1 S 13
13
'Ochnc owl yet' eb' filisteo
1Caw te'n xo sq'uinl Saúl yic x'och reyl 'a chon̈b' Israel, ax 'a yic 'ayx 'och 'a schab'l ab'il yoch reyal,#1 S 13.1 Caw wal matz nachj 'el jun versículo tic cuj 'a hebreo. 'Icha wal to 'ix sat jun tzo'n̈ número smoj scheclji. 2'ix si'n 'elt 'oxe mil eb' winac yic tz'och eb' soldadoil 'a scal eb' yit chon̈ab'. Chab' mil eb' xcancn yet' 'a Micmas 'a lum jolmctac witz yic Betel, ax jun mil eb' xcan 'a Gabaa 'a yol yic Benjamín. Ax win Jonatán win yunnal Saúl, a win tz'a'n mandar eb'. Ax jun tzo'n̈ xo eb' xcani, 'ix checx meltzjoc junjn eb' yuj Saúl 'a yatut. 3Ax Jonatán 'ix smil jun c'aj eb' soldado filisteo 'a Gabaa. A eb' filisteo cha', 'ix yab' sb'a eb' yuj jun cha. Yuj cha, yajn̈ej xya'n win Saúl 'utz'xoc q'uen trompeta 'a smasnil yol yic israel, yic tzyamn sb'a eb' soldado smasnil.
4Smasnil eb' israel 'ix yab' eb', chajtlto 'ix satx 'el jun c'aj eb' soldado filisteo yuj win Saúl. Yuj cha caw 'ix cot yowl eb' filisteo 'a eb' israel. Ax eb' israel cha, 'ix syamn sb'a eb' yet' win Saúl 'a Gilgal. 5'Ix syamn pax sb'a eb' filisteo yic tzya'n eb' owl yet' eb'. 'Ay lajn̈schawinc mil scaruaje eb' yic owal, waque mil eb' winc 'ay q'ue 'a yib'n̈ chej, niwnto pax eb' tzb'ey 'a yoc. 'Icha wal yarenail sti a mar, 'ixta eb'. 'Ix cot eb' axta sb'o eb' scamplamento 'a Micmas 'a stojlal 'aj tzq'uel c'u 'a Bet-avén.
6A yic xyiln eb' israel to matz techj yuj eb' 'a eb' filisteo, caw x'och xiwc'ojlal 'a scal eb'. 'Ix 'at eb' sc'ub'c 'el sb'a 'a yoltc n̈aq'ue'en, 'a yoltc xab', 'a sat q'ue'en, 'a slot'l tenam yet' 'a yoltc ch'olan. 7'Ay pax eb' xc'axw 'ec' 'a a niwn a Jordán, 'ix c'och eb' 'a lum Gad yet' 'a lum Galaad, palta ax Saúl, an̈ja 'ayt 'ec' 'a lum Gilgal. A smasnil eb' soldado ajun yet'oc, caw tz'ib'x eb' yuj xiwlal. 8Ax Saúl 'ix can 'a Gilgal uque c'u yic tztan̈wni sc'och win Samuel, yujto 'ixta yaj yaln can win 'a 'a. Palta ax x'aji, ma'ix c'och win Samuel cha, yuj cha, 'ix laj syamn 'och spax eb' soldado win rey cha. 9Yuj cha, 'ix yaln Saúl 'ixtic:
—'Ijec cot no xajmb'al 'oj 'ajxoc tz'a'oc, yet' no xajmb'al yic junc'ojlal, xchi.
Xlajw cha, xya'n tz'a win no xajmb'al cha.
10At wal cha, 'ix c'och Samuel. Yuj cha, 'ix 'elt Saúl scha winac, yic tzya'n stzatzl sc'ojol. 11Palta xyaln Samuel 'ixtc 'a 'a:
—¿Tas wal xa b'o'o? xchi.
—Yujto xwila wan laj s'at eb' soldado 'elc 'a in tz'ey, ach xo tic matz ach jaw 'icha yaj aln can sc'ual, ax eb' filisteo tox 'ix syam sb'a eb' 'a Micmas, 12yuj cha, 'ix in nani toq'ue tz'eml eb' yac' owl wet' 'a Gilgal tic, an xo mantzac wac' 'ab'enal in b'a 'a yol sc'ab' Jehová. Yuj cha, 'ix wa'n pural wa'n tz'a no xajmb'al tic, xchi Saúl cha.
