1 S 12
12
Xya'cn Samuel yopiso 'a Saúl
1'Ix yaln Samuel 'ixtc 'a smasnil eb' chon̈b' cha:
—An tic, 'ix in b'o smasnil tas xe c'an 'ayin, yuj cha, xwa'n can 'och jun e reyl tic. 2A ticnec, yaj win e reyl tic 'oj eyi'nb'eyoc. An tic caw 'ichm in xo, caw sacx in jolom, palta a eb' wunnal 'ayc' eb' eyet'oc. An tic ex wijb'eyoc, 'a yictax quelm in masnto 'a jun c'u tic. 3A ticnec waj 'a yojltac Jehová, yet' 'a yojltac jun rey si'ch qui reyloc tic. Alc b'i'an toto 'ay mach xwixtej, mto 'ay 'aj xwij 'ec' swacax, mto sb'uru, mto 'ay 'aj x'och in mul 'a 'a, mto 'ay 'aj in chajnac q'uen c'ultac tumn 'a junc mach. Toto 'ixta', tztac' in tojn can 'a ticnec, xchi Samuel cha.
4Yuj cha, xyaln eb' chon̈b' chi 'ixtic: May jun 'ejmoc x'och a mul 'ayn̈ on̈, may 'aj on̈ extej, may pax 'ajtil a chajnac q'uen c'ultac tumn 'ayon̈, xchi eb'.
5A Jehová yet' win xya'cn 'och qui reyloc tic, a tz'ochcn e testigooc 'a jun c'u tic, chajtlto may in mul x'ilchj eyu'uj, xchi Samuel.
—'Ixtnta', xchi eb' chon̈b' cha.
6Yuj cha, xyaln pax Samuel 'ixtc 'a smasnil eb' chon̈b' cha:
—A Jehová a si'n 'och Moisés, yet' Aarón yic yi'n 'elt eb' qui mam quichmec 'a lum Egipto. 7A ticnec jun, sictac tzex 'aji, tze maclni eyab' tas 'oj wal 'ayx 'a yojltac Jehová, yuj smasnil tas wach' sb'ojnac cujec, yuj pax eb' qui mam quichmec. 8A yic xc'och Jacob yet' eb' yunnal 'a Egipto, caw x'ixtx eb' yuj eb' 'aj lugar cha, yuj cha, xyaln sb'a eb' 'a Jehová. Ax Jehová schecn 'at Moisés yet' Aarón, ax eb' x'i'n 'elt eb' qui mam quichmec chi 'a Egipto, ax 'a tic xjaw cajn eb' yu'uj. 9Palta 'ix 'at satc'ojlal Jehová qui Diosalec yuj eb'. Yuj cha, jab'jb' scal tz'ajx 'och eb' 'a yol sc'ab' eb' 'ajc'ojol. 'Ay jun tiempoal x'ajx eb' 'a yol sc'ab' win Sísara win yajl yaj 'a eb' soldado 'a chon̈b' Hazor, an̈jtona x'ajx pax eb' 'a yol sc'ab' eb' filisteo yet' pax 'a yol sc'ab' win sreyl Moab. Junjn c'aj eb' tic xyac' eb' owl yet' eb' israel. 10Yuj cha, 'a junjn 'ejem, xyaln sb'a eb' qui mam quichmec 'a Jehová, xyaln eb' 'ixtic: Caw wal 'ix 'och qui mul on̈, yujto ach cactjcan ach Jehová, ax jun tzo'n̈ comn dios yechl Baal yet' Astarté, a 'ix ca' servil. A ticnec, coln̈ 'elt 'a yol sc'ab' eb' 'ajc'ojl yajch 'ayon̈, cojxn̈ej 'aych 'oj ca' servil, xchi eb'.
11Yuj cha, xya'n cob' Jehová jaywn̈ eb' coljnac 'el eb' qui mam quichmec 'a yol sc'ab' eb' 'ajc'ojl cha. 'Ix jaw win Jerobaal, junx tiempoal 'ix jaw win Barac, junx tiempoal win Jefté, xlajw cha, in jaw an tic sec tzon̈ canc 'a junc'ojlal. 12A yic xeyilni to tzjaw win Nahas sreyl eb' amonita yac' owl eyet'oc, xe c'ann jun rey 'ayin, yic tz'och yajlil 'a qui calec. Tic pax to a Jehová qui Diosalec, a qui reylec yaji. 13A ticnec, yaj jun e reyl tic e c'anjnac cha, a Jehová x'a'n 'och win reyl 'a quib'n̈ec. 14Toto yiclum 'oj eyutc e b'a 'a Jehová, ax eya'n servil, toto 'oj e cha eyab' tas 'oj yala', man̈ pitc 'oj eyutc e b'a 'a spaxti'. Toto ax tic yet' pax jun e reyl tic, 'oj eyac' servil Jehová qui Diosalec, toto 'ixta', wach' 'oj e b'ey 'a eyojltac. 15Palta toto ma'oj e cha eyab' tas 'oj yal Jehová, toto pit 'oj eyutc e b'a 'a schecnb'il, to 'ixta', 'oj ya' cot yailal 'a eyib'an̈, 'icha ya'jnac yet' eb' qui mam quichmec.
