Zac 2
2
A jun winak ibil oc jun tx'an cuerda yuj
1Max wilon paxok, tol ay jun mac ibil oc jun tx'an cuerda yuj. 2Max in k'anlen bay: ¿Baytal chach toji? quin chi. Max yalon ayin axca ti': Tol chin toj wechej conob Jerusalén, yet chi nachaj elok, jantak is k'atil, c'al jantak is sat, ẍi.
3Yuj tu xin, max wilon toj jun ángel maxax k'anjab wetok tu'; ay junxa ángel max eltek ul chaoni, a' max alon bay: 4Asi' yin aymanil, al bay jun ach'ej tu', tol ok cajay eb anima bay Jerusalén junelxa, cax yelxac'al ok aj can bisil mac ok cajay bay; yelxac'al ok aj c'apax can is jobbejal no' eb, tol manxa ok je' yoc murallail conob. 5Palta a wal caw Jehová chi aloni, tol a' ok oc oyan yinlak Jerusalén, axca junok k'ak'ej yuj coloni, axca junok muralla; axa bay nan xol conob tu', a tu' ok tx'ox is mayk'ak'al, cachi, ẍi cham ángel.
A Jehová ok colil is conob
6-7A wal Jehová chi alon axca ti': Ayin max ex wak' saklemtok bay masanil yulyibank'inal. Palta a tinani' xin, chi wal ayex axca ti': Elanek yin aymanil bay norte, cax elanek aj bay Babilonia, bay ayex ec' yin mosejal, ex aj Sión, ẍi Jehová.
8-9A wal caw Jehová Cham Yajaw yin Masanil, max in chekontek wal juntzan k'anej ti' bay juntzan nacionlak max ex uchon saklem ayex ti'. Chi yalon Cham axca ti': Tzanc'al mactxel chi low k'ab yin jun in conob ti', axca wal tol yin neneal in bak' sat chi low k'ab. Yuj wal tu', ayin ok wak' owal yetok juntzan nación tu', cax ayin ok in chek eb ayoc is mosook eb tu'. A eb ok uchon lajwok eb, ẍi Cham. Axca wal tu' ok yun tx'oxon ba is tzekekial Jehová, axca c'apax tu' ok yun nachaj el e yuj, tol a Cham max in chekontek.
10A wal caw Jehová chi alon axca ti': Bitnanek yin tzalojc'ulalil ex aj Sión, yujtol ok in jay cajan e xol, ẍi Cham. 11A yet ok yunen jun ti', xiwil nacionlak ok jayoc bay Jehová, cax ok oc is conobok. Axa cajayxac'al ec' Cham e xol tu'. Caytu' ok yun nachaj el e yuj, tol a ton wal Jehová, Cham Yajaw yin Masanil max in chekontek ayex. 12A Jehová ok sataknej Judá junelxa bay sat tx'otx' tx'otx' tol yet Cham yayji ocok, cax ok sic'on c'apax el conob Jerusalén. 13Numayokab masanil anima bay yulyibank'inal satak Jehová, yujtol chi jay Cham, petojtac'al bay is cajlobal tol yet yayji bay satcan.
Currently Selected:
Zac 2: ATBYK89
Highlight
Share
Copy
Want to have your highlights saved across all your devices? Sign up or sign in
Kanjobal (Q’anjob’al) © Sociedad Bíblica de Guatemala 1989