13Yuj cha, xyaln Samuel 'a Saúl 'ixtic:
—¡Yuj a man̈ nab'enal 'ix a b'on jun tic! Ma'ix a yiclj tas xyal Jehová qui Diosalec 'ayach. Al to ma'ay, ach ya'cn 'och Jehová reyl 'a scal eb' quit israelal tic 'a jun 'ejmn̈ej. 14Al ticnec, man̈ najtloc 'oj ac' reyal. A Jehová 'oj saync junc xo mach to tzyiclj tas tzyala, a 'oj ya'ch yajlil a jeloc, yujto ma'ix a yiclj tas tzyal schecnb'il, xchi. 15Xlajw cha, 'ix 'elx Samuel 'a Gilgal, 'ix c'ochx can 'a Gabaa 'a yol yic Benjamín. Ax Saúl 'ix sb'isn eb' soldado ajun yet' cha, 'aym waque'oc ciente eb' 'a smasnil. 16Ajun pax jun yunnal yet'oc, atn win Jonatán, yet' pax eb' soldado cha, 'ix 'atcn eb' 'a Gabaa 'a yol yic Benjamín, palta ax eb' filisteo ata 'ay scamplamento eb' 'a Micmas. 17'Oxmacn̈ xyutj 'el sb'a eb' filisteo cha, yic tz'at yi'nc 'ec' eb' tas 'ay 'a eb' israel, jun macn̈ eb' x'atcn 'a Ofrá 'a yol yic Sual, 18ax jun macn̈ xo eb' x'atcn 'a Bet-horón; ax eb' yic yoxmacn̈il, 'ix 'atcn eb' 'a lum span̈nil yic Zeboim, 'a 'aj tz'el yich lum cusltac lu'um.
19A 'a smasnil yol yic chon̈b' Israel, may xon junc eb' tzb'on q'uen hierro 'ay ta', yujto yaljnac eb' filisteo 'ixtic: May cab' junc eb' hebreo tic tztac' sb'on q'uen espada, mto q'uen lanza, xchi eb'. 20A smasnil eb' israel, a yic tz'ec' ye jun tzo'n̈ sq'uen yamc'ab' eb', yowlal tz'at eb' 'a eb' filisteo yic tzn̈icx q'ue pax ye syamc'ab' eb' cha, 'icha q'uen arado, q'uen 'azaron, q'uen ch'acab', yet' q'uen jos. 21A stojl sn̈icnb'il q'ue ye q'uen arado chi yet' q'uen 'azaron yuj eb' filisteo cha, chab' q'uen cotc tumn plata tzc'an eb', ax yuj q'uen ch'acab' yet' yuj pax q'uen tztecx 'och 'a no wacax yic tzb'eyx no', jun q'uen yune tumn plata tzc'an eb'. 22Yuj cha, cojn Saúl yet' Jonatán, cojn eb' yet' slanza yet' yespada, ax eb' soldado ajun yet' eb', may yic eb'.
Ya'jnac ganar Jonatán owl 'a Micmas
23Ax eb' filisteo cha, xya'ch eb' smacmal jun b'e lot'n sat tz'ec' 'a sch'olnal Micmas.
Currently Selected:
1 S 13: CSS
Highlight
Share
Compare
Copy
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.
1 S 13
13
'Ochnc owl yet' eb' filisteo
1Caw te'n xo sq'uinl Saúl yic x'och reyl 'a chon̈b' Israel, ax 'a yic 'ayx 'och 'a schab'l ab'il yoch reyal,#1 S 13.1 Caw wal matz nachj 'el jun versículo tic cuj 'a hebreo. 'Icha wal to 'ix sat jun tzo'n̈ número smoj scheclji. 2'ix si'n 'elt 'oxe mil eb' winac yic tz'och eb' soldadoil 'a scal eb' yit chon̈ab'. Chab' mil eb' xcancn yet' 'a Micmas 'a lum jolmctac witz yic Betel, ax jun mil eb' xcan 'a Gabaa 'a yol yic Benjamín. Ax win Jonatán win yunnal Saúl, a win tz'a'n mandar eb'. Ax jun tzo'n̈ xo eb' xcani, 'ix checx meltzjoc junjn eb' yuj Saúl 'a yatut. 3Ax Jonatán 'ix smil jun c'aj eb' soldado filisteo 'a Gabaa. A eb' filisteo cha', 'ix yab' sb'a eb' yuj jun cha. Yuj cha, yajn̈ej xya'n win Saúl 'utz'xoc q'uen trompeta 'a smasnil yol yic israel, yic tzyamn sb'a eb' soldado smasnil.
4Smasnil eb' israel 'ix yab' eb', chajtlto 'ix satx 'el jun c'aj eb' soldado filisteo yuj win Saúl. Yuj cha caw 'ix cot yowl eb' filisteo 'a eb' israel. Ax eb' israel cha, 'ix syamn sb'a eb' yet' win Saúl 'a Gilgal. 5'Ix syamn pax sb'a eb' filisteo yic tzya'n eb' owl yet' eb'. 'Ay lajn̈schawinc mil scaruaje eb' yic owal, waque mil eb' winc 'ay q'ue 'a yib'n̈ chej, niwnto pax eb' tzb'ey 'a yoc. 'Icha wal yarenail sti a mar, 'ixta eb'. 'Ix cot eb' axta sb'o eb' scamplamento 'a Micmas 'a stojlal 'aj tzq'uel c'u 'a Bet-avén.