16A ticnec qui tan̈wquec tas satjub'tac 'oj sch'ox Jehová quilec. 17A ticnec stiempoal spolx 'ixm trigo, man̈ stiempoalc ya'n n̈ab'. Palta 'oj in c'an 'a Jehová, ax 'oj 'a'nc c'an̈ c'u, ax ya'n cot jun niwquil n̈ab' sec 'oj nachjoc 'el eyu'uj, chajtlto caw tu tas xe b'o 'a sat Jehová yic xe c'ann jun e reyl tic, xchi.
18Xlajw cha, xtew Samuel 'a Jehová, yajn̈j wal cha, xc'an̈ c'u, xcot n̈ab'. Ax smasnil eb' chon̈ab', caw xiw eb' 'a Jehová yet' 'a Samuel. 19Yuj cha, xyaln smasnil eb' chon̈b' chi 'ixtic:
—C'an 'a Jehová qui Diosalec cu'uj sec matz on̈ chamec, yujto caw 'ix niwtj qui mulec yic xqui c'annec jun qui reylec tic, xchi eb'.
20'Ix ta'w Samuel 'a eb' chon̈b' chi 'ixtic:
—Man̈ ex xiwoc, ax tic caw wal x'och e mul si'mb'il, palta ax ticnec, man̈x eyi'l e b'a 'a stz'ey Jehová, to tzeyac' servil wal yet' smasnil e c'ojol. 21Man̈ ex 'och tza'n yuj jun tzo'n̈ comn dios may jac yel'chi, matz tac' scolwj eyet'oc, matz tac' ex scoln paxi. 22Yujto a Jehová ma'oj ex yactc can e ch'ocoj, sec matz alx tu paxti 'a spatquil, yujto tznib'j to tzex 'och schon̈b'oc. 23Colwj cab'n̈ej Jehová wet'oc sec tzin leslwin̈ej eyu'uj yic matz 'och in mul 'a 'a. 'Oj ex in cuy 'a tas yel yet' 'a tas tojol. 24Cojnto tzex xiw 'a Jehová, tzeya'n servil wal yet' smasnil e c'ojol, tze nan coti, jantc tas wach' 'ix sb'o cujec. 25Palta toto 'oj eyamx 'och e b'on tas tu', toto 'ixta', ax tic yet' jun qui reyl tic 'oj e satx'eli, xchi 'a eb'.
Currently Selected:
1 S 12: CSS
Highlight
Share
Compare
Copy
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.
1 S 12
12
Xya'cn Samuel yopiso 'a Saúl
1'Ix yaln Samuel 'ixtc 'a smasnil eb' chon̈b' cha:
—An tic, 'ix in b'o smasnil tas xe c'an 'ayin, yuj cha, xwa'n can 'och jun e reyl tic. 2A ticnec, yaj win e reyl tic 'oj eyi'nb'eyoc. An tic caw 'ichm in xo, caw sacx in jolom, palta a eb' wunnal 'ayc' eb' eyet'oc. An tic ex wijb'eyoc, 'a yictax quelm in masnto 'a jun c'u tic. 3A ticnec waj 'a yojltac Jehová, yet' 'a yojltac jun rey si'ch qui reyloc tic. Alc b'i'an toto 'ay mach xwixtej, mto 'ay 'aj xwij 'ec' swacax, mto sb'uru, mto 'ay 'aj x'och in mul 'a 'a, mto 'ay 'aj in chajnac q'uen c'ultac tumn 'a junc mach. Toto 'ixta', tztac' in tojn can 'a ticnec, xchi Samuel cha.
4Yuj cha, xyaln eb' chon̈b' chi 'ixtic: May jun 'ejmoc x'och a mul 'ayn̈ on̈, may 'aj on̈ extej, may pax 'ajtil a chajnac q'uen c'ultac tumn 'ayon̈, xchi eb'.
5A Jehová yet' win xya'cn 'och qui reyloc tic, a tz'ochcn e testigooc 'a jun c'u tic, chajtlto may in mul x'ilchj eyu'uj, xchi Samuel.
—'Ixtnta', xchi eb' chon̈b' cha.
