oj in col in b'a 'a yojltac.
16Lemb'il pax ata 'oj wac' ganar in colnb'il, yujto a junc maysch'olnil snab'en, matz te'wtzej sb'a sc'och 'a yojltac Dios.
17Tzcham wal e maclni eyab' tas 'oj wala', sec 'oj eyab' wal si'mb'il.
18A ticnec, tox xin na'a tas tzwutj in coln in b'a, yujto wojtac to wach' 'oj wel'chi.
19Toto 'ay mach tzalni to caw 'ay in mul, wach' cab' tzin 'och wan walni, tztac' cab' in cham b'i'an.
20Ach in Diosal, cojn chab' tas tzin c'an 'ayach, 'ixta to b'i'an tztac' in c'och 'a ojltac.
21'Actj a'n 'och in yailal, tzactn in a xib'tn yet' tas caw 'ay smay.
22'Awjan̈ 'ayin, 'oj in ta'w 'ayach; mto an tzin b'ab'l 'awj 'ayach, ta'wan̈ pax 'ayin.
23Al 'ayin 'ajtil xlaj 'och in mul, 'ajtil 'ay tas tu xwutej. 'Ajtil 'ay chi 'aj in 'ec' 'a yib'an̈.
24¿Tas yuj tza c'ub'j 'el a b'a 'ayin? ¿Tas yuj 'icha junc 'ajc'ojol, 'ixta tzin otej?
25Lajn in 'icha junc xilte tz'at yuj 'ic', mto 'icha junc te tacn̈ 'ac, yuj cha, ¿tas yuj tzin a xib'tej? ¿tas yuj an̈ja in a pechn b'eyc'oc?
26Caw wal ya tas tzal 'ayn tzwab'i, tza c'anb'n cot 'ayin, 'aj xlaj 'och in paltail 'a yic quelm in 'unin.
27Xa'n 'ajxc 'och q'uen cadena 'a woc, q'ueln ach 'och 'ayin 'aj tzin laj 'eq'ui, checln̈ej 'aj wach' wec' o'oj.
28A 'in niwnal tic, wan sjuw 'icha junc pichl 'ayx 'och yijal; mto 'icha junc tas wan xo sc'a'i.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.