6A yic xyiln eb' israel to matz techj yuj eb' 'a eb' filisteo, caw x'och xiwc'ojlal 'a scal eb'. 'Ix 'at eb' sc'ub'c 'el sb'a 'a yoltc n̈aq'ue'en, 'a yoltc xab', 'a sat q'ue'en, 'a slot'l tenam yet' 'a yoltc ch'olan. 7'Ay pax eb' xc'axw 'ec' 'a a niwn a Jordán, 'ix c'och eb' 'a lum Gad yet' 'a lum Galaad, palta ax Saúl, an̈ja 'ayt 'ec' 'a lum Gilgal. A smasnil eb' soldado ajun yet'oc, caw tz'ib'x eb' yuj xiwlal. 8Ax Saúl 'ix can 'a Gilgal uque c'u yic tztan̈wni sc'och win Samuel, yujto 'ixta yaj yaln can win 'a 'a. Palta ax x'aji, ma'ix c'och win Samuel cha, yuj cha, 'ix laj syamn 'och spax eb' soldado win rey cha. 9Yuj cha, 'ix yaln Saúl 'ixtic:
—'Ijec cot no xajmb'al 'oj 'ajxoc tz'a'oc, yet' no xajmb'al yic junc'ojlal, xchi.
Xlajw cha, xya'n tz'a win no xajmb'al cha.
10At wal cha, 'ix c'och Samuel. Yuj cha, 'ix 'elt Saúl scha winac, yic tzya'n stzatzl sc'ojol. 11Palta xyaln Samuel 'ixtc 'a 'a:
—¿Tas wal xa b'o'o? xchi.
—Yujto xwila wan laj s'at eb' soldado 'elc 'a in tz'ey, ach xo tic matz ach jaw 'icha yaj aln can sc'ual, ax eb' filisteo tox 'ix syam sb'a eb' 'a Micmas, 12yuj cha, 'ix in nani toq'ue tz'eml eb' yac' owl wet' 'a Gilgal tic, an xo mantzac wac' 'ab'enal in b'a 'a yol sc'ab' Jehová. Yuj cha, 'ix wa'n pural wa'n tz'a no xajmb'al tic, xchi Saúl cha.
13Yuj cha, xyaln Samuel 'a Saúl 'ixtic:
—¡Yuj a man̈ nab'enal 'ix a b'on jun tic! Ma'ix a yiclj tas xyal Jehová qui Diosalec 'ayach. Al to ma'ay, ach ya'cn 'och Jehová reyl 'a scal eb' quit israelal tic 'a jun 'ejmn̈ej. 14Al ticnec, man̈ najtloc 'oj ac' reyal. A Jehová 'oj saync junc xo mach to tzyiclj tas tzyala, a 'oj ya'ch yajlil a jeloc, yujto ma'ix a yiclj tas tzyal schecnb'il, xchi. 15Xlajw cha, 'ix 'elx Samuel 'a Gilgal, 'ix c'ochx can 'a Gabaa 'a yol yic Benjamín. Ax Saúl 'ix sb'isn eb' soldado ajun yet' cha, 'aym waque'oc ciente eb' 'a smasnil. 16Ajun pax jun yunnal yet'oc, atn win Jonatán, yet' pax eb' soldado cha, 'ix 'atcn eb' 'a Gabaa 'a yol yic Benjamín, palta ax eb' filisteo ata 'ay scamplamento eb' 'a Micmas. 17'Oxmacn̈ xyutj 'el sb'a eb' filisteo cha, yic tz'at yi'nc 'ec' eb' tas 'ay 'a eb' israel, jun macn̈ eb' x'atcn 'a Ofrá 'a yol yic Sual, 18ax jun macn̈ xo eb' x'atcn 'a Bet-horón; ax eb' yic yoxmacn̈il, 'ix 'atcn eb' 'a lum span̈nil yic Zeboim, 'a 'aj tz'el yich lum cusltac lu'um.
19A 'a smasnil yol yic chon̈b' Israel, may xon junc eb' tzb'on q'uen hierro 'ay ta', yujto yaljnac eb' filisteo 'ixtic: May cab' junc eb' hebreo tic tztac' sb'on q'uen espada, mto q'uen lanza, xchi eb'. 20A smasnil eb' israel, a yic tz'ec' ye jun tzo'n̈ sq'uen yamc'ab' eb', yowlal tz'at eb' 'a eb' filisteo yic tzn̈icx q'ue pax ye syamc'ab' eb' cha, 'icha q'uen arado, q'uen 'azaron, q'uen ch'acab', yet' q'uen jos. 21A stojl sn̈icnb'il q'ue ye q'uen arado chi yet' q'uen 'azaron yuj eb' filisteo cha, chab' q'uen cotc tumn plata tzc'an eb', ax yuj q'uen ch'acab' yet' yuj pax q'uen tztecx 'och 'a no wacax yic tzb'eyx no', jun q'uen yune tumn plata tzc'an eb'. 22Yuj cha, cojn Saúl yet' Jonatán, cojn eb' yet' slanza yet' yespada, ax eb' soldado ajun yet' eb', may yic eb'.
Ya'jnac ganar Jonatán owl 'a Micmas
23Ax eb' filisteo cha, xya'ch eb' smacmal jun b'e lot'n sat tz'ec' 'a sch'olnal Micmas.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.