6Yuj cha, xyaln pax Samuel 'ixtc 'a smasnil eb' chon̈b' cha:
—A Jehová a si'n 'och Moisés, yet' Aarón yic yi'n 'elt eb' qui mam quichmec 'a lum Egipto. 7A ticnec jun, sictac tzex 'aji, tze maclni eyab' tas 'oj wal 'ayx 'a yojltac Jehová, yuj smasnil tas wach' sb'ojnac cujec, yuj pax eb' qui mam quichmec. 8A yic xc'och Jacob yet' eb' yunnal 'a Egipto, caw x'ixtx eb' yuj eb' 'aj lugar cha, yuj cha, xyaln sb'a eb' 'a Jehová. Ax Jehová schecn 'at Moisés yet' Aarón, ax eb' x'i'n 'elt eb' qui mam quichmec chi 'a Egipto, ax 'a tic xjaw cajn eb' yu'uj. 9Palta 'ix 'at satc'ojlal Jehová qui Diosalec yuj eb'. Yuj cha, jab'jb' scal tz'ajx 'och eb' 'a yol sc'ab' eb' 'ajc'ojol. 'Ay jun tiempoal x'ajx eb' 'a yol sc'ab' win Sísara win yajl yaj 'a eb' soldado 'a chon̈b' Hazor, an̈jtona x'ajx pax eb' 'a yol sc'ab' eb' filisteo yet' pax 'a yol sc'ab' win sreyl Moab. Junjn c'aj eb' tic xyac' eb' owl yet' eb' israel. 10Yuj cha, 'a junjn 'ejem, xyaln sb'a eb' qui mam quichmec 'a Jehová, xyaln eb' 'ixtic: Caw wal 'ix 'och qui mul on̈, yujto ach cactjcan ach Jehová, ax jun tzo'n̈ comn dios yechl Baal yet' Astarté, a 'ix ca' servil. A ticnec, coln̈ 'elt 'a yol sc'ab' eb' 'ajc'ojl yajch 'ayon̈, cojxn̈ej 'aych 'oj ca' servil, xchi eb'.
11Yuj cha, xya'n cob' Jehová jaywn̈ eb' coljnac 'el eb' qui mam quichmec 'a yol sc'ab' eb' 'ajc'ojl cha. 'Ix jaw win Jerobaal, junx tiempoal 'ix jaw win Barac, junx tiempoal win Jefté, xlajw cha, in jaw an tic sec tzon̈ canc 'a junc'ojlal. 12A yic xeyilni to tzjaw win Nahas sreyl eb' amonita yac' owl eyet'oc, xe c'ann jun rey 'ayin, yic tz'och yajlil 'a qui calec. Tic pax to a Jehová qui Diosalec, a qui reylec yaji. 13A ticnec, yaj jun e reyl tic e c'anjnac cha, a Jehová x'a'n 'och win reyl 'a quib'n̈ec. 14Toto yiclum 'oj eyutc e b'a 'a Jehová, ax eya'n servil, toto 'oj e cha eyab' tas 'oj yala', man̈ pitc 'oj eyutc e b'a 'a spaxti'. Toto ax tic yet' pax jun e reyl tic, 'oj eyac' servil Jehová qui Diosalec, toto 'ixta', wach' 'oj e b'ey 'a eyojltac. 15Palta toto ma'oj e cha eyab' tas 'oj yal Jehová, toto pit 'oj eyutc e b'a 'a schecnb'il, to 'ixta', 'oj ya' cot yailal 'a eyib'an̈, 'icha ya'jnac yet' eb' qui mam quichmec.
16A ticnec qui tan̈wquec tas satjub'tac 'oj sch'ox Jehová quilec. 17A ticnec stiempoal spolx 'ixm trigo, man̈ stiempoalc ya'n n̈ab'. Palta 'oj in c'an 'a Jehová, ax 'oj 'a'nc c'an̈ c'u, ax ya'n cot jun niwquil n̈ab' sec 'oj nachjoc 'el eyu'uj, chajtlto caw tu tas xe b'o 'a sat Jehová yic xe c'ann jun e reyl tic, xchi.
18Xlajw cha, xtew Samuel 'a Jehová, yajn̈j wal cha, xc'an̈ c'u, xcot n̈ab'. Ax smasnil eb' chon̈ab', caw xiw eb' 'a Jehová yet' 'a Samuel. 19Yuj cha, xyaln smasnil eb' chon̈b' chi 'ixtic:
—C'an 'a Jehová qui Diosalec cu'uj sec matz on̈ chamec, yujto caw 'ix niwtj qui mulec yic xqui c'annec jun qui reylec tic, xchi eb'.
20'Ix ta'w Samuel 'a eb' chon̈b' chi 'ixtic:
—Man̈ ex xiwoc, ax tic caw wal x'och e mul si'mb'il, palta ax ticnec, man̈x eyi'l e b'a 'a stz'ey Jehová, to tzeyac' servil wal yet' smasnil e c'ojol. 21Man̈ ex 'och tza'n yuj jun tzo'n̈ comn dios may jac yel'chi, matz tac' scolwj eyet'oc, matz tac' ex scoln paxi. 22Yujto a Jehová ma'oj ex yactc can e ch'ocoj, sec matz alx tu paxti 'a spatquil, yujto tznib'j to tzex 'och schon̈b'oc. 23Colwj cab'n̈ej Jehová wet'oc sec tzin leslwin̈ej eyu'uj yic matz 'och in mul 'a 'a. 'Oj ex in cuy 'a tas yel yet' 'a tas tojol. 24Cojnto tzex xiw 'a Jehová, tzeya'n servil wal yet' smasnil e c'ojol, tze nan coti, jantc tas wach' 'ix sb'o cujec. 25Palta toto 'oj eyamx 'och e b'on tas tu', toto 'ixta', ax tic yet' jun qui reyl tic 'oj e satx'eli, xchi 'a eb'.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.